خيال شاعر

الشعر, قصيدة , شعراء, القصايد ارسال إلى Twitter ارسال إلى facebook
  1. فواز خالد
    16-04-2014, 04:18 PM

    خيال شاعر

    خيال شاعر


    اهداء حصري لقسم الشعر وفي امان الله



    الليل واحساس القصيد استعزا
    خفاق ابن خالد وجاز المحازي

    سحابة تمطر وبرق استرزا
    لعاج برقه صوب ذيك النوازي

    نوازين منها الرجوله تنزا
    ياعلها تسقى جبال الحجازي

    وقم يانديبي ياعريب المبزا
    واحمل معك رسله لناس عزازي

    ناس لهم فالطيب بيرق يرزا
    ربعي البقوم اهل القنا والمغازي

    نطاحة الهيجا ليا من تعزا
    خيالهم جوك الاسود الغوازي

    ماكن فوق الارض شيئ تبزا
    عدوهم مع عرض الارض متوازي

    كسابة .. الطالات فوق المخزا
    مافيهم اللي ينذكر بالمخازي

    أسرح مع الغبشه على اللي تحزا
    لقطع القفار المهلكات المبازي

    جيب جديد وفيه هيبه ورزا
    اربع عشر والفين سجل طرازي

    اليا عطى الخرمه ابذيبا تهزا
    أشهب ويطرونه روات الاحازي

    ياعنك فوق الارض كنه يهزا
    مثل الجلي فصحون ملس قزازي

    ملفاك دار عزها مايوزا
    ولايجحد الطالات كود الخنازي

    ملفاك ابو بتال تركي وعزا
    عز ل/ ابوه وكاسبين الجوازي

    لاجيت داره قام رحب وفزا
    ثم ساق لك طيب وعلوم حرازي

    قوله من الفواز علم يبزا
    مرسول والمرسول ماهو مجازي

    الاوله نومه قزا واستقزا
    يقزاه من حالي منامه قوازي

    هذي ثلاث سنين فالقلب حزا
    يحز قلبه شاطرات الحزازي

    هم سطا بين المحاني وغزا
    غز السهام ورامي السهم غازي

    خشيف ريم قد رماه وتنزا
    ما شاف مثله بين كل المعازي

    واقفى وذب الضلع عجل بقمزا
    واتعبت رجلي لين جيت القمازي

    وكزيت قلب بين الاضلاع كزا
    وأتلى يلم وأشغلنه بوازي

    والثانيه شيئ على القلب لزا
    عجزوا يداوونه تلاميذ رازي

    ان جيت اجزي مالقيته يجزا
    دواه عند اللي كبار العجازي

    عجل يابن منصور برد يدزا
    مع مرسلي كانك فهمت المغازي

    قاف نسجته شطر اول على أزا
    والشطر الاخر قفلته جات ازي

    هذي سوالف شاعر واستفزا
    الحر ميقاعه بروس النوازي

    والبوم فصدوع الهضاب يتوزا
    عسر عليه يصيد حتى الخزازي

    واليل وأحساس القصيد استعزا
    خفاق ابن خالد وجاز المحازي




    بقلمي
    فواز خالد
  2. السحاااااااااااب
    16-04-2014, 05:10 PM

    رد: خيال شاعر

    خيال شاعر


    أروع ماقرأت لك وصح لسانك
    تقبل مروري مع تحياتي وتقديري
  3. احلي بنوته
    17-04-2014, 02:04 AM

    رد: خيال شاعر

    خيال شاعر


    يسلممو ع الطرح خقه
  4. "اقدار"
    17-04-2014, 12:26 PM

    رد: خيال شاعر

    خيال شاعر





    هم سطا بين المحاني وغزا
    غز السهام ورامي السهم غازي
    خشيف ريم قد رماه وتنزا
    ما شاف مثله بين كل المعازي
    واقفى وذب الضلع عجل بقمزا
    واتعبت رجلي لين جيت القمازي
    وكزيت قلب بين الاضلاع كزا
    وأتلى يلم وأشغلنه بوازي


    قصيده جميله وفي غاية الرووعه
    وراقت لي جميع ابياتها
    ويسلم منطوقك على هل القافيه الصعبه والرائعه
    قصيده تستحق التميز والتقييم
    دائما مبدع وما شاء الله عليك
    ودام مداد قلمك ودام نبض قلبك
    تسلم ألأيادي ويعطيك العافيه .


  5. *مزون شمر*
    17-04-2014, 06:48 PM

    رد: خيال شاعر

    خيال شاعر


    نص رائع
    ماشاءالله عليك يالشاعر
    صح السانك و يسلم منطوقك
    تقديري لك
  6. أوراق الخريف
    17-04-2014, 11:10 PM

    رد: خيال شاعر

    خيال شاعر


    الله الله صح لسانك وعلاشانك شاعرنا المبدع فواز الخالد
    قصيدة رائعة وتحمل من حلة الابداع تاج مميز له بريق يسلب العقول قبل العيون
    وهذا ليس بغريب على شاعر كسموك


    تقبل مروري وخربشاتي على صفحتك الراقية


    الشاعر اللي ساق قافه على الزا

    حرن وميقاعه بروس النوازي

    هديته يا اهل القوافي تدزا
    وسمن وكل ابيات شعره تجازي


    انشهد ان القسم فيه استعزا
    بقدوم شيخ البقم زاد اعتزازي