تبي رخصه 100% ادخل


تبي رخصه 100% ادخل


تعلم القيادة المحترمة : من جد >>> قصدك القيادة اللي من جنبها

أولا .. خل عنك المناديل خاصه اذا صرت تحط المناديل ورا .. ومسح بشماغك ..

ثانيا .. دق اللطمة .. وحبذا تربط الشماغ ربطا محكما..

ثالثا .. طق النظارات الشمسية .. والتي هي دليل قاطع على انك بايعها بأثنين شاورما ..

رابعا .. افتح كل الدرايش .. وسو نفسك مهوب هامك البرد .. وهو ايضا دليل اخر على انك بايعها بأثنين بروستد ..

خامسا .. شغل ام بي سي - اف ام - عشان تجي دعاية البسام البصمة 10 ويقهرونك .. وتعصب .. حيث انك بحاجة للتعصيب ..

سادسا .. حط يدك اليسار .. على الباب .. وحط يدك الثانية على خدك .. لأن هذي الحركة .. تعطي انطباع .. انك انت وهوامير السوق اصقيقاء ..

سابعا .. وهو الأهم .. لابد ان تتميز بالذكاء الأستدلاخي .. حسب نظريه الأخ أبوعواد الملقب .. بالدوووبي .. وهو من اخترع حركة سنوكا بالمصارعة .. اللي ينقز من فوق الحلبه .. علما ان ابوعواد كان ينقز من فوق الملحق ..

نعود لشرح الذكاء الأستدلاخي ..


وهو .. ولنضرب مثال .. على ذلك لأني توهقت

مثال تطبيقي ... جاي تمشي 160 .. طبعا مهدي مره حسب قول عرابجة شارع الثلاثين

واذا بك تفاجأ ان الأشارة خضرا .. وتقزها من بعيد .. مما استرعى انك تدعس ( وش رايكم بكلمة استرعى اللي تم لطشها من كتاب القواعد بتاع اخوي في جمع المذكر الصارم ) .. ووصلت سرعتك 223 .. ويجدر الذكر ان سيارتك مابها فرامل .. يعني .. لو سحبت جلنط .. بيصير لك الصحن الدوار بالسيارة ..

اهم شي .. انك قطعت الأشارة وهي حمراء .. ولقطك الدوريات .. فماذا انت فاعل هاهنا .. ؟ هاه صفقني احد يقدر يتخلص من هول هذا الموقف .. بدون الذكاء الأستدلاخي

فتقوم انت .. بذكائك الأستدلاخي .. وتسوي نفسك .. دلخ .. يعني سو نفسك قاعد تشغل المكيف .. ولا تغير الشريط .. وسو نفسك تدور حلاق .. مع الأخذ بالأعتبار .. أنك تفتح فمك .. عشان يأخذ راعي الدوريه أنطباع بدلاختك ....


ثامنا .. لابد من اجادة اللغة العربجية .. مع التركيز .. على السبات .. وذلك لأستخدامها لأرعاب السواقين .... خاصتن الأندنوسيين منهم ... لأن الفلبيني توقعاتي بيجلدك ..

تاسعا .. لابد من ان تحط ببالك المثل اللي يقول .. مد سيقانك على قد رجليك .. يعني لاصار الشارع ضيق .. وانت مستعجل .. وقدامك .. مازدا موديل اثنين .. لاتقعد تضرب بواري .. وتسوي ازعاج .. لا أبدن ... هناك طريقتين .. تطلع رأسك من الدريشة .. وتقعد تحرك يدينك .. يعني تسوي بيدك رقم ثلاثه ... يعني والله لأوريك ...

او.. تصدمه .. نعم اصدمه صدمة خفيفة ... فهو يبي ينهبل .... وبكل الحالتين يبي يصفط على جنب ... ويخليك تروح ....

عاشرا ... اذا كنت من النوع اللي يحط اشرطة المسجل ... بالدرج البعيد .. يعني قدام اللي راكب جنبك يمين ... وانت ناوي تغير الشريط ... لا تقعد تسوي لي فيها تعرف تسوق .... وتمغط عشان تبي تطلع شريط ... لا غلط .. ولكن .. افتح الدرج اول شي ... بعدين ... وانت مسرع ... اضرب فرامل بقوة ... يبي يطيحن كل الأشرطة ... عاد انت اختار الشريط المناسب ... كانك بالعصر .. ننصح بشريط خالد صارحيني ...


واتمنى لك التوفيق ..... اذا مسكتك الدوريات