رواية خيالي واقع

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. شروق عبدالله
    29-07-2014, 01:18 PM

    رواية خيالي واقع

    رواية خيالي واقع


    ""بسم الله الرحمان الرحيم ""




    روايتي تتكلم عن بنت اسمها غرور شخصيتها غريبه واكيد افكارها واحلامها وامنياتها اغرب بتقولون ليش انا ما اقول ما في احد مثلها لكن قليلين اذا كان اشخاص مثلها غير عن البنات العاديات تتزوج وتحب وتلقاء فارسها وعاشت بحب وسعاده للابد لا هي بالعكس هالحب اصلا هو مو موجودبقاموسها هه يمكن حب ابوها امها اخوانها لكن على حسب تفكيرها هالحب مستحيل تصدق انه موجود تبون تعرفون ليش رح اعطيكم اسبابها

    اولا الحب مستحيل ولا عمري عرفت هالحب الا بالمسلسلات او الرويات هذا رأيي لاني اصلا ما جربته وما اضن رح اجربه لانه يجرح يقهر غيره نفاق ايه نفاق لا تستغربون كلكم تقولن هذي ما حبت وتقول عليه نفاق لا لاني ما حبيت فا انا مثل ما اشاهد مسلسل عارفه كل شي بس الشخصيات مو عارفه شنو رح يصير لها وشنو تخبي الشخصيه الثانيه عنها مثلا حب قبل الزواج ايام الخطبه مو حب انت او انتي حبيته لانه خلاص اهو الي رح يكون زوجك او زوجتك فا مالك الا تحبه وانو اهو احسن شخص طبعا اتحداكم فيه احد يوم خطبته ما يروح متسكرت والعطر واصل لشارع والبنت نفس الشي وي الله لو هو صدق بيحبك او هي رح تحبك كون على طبيعتك وانتي كوني على طبيعتك ادري انو لازم تكون جميل واناي بعد بس مو مبالغه هذا هو بعينه يعني انت او انتي ما تبون بس يحب شخصيتك او شخصيتها لا انتو بتلعبون على بعضكم بس بالشكل بصراحه حتى المراهقين البنت ما تحب واحد الا وهو جميل ويا الله عليه والولد نفس الشي مو بس الراهقين بس الناس كلهم مثلا واحد تزوج وحده عن حب على قولته مخفي انه تزوجها انه بس عشان امه مدحتهاوقالت انها جميله قال يالله وتزوجها سنه مرت على زواجهم اسلوبها يجيب العله بس على قولته اهم شي انها حلوه راضي بها وهي مثلا راضيه به لجماله ومستواه المادي iبالله وين الحب وبعدي جا يوم من الايام احترقت بالله بيرضاء فيها بيروح ويتزوج وهي الله يستر عليها بيقول وش اسوي بوحده محترقه لا يا شيخ اجل وين الحب الي ايام شهر العسل والخطبه وما رح اتركك ههه نفاق فيه قليلين الي يعرفون يحبون بس الحين هه راحو الطيبين انا مو متشأمه بس هذا الصدق ادري فيه حب بس بالنسبه لي حب نفاق تخيلي او تخيل تحبين او تحب ويوم من الايام الي يحبك خانك والله ان تقلب عليه الدنيا وتلعن خيره وناس بدورهم بعد يخوننون الي خانهم اجل لا انت ولا هي كلكم بالهوا سوا لو تحبه مارح حتى تكرهه صح بتنجرح لكن ما رح تجرحه لانك تعورت من جرحه لك فا تخف عليه لا يتعور حتى لو مارح يحس على هالجرح ..... لكن فيه ناس يعتقدوقن انه ضعف شخصيه لهم فا يحاولون ينتقمون ...
    مثل ما يقولون الحب اعماء وما رح تدركون او تدرون عن كلامي الا ان كنتو مكاني وراء الشاشه
    تشاهدون بصمت ......


    مثل ماقلت عندها مشاء الله اسباب بصراحه عندها اسباب وجيهه هههه المهم مهما كان الدنيا للحين بخير
    احلامها : تكمل دراستها ببريطانيا تبي تدخل علم نفس لانها مو بس تبي تدرس او تبي تاخذ منصب حلو وراتب تدرون ايش دخلت هالقسم خلوها تقولكم

    دخلتها لاني ابي اساعد غيري تخيل يكون شخص قدامك بعينه وبعيون اهله والناس خلاص مستحيل يرجع مثل اول خلاص ذاك الانسان اختفى مات لامل خلاص فقدوه كلهم يجي دورك انت وترجع امل هالشخص من جديد كأنك احية حياة شخص من جديد شعور جميل بس يجرح انك تساعد الناس معينين انا ابي ادرس علم نفس ما ابي اجلس ورا مكتبي وانتظر الناس تجيني في السنه بس اساعد خمسه سته اشخاس لا انا ابي اروح لهم اساعد اكبر كميه من الناس



    قولو امين ان شاء الله يحقق امنيتها وحلمها هذي الاحلام ولا بلاش

    لاحظت ان اكثر الناس يكرهون هالقسم والي يدخله خلاص بيصير نفسيه وما ادري ايش بالعكس صح انك لما تشوف غيرك يتعذب رح تتعقد ورح تقعد بس تحلل بشخصيات غيرك بس احسن من الحش وما ادري ايش
    ليش يصير نفسيه لانه حب يساعد غيره قال الرسول صلى الله عليه وسلم ((حب لأخيك ما تحبه لنفسك ) ) دايم كل تفكيركم ان الي عندهم امراض نفسيه انهم مجانين خطاء البعض اكتأب البعض جرائم بس لجرائمهم سبب خلاهم ما يتكلمون البعض حالات اغتصاب خلتهم ينصدمون بحياتهم ما يتكلمون او يتحركون البعض انصدام بحياته من اشخاص وكذا المهم بس بغيت ابين لكم انو هالشي جميل مو مثل البعض يفكر انه عقده ومجانين وما ادري شنو الموهم نبداء حبيت اعرفكم على بطلت روايتي غرور <<اسم غريب وشخصيه اغرب حبيت انقلكم عقلية بطلت روايتي اما خارجين وبعض الصفات الي تتصف بها شخصيت غرور...

    هاديه لحد الجنون << تعرفون الي ساكتين ما يتكلمون الا لضروره ومعا اشخاص معينين الي ترتاحلهم تعرفون كيف شخصيه بوجهين وجه هادي غامض مع الكل ساكت لو تسبه لين بكره مطنش ما يهمه الاشياء السطحيه او ما يعجبه العجب ما يهزه شي لو تطقه تسبه ما حركت فيه شعره هذا الوجه الاول من شخصيتها الوجه الثاني مختلف تماما طبعا مع ناس اكيد محددين تحب تسعد غيرها ما تحب تشوف احد زعلان دايم رح تكون القلب الحنون تهمها سعادة غيرها بس ما رح تبين من بعيد لبعيد عمرها ١٩

    شكلها الخارجي / غيييير عن شخصيتها تعرفون ملامح الهنديات مثلها العيون الكبيره العدسه نفسها كبيره لونها عسللللي فاتح خشمها دقيق ومعطيها بملامحها حده فمها لا صغير ولا كبير عادي مو بيضاء ولا سمراء لونها احلا شي كأنها هنديه شعرها لأخر ظهرها لونه بني ما تحبه لما يكون ستريت تحبه يكون مموج المكياج عندها عداوه معه حدها اذا صارت اوفر عدسات وكحل وقلس ومسكرا دايم يقلون لها يالهنديه ما عندها مشكله بس تكره احد اذا احد قالها يالعصلا مع ان جسمها جميل بس ضعيفه شوي

    عايلتها :الام :فاطمه طيبه لابعد حد بس مثل اي ام تحب تسيطر على عيلتها ما تحب الكذب فرفوشه بس مو ذاك الحد
    الاب: جاسم:جدي جدا بس لما يوصل الوضوع لعايلته غير يكره كلمت لا ما يحبها يحب يلبي كل شي لعايلته ويحب يكون قريب لهم ويشاركهم بكل لحظه من حياتهم برغم مشاغله وسفراته
    اخو غرور :سلطان عمره ٣٠سنه متزوج وعنده بنت اسمها دانه عمرها ٥سنين وولد اسمه جاسم عمره سنه
    زوجته:هنادي عمرها ٢٦هاديه وطيوبه واهم شي عندها زوجها ودانه وجاسم
    الخو الثاني راكان اكبر من غرور بسنتين عمره ٢٢فله لاخر حد فرفوش البيت يحب يستهبل على امه واكثر واحد تطير جبهته بالبيت وداخل محاماه مع ان الكل معارض بس دخل هالقسم
    التوئم الجميل جودي وجود اصغر ثنتين واكثرهم دلع اعمارهم ١٦سنه

    الحين بعد ما تعرفتو على عايلة غرور خلونا نبداء

    يوم الجمعه
    على الغداء والكل مجتمع
    جاسم : غرور يا بنيتي انتبهي لنفسك اهناك وارفعي راسي وانا ابوك
    غرور :تامر امر يبه يا بعد كلي انت
    سلطان :ايه ترا ابوي ناسي ما يقول لك اهم حاجه
    غرور :وشو
    فاطمه:شنو يا ابو سلطان وش الي نسيت ما تقوله
    جاسم:تذكرون لما قلت لكم ان عندي اخ من الرضاعه وانو عايش طول حياته برا السعوديه
    الكل :ايه وش فيه
    جاسم :هههه يا حليلكم متحمسين بقوه
    غرور : اي والله متحمسين بس يبه وش جاب سيرته الحين
    جاسم :لانك بتسكنين عنده ببريطانيا
    غرور : ليش انا ما رح اسكن عند ناس ما اعرفهم اسفه يبه
    جاسم : والله اذا تبين تروحين اهناك وتدرسين لازم تعيشين عند عمك وهو حسبت ابوك وهو ما عنده الا ولد وهو موعيد بالجامعه او يطبق ورح يكون استاذك على ما اظن لانو على كلام اخوي ابو عبد العزيز انو نفس تخصصك
    وعنده اخت وهي عمت عبد العزيز رعندها ولد وبنت ومتوفي زوجها وساكنه مع اخوها طبعا هم مجهزين لك جناح كامل وكل شي رح يكون اوكيه
    غرور وهي موب مقتنعه ابد لانها رح تعيش مع ناس ما تعرفهم ابد :اهم شي يبه رضاك علي وألي تبيه يصير
    فاطمه : والله اني بفقدك يا بنيتي
    هنادي : والله خالتي صادقه بنفقدك كثير
    راكان: لا حول ولا قوه الواحد ما يقدر يتغدى وهو مطمأن لازم تسون دراما يعني تراها بس غرور يعني موب شي موهم مثل راكان مثلا يعني
    غرور : اقول اكل وانت ساكت احسن لك لا قبل تطير جبهتك بشوته من الوالد
    جود : ههههه اي واللله عاد هاليومين ما ضحكنا عليك تكفى تكفى كمل خلنا نضحك
    جودي : اي والله كمل كمل استهبال
    راكان : ليش شايفيني مستر بن يا اصلا انا قرررت اعقل
    جاسم :يا شيخ تعقل لا اليوم صاير شي ههههه
    سلطان : والله اني راحم الي بتزوجه بيهبل فيها
    راكان : وألي يرحم والديك اصلا انا ما رح اتزوج ما ابي اتزوج اجل انا اتزوج واتبهذل وكل ساعه تعال يا راكان وروح يا ركان لا والله ارجوك ما ابغا
    فاطمه : بالاخير بتتزوج
    راكان وهو معقد حواجبه وفيسه صاير قرفان:اكره شي اسمه حواء غير امي وخواتي مع احترامي اكره الدلع والمساخه افففف يع
    غرور :هههههه اول مره لنا وانت نتفق على شي انا اكره جنس ادم وانت تكره جنس حواء
    سلطان : والله وبتشوفون رح يتغير كلامكم كله
    راكان :بنشوف
    جاسم : انا الحمدلله شبعت
    جودي :عليكم الخسوه ابوي مل منكم وقام سديتو نفسه
    جاسم : هههه لا والله يا بنيتي شبعت والحمدلله
    جود :بالعافيه على قلبك يبه
    جاسم : ويعافيك يا روح ابوك
    جودي :تراها خيانه يبه
    جاسم ::ههه لا انتي الغلا كله
    راكان : يبه ترا امي قالت لي بدون ما تسمعون انه صار المدح لغيرها هههههه
    فاطمه: صدق انك ما تستحي ما عليك منوه تراه يستهبل
    جاسم : ادري ادري انتي عارفه ان ما فيه مدح الا ويكون لك
    راكان : يمه يبه ترا مناك غرفتكم والله
    جاسم : صدق انك ما تستحي على وجهك صدق انك ما تخجل
    راكان :هههههه يبه ترا يعني انا اغار منكم عشان كذا اقولكم روحو غرفتكم عشان ما تقهروني
    فاطمه موب انت الي تقول انا مارح اتزوج
    راكان/ اوه صح اعذروني ترا نسيت
    جاسم :انا بروح ارتاح احس اني تعبان وابي اريح شوي
    سلطان :وانا بعد بطلع جناحي احس اني بموت من النوم من صبح وانا من اجتماع لجتماع
    وطلعو ومعهم زوجاتهم
    راكان : ابوك يالخيانه وامي وهنادي بعدهم وخلونا لوحدنا كذا
    جود وجودي : وإحنا ما ملينا عينك
    راكان : لا لا انتو الخير والبركه بس انا اشبعت اصلا خارج ما الربع تبون شي
    جود : ايه نبي خلنا نروح معك
    راكان : وش يروحكم معي مثلا بوديقارد انتي وياها
    جودي : لا بس وناسه خلنا نعرف وش تسوي من ورانا
    راكان ؛ صدق بنات اخر زمن اقول انتي وياها روحو ساعدو غرور باغراضها وشنطها احسن
    غرور : اصلا خلصتها من زمان
    راكان : مشاء الله عليك مستعجله تبي النحشه
    غرور :لا موب كذا بس انت اكثر واحد عارف اني متحمسه للجامعهوللقسم إلي بدخله وكذا يعني
    راكان ؛ههههه اكيد اكيد المهم الله يوفقك ولا تنسيني كل يوم كلميني وطمنيني عليك وشسمه ذا الله يعينك على ذا ولد عمي عبد العزيز
    جودي : وانت وش عرفك به
    راكان :ههههه ومنو الي ما يعرفه
    جود:انت اصلا عمي ذا ما تعرفه عشان تعرف ولده
    غرور :ايه من فين تعرفه
    راكان :قبل سنتين مو انا سافرت لدبي الاجتماع إلي كان ابوي او سلطان يروحون لوه ابوي كان تعبان وقتها ومفرووض سلطان يروح لوه هنادي ذاك الوقت كانت تعبانه بسبب حمله وكل يوم من مستشفى لمستشفى فأضطرية اني اروح بدال سلطان وكان الاجتماع لاكبر الشركات بالخليج واكيد عمي ابو عبد العزيز كان هناك وكان عبدالعزيز معه
    غرور :طيب ليش يعني الله يعيني عليه وش فيه
    راكان:مغررور اقوى شي عمي محمد عرفني لانه عارف ان واحد منا انا وسلطان رح نحظر بدال ابوي وسأل عني وسلم علي وكذا بس هذا ولده ما طقته تعرفون انا انكت واستهبل وكان فيه شباب من سني فا بس اضحك ومسوي جو وهو اعوذ بالله مكتم وبارد واذا رد بكلمه زين بس من ناحيت الجمال اشهد ان البنات الي في الشركه إلي كنا مجتمعين فيها مفهيين فيه
    تخيلو عيوونه كذا رمادي فاتح ولما وهو لونه عادي ما يدل انوه اجنبي فاشكيت انوه حاط عدسات من المهم سألته وودي اني ما سألته تخيلو قليل الادب قالي مالك شغل قدام عمي المهم اني ارتفع الضغط عندي المهم عمي جاوب عنه قالي ان زوجته كانت تركيه وعشان كذا ولده الوسيم عيونه كذا مالت عليه صدق زين من الداخل يجيب العله المهم يا اخت غرور ترا انتي تقاربين لشخصيته وانا خايف تدخلين هالقسم وتصيرين مثله
    غرور:مع نفسه وبعدين مدامه كذا ريحتني عشان ما يكلمني ولا اكلمه من كلامك اكييد انه عملي فا رح يفكني من الأسئله والحنه بالجامعه وبعدين ليش اصير مثله وتخصصي موب يعني ان اي احد يدخله يصير كذا
    راكان :وانتي الصادقه المهم يله باي انا تأخرت على الربع
    جود وجودي :باي
    غرور :احمم انا بطلع لغرفتي ارتاح
    جود :لا اجلسي معنا
    جودي:،متى رحلتك
    غرور :اليووم بالليل
    جود:صارت تبكي : والله بفقدك
    غرورتضمها:ههههه وانا بفقدك وتناظر جودي وانتي ما رح تفقديني
    جودي تضمها بقوووه:امبلا بفقدك وافقد هدوؤك وهواشك معنا ونصايحك وعنادك مع راكان
    غرور: وانا اكثثر
    جودي:بنات شرايكم نروح لموول
    غرور :جبتيها عندي كم شغله ناقصتني
    جود:اجل خل نتجهز

    في ما هم يتجهزوون نروح لمكان خارج بيت ابو سلطان
    :
    :
    :
    :
    :

    -:هلا يبه ايه رحت امس للاجتماع والله زين والاموور ماشيه
    ابو عبدالعزيز:عفيا عليك ياوليدي المهم عساك مرتاح
    عبدالعزيز:اي يبه حمدلله مرتاح وتوني صاحي من النوم وبطلع مع واحد من ربعي موجد هني بالرياض اتغداء
    ابووعبدالعزيز: بالعفيه عليك ياوليدي المهم ما قلت لي متى رحلتك
    عبد العزيز:اليوم الساعه ٨ ان شاء الله
    ابووعبد العزيز ابتسم ان كل شي ماشي صح: اها الله يوصلك بالسلامه
    عبد العزيز:ايه يبه خالتي كلمتني امس وقالت لي ان بنت عمي رح تجي وتعيش عندنا عشان دراسته وانها رح تكوون من الطلاب الي رح اشرف عليهم وش السالفه وليش ما قلت لي عنها
    ابو عبد العزيز :هذا انت عرفت وهذي البنت اخت راكان الي قابلناه بدبي تذكره الي قلت لك ان ابووه اخوي من الرضاع
    عبدالعزيز كشر:اها ايه ايه ذكرته المهم يبه تبي شي ولا شي
    ابو عبد العزيز:هههه لا سلامتك يله مع السلامه
    عبد العزيز:مع السلامه
    قفل من ابوه وقعد يفكر ألحين ذي بتجي بتسكن عندنا الله يعين وبعدمعي بالجامعه والله ان طلعت مثل اخوها لخنقها هف وانا وشعلي اهي من طريق وانا من طريق
    خلني اعرفكم على عبد العزيز
    عبدالعزيز :عمره٢٥سنه متخصص علم نفس معيد بجامعته امم بارد اقوى شي بس مع الناس إلي ما يعرفهم طبعا هو ما يحب يثق بأي احد وقليل إلي يهتم لهم حتى لاقرب الناس له ما يبين اهتمامه لهم ما يحب يشغل نفسه بمشاكل غيره مع انه داخل طب علم نفس هو يحبه لكن هو مقرر انه يكوون معيد بس ما يبي يكمل طبعا بروده هذا ناتج عن انه كان دايم بغربه ابوه دايم بشغله امه اكتشف ابوه بعد ولادة عبد العزيز انها تخونه فا طلقها واخذ منها عبد العزيز طبعا هي ما صدقت على الله وجدعته وسافرت طبعا عبد العزيز مكذبين عليه على ان امه ميته وهو عايش على هالكذبه طبعا بداخله يحب امه كثير دايم يتمنى لو كانت عايشه كان دايم يتمنى يجرب حنان الام كان يتمنى يشوف جنته يبوس رجلينها كان دايم تفكييره ان ابوه مجرد شخص عادي يحترمه وبس ما يقدر يكون اكثر من كذا لانه تعود من انه وهو صغير على هالنظام عاش حياته بس بين الخدم هذا سبب بروده لانه يعتقد ان ما فيه احد يستحق اهتمامه له انا ما اقول انه شرير وهمه نفسه بس لا هو عادي ورسمي واهم شي عنده احترمته يحترمك ما تحترمه مع نفسكك ما هميته
    شكله(طويل حنطي شعره احلى شي كثيف ودايم تلقاه طايح على وجهه عيونه لونه رمادي كبيره وجذابه ورموشه كثيفه
    يشبه محمد دراي بس عبدالعزيز شوي معضل
    :
    :
    :
    :
    تجهز عبدالعزيز وكان لابس قمص ازرق مقلم بأسود وبنطلون سكيني اسوود وشوز ازرق واسود ماركة نيك✔️
    وعبد العزيز قاعد يسوي شوزه دق جواله
    عبدالعزيز:لا حول بيربش امي الحين الو
    فهد:لالا ما كان رديت احسن بعدين يا الاميره النائمه تى بتخلصين ترا والله بمووت من الجووع حرام عليك اخلص لي ساعه انتظرك
    عبد العزيز وهو رافع حاجب:لا والله الاميره النائمه اجل وبعدين انت ما تشبع بس تبلع توك تقول بتغدا مع اهلي وبتغداء معك وش تحس بوه يبو الشباب ممداك تجوع توك طالع من بيتكم
    فهد :قل مشاء الله لا تهفني الحين بعين بعدين بين البيت والفندق مسافه وحر وكذا يعني فالازم اجووع
    عبد العزيز :خلاص فكني من شرك ان شاء الله تاكل الرياض كلها ما علي منك المشكله ما يبين ابد المهم انا نازلك الحين طيب
    :
    :
    :
    :
    بالمول----
    جوود :غرور وش رايك بهالفستان
    غرور:لا مو حلو عاري مره
    جودي : طيب عادي وش فيها
    غرور:امبلا فيها قلت ادب بالله عليك هذا فستان الظهر باين وقصير مره مافيك اصلا تمشين من ضيقه والصدر باين هذا موب فستان هذا قلت حياء ماله داعي تلبسه الوحده تروح عاريه حشى وين عايشين فيه
    جوود :بنات والله جوعانه خلونا نروح للمطعم
    غرور :يله حتى انا جعت من كثر المشي
    :
    :
    عند عبد العزيز وفهد كانو جالسين بمطعم وجالسين يسولفوون >>>>طبعا نص الي بالمول تجمعو عليهم بالمطعم والي تميلح والي تدلع والاثنين موب دارين عن هوا دارهم
    عبدالعزيز:فهد وش فيهم يناظرونا كذا
    فهد : يعني وشفيهم باللله يتميلحون يبونك ترقمهم
    عبدالعزيز :حتى هني ياخي وين اهلهم ذولي
    فهد :والله علمي علمك الله بس يستر علينا صارن البنات هن الي يرقمون الشباب
    عبد العزيز :وانت الصادق
    :
    :
    جود :يووه وش هالزحمه
    جودي :كلهن بنات وبعدين عادي يمكن هم جوعانين مثلنا
    غرور :هههه صدق انك بزر ناظري هناك هالزحمه عشان هالاثنين استغفر الله بنات اخر زمن
    جوود:واو والله مني بلايمتهم
    غرور :اقول اهجدي لا يغرك ترا انقربتي من وجهه بترجعين ما ببطنك وبعدين انتي وياها يله قدامي ترا بموت من الجوع وخلو العالم منكم
    جودي:اوف طيب طيب لا تصارخين
    دخلو البنات وما لقو طالوله الا جنب عبد العزيز وفهد وجلسو عليها وجود وجودي ما صدقوو على الله عشان يتأملونهم من قريب
    غرور :بنت انتي وياها نزلو عيونك وبلاش قلت حياء
    جوود:يا لبيه غرور انتي لو شايفته ما كان قلتي هالكلام
    جودي:جود تهقين حاط عدسات
    جود:والله مدري المهم انه اجمل ولد شفته بحياتي
    غرور :والله ان ما نزلتو عيونك ان ما اكلمكم ابد وبعدين عادي عندكم تصيرون مثل هالبنات الرخيصات هاه
    جودي:غرور لا تزعلين
    جود ؛ايه خلاص والله اسفين
    المهم اطلبو وصارو ياكلون
    جودي:غرور طلبتك ناظري وراك بس شويه
    غرور :ليش
    جود :عشان تشوفينه واتحداك اذا ما فهيتي بجماله
    غرور:ليش شايفيني مراهقه مثلكم لا ما رح اطالع
    جودي:هههه مو قد التحدي
    غرور امبلا قده وناظرت لعبدالعزيز طبعا كل الي مر براس غرور انها اول مره يعجبه احد بهالشكل بس لفت على طول وسوت نفسها عادي : طيب هذاني طالعته وش فيه زين
    جودي :انتي ليش عايشه بالله عليك اذا هذا موب حلو منو الي حلو اجل صدق انك غبيه
    غرور:عن الغلط
    :
    :
    عبدالعزيز :فهد انا خلصت بروح اغسل لا ارجع الا وانت خالص وبلاش سماجه عبالك انك ببيتكم
    فهد:انقلع انت ما تخلي الواحد يتهنى
    مشى عبدالعزيز وكان يكلم فهد ؛ انا انقلع ما عليه برجع واراويك وبدون ما يحس صدم كرسي غرور وهي تشرب العصير وانكب عليها العصير كله
    عبدالعزيز :اووه اسف والله ما كنت اقصد
    غرور:انت غبي ما تشوف
    عبد العزيز فهى بعيونها حشى موب عيون مشاء الله اووف شقاعد اخربط انا:هاي انتي احترمي نفسك انا اعتذرت وقلت لج اني ما كنت اقصد
    غرور:والله احلف ترا حركاتكم هذي ما تعدي علي >>>>ستتتوب ( غرور متعقده من هالمواقف لانها صارت لها مره وهي بالامارات وكانو بمطعم وكان فيه شلت صبيان وقام واحد منهم سو نفس الطريقه وقعد يسوي فيها بالغلط وكذا بعدها صدقته غرور لكن بالاخير كان يبي يعطيها رقمه فا لعنت خيره)
    عبدالعزيز بكل برود ناظر فيها وكان على الطاوله مناديل اخذ منديل:خوذي نشفي نفسك وتصرفي والي تبينه لان شكلج اصلا. يفشل وبعدين وش ابي فيك عشان اتعمد اكب العصير عليك صدق حريم ناقصات عقل
    ::
    :
    :
    طلعو كلهم
    جووود : ههههههههه شكلك تحفه
    جودي :ههههه وش بلاك على المسكين هذا وهو اعتذر
    غرور وهي تغلي من العصبيه :انكتمي انتي وياها لا اقطعكم هف منكم انتو بالثنتين خليتوه يتجرأ من كثر ما تأملتو خشته
    :
    :

    :
    فهد :هههههههههههه اخخخخ يا بطني انت وهي تحفه
    عبد العزيز ؛ ممكن اعرف وش الي يضحك بالموضوع هاه
    فهد : هههه المنديل اعجبتني الحركه هههههه
    عبدالعزيز :اقول امش خلنا نطلع لاني كاره عمري انا اصلا من شفت وجهك عرفت ان المصايب بتنهل علينا
    فهد :ههههه اول مره اشوفك معصب كذا خابرك ان ذي الامور ما تعصبك
    عبد العزيز:لان هذي البنت ام السانين لو ما سكتها كان رحنا فيها مصدقه عمرها اني ميت عليه
    ::
    :
    :
    غرور تكلم السايق :الو راجو وينك سفط السياره بأي مكان انشاء الله بوسط الشارع وتعال ساعدنا شيل الاغراض
    راجو :مدام هزا في كتير سياره ما في موقف انا ايش سوي
    غرور :مدام بعينك عمت عينك سفطها اي مكان ما همني وتعال بسرعه
    راجو؛حاضر مدام
    غرور قفلت بوجهه من العصبيه ؛عليك ما تستحق بثر ولا كل شوي مدام غبي
    جود وهي خايفه :هي انتي بسم الله على قلبك وش فيك انهبلتي حتى السايق ما خليتيه بحاله
    جودي ؛اي والله خلاص غرور هدي وتذكري اليوم بتسافرين وانشاء الله بتحققين حلمك هدي حبيبتي
    طبعا السايق على اومامر غرور ومن الخوف منها وقف السياره قدام سيارة ونزل على انه بيجيب الاغراض ويطلعون قبل الرجال ما يطلع
    وصل السايق لغرور وشال معهم الاغراض
    :
    :
    فهد :وليه من ذا الي مسفط قدام سيارتي لا حول
    عبدالعزيز :وين عايشين يوقف سيارته قدام سيارتك ناس همج اسمع انا بدخل السياره راسي يوجعني موب ناقص وجع راس
    فهد:انقلع بارد دم وما تستحي يله انقلع اركب هذا الي انت فالح فيه بس تتشرط وتحسبني واحد من خدمك تتشرط يا دلوع ابوك
    عبدالعزيز؛افتح السياره لا اشوتك فاهم هذا الي انت فالح بوه السب وبعدين ايه بارد دم انت شعليك اصلا انا وشعلي منك سيارتك ولا سيارتي
    دخل عبدالعزيز السياره وفهد قعد يصارخ ومرتفع ضغطه وينتظر راعي السياره الي وقف قدام سيارته قعدو خمس دقايق الا الي وصل غرور وخواتها والسايق
    فهد ؛انتو راعين السياره
    غرور :ايه خيير
    فهد وهو يحالول يهدي نفسه :وش الي خير ياخت موقفين سيارتكم قدام سيارتي
    غرور :اوك اسفين وحقك علينا
    عبد العزيز داخل عرض:وش الي حقك علينا هاه انتو همج ولا وش تحسون بوه ولا ذا السواق الي معك موقف قدام سيارتنا اذا هو مدمغ انتي وين عقلك هاه
    غرور جن جنانها منوه ؛خير انت وش دخلك السياره سيارتك لا اجل ورني عرض مقفاك
    عبدالعزيز :انتي الي وريني عرض مقفاك ورانا شغل مو فاضين لك
    غرور :انت ما تستحي هاه
    عبدالعزيز :والله الي ما يستحي وجهك موب انا
    فهد :باس خلاص انكتم انت وهي وانتي اختي خلصونا حركو من قدام سيارتنا وانت اركب السياره
    جوود وجودييسحبوون غرور لسياره وغرور تبي تروح لوه عشان تعلمه الادب وعبد العزيز يناظر فيه ويبتسم ويناظره من فوق لين تحت وراح وهو يضحك

    في سيارة فهد
    فهد:عبذالعزيز انت صاحي يأخوك وش بلاك وش صاير لك اليوم مشاكل مع خلق اللله. مو انت تقول مالي شغل ويوم شفتها فجرت الدنيا
    عبدالعزيز يناظره بص عين :لانه باقي ما طلعت الي بقلبي وطلعته بوجهه
    فهد:اول مره اشوفك كذا خابرك عاقل ما تهزك بنت
    عبد العزيز :والله ان قمت عليك لا اكسرك انكتم رح
  2. شروق عبدالله
    29-07-2014, 01:19 PM

    رد: رواية خيالي واقع

    رواية خيالي واقع


    ابي تفاعلكم معي
  3. أنة حرف
    29-07-2014, 09:09 PM

    رد: رواية خيالي واقع

    رواية خيالي واقع


    بداية موفقة
    استمري في الكتابة
    متابعينك
    تحياتي لك
  4. شروق عبدالله
    29-07-2014, 09:56 PM

    رد: رواية خيالي واقع

    رواية خيالي واقع


    مشكوره واسعدني مرورك
  5. الكاتبة ساندرا
    30-07-2014, 08:41 AM

    رد: رواية خيالي واقع

    رواية خيالي واقع




    بداية موفقه غاليتي " شروق "
    با انتظار البارت القادم والأحداث المحمسه ..

    أسعدك الرحمن |
  6. شروق عبدالله
    30-07-2014, 08:54 AM

    رد: رواية خيالي واقع

    رواية خيالي واقع


    تسلمين حبيبتي انتي واسعدتيني
  7. شروق عبدالله
    30-07-2014, 08:56 AM

    رد: رواية خيالي واقع

    رواية خيالي واقع


    في سيارة فهد
    فهد:عبذالعزيز انت صاحي يأخوك وش بلاك وش صاير لك اليوم مشاكل مع خلق اللله. مو انت تقول مالي شغل ويوم شفتها فجرت الدنيا
    عبدالعزيز يناظره بص عين :لانه باقي ما طلعت الي بقلبي وطلعته بوجهه
    فهد:اول مره اشوفك كذا خابرك عاقل ما تهزك بنت
    عبد العزيز :والله ان قمت عليك لا اكسرك انكتم رح الفندق خلصني ابي اجهز شنطتي رحلتي بعد ساعتين
    فهد :طيب طيب روق يبوي خلني اشغل لك اغنيه كذا وتروق -شغل المسجل كانت الاغنيه روح ياحبيبي روح

    علمي انتهينا ونسينا الي كان............... افترقو ادينا بهدا ليالي هوانا غمرها النسيان............. هوانا لا صوت ولاصدى.... بعلمي انتهينا ونسينا الي كان........ افترقو ادينا بهدا ليالي هوانا غمرها النسيان....... هوانا لا صوت ولا صدى...... شو جاي تخبرني من بعد اللي صار ...... شو جاي تخبرني لما انتهى المشوار شو بدي احكيلك.......عيني بتحكيلك... ...عن قلبي الي صاير على اخر روووووووووووووووووح رووووووووووح ...حبيبي روح ......شو بدك فيي انساني اتركني بحالي يا حبيبي روح بكفي جروح.......... انا كنت نسيتك شو اللي جابك عابالي ......رووووووووح حبيبي روووح شو بدك فيي انساني اتركني بحالي يا حبيبي روح بكفي جروح.......... انا كنت نسيتاك شو اللي جابك عابالي ..عابالي******************** حاجه ترجعني للماضي الي راح.............. ماضينا الي راح انتسى خلي حبيبي هالقلب مرتاح.........بكفي عذاب واسى يا عايش بروحي ...... وتاركني وحيد متفيقلي جروحي....... من اول وجديد انا ضايع من حالي .....ونسيني الليالي ونساني كرمالي...... يا حبيبي الروووح وروووووووووووووووح حبيبي روح ......شو بدك فيي انساني تركني بحالي يا حبيبي روح بكفي جروح....... انا كنت نسيتاك شو يلي جابك على بالي روووووووووووووووووووووح حبيبي روح شو بدك فيى انساني تركني بحالي يا حبيبي روح بكفي جروح انا كنت نسيتك شو يلي جابك على بالي ...............رووووووووووووووووووووووووح حبيبي روح شو بدك فيى انساني تركني بحالي يا حبيبي روح بكفي جروح انا كنت نسيتك شو يلي جابك على بالي

    عبدالعزيز ابتسم بحزن على جنب ويناظر الشباك
    فهد بنفسه /اخخ ياليت اني انطميت ولا شغلته ذكرته بشي موب بوقته
    (كان عبد العزيز عمره ١٩يحب بنت كان يتفاداها بعمره واول مره حب لكن تفرقو وهي تزوجت غصب عنها وبعدها حلف انه ما رح يحب غيره لكن بالصدفه شافها لما صار عمره٢٢ كانت مع زوجها وكان زوجها اقرب قريب لعبدالعزيز هه كان صديقه رعد اختفى فجأئه وعلى انه منشغل بشركات ابوه وكذا المهم اختفى فتره طويله لا تفهمون غلط رعد اختفى لانه بعد مغصووب على هالزوواج ولانه ما يبي يجرح صديق عمره اختفى عنه لكن التقو بكوفي واكتشف عبدالعزيز ان صديق عمره وحبيبته تزوجو انجرح اكثير ولا مسمين ولدهم بأسمه لكن بعد خلاص مشاعر كلها تلخبطت ما يقدر يكرهم لانهم كان كل شي غصب عنهم حتى ولدهم جاء بدون حب هم بس متزوجين وبس مافيه مشاعر اتجاه بعض لان كل واحد يحس انه يخون عبدالعزيز طبعا عبدالعزيز انصدم بشوفتهم بس سلم وتقبل هالموقف وما يبي يخلي احد يحس شكثر اهوا موجوع وتعامل على ان كل شي ما كان ولا رح يكون لان رعد طلب من عبدالعزيز يتزوج اليان لانه بيطلقها ويتركها لعبدالعزيز عبد العزيز رغم حبه لها لكنه رفض لفكرة انه ياخذها لانه يشوف الحب بعين رعد لليان رغم انها للحين تحب عبدالعزيز كان بس يبي يضحي بحبه لاجل صديقه اهو اقوى من رعد بكثير ورح يبصبر طبعا اهم لما تكلمو بهالموضوع كانت اليان مو موجوده لكن سمعت كلامهم كله واهي واقفه وراهم بعد ما رجعت من دورة المياه الله يكرمكم وقفت بوجه عبدالعزيز وبكت لدرجة انها ما اهتمت لرعد :كيف كيف ماتحبني بعتني يا عبدالعزيز انا ضحيت بحياتي كلها لك ميته حيه بدونك وانت نسيتني شلوون حرام عليك
    عبدالعزيزيتكلم بغصه:اليان انتي متزوجه الحين وحبنا لبعض كان طيش شباب اسف
    اليان ما قدرت تستحمل وطلعت برا الكوفي تجري وما انتبهت للطريق وصدمتها سياره وماتت حب عبدالعزيز مات معها احاسيسه مشاعره تفكيره قلب ينبض كل هذا مات معها ومن ذاك اليوم يحاول يكوون متبلد عشان مايحس بحد ومايهتم لحد بارد بمشاعره عشان قلبه ما يحس اوينبض لغيرها مغرور و متكبر كان يمثل هالدورين عشان الناس ما تقرب منوه )
    .
    .
    .
    غرور بصراخ :اخخخ يلعنه والله لو مسكته كان قطعته متكبر مغرور اخ
    جوودوجودي ساكتات خايفين منها :؟؟؟!!
    وصللو البيت وكانت امها ووابوها وسلطان وهنادي جالسين بالصاله وقهوه وشاي وحلا ويسولفو دخلت غرور سلمت وطلعت فووق بسرعه وجود وجودي جلسو معهم
    جاسم:خير يبه وش فيها غرور شكلها فيها شي
    جوود بأرتباك:هاه لا يبه بس تدري عشان السفر وكذا
    جودي:ايه صح
    سلطان:اها الله يعين
    جاسم:اخخ هالغرور عجزنا نفهم لها
    فاطمه :والله بفقدها اه هالبنت ما ادري وش. فيها تحب تبعد من كانت صغيره ما تحب تكون قريبه لحد حتى لي
    هنادي:معليش عمتي احس ان غرور لمن تسافر بتعرف منوو رح تفتقده ترا هالسفره مو بس للشهاده لا بعد بتعطيها دروس ورح تتغير ان شاء الله
    فاطمه :ان شاء الله

    مرت لحظة صمت بالعايله
    والا بدخلة راكان
    راكان بصراخ :سلام انا جييت يالله حيني ببيتنا تو ما نور البيت حبتين هههه
    الكل يناظره ويضحك على استهباله
    جاسم:يا ولد اركد انت وش فيك مصرقع
    راكان يسوي فيها بريئ :حرام عليك يبه تدري قبل شوي لقيت واحد يبكي قال انه يبيني اصير ولدهم بس قلت لا عشانكم وانت الحين تقول عني مصرقع والله حرام
    سلطان:الله يخذ باقي هالعقل يشتريك اجل يالله حسن الخاتمه بس
    جود:روكي انا قل لهم يمكن يشتروني
    جودي :وانا بعد
    فاطمه :حسبي الله عليك من ولد وش هالكلام خربت البنات معك
    راكان راح عند الشباك وفتحه وطلع راسه ويصارخ:خلاص خلاص تعالو اشتروني هذولا طلعو موب اهلي انصدمت فيهم -مسوي فيها دراما ويبكي
    جاسم يضحك:هههههه قول لهم حتى انا ما ودهم يشتروني
    فاطمه:حتى انت يبو سلطان لا اجل شكلك موب زوجي راكان يمه قوم دور رجلي هههه
    جاسم:امزح معك هههه
    سلطان يناظر هنادي :وانا بروح ادور مره ثانيه
    هنادي :اجل دور لي رجل معك هههه
    سلطان :يالخاينه
    هنادي :انت الي بديت
    سلطان يناظرها بحب :امزح معك الي عنده القمر وش له وش بالنجووم
    هنادي : فديتك حبيبي
    راكان:هي هي انت وهي ترا بوه بزران ويأشر على جود وجودي قلت ادب
    سلطان :قلت ادب بعينك
    هنادي :هههههه اصلا انت غاير
    راكان:مالت بس مالت اصلا تلوعون الجبد
    جودي وجود :بزران اجل يا راكان
    سلطان وهنادي:احنا نلوع الجبد طيب طيب
    وصارو يلحقونه يبون يطقونه وهو يصارخ
    وعلى نزلت غرور تبي تجلس الا وتسمع اصراخهم وقعدت تضحك على شكل راكان طقوه طق ساعه بسنه
  8. شروق عبدالله
    08-08-2014, 01:39 AM

    رد: رواية خيالي واقع

    رواية خيالي واقع


    عطوني ارئكم وتوقعاتكم وحمسووني
  9. ملكهـ ملكهـ
    13-08-2014, 01:55 AM

    رد: رواية خيالي واقع

    رواية خيالي واقع


    روايه روووعه أعجبتني كثيييييييير
    يعطيكي العافيه


    "عرفنا قدرنا وابتعدنا بكرامه "
  10. logyn
    13-08-2014, 02:30 AM

    رد: رواية خيالي واقع

    رواية خيالي واقع


    روايه رائعه جدا الله يعطيك العافية

الكلمات الدلالية لهذا الموضوع