تجرح حبيبك دوم {سلطان الشمري}

الشعر, قصيدة , شعراء, القصايد ارسال إلى Twitter ارسال إلى facebook
  1. زينب الشيخ
    08-03-2014, 07:05 PM

    تجرح حبيبك دوم {سلطان الشمري}❤

    تجرح حبيبك دوم {سلطان الشمري}



    تجرح حبيبك دوم وتقول مدري !
    طيب متى تدري إذا قيل لك مات ،

    وفر دموعك يبي يجي يوم تجري !
    اذا رجعت ومارجع لك زمن فات ،

    يوم‎ ‎اموت ومايظل غير ذكري !
    وغيض النندم يفتح قديم الملفات ،

    تبي تجي وترش بالدمع قبري !
    وفي وقتها ماني محتاج دمعات ،

    بتقول لي اسف وتسكت وتسري !
    وليا سريت ترجعك بعض الاصوات ،

    لا صاحوا الاموات ماعاد بدري !
    وليا التفت وجيت ماردوا اموات ،

    مافاد بك تلميح وجهي وشعري !
    ولا فاد صوت عتاب مليان عبرات ،

    حطمتني بجروح وانا بصبري !
    لاجلك صنعت من الجروح ابتسامات ،

    كم جيت لك مكسور وزودت كسري !
    اقسى من جروحك لاطنشت بسكات ،

    وانا محال اعاتبك يوم ادري !
    اخاف اجرح خاطرك بالعتابات ،

    اسكت واخليها على الله واشري !
    خاطرك لو قلبي تشققه صيحات ،

    انا عطيتك ي الغلا كل عمري !
    وتبخل تراضي خاطري بالكلمات ،

    شفني اذا ازعلتك على طول عذري !
    جاهز ونابع من حنان وقناعات ،

    مافيه شيء يسوى الزعل لا تهذري !
    خل نستغل العمر والعمر لحظات ،

    العمر يجري مثل ما الدمع يجري !
    مادامنا مع بعض ليش الاهات ،

    خلنا نوفر حزننا دام ندري !
    نبي نتفارق يوم ونذوق حسرات ،

    قبل الندم وقبل يضايقك هجري !
    اصنع معي ذكرى جميله للاوقات ،

    وان كان ماهمك كياني وقدري !
    على الاقل للحب قدر وكرامات ،

    وان كنت تستانس ليا ضاق صدري !
    اجرح على كيفك جروحك مسرات ،

    اجرح حبيبك يبي يجي يوم تدري !
    لا قلت وينه والقبر قال مات ،




    -




    ،،‏ ل ‏:‏ الشاعر سلطان الشمري ‏،،












  2. اسير خيالهااا
    08-03-2014, 09:47 PM

    رد: تجرح حبيبك دوم {حامد زيد}❤

    تجرح حبيبك دوم {سلطان الشمري}


    كم جيت لك مكسور وزودت كسري
    اقسى من جروحك لا طنشت سكات
    و انا محال اعاتبك يوم ادري
  3. *مزون شمر*
    09-03-2014, 10:00 AM

    رد: تجرح حبيبك دوم {سلطان الشمري}❤

    تجرح حبيبك دوم {سلطان الشمري}


    عزيزتي
    القصيدة ليست لشاعر حامد زيد انها لشاعر سلطان الشمري
    اتمنى تتاكدين قبل تنزلين شي
    تم التعديل على المشاركه وارفاق مقطع ليوتيوب ..

    وانبهك للمره الاخيره على ضرورة التقيد بالقوانين
    كتابة منقول او اسم الشاعر و تنزيل مشاركتين باليوم
    وان تكون المشاركه طويله ..
    حتى مانحذف مشاركتك ..

    دمتي بخير