لعيونكم بعد طول غياب((مريسي وافتخر بأصلي))

الشعر, قصيدة , شعراء, القصايد ارسال إلى Twitter ارسال إلى facebook
  1. فيصل المريسي
    18-02-2007, 12:31 AM

    لعيونكم بعد طول غياب((مريسي وافتخر بأصلي))

    لعيونكم بعد طول غياب((مريسي وافتخر بأصلي))


    انا ماهمني الدنيا ولا همي متاعبها=مدام اني بها عايش ودايم مستريح البال
    مريسي وافتخر باصلي وعارف كيف احسبها=ومن ارض العرب اصلي وباصلي تضرب الامثال
    انا ماهمني شاعر بحروف قام يكتبها=لني عارف المغزى ولا يعجبني الغربال
    واذا ودي اخربها اكيد اني بخربها=ولكن مالتفت للي يسوي روحه برجال
    مدام ابوي رباني بشرقها وغربها=وعارف كيف اتعامل مع الموقف وقيل وقال
    انا ماخاف اعدائي ولو تكبر شواربها=كثير اذناب تتخفى ورى غتره ولبس اعقال
    واذا زادت بلاويها اكيد اني بأدبها=واسويهم حطب واوقد فناجين الغلا ودلال
    ولاتغريني الدنيا ولا حتى مناصبها=ولا اركض ورى الشهره ولا بيها تجي بأذلال
    ولا بالعب على المراءه واقول اني ابا اخطبها=ولا اتسلى بعواطفها واسويها مثل تمثال
    وامشيها على كيفي وابعدها واقربها =واعيشها حلم كاذب واسليها بلعب عيال
    وقدام البشر اكذب واسميها والقبها =اميرة حبي الاعظم وانا بعيونها محتال
    ابد لا يمكن اتخيل انا في يوم اعذبها=لاني عارف حقوقي وعارف كيف ستر الحال
    مع الفزعات تلقاني واقدرها واوجبها=واقدر من يقدرني ولو حمله يهز جبال
    ولا صدق علوم الهرج ولا يمكن اكذبها=لاني لازم اتأكد وارد الفعل بالاعمال
    علومي طيبه دايم وقلبي من يطيبها=ولا تتغير اخلاقي قصر فيني الزمن او طال
    مدام الشعر يسكني وقيفانه انا اشربها=ابكتب شعر من قلبي عشان تردده اجيال
    واصيغ حروف من فكري وازينها بأعذبها=واخلي الكل يسمعها كما نسمع صدى الموال
    ولوتبعدني الدنيا مسافاتي تقربها=الى من تستقر روحي بدنيا طيبين الفال
    واكون الشاعر الاول لبنت الشعر واعجبها=وألملم باقي انفاس القصيد بغربة الترحال
  2. عابر^سبيل
    23-02-2007, 10:25 PM

    رد : لعيونكم بعد طول غياب((مريسي وافتخر بأصلي))

    لعيونكم بعد طول غياب((مريسي وافتخر بأصلي))


    فيصل المريسي والله ونعم يا غالي وهذا ما هو غريب عليك .

    قصيدة فخر جميلة جدا و اقولها ثانيه والله ونعم فيك وفي قبيلتك كلها .



    دمت بود وعافيه
  3. Never GiVe Up
    24-02-2007, 10:18 PM

    رد : لعيونكم بعد طول غياب((مريسي وافتخر بأصلي))

    لعيونكم بعد طول غياب((مريسي وافتخر بأصلي))


    مشكور يا المريسي على هذه القصيده الرائعه

    وننتظر منك الجديد
  4. فيصل المريسي
    07-03-2007, 02:15 AM

    رد : لعيونكم بعد طول غياب((مريسي وافتخر بأصلي))

    لعيونكم بعد طول غياب((مريسي وافتخر بأصلي))


    المشاركة الأصلية كتبت بواسطة عابر^سبيل
    فيصل المريسي والله ونعم يا غالي وهذا ما هو غريب عليك .

    قصيدة فخر جميلة جدا و اقولها ثانيه والله ونعم فيك وفي قبيلتك كلها .



    دمت بود وعافيه

    صح قلبك مليووون ولا هنت ولا هان غاليك

    تحياتي وتقديري