.رواية خنقت الورد يا يمه وبيدي انكسر ذبلان..! /

رد: .رواية [[ خنقت الورد يآ يمه وبيدي انكسر ذبلآن]]..! /

الجزء الواحد الخمسون

بصمه
اثار قدميه
تتجه
.. إلى الأمام
واثار قدميها تتجه إلى الخلف
وتقصي الاثار يبوح بحكاية فراق
فمن هنا مرت امرأة
ومن هنا مر رجل
ومضى كلاهما في طريق
و .. انكسر شيء



كل ملامح الفرح اللي رسمتها بداخلي}~ اختفت....!

مر اخر اسبوع من رمضان بسرعة البرق ما حسينا فيه
شهر رمضان من أحلى الشهور عندي يمكن مو بس أنا كل المسلمين
أحلى شي لما نروح لمسجد في تورينو ونشوف المسلمين الايطاليين مجتمعين فيه
رجال ونساء حتى الاطفال وكبار السن
بس في هاللحظات أحس إني بنت مسلمه عربية عايشه بايطاليا وأفتخر بهالشي
وحدة الإسلام أقوى من أي وحدة في العالم
بسام خلص أوراق عبدالله وتاله في السفارة وملكوا فيها
بس إلى الان ما حصل شي على أساس سابع يوم من أيام العيد يصير فرحهم هو فرح وملكة بنفس الوقت
تاله تفكيرها غربي بحت مو معترفه بالملكة من الأساس
تبغا فرح على طول!!
انتبهت على ماما
حطت الصحن قدامي شرايك
أنا بإعجاب واو
صحن شوكلاته كبيييير يغلب عليه الذهبي والتركوزا ع الخفيف
مرا شكله حلوو ماما
ابتسمت وهي تحطه ع الطاولة
خالك بشير جابه قال ماحد يلمسه أبدا قبل العيد بس لين إذا تبي تاخذه تحطه بغرفتها بعد حلالها
ابتسمت يا قلبي عليه
صح رجع !
ماما وهي تعدل البراويز وتتأكد من تجهيزات العيد كلها اييه رجع
ونونا..
لفت علي بحذر وبهمس جلست جنبي لو عرف بسام أو لتين مو حلوه
جدتك بألمانيا
عقدت حواجبي بألمانيا!! بس بكره عيد بعدين وش قاعده تسوي بألمانيا
تنهدت وهي تعدل حلقها راحت لرويد ومؤيد
عضيت على شفتي شلون تسوي كذا؟؟
ما أدري تدرين ما حد يقدر يقولها شي
هزيت رجولي بنرفزة والله يا ماما ماحد مخرب رويد إلا جدتي وكل اللي صار بسبب مصاخته والدلع الزايد اللي عايش فيه
اففف ياربي نكد علي فرحة العيد بطاريه
مسحت ع شعري شلون بنخلي بسام ما يحس
ابتسمت بسخريه هه هذا إذا ما كان يعرف قبلي وقبلك بعد..



ما وحششني لييلة البارح سسوواك ،، كنهها من طوولها صاررت دهرر

تركت الفستان معلق ع الدولاب من برا ولفيت على فوني اللي رن
أخذته وانسدحت ع السرير
رقم غريب
رديت بعفويه
: تشاو
سمعت صوت رجال استغربت ورجعت شفت الرقم ورديت
بينفونوتي
: ما اتفقنا نتكلم مع كل ناس بلغتها
شهقت عبدالله!!
: بلحمه وعظمه
عضيت على شفتي وأنا أقوم أقفل باب غرفتي بالمفتاح دخلت الحمام وفتحت المويا
عبدالله باستغراب شقاعده تسوين؟؟
أنا بخوف أخاف بسام يشوفني والله ليزكي فيني
ابتسم ما له دخل خلاص إنتي الحين زوجتي
تاله بحب حياتي إنتا
عبدالله بتوتر تجذبه بجرأتها وعفويتها معاه
ابتسم أونياني إي سيستا بيني
" كل سنة وأنت بخير "
حفظتها عشان هاللحظة
ضحكت بحب يا قلبي هذي أول جملة ايطاليه تقولها
عبدالله وهو يفتح شباك غرفته اييه حسيت إنه لابد منها مدامي بعيش هنا
إنتي متجهزة عشان بكره
أومأت براسي اييه بكره أكيد بتجي ع الفطور عندنا
مدري أنا لسى ما أعرف شلون عيدكم هنا
أخذت نفس وأنا أتربع ع السرير شوف أنا بفهمك عادة نروح نفطر عند جدتي وبعدين نعيد على خالتي نجد وبالليل نجتمع ببيتنا
بس هالمره جدتي مو موجوده فبيصير الفطور عندنا
اها يا حظي أجل بفطر معاك بكره
ههاي والله عشان بسام يخنقني معاك
عبدالله بعصبيه ممكن لا عاد تجيبين سيرة هالادمي
تاله تراه أخوي ها
بحده ويعني مو أنا زوجك ؟؟ كل ما قلت لك كلمة قلتي بسام وش بيسوي يعني
تاله اييه كمل شرايك نتضارب بليلة العيد وبكره ما نكلم بعض
عبدالله بنرفزة أنا أدري عنك
تاله بغيض ممكن أسكر الحين
ولع لا مو ممكن
زفرت إلورا وش كنت بتقول
عبدالله وهدأ وبصوت رقيق كنت بقول إني أمس تمنيت نظل سوا طول الليل نتمشى ونعيش ليلتنا
لعبت بشعرها معليش حياتي كلها أسبوع وأصير لك
ابتسم بخبث مين بيفكك مني وقتها
ضحكت بدلع ولا أحد...




باحط قلبي ., بين ايدينك .,‘هدييه .,

سكرت لاب توبي
اليوم الصبح كلمت لتين
يا قلبي عليها تعبانة صحيح راح الوحام تقريبا والغثيان بس جسمها مو متحمل الحمل
قمت أتأكد من أغراض طلال
الثوب، الشماغ، العقال، الجزمة " القارئ بكرامة "، العطر، الكبك
اممم كل شي جاهز
سكرت الدولاب ولبست روب النوم حقي لونه أبيض على سكري اليوم ليلة عيد
وحضرة السيد طلال مو موجود
خاطري أعرف وين راح وما يرد
والأحسن إني ما ألح بالاتصال
دقيت ع ماجد أبارك له
هلا وغلا والله بست الكل
هلا فيك مجوودي كيفك؟؟
الحمدلله بخير إنتي شلونك وشلون طلال
كلنا بخير كل عام وإنت بخير
وإنتي بخير وصحة وسلامة يارب إذا طلال جنبك عطيني ياه أبارك له
سكرت الأنوار وأنا أفتح الأباجورة لا والله مو موجود طلع ولسى ما رجع
اها خلاص أنا اتصل عليه خلينا نشوفك بكره
إن شاء الله
قفلت منه حطيت الجوال ع الكمدينة
تثاوبت بنعس وانسدحت ع السرير
فاتحه عيوني بنتظر طلال لين يجي اليوم أول ليلة عيد نقضيها سوا
تغمضت عيوني ورجعت فتحتها بصعوبة
شفته دخل
فتح قلاب ثوبه وهو يقرب مني
باسني برقة نعسانه..؟
فركت عيوني وأنا أقوم لا
قومني معه تعالي بوريك شي
طلعت معه للصالة
شفت علبة كبيرة موقفها ع السيراميك
ابتسمت وش هذا؟؟
ناظرني بابتسامة افتحيه
حاولت افتحه بس ما فيني حيل مع النعس
فتحه معي
ضميته بحب يا قلبي يا طلال ليش تعبت نفسك
لخبط شعري وهو يبوسني الغالي ما يستاهل إلا غالي
وكل سنة وإنتي طيبة يا عمري
كل سنة وإنت أغلى وأعز إنسان على قلبي الله لا يحرمني منك
همس وهو يقوم اميين
مسك يدي تعالي ننام ورانا قومه بكره
تركت اللاب الجديد وراي ورحت أقاوم النوم معه...!



مع صباح يوم جديد
البيت كله حركة
ما كنت أتوقع العيد كذا في تورينو
بيتنا أو بيت أهل بسام مليان الكل جايين يعايدون علينا وفي ناس ما أعرفهم
حتى في بعض اللي يتعاملوا مع داما بيانكا جو !
ابتسمت وأنا أشرب كاسة العصير تلوو كلمتي عبدالله
ناظرت حولها وابتسمت بخبث لما تأكدت من عدم وجود بسام اييه أمس كلمني والحين هو برا مع الرجال أخاف بسام يشوفني معاه
تركت العصير وأنا اخذ حبة الشوكلت اللي عطاني ياها راكان ما عليك منه صار زوجك
تنهدت والله أمس كنا راح نتضارب أنا وعبدالله بسبب هالموضوع هو يقول نفس كلامك وأنا خايفه من بسام
ناظرتها بنظرة طبعا راح تخافين اللي ع راسه بطحه إنتي عارفه وش سويتي
بلعت ريقها ويعني إني جدية التوبة تذب ما قبلها
بلمت وفجأة صرت أضحك بقوة
حاولت امسك نفسي تجب مو تذب وين حنا
تاله برجة ابتسمت المهم إنه الفكرة وصلت
ما في المهم يا حبيبي هذا حديث
ضربتني بخفه تعرفي تاكلي هوا
هزيت راسي ببراءة لا شلون؟؟
اها روحي لراكان يعلمك
راكان اللي صار له خمس دقايق واقف وأنا مو معاه
رص على أسنانه يا لابيلا لو سمحتي تلفونك يدق صار له ساعتين بغرفتك
وإنت وش دراك؟؟
وأنا نازل سمعته
قمت بتكاسل انزين راكان ؟؟
وهو يدخل الأصنصيل معي كوالي؟؟
"ماذا؟؟"
ابتسمت شرايك اليوم نروح نتعشا سوا
رفع حاجب أنا وإنتي
ضربته ع راسه نو شور كلنا سوا
ابتسم وش يعني شور؟؟
ضحكت وأنا أطلع من الأصنصيل يعني أكيد بالانجليزي
اها اوكيه قولي لداد وما بيرفض لك طلب مع إننا عادة نتعشى في العيد في البيت كلنا مع بعض
هزيت راسي شفت إنت قلت اوكيه تأثرت فيني
ابتسم بحالميه وفي أحد ما تأثر عليه هالفوشيا وأشر علي
قلت بصوت مسموع بسام
تحول وجهه لرعب خلاص بروح أعوذ بالله منك ما تخلي الواحد ياخذ راحته مع إنه بسام مو هنا
ضحكت وأنا أدخل جناحي
كان الجوال فعلا يدق للحين
استغربت وش هالمكالمة المهمه
أخذت جوالي كان رقم خارجي يعني مو من ايطاليا
يمكن سع...
رديت قبل لا أكمل تفكير
الوو
: لتين لا تقفلي أنا كنت بقولك بسام ما بيرجع لك سوانو إذا ما وافقتي تتركيه وتجين لي
"سليم"
عقدت حواجبي لما ميزت صوته إنت معتوه أصلا
بسخرية مو مصدقتني دقي ع تلفونه بتحصليه بلوكاتو ومو موجود في بيتكم لأني ايوا سولو اللي أدري وينه
"مقفل, أنا الوحيد"
تذكرت كلمة راكان توه
تقفل الخط
ارتجفت بخوف بسام ماحد يقدر يسوي له شي أكيد يكذب
مسكت بطني بألم قوي اجتاحني
اخر مره شفته تضاربنا بسبب موضوع دراستي
اليوم الصبح بالعيد وطلع وجلسنا كلنا تحت من غير لاحد يحس بشي وبعدها طلع يوم جوو الرجال
رصيت ع نفسي
وقمت بنزل أشوف وينه




محظۈۈظ من هۈﮱ ڷه انڛان يهۈاه ۈمحظۈظ من خڷه يراعيﮱ شعۈره ,,
في مجلس بيت خالتي
طلعوا ماهر وسجى يعايدون
وجلست مع وافي شوي وبعدها نروح لأهلي ونرجع ننام عشان زيارات الليل
صراحة ما صدقت !
داليا بجلالة قدرها قاعده تضيفني شوكلت
لا وماسكه الدله بتصب قهوة
ابتسم لي وافي وكأنه يقول شوفي مشاء الله عليها
جاملته بابتسامة وما لحقت أكمل ابتسامتي إلا وصرخت
كبت القهوة علي بالغلط
قلت بقهر انحرقت التنورة!!
وافي وهو يمسح رجولي بالمنديل ناظرها جيبي ثلج بسرعه
حزنت عليها واضح إنها بالخطأ انكبت مو قاصده
أخذ منها الثلج وهو يحطه ع رجولي
معليش حبيبتي استحمليه شوي
مسحت الدمعتين اللي نزلوا لأنه الفنجان صغير وما انكب كثير
ناظرني بحنان راح الألم
برمت شفايفي الحين بتتشوه فخوذي
ابتسم وناظر داليا لا تخافين دلوو ما صار شي
داليا شوي وتبكي اسفة جوجو ما قصدي والله
والله العظيم ما قصدي اكبها عليك
ناظرتها بطرف عيني لا حبيبتي ما صار شي عادي
همس بإذني وافي
: حتى لو تشوهت بعيوني أحلى إنسانة
توردت خدودي وأنا أنزل التنورة
ناظرت داليا اللي جالسه بصمت وتأنيب ضمير
ابتسمت دلوووي حبيبتي عادي والله ما انحرقت كثير شوفيني لو انحرقت كان شفتي جمانة الأصلية
وفتحت عيوني على وسعها
داليا ووافي هههههههههههههه
رفع يده الحمدلله أجل إنك ما انحرقتي
صغرت عيوني
ابتسم ورمى لي بوسه وهو يقوم أنا بطلع أعيد مع أبوي وأدق عليك عشان نروح لأهلك اتفقنا
هزيت راسي اييه اتفقنا هربت يا خواف
داليا تضحك وافي تخاف من جمانة!!
وافي بإنكار أنا
رفعت حاجب لا جدتي
ضحك وهو يخرج أنا أخاف بس أخاف على نفسي صراحة وغمز لي
ابتسمت لداليا ببراءة أصرفها أنا بطلع ارتاح شرايك تجين معنا الليلة عند جدتي
نقزت بفرحه جد؟!!
أومأت براسي اييه إذا هذا يسعدك ويسعد أخوك..!
.
يتبع
 
التعديل الأخير:
رد: .رواية [[ خنقت الورد يآ يمه وبيدي انكسر ذبلآن]]..! /

كل شي فيني يبكي من سبايب غيابك..،

دخل ع البيت بوجوم
ناظر الجالسين وهو واقف بمكانه وينها لتين؟؟!!
تاله كانت هنا من نص ساعه دق جوالها وطلعت تكلم
جيهان تزفر تعال اجلس بسام ما شفناك اليوم
طنشها بطلع أشوف زوجتي
راكان يضحك مع تاله
ماحد مسكتها إلا هو
دخل الجناح وترك الباب مفتوح معصب اليوم أخلاقه مزفته
من بداية الصبح اختلقت له مشكلة والحين ...

اضغط على الصورة لرؤيتها بحجمها الطبيعي

عقد حواجبه يوم ما لاقها
السرير فاضي
انصدم بشي أحمر ع الأرض
بعد اللحاف بقوة
لونه اختفى مع الدم!
دم المكان كله دم وبتلقائية توجه للحمام
شافها جالسه ع الأرض ماسكه بطنها ودموعها ع خدودها تسيل واضح إنه الألم مقطعها واكل أحشاءها
عضت على شفايفها وهي تمسح الدم اللي بيدها بلبسها وبضعف
يوم شافته بس...ام
راح لها بسرعه بخوف لتين حبيبتي شصار وش هذا؟؟ ليه كذا ؟؟
ارتخى راسها ع صدره وغرق بدمها
لتين وهي تقاوم الإغماء همست وهي تشد عليه بكل ضعفها
رويد رويد
بعدها عنه بخوف وصوته علا لتيييين قومي
تركها بالأرض وراح للتلفون بسرعه دق ع أمه
خلال ثواني كانت فوق هي وبدر ولين والبقية تكفلوا يكلموا الإسعاف
تاله تبكي وهي تشهق ليش كل هالدم إلورا
لين تسكتها مو وقت أسألتك تلوو
دخل عبدالله وهو يجري
كان بسام مغطيها بشرشف السرير وعلى دخلته دخلوا الإسعاف حطوها ع الحمالة بسرعة وبدوا يوقفون النزيف
عبدالله والخوف بعيونه ناظرهم بعصبيه كم صار لها تنزف ماحد داري عنها
بسام مو ناقص أحد بعد عنه وراح معها
بندر بربكة عبدالله إن شاء الله ما بيصير إلا الخير هدي أعصابك
صرخ بوجهه شلون أهدي أعصابي وإنت شايف كمية الدم اللي بالحمام وإلا لا
لأول مره أشوف أمي تبكي بهالشكل حتى بابا كان يضمها وواضح إنه متأثر لدرجة إني شفت الدموع بعينه
الجو انقلب فوق تحت
خالتي نجد مو فيه وبندر راح يجيبها ع المستشفى
ناظرت تاله شوفي عبدالله أنا بطلع اشوف ميرا وراكان




البغض جثة راقدة فمن منكم يريد أن يكون قبرا؟؟

دخلوها على غرفة العمليات على طول
بسام واقف على أعصابه عند الباب
نجد وهي تمسح دموعها وتدعي بقلب يا رب تقومها بالسلامة
طلعت الممرضة
وراحت لبسام على طول
Mr. Bassam Purtroppo il medico non era in grado di cercare il consenso del paziente pulisce te in questo momento
" السيد بسام لسوء الحظ لم يتمكن الطبيب من الحصول على موافقتك هو يقوم الان بإجراء عملية تنظيف للمريضة "
نجد بصدمة تنظيف؟! يعني راح البيبي
ناظرها بسام بنظرة أهم شي تقوم هي بالسلامة
أومأ للمرضة إلورا غراتسيا
ابتسمت باطمئنان وراحت
تسند ع الجدار بتفكير
بندر همس له بسام وقف تفكر بيجيك شي لا سمح الله
لف عليه وعدل وقفته بندر رجاء لاحد يتدخل أنا من بعد اليوم بتصرف حسب ما عقلي يقولي لاني سائل لا بقرابة ولا بدم
وطلع من المستشفى وهو يطلع جواله
بندر يناظر أمه الله يستر



ستحبني , ؟سأحبك بالتأكيد ..,

قدم لها بوكيه الورد وباسها ع جبينها وبرقة
كل سنة وإنتي بخير يا رب وإن شاءالله العيد الجاي نكون سوا
ابتسمت بحيا إن شاء الله
عدل جلسته ويديني بين يدينه شد عليها إنت تستحين دايما وإلا بس معاي
ارتبكت
لأني استحي منه وبنفس الوقت ما بعد أتعود عليه كثير
وبأسى ابتسمت عبدالرحمن؟؟
ناظرني عيوني لك امري
أخذت نفس بتوتر تتوقع إنك راح تحبني مع الأيام
عقد حواجبه مستغرب السؤال
وبعدها لمحت شبه ابتسامة ع شفايفه
رفع حاجب وهو يحط عيونه بعيوني
نزلت عيوني بربكة زادت
رفع ذقني ورجع ركز عيونه علي
: أنا بدأت أحبك من أول مره شفتك فيها
تنفست براحة
مسح ع شعري وهو يحضني وهمس لا تخافين يارا أنا بكون لك الزوج والأخ والأب وما بسأل عن سبب السؤال اللي سألتيه
بعدني عنه وناظرني بدقة لأن الرجال يعرف يميز البنت النظيفة عن غيرها
حسيت قلبي بيطلع من مكانه إحساس غريب ما قد حسيت فيه يوم كنت أحب خالد
وبصدق حطيت راسي ع صدره
حضني بحنان
من اليوم حسيت إنه عبدالرحمن شي جميل بحياتي..!



تفضل اقرا في عيني ملامح حلم { م ت ح ط م

بصوت حاد اسمعني زين اليوم يوصلني الجواز بأي طريقه كانت حتى لو تدخل عليه
بوسط بيته
قفل الجوال وحطه بجيبه
دخل المستشفى
كانت أمه وأبوه ونجد وبندر وعبدالله موجودين عند لتين اللي طلعوها من غرفة العمليات
ما دخل عليهم راح على غرفة الدكتور على طول
طلب منه يطلب منهم يخرجوا من عندها وما يبقى عندها أحد
وفعلا بعد ربع ساعة شافهم خارجين
طلع الأصنصيل كاره نفسه
مو حاب يشوف أي أحد
دخل عندها
كانت نايمه بالأصح مغمضه عيونها
تكتف وهو يتأملها بصمت
كان سارح بتفكيره بعمق
انتبه عليها فتحت عيونها بتعب
كان وجهها مايل للصفرة شفايفها بيضه
نزل لها وباس راسها ومسح عليه
: شلونك الحين؟
حطت يدها ع بطنها وعيونها بثواني غلفتها الدموع
وبصوت خافت
: ربي عاقبني وأخذه لأني كنت أقول ما ابيه
بسام بابتسامة يطمنها معليش حبيبتي خيره إن شاء الله ربي يعوضنا
حاولت تمسح دموعها وهي تبكي بقهر أنا السبب إنه راح أنا ما حافظت عليه
جلس ع السرير جنبها وضمها لصدره اششش خلاص انسي اللي صار هذا اللي ربي كاتبه
بعدت عنه وعيونها تلمع يعني إنت ما كنت تبي الولد
بسام باستغراب إلا بس ربي ما كتب له يعيش
رجعت تسأل باستفسار بس ما أشوفك تأثرت
غمض عيونه ورجع فتحها شد على يدينها اسمعيني لتين
في أشياء كثير تصير بحياتنا لازم نسايرها وما نضعف ونوقف عندها وإلا بننتهي قبل نهاية هالدنيا
يعني قولي لي الحين لو قعدتي تصيحين ليل نهار بيرجع البيبي خلاص ربي ما كتب له يعيش يمكن كذا أحسن لك ع....
قاطعته وهي تسحب يدينها اييه كمل احسن لي لأني كنت أقولك ما أبيه أنا كنت أدري أصلا إنك كذا بتفكر أنا أستاهل لأني كنت بنزله ونزل من نفسه الحين ب...
حوط وجهها بكفوفه لتين خلاص
بعدته وهي تبكي وبصوت مسموع قول عادي قول اللي تبي تقوله أنا ما عاد يهمني أصل...
ثبتها بيدبنه وبحده لتين لتين
هدأت ونفسها يعلا وينزل بضعف
أشر لها بيده خلاص قلنا ننسى هالموضوع تماما ما ابيك ترجعين البيت وإنت تفكرين فيه
نزلت راسها وطاحت دمعه مسحتها بوهن ورويد؟؟
شد ع قبضة يده قلنا ننسى الموضوع تماما
بلعت ريقها اوكيه أنا لي طلب عندك
ارتخت ملامحه وهو يناظرها وبهمس
: إنتي ما تطلبين يا نانا إنتي تامرين امر
عقدت حواجبها وهي مستعده للرفض والعناد بخرج الحين من المستشفى
وقف لك اللي تبيه بروح أكتب لك خروج وأرجع
طلع من عندها على طول
تأملت الغرفة المليانة بالبياض
تنفست بصعوبة وهي تغطي عيونها بيدينها
الله لا يسامحك يا عمي
لين ما أموت بظل متذكرة إنك السبب في كل شي قاعد يصير لي الحين..!




دائما يرحل من حياتنا من كان يستحق له أن يبقى

شبر الصالة رايح جاي
دخل بندر وبصوت مسموع
: كلمت بسام يقول هو جاي الحين ومعه لتين
يلدا بصدمة شلون؟؟
نجد بضيق شلون يسوي كذا مو عارف إنها توها مجهضة لازم ترتاح راحة تامة
بندر يناظر عبدالله وبدر الساكتين
يقول إنها هي طلبت تخرج ووقع على مسؤوليته مع إنه الدكتور رفض
تنهدت نجد لا حول ولا قوة إلا بالله أنا بس لو أعرف وش اللي صار لها حتى يصير اللي صار
راكان بعد صمت كان جوالها يدق ولما طلعت أنا كنت معها وبعدين تركتها ما كان فيها شي كانت تضحك بعد
عبدالله بتلقائية كان جوالها يدق قبل لا تدخل غرفتها
تاله اييه صح كان يدق كثير عشان كذا طلعت تشوفه
وقف بسرعه بطلع أشوفه
طلع ع الجناح مع تاله
كانوا الخدم نظفوه ومسحوا اثار الدم منه
عبدالله بعبوس فتح الشبابيك
: ريحة الدم فايحه !
تاله بقول للخدامة تمسحه بمعطر ما ينفع تكون لتين هنا إذا ظلت هالريحه
عبدالله وهو يدور ع الجوال أجل بسرعه قبل لا توصل
طلعت من قدامه
شاف الجوال ع الكمدينة وعليه دم شكله طاح من يدها وكانت تتصل فيه
دور بالأرقام ما في أي اسم بس رقم غريب
دخلت تاله ها؟؟ وش شفت؟
عقد حواجبه زيادة رقم غريب خارجي ومو من السعودية ومقفل بعد
زفرت خلينا نعطيه لبسام إذا رجع
حك خده باستغراب ما بيكون شي صغير اللي خلاها تجهض بس وش تتوقعين يكون؟
هزت كتوفها ما أدري بس ماما تقول هي توها تدخل الرابع والحامل بالشهور الأولى أي خبر سيء يأثر عليها على طول
حضن كتوفها وهم طالعين ترجع ونسألها



~
ربي أسألك بتحقيق حلم طال انتظاره
جوفريز كوفي// 9:00
ابتسم وهو ينزل الكوب ع الطاولة عندي خبر
ضمت يدينها لصدرها شوو؟
احمم بعد سنة بالضبط بإذن الله يكون زواجنا
وديم بابتسامة خذ راحتك حبيبي مو مستعجلة
رفع حاجب بس أنا مستعجل
اخفت ابتسامتها بحيا بالعجلة الندامة
ماجد بضحكة لا هذي متأكد ما فيها ندامة
ضمت يدينه بكفوفها متى ما كان الله يسعدنا فيه إن شاء الله
: اميين
دق جواله
طلعه أكيد أحد بيعايد كالعادة
لا والله هذا بسام ..
عدلت جلستي شوفه أكيد شي مهم
أومأ براسه أكيد لأنه عايدني أمس الليل
رد عليه بترحيب
مرحبا مليون بالغالي ..
:.............................
الله يحييك
:.............................
شفت ملامحه تغيرت وباهتمام
أكيد أقدر أعرف أخويائي للحين هناك لا تشيل هم إنت
:.............................
اوكيه ابشر ......... لا تقول ما بيننا كلافة
في أمان الله
قفل الجوال وطالعني لازم نلحق عزيمة أهل طلال
أخذت نقابي والشنطة وش عنده بسام ؟
زفر والله شكله عنده مشكلة يبي معلومات واحد ع رحلة لألمانيا
اها الله يكون بعونه
مدت يدها يللا نمشي
باسها بحب نمشي ليه لا..،،



تعال وشيلني مني تعبت امشيك وامشي لك
تعال وهدهد أشواقي وخذني عتم ظلالك
ذبلت ومابقى فيني سوى همسات شوقي لك
ابغفى دامها ملت تنادي جية وصالك

حضنتني ماما وصارت تبكي
وخالتي يلدا أكثر
الكل متأثرين لأنهم فقدوا حفيد العائلة الجديد
الغصة خانقتني ألوم نفسي ع اللي صار
انسحبت بتعب مسندني بسام وعبدالله وبندر معهم
لفيت على أمي ماما لا تعبين نفسك أنا برتاح بغرفتي إذا تبين ارجعي البيت
هزت راسها إنتي ارتاحي ولا تفكرين بشي
بسام أشر لعبدالله وبندر شوي
رفعني بين يدينه ارتخيت بضعف وراحة
بندر بابتسامة الحمدلله ع السلامة يا توتا
ما قدرت أرد لو تكلمت بحرف واحد بصيح
أومأ براسه لبسام وهمس إلورا طلعها
طلعني لفوق
سدحني ع السرير غطاني زين
سكر المكيف وفتح الستاير لأن الشبابيك مفتوحه
جاب بطانيه ثانيه وغطاني فيها
وجا بيطلع
ناديته
لف علي بتساؤل
غرقت عيوني لا تروح
قرب لعندي وجلس جنبي ع السرير
فصخ جزمته وتربع قريب مني
مسح ع راسي لتين حبيبتي إنتي خايفه من شي؟
ارخيت راسي ع المخده وحطيت يدي ع كفه
غصب عني نزلت دمعه وحيده ع خدي حرقتني من الداخل
: اخاف أفقدك
ما سمحت لنفسي أشوفه
بس حسيت فيه يوم اتكى جنبي وحضني
تشبثت فيه
هو طعم الأمان والراحة
واليوم بس حسيت إني راح أفقد هالحاسة للأبد ..،
*
*
*
Good friends are like stars you don't always see them, but you know they are Always
There
الأصدقاء الحقيقيون كالنجوم، لاتراها دوما؛ لكنك تعلم أنها موجودة في السماء
نهاية الجزء الواحد الخمسون
 
رد: .رواية [[ خنقت الورد يآ يمه وبيدي انكسر ذبلآن]]..! /

سلام

Sent from my SM-G7102 using منتدى عبير mobile app
 
رد: .رواية [[ خنقت الورد يآ يمه وبيدي انكسر ذبلآن]]..! /

اهنئك بصراحه روايه ولا احلى بس مرا حزينه متى التكممله بلييييز !!!!!! وو
 
رد: .رواية [[ خنقت الورد يآ يمه وبيدي انكسر ذبلآن]]..! /

ليش ما كملتي الرواية
بدنا التكمله بليييز

Sent from my SPH-L720 using منتدى عبير mobile app
 
عودة
أعلى