123456789101151101 ...

رواية بجنون أحبك / الكاتبة ساندرا

قصة كاملة - رواية كامله جميلة للكاتبه
  • ارسال إلى Twitter
  • ارسال إلى facebook
  • ارسال إلى google plus
    1. الكاتبة ساندرا
      06-10-2013, 03:39 PM

      رواية بجنون أحبك / الكاتبة ساندرا

      رواية بجنون أحبك / الكاتبة ساندرا





      السلام عليكم ورحمة الله وبركاتة . .

      ها أنا اعود لكم من جديد
      بروايتي الخامسة " بجنون أحبك "

      أكتب للأفادة , فا اطلق العنان لقلمي عن كل ما هو يحزنني ويفرحني بجميع رواياتي , فا أكتب بصدق المشاعر
      !

      وروايتي هذه تميل للواقع ألي نعيشه من عواطف وأهتمامات وأساليب , ونصائح وأرشادات , وكما أن لدي جانب خيالي , ولا عجب بذلك !
      فعندما أسرد الواقع دون الخيال ولو قليلا ,
      تكن هذه عيبا للكاتب نفسه . . !

      ** فا الواقع يذهب بنا من : الألف إلى الياء ..
      و
      الخيال يذهب بنا : إلى كل مكان . .

      فمزجت بين الواقع والخيال ,
      بطريقة تحتوي كل من قرئها ..
      وقد لامستني قبل أن تلامسكم , فا أسال الله العلي العظيم أن تكن روايتي فائدة بالطرح قبل الأستمتاع بالقراءة أو ضياع للوقت !

      & أتشرف بنقدكم الراقي , وأرشاداتكم ومشورتكم بعد كل بارت , فا أعتبر هذا طريقا لنجاح
      , وتنيروني أنار الله دربكم ..



      * أحدى تصاميم الغالية "
      سحر الغروب " , الله يعطيها العافية :


      رواية بجنون أحبك / الكاتبة ساندرا


      أسعدكم الله |


    2. الكاتبة ساندرا
      06-10-2013, 03:43 PM

      رد: رواية بجنون أحبك / الكاتبة ساندرا

      رواية بجنون أحبك / الكاتبة ساندرا





      وسا أنزل كل بارت هنا "
      تحته رابط صفحة البارت " ..

      لكي يسهل كل متبعي أو قارئي الرواية التصفح سريعا , ولا يمل من كثرة الصفحات أو كثرة الردود ..


      البارت الثاني :

      https://v.3bir.net/322492-8/#post7378068



      البارت الثالث :

      https://v.3bir.net/322492-13/



      البارت الرابع :

      https://v.3bir.net/322492-18/



      البارت الخامس :

      https://v.3bir.net/322492-22/



      البارت السادس :

      https://v.3bir.net/322492-28/#post7388337



      البارت السابع :

      https://v.3bir.net/322492-31/



      البارت الثامن :

      https://v.3bir.net/322492-36/



      البارت التاسع :

      https://v.3bir.net/322492-41/


      البارت العاشر :

      https://v.3bir.net/322492-46/


      البارت الحادي عشر :

      https://v.3bir.net/322492-52/#post7397461


      البارت الثاني عشر :

      https://v.3bir.net/322492-61/


      البارت الثالث عشر :

      https://v.3bir.net/322492-62/


      البارت الرابع عشر:

      https://v.3bir.net/322492-66/




      البارت الخامس عشر :

      https://v.3bir.net/322492-73/


      البارت السادس عشر :

      https://v.3bir.net/322492-80/


      البارت السابع عشر :

      https://v.3bir.net/322492-93/#post7448361


      البارت الثامن عشر :

      https://v.3bir.net/322492-99/


      البارت التاسع عشر :

      https://v.3bir.net/322492-106/




      البارت العشرون :

      https://v.3bir.net/322492-110/



      البارت الواحد والعشرون :

      https://v.3bir.net/322492-116/



      البارت الثاني والعشرون :

      https://v.3bir.net/322492-125/


      البارت الثالث والعشرون :

      https://v.3bir.net/322492-127/#post7613513


      البارت الرابع والعشرون:
      https://v.3bir.net/322492-131/

      البارت الخامس والعشرون:
      https://v.3bir.net/322492-134/#post7624338

      البارت السادس والعشرون :
      https://v.3bir.net/322492-136/#post7627465


      البارت السابع والعشرون :
      https://v.3bir.net/322492-138/


      البارت الثامن والعشرون :


      البارت التاسع والعشرون " الأخير " :

      https://v.3bir.net/322492-155/




      حفظكم الله ~
    3. الكاتبة ساندرا
      06-10-2013, 03:45 PM

      رد: رواية بجنون أحبك / الكاتبة ساندرا

      رواية بجنون أحبك / الكاتبة ساندرا




      .. بسم الله الرحمن الرحيم ..
      .. توكلت على الحي الذي لا يموت ..

      رواية بجنون أحبك / للكاتبة ساندرا

      " لا أحلل ولا أستبيح ألي ينقل الرواية دون ذكر أسمي , أو نسبها إليه "


      .. البارت الأول ..
      على الساعة 5:30
      بعد صلاة الفجر , أخذ دوش سريع ..
      وقدام المرايه ..
      وهو يشيك على شكله ..
      لابس ثوبه الأبيض , وشماغة الأحمر , وساعته بجلد بلاك , ولبس الكبك , ورفع طرف شماغه لكتفه , دهنت العود وتسبح بالعطر الملكي ..
      التفت لها وشافها غاطه بالنوم , أقترب منها وبهمس:منال , منال , قومي الله يرضى عليك ..
      منال التفت للجهة الثانية وبصوت قريب لزمرة:أنزين ..


      نزل لتحت , عند طاولة الطعام ..
      شاف عمر و يزيد و رائد ..
      رفع يده , وهو يناظر بساعته المحددة بالفصوص الفضية اللامعه ..
      وبجلد أسود يبرز جمالها بمعصمه , وهي تشير على الساعة 6:00 ..
      نزلو البنات , ريفان , وعد و بيسان ..
      وباندفاع: اسفين يبه ..
      أبو عمر خذ نفس عميق: مرة ثانية لا تتوخرون ..
      ريفان:إن شاء الله يبه ..
      تجمع الكل بالطاولة , وصاروا يفطرون . .
      ودقائق إلا جات أم عمر ..
      أم عمر وهي تجلس بالكرسي وهي تشوف الأكل , اللي عبارة عن نواشف , من جبن , من عسل , ومن جام , ومن قشطة ,
      وأخباز وبقهر:هالخدامة الغبية , كم مرة أقول لها , تغير هالأصناف ..
      أبو عمر بدون ميناظرها:وأنا نفسي يجي يوم تسوين الفطور بنفسك , بس لأن ما عندك وقت , جالسة تدبغين وجهك بالمكياج ..

      أم عمر بتأفف: وأنت مصر تعكر مزاجي بكل يوم , ما عندك شغل إلا بمنال يا فواز ..
      أبو عمر:كلن بيتغير وينصلح إلا أنتي ..

      ريفان تريد تغير الموضوع وباندفاع: إلا ما قلتي لي يمه , وش ألبس مع بنطلوني بلاك الليلة ..؟

      أبو عمر قاطعها: وش لزمته هالسؤال ..؟

      أم عمر وهي تشرب العصير: لأن صاحباتي بيجون اليوم , عازمتهم على العشاء ..

      أبو عمر رفع حاجبه:ومن متى هالكلام إن شاء الله , شاوريني على الأقل ..
      وعد و بيسان بصوت واحد:يبه , ترى ريفان لابسة تنورة الربوع أللي طاف لفوق الركبة ..

      أبو عمر ألتفت لريفان وبحده:صح كلامهم ..؟

      ريفان تناظرهم بمعنى ( الوعد قدام ) وبتمتمه:أن...ا اسفة ..

      أبو عمر ناظر بمنال وبنفس حدته: وعاجبك أللي تسويه , تكلمي يا معلمة الدين ..

      منال قامت من الطاولة:اووه , فواز اليوم كل شيء تحطها فوق راسي ( والتفتت للعيال) يلا على المدارس ..

      حاول يضبط أعصابه رغم أنها تلفانه من حالته وحياته معها ..

      قام من الطاولة وكالعادة نسى ما يأخذ مفتاح سيارته:منال جيبي مفتاح سيارتي فوق التسريحة ..
      منال وهي تلبس عبايتها وبصوت عالي:يا نانسي , نانسي وطير ..

      نانسي الخدامة جات عندها: نعم مدام ..

      منال بدون نفس: روحي جيبي مفتاح سيارة بابا فواز فوق التسريحة ..
      نانسي هزت راسها بنعم , وصعدت تجيب المفتاح ..

      أبو عمر تنهد:أنا لو أبي الخدامة تجيب المفتاح , كان ما تعبت نفسي وطلبت منك هالشيء ..

      أم عمر قاطعته بطفش:عارفه أنك تنتظر مني أني أنا اجيبه , بس أنا مشغولة زي منت عارف ,
      ولا تنسى أن وراي دوام حالي حالك .. وبعدين وش تفرق لو جابته هي أو أنا .. !!

      أبو عمر غمض عينه بقوة:أنتي من متى صرتي فاضية لي أو لعيالك يا هانم , عطيني يوم فضيتي به عشاني أو عشانهم ..

      أم عمر التفت له وبحده: أنت اليوم , مدري وش جرى لك , مغير حاط الحره فيني ,
      وأنت تدري أن تصرفاتي وأفعالي مو من اليوم , من زمان هالشيء , ( وهي تشوف ساعتها ) ولو تكلمنا أكثر من كذا ,
      وبيرن الجرس وأحنا ما خلصنا , وتكون راحت علي الحصة الأولى ..


      يتبع |
    4. الكاتبة ساندرا
      06-10-2013, 03:47 PM

      رد: رواية بجنون أحبك / الكاتبة ساندرا

      رواية بجنون أحبك / الكاتبة ساندرا




      أم عمر التفت له وبحده: أنت اليوم , مدري وش جرى لك , مغير حاط الحره فيني ,
      وأنت تدري أن تصرفاتي وأفعالي مو من اليوم , من زمان هالشيء , ( وهي تشوف ساعتها ) ولو تكلمنا أكثر من كذا ,
      وبيرن الجرس وأحنا ما خلصنا , وتكون راحت علي الحصة الأولى ..

      أبو عمر مرد عليها , لأنه لو تكلم مهوب موصل لغاية بالأخير ..

      صعدت السيارة وهي معه , وعد و بيسان.. لأنهم بنفس مدرسة أمهم ..

      أما عمر بالجامعة يدرس , و ريفان كذلك , ويزيد ورائد بالمدرسة يوصلهم معه بطريقة للجامعة ..
      .
      .
      .

      على الساعة 9:10 صباحا ..
      جلست تفطر مع أمها , ومرت أبوها . .

      أم بكر بتردد: أنا وأمك من كم يوم , قلنا أن بدل جلستك بالبيت تشتغلين ..

      أم هدى بتأيد: أي يا يمه , وش رايك أنتي ..؟

      لين: أنا ......

      أم بكر قاطعتها: بنسبة لأبوك أنا بتكلم معه , وشغلتك مابه لا أختلاط ولا حاجة , أنا كلمت أختي أم عبد الاله ,
      وقالت أنها تحتاج لعميلة لها , يعني تكونين مديرة أستقبال , وش قلتي يا لين ..؟

      لين تنهدت: بس يا خاله ..

      أم بكر با أبتسامه: شوفتك وأنتي حزينة , ولا قادرة تنسين كونك مطلقة مهوب عاجبنا ,
      عشان كذا أنا كلمت أختي , وبشوف أبوك اليوم ..

      أم هدى:بعون الله بيوافق , وحتى نظام شغلك بيعجبه , من الساعة 11 تتواجدين لين الساعة 9 بالليل ..

      لين: يعطيك العافية خالتي , ويا يمه , الله لا يحرمني منكم ..

      وقامت شالت صحون الأكل ..

      أم هدى مسكت يدها: يعطيك العافية يا وصايف .. طول عمرك وأنتي أصيلة ..

      أم بكر أبتسمت لها: وش هالكلام يا باسمة , بنتك هي بنتي , وولدي هو ولدك ..

      أم هدى تأثرت بكلام صاحبتها: معرف كيف أرد لك جمايلك علي يا وصايف ..

      أم بكر بنفس أبتسامتها: أنتي هم ما قصرتي , ولا به لزوم كل وحدة تذكر مزاياها لثانية لأن أحنا عارفين بعض ..

      وسكتوا شوي ..
      أم بكر تغير الموضوع: إلا دقت عليك أم ياسر ولا ..؟
      أم هدى كشرت: جعلها ما تدق , حسبي الله عليها وعلى ولدها فوق وعلى تربيتها ..

      أم بكر:خذنا سنه من تطلقت لين , ومهوب مكفيه من شرها ..

      أم هدى بقناعة: ربك ميضيع حق أحد أبد يا وصايف , زي مظلموا لين معهم , وهو ما عرف قدرها , مهوب اليوم يعرف ,
      بيعرف قدرها لتزوجت , والمثل يقول , ما تعرف قديري إلا لما تجرب غيري ..

      أم بكر بكره:الله لا يهنيه , وحسبي الله عليه وعلى أمه ..

      أم هدى شافت بنتها من بعيد , وأشرت لأم بكر أنها تسكت ..

      عشان ما تتكدر , لين . . .

      لين جلست جنب أمها وبحماس: أجل دور مين اليوم ..؟ يا حريم الحج متولي ..

      أم هدى وأم بكر: هههههههه ..

      أم بكر: دوري اليوم , وعشان أني دورت لك على شغله , وأني بقنع أبوك لزوم تسوين الغداء عني ..

      لين بضحكه: أبشري يا خاله , مالك إلا الرضى التام ..

      .
      .
      .

      شغله اليوم كان مكثف , وجاء بدري غير عن عادته ..
      وعلى الساعة 2:15 ظهرا . .
      فتح الباب بمفتاحه , وهو متعب ..

      رفع نظره وشاف منال زوجته جالسة بالصالة بروب بيت منتهي الصلاحية , وشعرها به زيت ..

      عرف أنها مزيتته عشان العزيمة الليلية , أو بمعنى اصح بعطل الأسبوعية تحط الزيت ..

      تلطم على طول , بعد مشم ريحه شعرها اللي تشبة الثوم والبصل المعمر ..!!

      منال أول مشافت فواز , قامت شقت الورقة من الدفتر وتوجهت له ..
      منال مدت له الورقة ..

      فواز مسكها وبتعجب:وش ذه ..؟

      منال: طلبات تجيبها على أساس العزيمة ..


      يتبع |
    5. الكاتبة ساندرا
      06-10-2013, 03:50 PM

      رد: رواية بجنون أحبك / الكاتبة ساندرا

      رواية بجنون أحبك / الكاتبة ساندرا




      منال: طلبات تجيبها على أساس العزيمة ..

      فواز ناظر الورقة وفتح فمه للاخر:معجنات من فطائر مشكلة , ورق عنب وكل واحد منهم صحنين بحجم وسط .. حلويات منوعة من سعد الدين ..
      (مقدر يكمل وبقهر) كم مرة أنا أقول لك , لما أرجع من دوامي , لا تبدين طلباتك ..

      منال: أنا بس حبيت أعطيك خبر ..

      فواز خذ نفس عميق وهو يستغفر بداخله: يا الله أن تلهمني الصبر , المهم قولي للخدامة تكب الغداء ترى حدي جوعان ..

      منال: طيب ..

      توجهه لغرفته ..
      شلح شماغة والكبك , فتح أزرار ثوبه , وشلحه ..

      فتح الدولاب وطلع له بجامة رمادية با أكمام حاير ..

      رجع شعره لورى , تعطر بعطر فورس ..

      سكر الباب بشويش ..

      توجه لغرفة بناته ( ريفان , وعد , بيسان ) ..
      طرق الباب بشويش ..

      البنات:ادخل ..

      فواز دخل والأبتسامة على وجهه : السلام عليكم والرحمة ..

      البنات: وعليكم السلام والرحمة ..

      بيسان با أبتسامه: أللي يشوفك يقول أنك أخونا , مهوب أبونا ..

      فواز رد لها الابتسامه: أي , أشوف البنات يتحذفون علي ..

      وعد باندفاع: لا , أنت لأمي وبس ..

      فواز بخاطرة ( يا الله تخلف على أمك بس ): تراي جوعان حيل , ولزوم تتغدون معي ..

      بيسان: أي يلا , أنا بنزل ..

      ولحقتها وعد ..

      وجات بتطلع ريفان بس مسك يدها وبهمس: أبي أكلمك شوي ريف , تسمحين ..؟

      ريفان بتردد: أي أكيد يبه , وقتي كله لك ..

      فواز جلسها جنبه ومسك يدها: أعرف أنك مخبيه علي شيء , أو أنك مكسوفه بعد مفضحوك خواتك بفطور اليوم ..

      ريفان ناظرته وبندم: يبه أنا اسفة , محبيت أخذلك أو أطلع من شورك بس أغلب البنات يلبسون زي الموضة ..

      فواز مسح على شعرها:وأنا منيب ضدك , بس ضد أنك تلبسين عند الفخذ ..

      ريفان باندفاع:أنا لبست لتحت الركبة ..

      فواز بنظرات شك:متوكدة ريفان أنه لتحت الركبة .. !!

      ريفان ناظرت أبوها لها فضحتها ونزلتها بخيبه أمل ..

      فواز بحنان: عشان هالشيء أنا رفضت أنك تلبسين , والعين لها حق يا بنتي , وأبيك أنك ما تكررينها أبد ..

      ريفان تنهد:إن شاء الله يبه ..

      فواز باس جبين بنته:الله يرضى عليك يا بنتي , يلا قومي عشان نتغدا ..

      ريفان أبتسمت وقامت معه ..

      صعد فوق مع ولده عمر ..

      وشال أمه ونزل بالدرج ..
      وعمر يشيل الكرسي المتحرك لها ..
      قربها من طاولة الطعام ..

      أم فواز: أجل وين منال ..؟

      وعد: زي منتي عارفه يا جده , هي تختار لها لبسه عشان عزيمة ربوع اليوم ..

      فواز بدون أهتمام: ووش الجديد , يلا أكلوا ..

      وبدأ كل منهم يأكل بصمت..

      وبعد الغداء ..
      أم فواز نزلت فنجان القهوة وناظرته: عيونك حزينة يا ولدي , عسى خير إن شاء الله ..؟

      فواز تنهد: الحمدلله على كل حال يالغالية , بروح أجيب جوالي وأجيك ..

      أم فواز:مابه خلاف ..

      دخل غرفته , وشافها معفسه الغرفة بملابسها فوق السرير وينزل منه شوي ..

      منال ناظرته بحيرة:إلا وش رايك فواز , ألبس ذه ولا ذه ( وهي تأشر عليهم ) ..
      فواز ناظرهم: وش الزود فيهم , كل واحد أشلح وأفصخ من الثاني , لبسي حاجة أستر وبتصيرين أحلا ..

      منال كشرت بوجها:ذه الموضة , ووش عرفك فيها , أنت من الطراز القديم ..

      فواز: أفضل أكون من الطراز القديم على قولتك , على أنك تتشلحين بلا معنى قدام ناس ما يحلون لك ! وتبرزين مفاتنك لهن !

      منال تأففت: أنا من أسألك بشيء أتندم , لأن لا أسلوب عندك , ومتعقد بعد ..

      فواز: دائم لما أقول الواقع , يكون جوابي بنظرك معقدك ولا به أسلوب ..

      منال بزمره:العيشه معك تقصر العمر , وأنا صابرة عليك واجد ترى ..

      فواز انصدم من كلامها , وبسخريه: والله ما يندرا من أللي صابر على الثاني ..

      منال رفعت من نبره صوتها وبقهر: أنا نفسي أعرف حاجة وحدة بس , وش أللي يعجبك فيني أصلا ! مغير متذمر ولا يرضيك شيء , وهالأيام ذي زدت , مدري وش غيرك كذا ..

      فواز ماسك أعصابه: لا يعلى صوتك على صوتي , وقصريه ..

      منال كفتت يدها وعطته ظهرها: أنت ما جاوبت لأن ما عندك رد على سؤالي !!
      أنت تدور الزله علي عشان تعصب وتتنرفز , ولا أنا نفسي ما تغيرت , زي اليوم الصباح تدري أني أتأخر عند الفطور , وبيوم الربوع بذات ما تواجد على الغداء ,
      وتدري أن كل ربوع أسوي عزيمة لصديقاتي , وأحين تجي وتتكلم , وصوتك كان واضح وسمعته وطنشت , فكر شوي وشوف من أللي غلط بحق الثاني ..

      فواز بكره ويأس وحزن:صبري عليك فاض , ولا عدت أستحملك ..

      منال رفعت حاجبها وبوقاحة: يكفي أني متحملتك وراضيه بالعيشة معك ! حتى مصروف ما تعطيني مثل الخلق , ولا أسلوب ولا تعامل ,
      وصديقاتي رجالهن أللي جايب لهم خدامتين , وأللي مسفرها تركيا أسبوع وأللي ماليزيا , وأللي رافع حرمته لفوق , وأنا حظي مالت علي بس ( وهشت على وجها ) ..

      فواز هز راسه بقله حيله سحب جواله , وطلع ..

      منال بصراخ: وهذا حالتي معك , مغير تطلع ولا ترد علي , حسبي الله عليك من رجال ..

      فواز شد على قبضه يده وناظر با امه الجالسة بالصالة وتناظر فيه بحزن ..




      انتهى البارت |
    6. يسر
      06-10-2013, 04:33 PM

      رد: رواية بجنون أحبك / الكاتبة ساندرا

      رواية بجنون أحبك / الكاتبة ساندرا


      يعطيكي العافية حبيبتي انا بتابعك من اول رواية لك الى هذه وكللها حلوة وتجنن الله يسعدك يارب ولا تطولين علينا
    7. حلمي حلم الغروب
      06-10-2013, 04:59 PM

      رد: رواية بجنون أحبك / الكاتبة ساندرا

      رواية بجنون أحبك / الكاتبة ساندرا


      حبيبة ألبي ساندرا موفقةة ببدايةة روايتك لجديدةة ياررب وبأذن الله من متابعيينك لنهايية
    8. كبريآئـي
      06-10-2013, 05:06 PM

      رد: رواية بجنون أحبك / الكاتبة ساندرا

      رواية بجنون أحبك / الكاتبة ساندرا


      السسلام عليكم ورحمه الله وبركاته
      ماشاء الله ماشاء الله
      ابداع ي ساندرا الله عليك
      وربي جالسه اتخيلهم قدامي <دخلت جو يعني
      مثل قبل ببقى متابعتك إلى
      نهايه الروايه *بأذن الله الواحد الاحد *
      ورواياتك اللي قبل حلوين ومزيونين ورائعيين وهذي اكيد بتصير احلاهم مثل الكاتبه تماما
      ما بطول اكثر من كذا
      بدايه الروايه جميله فكيف بتكون بنهايتها
      تسسلم يدينك عزيزتي
      ويعطيك الف عافيه ع المجهود

      موفقه ي قلبي
      متابعتك
      كبريائي~|
    9. Lovk Ana
      06-10-2013, 05:14 PM

      رد: رواية بجنون أحبك / الكاتبة ساندرا

      رواية بجنون أحبك / الكاتبة ساندرا


      الروايه من بدايتها رائعه عزيزتي
      اكيد اكيد رح اكون متابعاكي
      لانه رواياتك فيها شي بجزب الواحد لالها
      بس ياريت تقوليلنا موعد البارتات

      ربي يسعدك
    10. حكايه أمل
      06-10-2013, 05:29 PM

      رد: رواية بجنون أحبك / الكاتبة ساندرا

      رواية بجنون أحبك / الكاتبة ساندرا


      حبيبتي ساندرا
      يا هلا بك من جديد وبروايتك
      وان شاء الله اذا كان لي متسع من الوقت راح أقرأها واستمتع بها


      بتعرفي باجي خمس دقايق وبأطلع (تفقد للمنتدى^-^)
      وقبل ما أقرأها اكيد هي من اجمل وأروع وأفضل وأنبل وأحمد ومحمود وابراهيم <<قصدي من اجمل واروع القصص

      تسلميلي يا قطه
      كل التحيه
    123456789101151101 ...

    الكلمات الدلالية لهذا الموضوع