خلوه يتدلل

الشعر, قصيدة , شعراء, القصايد ارسال إلى Twitter ارسال إلى facebook
  1. عبدالله صالح العمري
    24-11-2013, 10:28 AM

    خلوه يتدلل

    خلوه يتدلل


    خلوه يتدلل

    يا لايميني لومكم زادني شوق
    *** وكل ما تلومني انا اكثر اشتاق

    احن له بالسسمع والشوف والذوق
    *** ويحن له ظاهر حواسي والاعماق

    كل ما يمر اسمه على مسمعي روق
    *** وتروق له كل المشاعر وتنساق

    واتخيله عندي ينادمني بذوق
    *** ويقول جبار الهوى يلوي اعناق

    لا حط جبروته على قلب مخلوق
    *** ساوي المسافه بين رقه والإعتاق

    هذا انا مثلك من الشوق محروق
    *** ومن السهر ليلي تساوى بالاشراق

    لك عندي حقوق ولي عندك حقوق
    *** لو الظروف تجي على كيف عشاق

    واذوب كلي في كلامه ولا فوق
    *** إلا ودمعي فوق الاوجان دفاق

    حالي مثل من بالعطش بات مخنوق
    *** يحلم بشرب الما وهو منه ماذاق

    هواه يسري في شرايين وعروق
    *** تتلذذه روحي وهو جاير وشاق

    وقول يستاهل أسيل له الموق
    *** وابكي على شانه الى حد الاغراق

    دامه مغرقني بحبه وموثوق
    *** عهده معي لو طاحت السبعه أطباق

    خلوه يتدلل على الراس من فوق
    *** ما بغي مداوي من غرامه ولا راق

    العمر لو يهديه عاشق لمعشوق
    *** اهديت له عمري وروحي والاحداق

    هو الوحيد اللي به القلب معلوق
    *** واللي قدر ياخذ حناياي معلاق

    اتسمعه في كل همسه ومنطوق
    *** واتصوره في كل ما للنظر لاق

    مهما عذلتوني عليه الغلا طوق
    *** إلا تزيدوني على شوقي اشواق

    ولو تعرفوا في غيبته لذة الشوق
    *** ما كان تتمنوا لنا لحظة فراق

    عبدالله صالح العمري
    250*300 Second
  2. *مزون شمر*
    24-11-2013, 01:45 PM

    رد: خلوه يتدلل

    خلوه يتدلل







    نص جميل يالشاعر
    صح السانك و يسلم منطوقك
    تقديري لك ..
  3. Hiba Ahmad
    24-11-2013, 04:45 PM

    رد: خلوه يتدلل

    خلوه يتدلل


    صح السانك كلام روعه
  4. أوراق الخريف
    24-11-2013, 06:04 PM

    رد: خلوه يتدلل

    خلوه يتدلل


    قصيدة متميزة ذات معاني مترابطة وصور جمالية جذابة

    صح لسانك وعلا شانك استاذي الكريم عبد الله صالح العمري
    على هذا الابداع
    نننظر جديدك الشيق
    تحياتي
  5. بـــــــــرق
    25-11-2013, 02:58 AM

    رد: خلوه يتدلل

    خلوه يتدلل




    ولو تعرفوا في غيبته لذة الشوق
    *** ما كان تتمنوا لنا لحظة فراق

    ولو تعرفوا في غيبته لذة الشوق
    *** ما كان تتمنوا لنا لحظة فراق

    ولو تعرفوا في غيبته لذة الشوق
    *** ما كان تتمنوا لنا لحظة فراق

    ولو تعرفوا في غيبته لذة الشوق
    *** ما كان تتمنوا لنا لحظة فراق

    ولو تعرفوا في غيبته لذة الشوق
    *** ما كان تتمنوا لنا لحظة فراق

    ولو تعرفوا في غيبته لذة الشوق
    *** ما كان تتمنوا لنا لحظة فراق

    .


    اطش عقالي لعيناك

    لله درك ملايين ولا يكفون يالعمري