كلمات صوتك تباطيته || عبدالرحمن البريكي ||



جر ياحمد صوتك اللي جال في صدري
صوتي مع الوقت والأيام مليته
وصل سلامي على اللي باعني عبري
وقله ترا الشوق فاضحني وحييته

والعذر منه ترا شعري طلع جبري
واني على هقوته مايوم ذميته
هو يدري اني عزيز النفس من عمري
وان العمر ماوقف لو غاب عن بيته

ماهنت قدره ولاهو هان في قدري
بالعكس حبيت عمري يوم لاقيته
كان اجمل انسان واول حب من صغري
وقيس الملوح على حبي تحديته

لوكان للحين مثل اللي على خبري
صرت اتندم واقول اني تحاشيته
راح وتركني بلا ذنبن ولا عذري
والبن فاح الغياب اللي تقهويته

صرت ابدع القاف وازخرف له بشعري
ياكم رجال بالشيلات ... بكيته
والحين من راح كنه حافرن قبري
وانا بعيني اناظر له وخليته

شطرن سبقني عليه انسان من بدري
لاهنت..لمحمد الصواغ ....غنيته
انا اتحداه لو حبه يجي كثري
(انا اول انسان صارحته وحبيته)

من عقب كل الجفا منه خلص حبري
هو صد عني وصده ماتمنيته
جر ياحمد صوتك اللي جال في صدري
صوتي مع الوقت والايام مليته
منقوول
 
روووووعه الأبيات ابداع
صح لسان الشاعر
انتقاء جميل ^^
تحياتي




اللهم صل على محمد وعلى اله الطيبين الطاهرين واصحابه رضوان الله عليهم اجمعين ️
 
روووووعه الأبيات ابداع
صح لسان الشاعر
انتقاء جميل ^^
تحياتي




اللهم صل على محمد وعلى اله الطيبين الطاهرين واصحابه رضوان الله عليهم اجمعين ️
تعطر المكان بهذه الإطلالة الراقيه (~
وأكتمل جمال طرحي بحضورك المتميز ..
شكرا على وجودك العذب ..
 
عودة
أعلى