تعديت كل الحدود واقعيه / بقلمي ~

waref

New member
تعديت كل الحدود واقعيه / بقلمي ~

......

انا وريف عمري ١٨ قصتي كأي قصة عاديه لكن صارت معاي اشياء غيرت كل حياتي انا احكيلكم قصتي طيب بتقولون قصتك عادي بس انا بنسبه لي غيرر
تدرون ليه لان ابي اقولكم اشياء ابيكم تنتبهون لها مابي يصير لكم مثلي

حياتي عاديه بنت عايشه مع امها بعد وفاة ابوها >>> اوك مراح اقولكم انتم تكتشفون الباقي
المهم تبدا قصتي من هنا

::+
*
*
البارات الاول





وريف : يمه ابي اشتري جلكسي
ام وريف : يمه اخوك عبدالله بيروح للبقاله قولي له
وريف : لا يمه اقصد جوال
ام وريف : اها طيب انتظري لما ينزل الراتب واشوف
وريف : يووه يمه انا ابي اغير جوالي
ام وريف : وش فيه جوالك وش زينه توك شاريته ؟
وريف : طيب اشتري لي بلاك بيري
ام وريف : وش ذا بعد ؟؟
وريف : زي المعفن الي معي بس فيه نت وفيه وتساب وبيبي
ام وريف : خلاص الله يزعجتس قولي لخوك يروح يشتري لتس
وريف فرحانه :احبك ياحلى ام بدنيا
ام وريف : قومي شوفي الغداء
وريف : ابشري


بعد كم يوم اخوي عبدلله شراء لي بيبي وكنت فرحانه حيل ماكنت ادري شنو بيصير


ضفت صدقاتي وبنات عماتي وخالتي

نكي بالبيبي


# فتاة تحلم بالحرية #


>>> لحد يضحك على النك بس اول ماطلع البيبي كلكم مثلي لحد ينكر ^_*





مزون بنت عمتي
£ انت في قلبي مستحيل انساك £

PING!!!

# فتاة تحلم بالحرية #

هلا وغلا

£ انت في قلبي مستحيل انساك £

هلا فيك
اخبارك؟


# فتاة تحلم بالحرية #

بخير دامك بخير

£ انت في قلبي مستحيل انساك £
عسى دوم

وريف :

اخبارك انتي ؟

مزون :

بخير الحمدلله
اخبار خالتي
ريو اتصلي علي

وريف :
ان شاء الله بتصل عليك من جوال امي

مزون :
طيب انتظررك !




وريف راحت لأ امها
وريف : يمه بكلم مزون من جوالك
ام محمد : طيب روحي تحصليه في المطبخ نسيته
....



وريف : هلا وغلا اخبارك يالقاطعه
مزون : ههه انا بخير انتي الي قاطعه
وريف : اقولك شرايك بالبلاك بيري
مزون : يجنن
وريف: تصدقي لستتي ١٣
مزون : اوف انا ٣٠٠ وقابله لتزايد
وريف : مشاء الله عليك انتي معارفك كثير
مزون : لا ياقلبي انا نشرت بني
وريف : يويلي مهبوله انتي
مزون : هههههههه صدق فله
وريف : وكلهم ببنات !
مزون : شرايك اجل تخيلي بس ضايفه ولد عندي إلا اقول ماتبيني انشر بنك
وريف: إلا تكفين
مزون : ابشري يلا باي
وريف : باي

..

يرغب المستخدم بضافتك لجهة اتصاله

وريف : الله وناسة

وتميت اضيف بنات وكل وحده اضيفها اطلب منها تنشر بني لحد مامر شهر وخلصت خدمتي

وريف بصاله : اوف طفش
ام محمد : وش فيك
وريف : يمه ابي افعل
ام محمد : يالليل خلاص روحي للمحفظتي بشنطتي السودا الي بدرج واخذي منها فلوس وعطيها السايق يجب لك
وريف : احبك الله يخليك لي



..
...: ورررريف ؟؟
وريف نازله من الدرج : انا جيت
عبدلله: اخرتينا محمد صار له ساعه ينتظر
وريف : وش اسوي بغيت انساء جوالي

بسيارة

وريما : انا بركب وراء
وريف: لالا قومي بس انا اكبر منك
محمد : اركبن كلتسن ورا
وريف : طييب

ام محمد : يلا عسا مانسينا احد
دلال : اي انا نسيتوني
عبدلله : هههههههههه
ام محمد : يلا ياولدي توكلنا على الله

>>
اوبس نسيت اعرفكم على اهلي

محمد اخوي الكبير عصبي عمره ٢٩ متزوج من بنت عمي
عبدلله اخوي الي بعد محمد عمره ٢٥ خاطب بنت خالتي
دلال اختي الكبيره مررات عصبيه ومررات طيبه عمرها ٢٢
فهد اخوي الي احبه حنون وطيب مرره عمره ٢١ يمكن عشان هو الي اكبر مني بسنه
انا ريوف عمري ١٨ > مابي اتكلم عن نفسي انت راح تكتشفون
وريما اختي الصغيره او القعده اكرره دلعها دلوعة اخوي محمد عمرها ١١

*^
حنا مسافرين لجدة


ام محمد : محمد طفى المكيف بررد
محمد : يمه ماشغلت المكيف ذا برراد الجو
ام محمد: الله يستر عساكم اخذتو ملابس
دلال : يمه انتي بتروحي لجده وجدة حرر
ام محمد : البرد برد
فهد: محمد وقف عند بقاله
محمد : طييب
فهد : تبون شي
ريوف : اي ابي بيبيسي وابي كندر وابي جلكسي وابي دريتوز وابي امم شنو بعد
عبدلله : اسمعي انزلي مع اخوك واشتري ،
ريوف : مالي خلق البس النقاب
دلال : خلاص بنزل انا اعرف وش تبين
ريوف : يازينك والله


ومع الوقت وصلنا جدة الساعه ١٢ بالليل
المسافة طويله من القرية لحد جده

^
القرية الي انا عايشه فيه في الرياض



اخوي محمد حجز لنا شقة تطل على البحرر
وكان المنظر جميل
وجاء الصباح

وانا متحمسة اطلع للبحر

طلعنا للبحر وحجز لنا اخوي محمد شاليه

وناسة لسى اذاكر ذيك الايام كانت ايام جميله
اخوي محمد وفهد وعبدلله راحو يسبحو
وانا و وريما رحنا نجمع صدف ونلعب على الشاطئ

وريف : وريما تعالي هنا نركب على الصخر ذيك
وريما : لا انا ابي العب على الرمل
وريف : كيفك
رحت فوق الصخره وجلست وحطيت ارجولي على البحر
وجلست اصور واسوي حركات

ومر اول يوم
وثاني يوم
رحنا للمول

وريف : اوف خلاص تعبت ابي اجلس
ام محمد : روحي اجلسي واحنا بنتسوق واذا ارتحتي اتصلي علي

جلست على الكراسي
طلعت جوالي وجلست احدث في البيبي

اشتهيت اشرب كوفي

رحت
وريف : لو سمحت
البايع : لحظه لو سمحتي
وجلست. انتظر لحد ماخلص الي كان يسويه للحرمه
البايع : شنو تبين
وريف: ابي كوفي
البايع : اوك

وحاسبت للبايع
ورحت ابي اجلس

وانا امشي جاء طفل صغير يركض وصدم فيني ونكبت القهوه علي وانعدمت عباتي

فيني صيحه
الناس يناظروني فيني
وانا طايحه على الارض ومادري ايش اسوي << ومن هنا تغيرت وريف <<

ولما التفت شفت شاب. متوسط الطول ملامحه حلوه جميل نحيف بشرته حنطيه

......:: اسف اختي
وريف وانا ابكي : اهي اهي
.......:: اختي انا اسف اخوي خبل يركض ورا حق البلونات
وريف عصبت : وانا وش اسوي فيك انت واخوك عباتي انعدمت
......: خلاص اختي اذا تبي اشتري لك عباة ثانيه
وريف : لا شكرا دحين اغسله وتروح
......: طيب اسف مره ثانيه
وريف مالي خلق ارد عليه
رجت لدورة المياة وغسلت عباتي لحد مانظفت
وطلعت وانا منقهره

شفت الولد الصغغير الي طيحني كان ودي اجيه وضربه
بس استحيت

رحت وجلست وراسي يعورني طلعت البندول من شنطتي واكلتها

والولد جاء لي

الولد الصغير: اثف
وريف كسر خاطري : لا عادي ياقلبي بس انتبه مره ثانيه
الولد : فيصل قالي لا تشتري بلون بس انا ابيها
وريف حبيت الولد من كلامه : ايش اسمك يابطل ؟!
الولد: اسمي مؤيد
وريف : مؤيد حبيبي انت شاطر لازم تسمع كلام اخوك
مؤيد : ان شاء الله
وريف : يلا روح لخوك
مؤيد: طيب انت ايش اسمك
وريف : اسمي وريف
مؤيد : الله انا اختي اسمها ريوف
وريف : لا انا اسمي وريف مو ريوف
مؤيد: اها
وريف : يلا روح لخوك
مؤيد : لابي اجلس معاك
وريف : لا روح له جالس ينتظرك
مؤيد : طيب
وراح

وانا اتصلت على اكي ورحت لهم

دلال : انتي وش فيك ريحتك كلها قهوه
وقلت لهم السالفه
ام محمد : يولي عندك
وريف : اي يمه قسم اكسر الخاطر وانا طايحه واناس تناظر فيني بغيت ابكي
ام محمد : ههههههه


وبعدها طلعنا ورحنا نتعشاء
وفي اليوم الثالث رحنا لملاهي الشلال

وطبعا انا ماخليت لعبه مالعبتها

ويامحاسين الصدف
ذاك البزر الي طيحني شفته


وريف : دلول
دلال : هاه
وريف :: شوفي ذاك الولد الصغير
دلال : وش فيه !!!
وريف : ذاك الي طيحني امس
دلال : ههههه ياحياتي


وريف : يمه يمه
ام محمد : هلا
وريف : بنروح وانا ودلول نشتري ايسكريم
ام محمد: طيب
قمن انا ودلال ولا انا بس ابي اشوف ذا شاب الي شفته امس
شافني البزر الصغغير وجاء لعندي

مؤيد: ريوف !!!!
وريف: لا انا وريف
مؤيد: وريف ابي ايسكريم
وريف : طيب شنو تبي اي نكهه
مؤيد استانس : ابي كاكاو
وريف : ان شاء الله

دلال : هيه بنت
وريف : هاه وش تبين
دلال : وش تيبين بالبزر
وريف : حررام كسر خاطري
دلال : اخلصي بسررعه

صوت من بعيد : مؤيد
مؤيد : فيصل
فيصل : انت تختفي فجاء
مؤيد : فيصل وريف وريف
فيصل مانتبه لي : يلا مؤيد نرجع للبيت
مؤيد : لا فيصل وريف تشتري لي ايسكريم
فيصل : انت ذبحتني من امس وريف وريف
مويد : وريف الي طيحتها امس
وريف اخذت الايسكريم الان باين ان فيصل عصب
وريف : مؤيد تعال اخذ الايسكريم
مؤيد جاء يركض
مؤيد: شكرا وريف
وريف : عفوا
فيصل : شكرا اختي يلا. مؤيد

وانا عيني على اخوه مدري هو احترام ولا اخلاق المهم انه انا انعجبت فيه


>> وربي البيت ان جمال ماعمري شفت مثل جماله


وبعد مارجعنا للقريه ومرت الشهور

طفشت من البنات الي عندي بالبيبي وحبيت اغير
وطلبت منهم ينشرون بني وسويت لسته ونشرت بيني
ومرت السته على الموجودي بالقائمه الي عندي

مرا اسبوع او اسبوعين
وكلما تجيني اضافات
انا صراحه كنت مستانسه
وصرحت اضيف وماسال بنت ولا ولد
لان طفشت
وصار عندي كوووووم من العيال

وجات لي فتره حذفت الموجودين كلهم وصارت لستتي فاضيه
شهرين على للوضع ذا

وصرت اضف

باقي عشر ايام عن عيد الاضحى
وانا اليوم بروح السووق بشتري ملابس للعيد
اشتريت بدله حلوه
فستان قصير لحد نص الساق
كان مررره جميل
لونه احضر غامق ومعه كرستالات بالون الابيض


^^
بوصف لكم شكل وبدون مبالغه او كذب
لان مابيكم تقرون الرواية وماتتخيلون الشخصيات فاحبيت اصور لكم شكلي
_

انا لون بشتري بيضاء
شعري لونه بني كستنائي طويل
لون عدسة عيوني اسود اخذت سواد العيون من ابوي الله يرحمه
واهلي يسموني > ذات العيون السوداء ) هههه
كنت فيي المتوسطه سمينه كان وزني 66 ولما دخلت الثانوية نحفت صار 50 ويوم عن يوم انحف فيه
طويلي متوسط يعني مو ذاك الطول الي يمدح فيه ولا ذاك القصر الي يسب فيه



.............................



هنا اوقف القلم شوي !

البارت الاول بس تعريف لشخصيتي
وروايتي اوقصتي جميل صرراحه مابي اوقف قلمي عند ذي الكلمات ..
ابي على الاقل رد واحد !!



تم الإرسال بواسطة iPad بإستخدام منتدى عبير
 
رد: تعديت كل الحدود واقعيه / بقلمي ~

سووري في اخطاء مثل وريف كتب ريوف
ان شاء الله بكمل بكرا ~


تم الإرسال بواسطة iPad بإستخدام منتدى عبير
 
رد: تعديت كل الحدود واقعيه / بقلمي ~

تنقل لقسم الروايات غيرالمكتملة
لحين اكمالها
تحياتي ويعطيك العافية
استمري بالكتابة
 
رد: تعديت كل الحدود واقعيه / بقلمي ~

<<البارت الثاني >>




اليووم العيد


ام محمد : يلا وريف قومي اختك تأخرنا
وريف: طيب طيب ان شاء الله
رحت اصحي دلال
وريف : يالبطه قومي
دلال : الساعه كم
وريف : ١٠
دلال : طيب

رحت ووصليت واخذت شاور لان بنروح عن عند خوالي

وانا جالسه افطر
جتني اضافة

Meme ترغب بضافتك لجهة الاتصال
وقبلت الاضافة

Meme

مرحبا

Waref
اهلن

Meme

اخبارك
Waref

تمام
مين معاي

Meme

معاك مها ال..........
Waref

اهلن انا وريف ال ........
Meme

من وين
Waref
الرياض
Meme
ياحيا الله اهل الرياض انا من المدينه

£
جلست اسولف معاها
ام محمد : وريف وين خواتك
وريف : خلصو الحين ينزلو ، إلا اقول يمه خالتي سارة متى سافرت للكنده
ام محمد : من قبل 5 سنين
وريف : ووللحين ماتغيرت حالة زوجها
ام محمد: لا طايح على الفرش وعلى الاجهزه
وريف : الله يشفيه
ام محمد: ماكسر قلبي الإ بنته المسكينه
وريف : وش فيها عهود
ام محمد: تقولي خالتس ان كل يوم تروح له وتجلس عنده ساعتين قبل ماتروح للمدرسة واذا رجعت تاخذ غداها وتروح عنده
وريف : ياحياتي الله يقومه بسلامه
ام محمد : امين

^^


بعرفكم على خوات امي

١- خالتي حصة اكبر وحده عندها ٥ عيال وثلاث بنات
اكبر واحد من عيالها اسمه نواف مهندس متزوج من بنت عمته وعنده بنت عمرها ثلاث سنين
خوله متزوجه عندها 4 بنات وولدين
نايف متزوج وعنده ولد
راشد مهندس خاطب اختي دلال
منصور دكتور اسنان
مووسى طالب بالهندسة
مها طالبه رياض اطفال
اردانه ١٨(( صديقتي الصدوقه حبيبتي وتوؤم روحي

٢- خالي عبدلله
عنده 5 بنات ورابع عيال

خلدا متزوجه من عمي وربي مارزقها بالعيال
خالد متزوج وعنده بنت وولد
عبدالعزيز متزوج وعنده ولد وبنت
نورا متزوجه من نايف ولد خالتي حصة
محمد استاذ في جامعه الملك عبدالعزيز في جدة
اسماء معلمة رياضيات
بتول ١٨
بشاير ١٢

٣ خالتي سارة
متزوجه وعايشه في كنده عشان زوجها تعبان وماعندها غير بنت وحده
عهود ١٨ صار لها ٥ سنين وهي برا السعودية

٤ خالي محمد
عنده ولدين وبنت
علي طالب في الجامعه تخصص فيزياء
وعبير ١٨
احمد ١٥

٥ خالتي شريفة
سلطان عمره ٢٥
عفاف اختي بالرضاعه
فوز ١٩ النصفي الثاني


...............……………




دخلت السيارات لبيت خالي عبدلله

ونزلنا انا وامي واخواتي ودخلنا لقسم النساء استقبلتنا زوجة خالي عبدلله وترحب فينا
وصرت انا وخواتي نسلم على خالاتي ونعايدهم
ام خالد : دلال روحي انتي خواتك عند البنات
دلال : ان شاء الله

وقمت ورحت لعند البنات
من زمان ماشفت بنات خالاتي وخوالي
اول ماشفت اردانه ضميتها قوه كنت مشتاقه لها
اردانه : ههههه شوي شوي قطعتيني
وريف : يحق لي ياحماره مشتاقه لك
اردانه: تعالي اجلسي
جلست اسولف لها واحكي لها
بتول : أردانه امك تناديك
راحت اردانه وانا جلست اسولف واسولف مع البنات

......................…………………
اشتقت لجمعة البنات
واشتقت لضمة اردانه
اردانه كانت لي وطن كانت لي ام كانت لي كل شي
كنت انا اردانه واردانه انا
...................................................


عبير : بنات امشو نورح للحديقه نغير جو
مها : العيال بيشغلو العاب النارية
وريف : الله ليتني ولد
نورا : اجل الحمدلله انك بنت
وريف : نوير ليه والله حياتهم حلوه
نورا : لا والله البنت احسن مدلعه ومعززه ومكرمه
بتول : انتي مدلعك نايف
نورا حمرت اخدودها : يحق لي
الكل : ههههههههههههه
خالتي شريفه جت : يابنات
الكل : لبيه
خالتي شريففه : سلطان اتصل علي يقول بنشغل العاب النارية
وريف : يلا خاله خلينا نطلع من اليوم نقولهم
فوز : ايه يمه قولي لهم
ام سلطان : يلا قومن
البنات : ان شاء الله خالتي

راحو البنات للحديقه
وجلسنا نسولف
اتصل منصور على مها
مها : هلا
منصور : انتم بالخديقه
مها : ايه
منصور : طيب طفو انوار الحديقه لان العيال بيطلعون
مها : طيب باي
مها : بتوول
بتول : هاه
مها : طفي انوار الحديقه العيال بيطلعون
بتول : طيب

وطفت انوار الحديقه
وشوي والسماء امتلت العاب نارية
كان منظر جميل
اليوم عيد والعيال يشغلو كانو قريبين منا
بس عيد بنسبة لوحده من البنات
فوز الي تحب منصور ولد خالتي والكل يعرف

ماشالت عينها عنه
كنت اقراء في عيونها شوق
كانت ودها تجي لمنصور وتضمه
اردانه : يامشتاقه يالولهانه
البنات : من ؟؟
اردانه تغني وتناظر في فوز
والكل فهم وصار يضحك
فوز انتبهت ان البنات يناظرون لها : وش فيكم
اسماء : لا مافينا شي
مها : ياحلو اخوي منصور توي ادرين انه مزيون
فوز انحرجت
وريف غيرت الموضوع: بشاير ابي عصير
بشاير : طيب
وجلسنا نسولف

ورجعنا للبيت
رميت نفسي على طول في السرير
شحنت البلاك
ورحت غيرت ملابسي واخذت شاور


وانسدحت على السرير وجلست اطقق بالبيبي

غيرت حالتي
دخلت علي مها
Meme
كل عام وانتي بخير
Waref
وانتي بصحة وسلامه
Meme
كيف العيد معاك
Waref
مرررر حلو
Meme
جعله ددووم

وجلست اسولف معاها لحد ماتعبت ونمت

مرا شهر الحج على خير
دخلنا السنه الجديده
وعلاقتي مع مها صارت قويه
صرت احكي لها كل شي
وصارت تعرف عني كل شي

.......،
قمت من النوم وانا احس بالالم في انفي خليته
ورحت اصلي ونزلت عند امي
افطرت معها
ورحت اسوي الغدا لاني اشتهيت اطبخ
بعد الغدا
جلست بصاله
ام محمد : دلال روحي سوي لي قهوه
دلال : ان شاء الله
زاد الالم
وريف :: يمه في حاجة تعورني في خشمي
ام محمد : يمكن بررد او زكام
وريف سكتت
وكنت اسولف مها
جابت دلال القهوه
دلال : وريف وش فيه خشمك
وريف : وش فيه
دلال : ررووحي غسلي
وريف رحت اغسل شفت الدم ينزل منه
اخذت ساعه كانله ينزل
ام محمد: للحين ماوقف
وريف : لا يمه في حاجة تعورني داخل
ام محمد : دلال روحي شوفي اخوك فهد وين
دلال: طيب

جاء فهد
فهد : وش فيه
ام محمد : خشمها ينزل دم من اليوم
فهد : ايه ذا شي عادي
ام محمد : وشو
فهد: يقولون زين اذا نزل دم الان الراس
امم محمد: طيب وريف روحي حطي ثلج
وريف : ان شاء الله
رحت وفتحت الثلاجه وحطيت ثلج وقف الدم
ام محمد : الحمدلله
وريف : بروح اكلم اردانه
ام محمد: طيب لا تتأخرين
وريف : ان شاء الله



………………………………………………………



البارت قصير
ابي تفاعلكم

راح انزل البارات الثالث الساعه ١٢
راح يكون طويل
بليزز
ابي تفاعلكم



تم الإرسال بواسطة iPad بإستخدام منتدى عبير
 
رد: تعديت كل الحدود واقعيه / بقلمي ~

>> البارت الثالث <<




وريف بغرفتها تكلم اردانه : ايه
اردانه : وبس قالت لها
وريف : صراحه ماتستحي
اردانه : ولد عمها
وريف خشمها صار ينزل دم
وريف : ردونه اكلمك بعدين
اردانه : اوك

نزلت لعند امها

وريف : يمه شوفي خشمي لسى ينزل
ام محمد : بسم الله روحي جيبي عباتك بنروح للطيبيب
راحت وريف تلبس عباتها

ورحنا للطيب
الدكتور : بنتك لازم تدخل على غرفة العمليات
ام محمد بخووف : ليه وش فيها
الدكتور : هي طاحت على خشمها من زمان !
ام محمدتتذكر: اي كانت تلعب وطاحت
الدكتور : ورحتو للمستشفى
ام محمد: لا
الدكتور : تدرين ان ذي الطيح سببت لها انحنا في غضاريف الانف
ام محمد: يعني شنو
الدكتور : يعني ياأمي بنتك تحتاج لعملية عشان نشيل الغضاريف الساد مجرى التنفس
وهي الي سببت لها النزيف
ام محمد : طيب بكلم اخوها
الدكتور : لازم نسويها بسرع وقت
ام محمد: طيب
وارحت تتصل على محمد
محمد: خلاص بجي الحين
ام محمد : دكتور اخوها بيجي الحين
الدكتور : طيب سستر جهزيها للعملية
وريف كنت خايفة بس بصراحه كنت متحمسة ادخل لغرفة العمليات
ههههه الناس تبكي وحالتها حاله وانا فرحانه

وريف بالغرفه
وريف تكلم السستر : مابي البس ذي الملابس
السستر: لازم تلبسيها
وريف : ملابسي استر من ذي
السستر : عشان انتي بتدخلين على عملية
وريف : مابي البسها انتي ماتفهمين
السستر : اوك بقول لدكتور الحين يجيك
وريف : طيب جيبي عباتي
السستر: ليه
وريف: الدكتور بيجي ابي البس
السستر: لا مافي
وريف: وش
السستر : لا
وريف: اقول تقلعي بس
السستر طلعت وهي معصبة مني

بس صدق ذا الي ناقص تبيني اطلع للدكتور وانا علي ملابس العمليه

ام محمد دخلت علي
ام محمد: وش فيها السستر طالعه معصبة
وريف: يمه تبيني اطلع كذا قدام الدكتور
ام محمد: انتي طالعه طالعه كذا الحين ولا بالعملية
ورريف سككت

مرت ساعتين وانا جالسه انتظر
اخذت البيبي
Waref : دعواتك بدخل على العملية
مرت دقايق
Meme: وش فيك !! انتي تتكلمني من جد
Waref: والله
وصورت لها لبسي
Meme: ليه وش فيك
Waref: في غضاريف في الانف بشيلها
Meme: بسم الله الله يقومك بسلامه.
Waref: الله يسلمك يلا بقفل فوني عشان بدخل

قفلت جوالي
وشوي وتجي سستر ثنتين وصارو يسحبو السرير
وانا منسدحه
صرراحه كنت مستانسه وكنت خايفه
هههههه


……………………………

نروح لمكان ثاني


كندا

تحديدا ساسكاتشوان
تعيش فيها الجميله عهود
الفتاة الحزينه على والدها
الي مريض من 5 سنين


ام عهود: عهود لحظظه
عهود : ماما بسررعه بتأخر على بابا
ام عهود: لا تروحين اليوم
عهود تركت امها : مامي باي

عهود طلعت لبسه حجابها
بنزل صوره للبسها




ImageUploadedByمنتدى عبير1395867981.264294.jpg






تأثرت عهود بالاجانب وصارت مثلهم

رن جوال عهود
عهود ؛What ((
ماذ!؟
جوني:
I miss you yatavlti
اشتقت اليك ياطفلتي
عهود:
What your Johnny
ماذا بك جوني
جوني:
Believe me yaahod not astttia you forget
صدقيني ياعهود لا استتطيع نسيانك
عهود اجلست على الكراسي الي على الرصيف
عهود :
Johnny you friend I please yagoni my father is sick and I'm going to him if you love me, please avoid keep
جوني انت صديق وانا ارجوك ياجوني والدي مريض وانا ذاهبه له
اذا انت تحبني فارجوك ابتعدعني
جوني وقف محتار :
Yatavlti chêne
اوك ياطفلتي

عهود سكرت وكملت طريقها للمستشفى



............................................



البارت ماخلص
بس بوقف شوي
ابي ردود
اذا حصلت ردود راح انزل الباقي واذا مافي بنزل بكرا !!
 
رد: تعديت كل الحدود واقعيه / بقلمي ~

ووينكم ليش مافي ردود !؟
 
رد: تعديت كل الحدود واقعيه / بقلمي ~

رووايه جميله جدا
لو تكون بلغتنا العاميه احسن علشان اخشش جوا<ارحمينا بس

كميلها..

Sent from my Sony Tablet S using منتدى عبير mobile app
 
رد: تعديت كل الحدود واقعيه / بقلمي ~

السعودية ~~


خرجت من غرفة العمليات بعد 5 ساعات
والحمدلله نجحت العملية
ومر اسبوعين ووريف ببتطلع اليوم
فرحانه لانها بتترجع لبيتهم


اول ماوصلت للبيت على طول شحنت البلاك وصرت اكلم مها

بعد كم شهر


مها :
وريف ابي اقولك حاجة
وريف:
شنو !
مها:
وريف انا اعرف انك بتزعلين
وريف:
مها فيك شي
مها :
اي فيني وماقدرت اقولك خفت من مشاعرك
وريف:
مها تراك خوفتيني اخلصي وش عندك
مها :
طيب بقول بس امانه لاتقولين شي لحد ماخلص
وريف :
طيب
مها :
لا اوعديني
وريف:
اوعدك
مها :
طيب اسمعي
انا مو مها
وريف:
مين اختها ؟
مها:
لا , انا ولد واسمي محمد وكذبت عليك لان ماكنت ادري اني بحبك لهدرجة وريف انا احبك
والله ياوريف ويشهد علي ربي اني امووت فيك
،.

وريف في حالة صدمه
محمد:
قسم احبك وريف انتي عشقي انتي كل شي انا كذاب صدق انا اول ماتعرففت عليك كنت طفشان كنت ابي العب معاك وريف حتى. صورك وربي ماسحها اخف عليك من نسمت الهواء وريف صدقيني احبك وريف انتي وعدتني انك تسمعيني للأخير
PING!!!
PING!!!
PING!!!
وريف صدقيني انا ندمان بس ردي علي

وريف : مها قولي انك تكذبين
محمد:
ليتني اكذاب ياروحي بس ذي الحقيقه
وريف :
انت حيوان كيف تسوي كذا ؟
محمد:
انجبرت ومادريت اني احببكك
وريف :
امسح صورري
محمد: ماسحها من اول ماشفتها
وريف:
طيب
محمد:
اسمعي لا تحذفيني فكرري
وريف:
ايش افكر فيه
محمد:
فأاني احبك
وريف : محمد الله يستر عليك
محمد: وريف سوي الي تبينه بس خليني عندك

وبعد محاولات من محمد رضت وريف تخلي محمد عندها

............................


بطلنا فيصل


مؤيد : فيصل !
فيصل: وش تبي بعد
مؤيد: انت متى تتزوج ؟
فيصل التفت لمؤيد وضحك ضحكة من قلب: ههههههههههههههه
مؤيد ببراء : وش فيك تضحك
فيصل ولسى يضحك
مويد: طيب ماحبك
فيصل: وليه تبي تزوجني
مؤيد: اي
فيصل : ومين هي
مؤيد : البنت الي طيحتها
فيصل يحاول يتذكر : مين
مؤيد: اسمها عكس اسم ريوف اختي
فيصل : فوير ؟؟؟؟؟
مؤيد : لا نفس اختي
فيصل يبي يغير الموضوع : تبي تتعشاء ولا لا
مؤيد : اي يلا




..................

فيصل عمره 25 حكيت لكم عن شكله طيب وحنون عنده اخت اسمها ريوف هي توام مؤيد بس توفت بحادث هي وامها وابوها قبل ثلاث سنوات
مؤيد ٨ سنوات

......……………….....



نتكلم عن بطلتنا أردانه


في غرفتها جالسه تكلم وريف

وريف :: وربي ياردون ذا الي صار
اردانه : احذفيه من عندك يلا
وريف: لا حرام
اردانه : وش وريف والله ان عرفو اخوانك والله ليذبحوك
وريف : وربي خلوق مؤدب
اردانه : لو خلوق ومؤدب كان قال لك من اول شي
وريف: ارددانه بروح عند امي باي
اردانه: باي


أردانه طفشت وان بغرفتي
فتحت شباك الغرفة وجلستت على البلكونه كنت اشوف منظر الشمس والغيوم تضمها تودعها كأنهم بيفترقون ضحكت على نفسي واخذت الكامير حقتي وصرت اصور
سكرت الشباك لان الجو صار بارد نزلت عند امي وابوي
ابو نواف: يامرحبا ببنتي الغاليه تعالي تعالي اجلسي جنبي
اردانه : هلا فيك
ام نواف : اردانه وجهك وش فيه
اردانه : مافي شي
ام نواف : اكلتي علاجك
اردانه : لا يمه
ام نواف بعصبيه : ماشاء الله عليك
ابو نواف : ليش يبنتي
اردانه : نسيت يابوي
ام نواف : وهذا انتي دايما تنسين
اردانه تضايقة من كلام امها : عن اذنكم بصعد لغرفتي
ام نواف : اكلي علاجك
ابو نواف: حصة ليه تكلمين بنتس كذا
ام نواف: من خوفي عليها يابونواف
ابو نواف: مايصير كذا بنتتس مريضه المفروض ماتكلمينها كذا
ام نواف تضيع السالفه: ايش اخبار الشرركة
ابو نواف: هذا انتي اذا كلمتك تضعين السالفه







....……………………………………………



البارت الثالث انتهاء


اتمنى عجبكم !
ايش هو مرض اردانه ؟؟!
ومين جوني وايش قصته مع عهود؟!!
وفيصل ومؤيد وقصتهم ؟!
واخر شي محمد ووريف !؟؟



البارت الجاي راح يكون اطول من ذا ابي تفاعلكمم !!
 
رد: تعديت كل الحدود واقعيه / بقلمي ~

رووايه جميله جدا
لو تكون بلغتنا العاميه احسن علشان اخشش جوا<ارحمينا بس

كميلها..

Sent from my Sony Tablet S using منتدى عبير mobile app

ابشري
ا هههههه


تم الإرسال بواسطة iPad بإستخدام منتدى عبير
 
رد: تعديت كل الحدود واقعيه / بقلمي ~

ليش مافي ردود
ليش مافي تفاعل
؟؟؟!!


....
 
رد: تعديت كل الحدود واقعيه / بقلمي ~

ومرض اردانه اتوقع قلبها تعبان


سبحان الله وبحمده
سبحان الله العظيم
 
رد: تعديت كل الحدود واقعيه / بقلمي ~

رووووعه بتوفيق حبيبتي
كملي مرره متحمسه
يعطيك العافيه وربي يسعدك..
 
رد: تعديت كل الحدود واقعيه / بقلمي ~

روايه بتجننن روعه كمليها لو سمحتي


تم الإرسال بواسطة iPhone بإستخدام منتدى عبير
 
عودة
أعلى