تعرف فلانه

الشعر, قصيدة , شعراء, القصايد ارسال إلى Twitter ارسال إلى facebook
  1. نـآعمـه كالسحـآب
    03-12-2014, 12:23 AM

    تعرف فلانه

    تعرف فلانه




    يقول اعرف فلانه قالها ضمن ماقال
    الله يسود وجهه ان بار فيها

    ترا سواتك ماهي سوات رجال
    خل العلوم الشينه ولاتجيها

    حطيتها هرجه على كل منوال
    استر على ماشفت لاتبتليها

    مادامها معطيتك الحال والمال
    اتحبها والا لاتلعب عليها

    البنت تبغي طيب وافي خصال
    يحطها بعينه ولا يشتكيها

    ان افرحت غنى لها كل موال
    وان حزنت من ضيق فرج عليها

    واليا بكت وقف على ساق ثم قال
    تكفين مشي دمعتك ما ابيها

    وان نادته رده يا لبيش بالحال
    وان اعتزت به قال روحي خذيها

    تفداك روحي يا بعد كل الازوال
    ضحكة شفاتك بالحياة اشتريها

    لا مرطاري للمحبة والاقبال
    انا مايجذبني سوى بنت ابيها

    اللي مواقفها مواقيف رجال
    وتفزع معي قدام لا اعتزيها

    في عينها حربه وفي خدها خال
    محتكرة اوصاف الحلا كل ابيها

    فيها من الريم المعزل تعزال
    واقول غطي فتنتك واستريها

    مثل مايستر شعرها الاسود الشال
    استر عليها من العرب واحتويها

    كن عينها حر عقب طول مقيال
    طلعن وشاف الصيدة اللي يبيها

    وكن خشمها سيفا وسط ساحة قتال
    تقتل به الفرسان من ضرب ايديها

    وكن قدها شمعا على شعلته سال
    يعشق ديار البرد ويعيش فيها

    احبها واموت فيها ولا ازال
    لو روحي جروح الغلا تكتويها

    هي ساحرة قلبي وهي مشغلة بال
    وانا معاليقي فدا ناظريها

    اما اعشقها عشق وسلوم رجال
    والا يا جعل الله يستر عليها


    للشاعر المبدع .. حمد البريدي~
    منقوله ..

  2. sadeiq
    03-12-2014, 02:46 AM

    رد: تعرف فلانه

    تعرف فلانه


    حلوة كناشرها الله يعطيك العافية
  3. امجد [ 1356]
    03-12-2014, 07:22 AM

    تعرف فلانه

    تعرف فلانه


    يجب ان تصل رسالة الشاعر لكل الناس
    اعحبني اختيارك لانه يدل على اتزان شخصيتك
    وحسن تربيتك واخلاقك
  4. نـآعمـه كالسحـآب
    07-12-2014, 05:52 PM

    رد: تعرف فلانه

    تعرف فلانه


    المشاركة الأصلية كتبت بواسطة sadeiq
    حلوة كناشرها الله يعطيك العافية

    اسعدني تواجدك الجميل فى متصفحي
    زهور الياسمين لشخصك
  5. نـآعمـه كالسحـآب
    07-12-2014, 05:53 PM

    رد: تعرف فلانه

    تعرف فلانه


    المشاركة الأصلية كتبت بواسطة امجد 1356]
    يجب ان تصل رسالة الشاعر لكل الناس
    اعحبني اختيارك لانه يدل على اتزان شخصيتك
    وحسن تربيتك واخلاقك

    اسعدني تواجدك الجميل فى متصفحي
    زهور الياسمين لشخصك