سونال
New member
صينية البطاطا بالطماطم ولا اطعم
اسعد الله مسائكن أخواتى وبناتى الحبيبات
انا اليوم جيت اشترى بطاطس لقيتها ب6 جنيه قلت اجرب حاجة تانية ونفس الفايدة او اكتر كمان
فجبت البطاطا الحلوة بتاعتنا وقلت اجرب واعمل منها كذا اكلة وفعلا عملت منها صينية بطاطا حادقة بالطاطم والبصل والتوم وتعالوا شوفوها وياريت تجربوها ولعلمكن والله كأنك عاملة صينية بطاطس وفعلا ولا اطعم
ندخل على المقادير
1 كيلو بطاطا
طماطم
بصل
توم
وتوابل (ملح وفلفل وكمون وبودة توم وبصل وملعقة كارى على كركم)
مرقة دجاج فورية
الطريقة
نقعت البطاطا فى الماء شوية
وغسلتها كويس
ثم حكتها زى ما بنكحت الكوسة
ثم قطعتها طرنشات
ووضعت عليها شفشق طماطم وبصل وتوم
ثم وضعت التوابل ومرقة الدجاج الفورية
ثم دخلتها فى الفرن ودى بعد ما خرجت
ولعلمكن الصينية دى بدون لحمة او فراخ بمرقة بس
علشان لو معجبتنيش مكنتش خسرت حاجة ودى شكلها لما طلعت من الفرن وغرفتها فى الطبق
والحمد لله استوت وجيت اذوقها لقيتها صينية بطاطس بالظبط ولا فيها ريحة البطاطا
وعجبت زوجى واولادى وياريت تجربوها وتقولولى ايه رأيكن
وفعلا هنوفر كتير اوى لان كيلو البطاطا مش بتكمل جنيه ونصف وممكن اقل كمان
وادى شكلها
وبالف هنا وشفا مع تحياتى ام حمادة
التعديل الأخير بواسطة المشرف: