دبي

دبي

يا (دبي) يا أصدق حلم .. واقع يغنيه الخلود

***** واصدق غلا نستشعره من قلب حاكم ما يهاب

حاكم عطاك من الوفا .. ومن الولا صدق العهود

***** حتى صعد بك وانزلك .. منزل تمناه السحاب

كنك قمر فوق القمر.. ضيه على عالم يجود

***** متعلي بكبد السما .. ويعلم الارض الحساب!!

منك يغارين المدن .. وتغار جنات الورود

***** ويغار منك كل شي .. حتى العذارى والخضاب !!

يا احدث حضاره للعرب .. عادت بها امجاد الجدود

***** صارت حضارات الامم .. تقدير لك تحني رقاب

يستاهلك من صورك .. بسمه على ثغر الوجود

***** (محمد) اللي جسدك .. تثمينة السبع العجاب

تهوي لك قلوب البشر .. باصدق مشاعرها ترود

***** وتعيش في حضنك وطن .. به يرجع الشيبه شباب

واللي من اجوائك يمر .. يعاهدك إلا يعود

****** ويعود قلبه في يده ..!! عاشق سمائك والتراب

للعالم اصبحتي وطن .. واحد .. وحبه لك حدود

***** يا جعل ربي يحفظك .. ويديم ستره لك حجاب

تتكلمي كل اللغات .. على نغم ناي وعود

***** وتتكلمك كل اللغات .. بحساس شاعر فيك ذاب

عبدالله صالح العمري
 

صح السانك سيدي
تستاهل دبي واهله الجزله واكثر
ابداع حتى الامتاع
دائما مميز وستبقى
تقبل مروري تحياتي لك ولقلمك الشامخ ولفكرك الراقي
 
عودة
أعلى