مواقف مضحكه ..

اجمل نكت مضحكة - اضحك على سوالف الشباب والبنات
  • ارسال إلى Twitter
  • ارسال إلى facebook
  • ارسال إلى google plus
    1. حوريه..
      26-01-2014, 09:26 AM

      مواقف مضحكه ..

      مواقف مضحكه ..


      تقول الاخت زياراتها للمطاعم مع اهلها كانت قليله المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيوبس تكفى لايحط فلفل زوجها تسدح من الضحك وهي تقول احسبها وجبه او طبق معين 
      -----------------------

      في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت راحت على طاولت الكوي وانسدحت وهاتك يا كوي بهالشعر وبرضه زوجها سوالها صادوه يوم دخل واختنا في الله تكوي منسجمه الرجال انهبل على باله تزوج وحده ماهي صاحيه 

      ------------------
      وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعا قبل ما نطلب زيتون ومخلل وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه مير تطير الزيتونه وتصقع وجه الجرسون وهو ياخذ الطلبات قام قال عنا في لبنان ناكل الزيتون بايدنا عاد مير ما اسكت وأنثبر قلت غريبه حنا عنا بالسعوديه نصيدها بالشوكه وماسكها زوجها علي للحين كل ما شاف زيتون قال هاه بالشوكه والا بيدك خخخخخخخخ

       ------------------

      وحده تقول انا متزوجه ولد عميو أول ما تزوجنا رحنا بريطانيا منها شهر عسل ومنها هو عنده دوره المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار قلت ليش طايحه من عينك انا اعرف اختار المهم تقول اخترت طلب محطوط في اطار وحركاتقلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !! 

      -------------------

      بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت

      ---------------
      هذي وحده تقول اول ما تزوجت كنت ادرس وكان يوديني زوجي للجامعه وياخذنيالمهم انا جالسه انتظره وكنت واقفه في الشارع واشوفه بعد كم سياره المهم جلست استناه يوم وصل عندي وانا امشي بغنج الا واطيح ذيك الطيحه طراخ جلست على ألارض ما يشوف الا راسي من عند شباكي جالسه اناظره ولا اتحركوكان الشارع مليان رجاجيل وبنات واركب في السياره وهو ميت من الضحك واجلس اصيح قلت ما تعرف تسمي علي
    2. قصه وانتهت
      26-01-2014, 10:08 AM

      رد: مواقف مضحكه ..

      مواقف مضحكه ..


      حلو جدا تلك المواقف وقد تبقى ذكرى خالده


      انا الموقف صار لاختي ايام الدراسه
      يومها كان فيه مطر وجيت ابي اخذها وجت تمشي على هون وركود وتزحلقت وكل فرده من الحذين بديره وانا فطست ضحك
    3. السحاااااااااااب
      26-01-2014, 11:13 AM

      رد: مواقف مضحكه ..

      مواقف مضحكه ..


      ههههههههههههههههه
      ياإلهي الله من المواقف اللي مثل كذا
      تكفين كثري منهن....يعطيك العافيه
    4. آنثـــــى خياليـــةة
      26-01-2014, 11:40 AM

      رد: مواقف مضحكه ..

      مواقف مضحكه ..


      ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

      Sent from my e2001v21_v89_jbl1a698 using منتدى عبير mobile app
    5. رشى امل
      26-01-2014, 12:03 PM

      رد: مواقف مضحكه ..

      مواقف مضحكه ..


      ههههههههه...يسلمو عزيزتي
    6. داليه
      26-01-2014, 12:42 PM

      رد: مواقف مضحكه ..

      مواقف مضحكه ..


      صراحه مواقف جميله ولكن مسخرهههه
      ههههههههههههههههههههههههههههههه
      تقبلي مروري
    7. xsh_
      26-01-2014, 12:42 PM

      رد: مواقف مضحكه ..

      مواقف مضحكه ..


      تسلمين


      تم الإرسال بواسطة iPod touch بإستخدام منتدى عبير
    8. حوريه..
      26-01-2014, 05:51 PM

      رد: مواقف مضحكه ..

      مواقف مضحكه ..


      كل الشكر والتقدير لكل من مر هنا ..
      لاعدمتكم ..
    9. mashael
      27-01-2014, 07:29 AM

      رد: مواقف مضحكه ..

      مواقف مضحكه ..


      صراحة مسخرة
      لو انا مع اخرج بر اليبت

      Sent from my GT-S5830i using منتدى عبير mobile app
    10. حوريه..
      27-01-2014, 05:06 PM

      رد: مواقف مضحكه ..

      مواقف مضحكه ..


      الله لايبلانا بس ولانحط بهالمواقف ..
      حياك اختي ..