معاني الانوثه




<b>~.. معأني ألأنوثة ..~



الأنوثة نعمة غالية .. ربنا اللي اداها ليكي

وبإيديكي تحفظيها .. أو تضيع من بين إيديكي

احمدى ربك تملي .. واشكرى نعمه عليكي


اوعي تختالي بجمالك .. كله زايل من عنيكي


°•..•°•..•°•..•°•..•°

الأنوثة مش مجرد .. حبة أحمر ع الشفايف

الأنوثة مش فى إنك .. تهوسي عقل اللي شايف

ابعدي عن كل شبهة .. أمهاتنا كتير عفايف

الأنوثة مش فى إنك .. تهوسي عقل الشباب

الأنوثة هي انك... تحمي نفسك م العذاب

الأنوثة شيء و كامن.. جوه منك و انتي باب

إوعى تتميعي بكلامك أو تقولي دول صحاب

تبقي تستهلي اللي يحصل و السؤال ملهوش جواب!

°•..•°•..•°•..•°•..•°

اقري في القران وسيبك .. من الأغانى مع الصحاب

اعرفي سنة رسولك .. والبسي فرضك حجاب

اوعي تلتفتي لكلامهم .. مش ده أرحم م العذاب ؟؟

لو تقيسي الدنيا ديه .. ايه هتاخدي غير تراب ؟

الزهور بيكون ريحتها.. طول ما شوكها كتير حاميها

بس لو ف يوم شوكها سابها .. ألف إيد تتمد ليها

خلي نورك جوه قلبك .. والإيمان هيكون ماليها

°•..•°•..•°•..•°•..•°

خلى مكياجك إيمانك .. مش بأحمر ع الخدود

طهري دايما ف قلبك .. بكرة نصبح أكل دود

مش تعدي أي كلمه مهما كانت .. قفلي كل السدود

°•..•°•..•°•..•°•..•°

عطري روحك بذكرك .. وارضي ربك وامشي راضية


لو ف مره حد عاكسك .. مش تردي بكلمة فاضية


اوعي تدي فرصه ليهم .. وإدى ليهم ضربة قاضية

°•..•°•..•°•..•°•..•°

هو أحسن ترضي ربك .. ولا ترضي الناس بحالها ؟

هو إيه للبنت يشفع ؟... شكلها ولا عملها ؟

دا الجمال في الجسم زايل.. انتي شفتيه دام لمين؟

و الجمال فى الروح بيفضل .. مهما بتعدي السنين

كوني بنت بألف راجل .. إخرسي في الطماعي

°•..•°•..•°•..•°•..•°

سيرة البنت العفيفة .. هي أحسن شئ يدوم

حبرها مكتوب بدينها .. مش بمكياج أو هدوم

إوعي صوتك يعلى مرة .. والرسول علم علوم

انتي ف ايديكى تكونى .. زي نور وسط الغيوم

°•..•°•..•°•..•°•..•°

انسي مكياجك وسيبي .. نور إيمانك يملا وشك

بدلي مرايتك بقلبك .. مستحيل قلبك يغشك

°•..•°•..•°•..•°•..•°

كل شيء في الدنيا لما.. بيداروه ينزيد جمال

و العفاف للبنت يغلب أي شكل و أي مال

انتي أجمل الف مرة .. لو جمالك جوة قلبك

مش مهم الخلق ترضى .. المهم ترضي ربك

هو إيه في الكون دا يغلب، لو إله الكون دا حبك؟

هو ايه في الكون ده يغلب، لو إله الكون دا حبك؟

°•..•°•..•°•..•°•..•°


الشاعر/ احمد عبد الله</b>