قالت الله لا يهينك انت خابرني بدويه

الصادر

Active member
قالت الله لا يهينك انت خابرني بدويه..........ماأحب اللي يمسس غترته ويزبط عقاله


انا ودي ببدوي يمشي بدمه حميه............ لاتعزوى بالقبيله كلهم صاروا عياله


البدو غالين عندي لو حصل منهم خطيه..............الولد فيهم يساوي شيخ بجاهه وماله


قلت انا انعم واكرم ماكذبتي ياجوديه........... سجل التاريخ عنهم البطوله والجماله


لكن الله لايهينك لاتناسين البقيه........... الحضر رجالهم ياوسع صدره وطول باله


في المواقف انشديني مايتخلى عن خويه........ لافزع ماعاد يدري من وراه ومن قباله


وضيفهم يبشر بعزه والوفا المقدريه........كل واحد يسبق الثاني ولاندري بحاله


قالت اكبر عيب فيني يالحضر النرجسيه ......... ماظن احد بيغرني بطبعه او جماله


انا احب اللي زهابه حاجتين وبندقيه ....... يفتخر بالذود ويسرح كل يوم عن حلاله


وان لفاه الضيف شاف الفرق شاف الناس حيه ....... إبدوي صوت نجره اطرب الطرقي وعناله


قلت انا ليه اختلقتي فرق وسويتي قضيه.........الكبر لله والمؤمن ضعيف براس ماله


يا بدويه الجروح اللي من اسبابك نديه ...........والخفوق اللي تحرى جيتك يا ما جراله


والعيون اللي تمنى شوفتك صارت شقيه......... والفراق اللي بليا ذنب يذبحني لحاله


قالت الله لا يعاقبني انا بنت بريه ..........من السوالف كلها والحب وين اللي وفاله


ياولد لاتحسب اني جاهله ولا غبيه ............ الهوى ماهو كذا والحب انا مابي مجاله


انا اخوي إن قال اخو فلانه عرفت اني بدويه .......تجتمع رووس العرب له من يمينه وشماله


وسلامتكم


وصح لسان قايلها



م ن ق و ل​
 
عودة
أعلى