12

طفوله معاق قصيده تحكي معاناه مرررره

الشعر, قصيدة , شعراء, القصايد ارسال إلى Twitter ارسال إلى facebook
  1. كمخـمـخ
    26-03-2005, 05:51 AM

    طفوله معاق قصيده تحكي معاناه مرررره

    طفوله معاق قصيده تحكي معاناه مرررره




    قصيدة قرئتها واعجبتني واحب اني اشارك فيها واتمنى انها تعجبكم

    وهي للشاعر محمد عويضه ...

    تعبر عن واقع المعاق في مجتمعنا...

    قصيدة محزنه ومؤثره ...



    أالطفوله ..

    أحلى مافي هالحياه

    مرحله من غير هم

    كنا دايم نبتسم

    كنا حتى لو بكينا ... وجارت الدنيا علينا

    بعد لحظات وثواني ...

    بسمه فينا ترتسم

    كنا نركض خلف كوره ... لا لا أنا ماكنت معهم؟

    وحدي بس بعيد عنهم ... كنت أضحك من ضحكهم ...

    جالس لحالي أهذري... جالس أحسب كم( كوبري )...

    صلحه( أحمد ) في ( ماجد ) ؟؟

    والله واجد!!

    وقبل ما يحل الظلام ...

    للبيوت نروح نجري ... لا لا أنا ماكنت معهم !

    أمشي وحدي بعيد عنهم ... أمشي وأعدد أثرهم!

    وهم عني يبعدون ...

    يبعدون ... يبعدون ...

    إلا( ماجد )!

    كان مثلي حيل ضايق ...

    بس حزني كان حارق

    كان يسألني ببراءه : ...

    ليش تعرج ؟ ... قلت مادري ! - باستياء -

    ليش تبكي ؟ قلت مابكي - بكبرياء -

    ضاق مني ...

    ثم سألني في غباء ...

    قال ( وثرايك تثابق )؟

    وراح عني ... !!


    ****************************

    كنت أسأل دوم نفسي ...

    ليش ما أركض معاهم ؟؟

    ليش دوم أمشي وراهم ؟؟

    وش بلاي ؟؟ أو وش بلاهم ؟؟

    ليه أنا غير الأنام ؟؟
    زاحمتني الأسئله...

    كل شي أجهله ؟

    وإن تعبت من الإجابه...

    أحظن الحيره وأنام .


    *****************************

    مرت سنين وكبرت ...

    صار همي اليوم أكبر

    حتى دمعي صار أكثر

    للأسف توي قدرت ...

    أفهم إني شخص ( عاجز )!

    يعني بيني وبينكم

    مليون حاجز !!!

    صدقوني ذي حقيقه ...

    لا طلعت السوق ... كل مامشي دقيقه

    القى كل شوي أبله !

    يمشي ويناظر صديقه ...

    ويغمز له

    يقول : ناظر...!

    وش يناظر ؟؟

    وتتفجر في خفوقي
    ألف ضيقه

    ووحده في وسط الزحام ...

    طالعتني باهتمام ...

    بنت في عمر الزهور ... أي رشاقه ... وأي أناقه ...

    وأي عطور !!

    قلت في نفسي ياهووووه

    هي تناظرني بغرام ؟ أو هي نظره والسلام ؟

    بس أكيد إنها تعرفني ... شايفتني ؟

    شايفتني في جريده ؟

    واعجبتها لي قصيده ؟

    إيييييه أنا توي افتكرت ...

    لي قصيده ...
    كنت ناشر معها صوره

    بس صوره ... ياسلا م

    وفاجأتني ...

    لما صارت لي قريبه ... كانت تتمتم بطيبه

    ( يكسر الخاطر حرام ) !!!!!

    وتركت دمعه غريبه ...

    وضاعت بوسط الزحام

    دمعه كانت تحكي وضعي ... زلزلتني

    ارتطم قلبي بضلعي ... دمرتني

    صدقوني ...

    أصعب اللحظات وأقسى

    لاغدا الرجال يكسر ... خاطر انثى

    كيف ينسى ؟؟؟

    جاوبوني !

    ******************************

    وزاد همي ...

    يوم فكرت بوظيفه ... ثم زواج

    أي وظيفه ... وأي زواج ؟؟

    اللي مثلي ...

    مهما طالب ... لويلف ولو يدور

    زين لو حطوه كاتب

    لا ... وعلى بند الأجور ...

    ماهو رسمي !!!

    صدقوني لو تدرج ... وصار راتبه يتصاعد

    وابتدا وضعه يزين

    ما أظنه بيتزوج ... إلا من بعد التقاعد

    من سنه الى سنتين !


    ******************************

    وفي النهايه ...

    يابلدنا... مهما كانت تسميتنا

    عاجزين ... معوقين

    لك عهدنا... وذا قسمنا:

    أقسم بالله العظيم ... منزل الذكر الحكيم

    أن أصونك يابلادي ... من شرور العابثين

    من مطامع كل حاسد ... من نوايا كل فاسد

    وإني لك حصن حصين

    إنتي ناديني وشوفي ... لا نويتي بالجهاد

    والله أقهر لك ظروفي ... دامك إنتي لي بلاد

    وباسم كل العاجزين ...

    دام فينا أصبع يطول الزناد

    لا يهمك يابلادي ...

    وازهليها.


    ****************************
  2. @{( زيـــن الوصايـف )}@
    26-03-2005, 06:27 AM

    طفوله معاق قصيده تحكي معاناه مرررره


    قصيده حيل مؤثره ....

    تسلم اخوي كمخمخ الله يعطيك العافيه ... وكلنا درع للوطن ان شاء الله...
  3. ولهان ومسير
    26-03-2005, 09:42 PM

    طفوله معاق قصيده تحكي معاناه مرررره


    مشكور ماقصرت على القصيده المؤثره <تأثر

    تحياتي لك ياقلبي
  4. كمخـمـخ
    27-03-2005, 06:06 AM

    طفوله معاق قصيده تحكي معاناه مرررره


    زين الوصايف

    مشكور على مرورك اللي نور الموضوع

    تحياتي لك


    ......................................................


    ولهان ومسير

    مرورك نور الموضوع

    مشكور على الطله الحلوه

    تدري ان القصيده تؤثر بالفعل <<على شان أتأثر معك
  5. Off The Grid
    27-03-2005, 02:00 PM

    طفوله معاق قصيده تحكي معاناه مرررره


    قصيده رائعه ومؤثره بالفعل
    ألف شكر أخوي
    وتحياتي لك
  6. كمخـمـخ
    27-03-2005, 06:37 PM

    طفوله معاق قصيده تحكي معاناه مرررره


    زهرة تونس

    مشكوره على مرورك بالقصيده اللي نورتنا

    تحياتي لك
  7. بنت زآيد
    28-07-2008, 12:09 AM

    طفوله معاق قصيده تحكي معاناه مرررره


    صح لسان الشاعر

    كلمات رائعة ومؤثرة

    يسلمووو على الطرح

    الله يعطيك الف عافية

    تحيتي لكم
  8. شروق العتمات
    14-03-2011, 11:50 PM

    رد: طفوله معاق قصيده تحكي معاناه مرررره

    طفوله معاق قصيده تحكي معاناه مرررره


    ساكتبها هنا ايضا انها
    رائعه
    والكاتب رائع
    صح لسانك ولسان الشاعر مليون مره
    شكرا على النقل الراقى
  9. عاشق زمزم
    14-03-2011, 11:53 PM

    رد: طفوله معاق قصيده تحكي معاناه مرررره

    طفوله معاق قصيده تحكي معاناه مرررره


    كلمات مؤثر
    شاعر راقي كريم
  10. آحتياجي له كسسرني
    15-03-2011, 04:34 AM

    رد: طفوله معاق قصيده تحكي معاناه مرررره

    طفوله معاق قصيده تحكي معاناه مرررره


    رؤؤوووؤوؤوعه

    صصصح لسسسانك

    قصييييده في الصميم..


    تسسسلم اناملك ..

    احلى تقيييم لك

    تحياتي...

    احتياجي له كسرني
12