البراقع ل سعيد بن مانع القحطاني

الشعر, قصيدة , شعراء, القصايد ارسال إلى Twitter ارسال إلى facebook
  1. نـآعمـه كالسحـآب
    17-11-2014, 06:00 PM

    البراقع لـ سعيد بن مانع القحطاني

    البراقع ل سعيد بن مانع القحطاني






    البراقع عمرها ماغطت القلب وحنينه
    والليالي عمرها ماغطت بروق السحايب ​






    يا كثر ما جر صوت القلب بلحون الغبينه
    وأنطرب دمعي وحول مع لحون القلب ذايب ​






    خيل الحظ وتركني يا الله انك لا تهينه
    للظروف القاسيه / والوقت / ويدين النشايب ​






    يا العيون الناعسه يا أم المراميش السنينه
    والله ان وقعك علي أشد من وقع الحدايب ​






    لا تصدين النظر عني وتبدين السكينه
    دامني اشوف في نظراتك أطراف اللهايب ​






    ماقدرتي يا الحزينه .. في الهوى لا تظهرينه
    دمعة المشتاق .. ماهي مثل دمعة عين تايب ​






    لاحت الذكرى بعيني - من لمحتك يالحزينه
    وأبتسم من حيرتي وأقول : يا دنيا العجايب ​






    كيف كنا نلتقي .... والسعد يرعانا بعينه؟
    وكيف صرنا نلتقي ... وإجروحنا حمرا عطايب ! ​






    أختلف وجه الزمن - وأشحب وعقد حاجبينه
    كنت اشوفك حاضر / وذا اليوم اشوفك بس !! غايب ​






    ما نسيت العهد الأول - لو بغيتي تنقضينه
    حافظه حفظ الحواجب للعيون وللهدايب ​






    تذكرين ايامنا والحب باقي تذكرينه؟
    والبراءه يوم نسأل بعض وش معنى مصايب؟ ​






    وطبعة السجاده برسمات مكه والمدينه
    وضحكنا وسط الركوع وهمسنا من خلف شايب ​






    والشغب والبرقع اللي تلبسينه قبل حينه
    يوم نضحك .! مادرينا انه لفرقانا سبايب ​






    لا تنسيك البراقع طاري الحب وسنينه
    غطوة للوجه ... ماهي غطوه لشوق الحبايب..​
    منقوووووووووله
  2. ~همسآإت ورديـهه~
    17-11-2014, 08:10 PM

    رد: البراقع لـ سعيد بن مانع القحطاني

    البراقع ل سعيد بن مانع القحطاني


    قصيدة راقية كرقي ذوقك
    صح لسان الشاعر ويمينك على نقلها
    بانتظار جديدك بكل شوق ..
    ودي وشذى الورد
  3. نـآعمـه كالسحـآب
    21-11-2014, 03:32 PM

    رد: البراقع لـ سعيد بن مانع القحطاني

    البراقع ل سعيد بن مانع القحطاني


    المشاركة الأصلية كتبت بواسطة س*اعشق ترابك*وريتي
    قصيدة راقية كرقي ذوقك
    صح لسان الشاعر ويمينك على نقلها
    بانتظار جديدك بكل شوق ..
    ودي وشذى الورد
    شكري الجزيل لك على مرورك الراقي
    كل التقدير
    :