123456789101112

رواية بكرة بمسك يدك واللي بعده

روايتي الاولى - رواية قصة لم تكتمل ارسال إلى Twitter ارسال إلى facebook
  1. هدوء عآشقة
    22-07-2013, 07:15 AM

    رد: روآية بكرة بمسك يدك واللي بعده

    رواية بكرة بمسك يدك واللي بعده


    البارت الثالث
    اتصلت ريم على صديقتها زينب وقالت لها عن اللي صار
    وانسدحت على السرير وهي تفكر في هالشخص ومن يكون
    طردت هالتفكير من راسها ونامت

    نروح لجهة ثانييةة
    بيت زينب
    زينب وهي نازلة من الدرج وتركض متجهة لامها
    زيينب تلهث : يمممة .... يمممة
    ام زينب : نعم وش بلاك تركضين كذة
    زينب : يممة بطلع
    ام جهاد : وين على الله
    زينب وهي تاخذ نفس : بروح بيت اختي ريووم
    ام جهاد : انتي ماتستحي على وجهك كل يوم قاطة وجهك عندهم
    زينب رفعت حاجبها : يييمممة مافيها شي حنا نتزاور بعض هي تجيني وانا اروح لها عادي الوضع يمة
    ام جهاد: انزين بس مين بيوديك
    نزلت حوراء اخت زينب وسمعت اخر كلمة : ووووويييين بتطيري بععد
    زينب : بروح بيت اختي ... عندكك مانع
    حوراء : ايي عععندي ممانع ودواسس بعد ... والتفتتت لأمها : يمممة عاجبك وضع بنتك مب جاية تركد بالبييت
    ام جهاد: شسوي لها مب راضية تقعد
    زينب وبعصبية : وانتيي وشش دخخلك انسسه حوراء اطلع وادخل بكيفي زين
    حوراء : لا مو زين واليووم طلعهه من البييت مافي
    زينب شافت على الطاولة كاس فيه عصير اخذت العصير وكبته في وجه حوراء
    ام جهاد : بسسس عاد كأنكم بزران كل وحدة منكم الطول طول نخلة لكن العقل عقل صخلة
    زينب : يمة انا مالي دخل كل من بنتك جات وتسببت فيني
    حوراء : وانا بعد مالي دخل انا بس ابي انصح بنتك
    وجا اخو زينب جهاد { جهاد مايرفض لزينب طلب ومدلعها على الاخر }
    جهاد بصووت عالي : خييير ووشش فيكم
    ام جهاد : ماتعرف خواتك على اقل شي يتناتفوو
    جهاد فاكك بينهم : بس عاد انتي وياها لاعاد اسمع لكم صوت هنا مفهووم ؟
    حوراء وزينب : مفهووم
    زينب ببرائة : انزين اخوي عضيدي حبيبي بطلبك طلب
    جهاد : امري
    زينب : ابي اروح بيت صاحبتي وابيك توصلني
    جهاد : طيب خمس دقايق وابيك تكوني جاهزة
    زينب على طوووول طارت لغرفتها ووقفت قدام الدولاب محتارة شنو تلبس بالنهاية طلعت لها تي شيرت أسود فيهه قلوب حمراء مع بنطلون ابيض وحطت لها روج احمر خفيف مع كحل وراحت للسيارة
    وصلت لبيت ريم ودقت الجرس
    فتحت ميري : ادخلي
    دخلت زينب سلمت على ام محمد وراحت لغرفت ريم
    فتحت الباب شافت اللمبات مطفيه والغرفة باردة والستاير مسكرة
    راحت على طووول طفت المكيف وشغلت اللمبات وضضلت تقعد في ريم
    زينب : ريوووم يالله عاد قوومي بلا سخافة
    ريم : هممم ميريوو طلعي وسكري الباب وراك
    زينب : ههههههههههههه يالدوووبهه اللحين انا صرت ميريو
    ريم بعد ما ميزت الصوت : زنووب !! .... وييي هلا بكك ي قلبيي وقامت ضمت زنوب
    ريم : اسفةة بس فكرتك ميري هالبطة
    زينب :: ههههههههههههههه عاديي تعودت عليكك مب اول مره
    ريم : مالت عليكك ..... وقامت دخلت للحمام غسلت وجهها وبدلت لبست تي شيرت بطيخي وتنورة قصيرة سوداء وحطت لها كحل وروج
    زينب : ايي ذي ريم اللي اعرفها مب اللي مساعة تقوولي جنيي
    ريم : وي يحلاتي في كل حالاتي
    زينب : انزين فهمنا انك حلوة قوومي ابيي اكككلل جوووعانههه
    ريم : طيب يالله
    ونزلو تحت طلبو لهم ممن المطعم ورق عنب وبرجر دجاج وبيبسي


    عند صغرى
    كانت ع الشات تدردش مع أختها اللي تدرس ببريطانيا
    صغرى : اشتقت لكك خييتوو
    أمل : بعد عمري اختي وانا بعد اشتقت لكك ... اخبارك واخبار الدراسه
    صغرى : تمام ماشي الحال
    امل : طيب ي قلبي انا اللحين بقوم لأن يوسف ( زوج أمل ) جا
    صغرى : طيب حبيبتي سلمي عليه وبوسي لي جوري وحمود
    امل : ان شاءالله ... من عيوني يالله باي
    صغرى : باي
    قفلت الشات صغرى ونزلت تحت تساعد امها
    ام احمد تكلم الشغالة : شوفي سرياتي هذا غسليه عدل ورجعيه بكرتونته هنا
    دخلت صغرى للمطبخ وباست راس امها : هلا يمة .... خليه انا اكلمة مع سرياتي
    ام احمد : طيب ... فهمتي يسرياتي ؟
    سرياتي : يس مدام


    نروح لجهة بعيدة عن العالم اللي يعيشووه
    في فرنسا
    بسام : اسمع ياخالد ابيك تروح للسعوديه وتنفذ اللي بقولك عليه
    خالد : ان شاءالله
    بسام : ابيك تروح لبيت أم أحمد وتنقل لها الخبر اللي بقول لك عليه
    خالد : وش الخبر ! ؟
    بسام : قول لها ان امل وأحمد ............

    في بيت سأرة
    كانت غرقانهه في النوم وفجأة انفتح باب غرفتها بقووووة لدرجة انها قامت من نومها وهي خايفة
    فتح الباب وهوو معصصب وبصراخ : انتيييي ليييهه نايممةة للحييين شنوو ماوراك دراسسسة
    سارة متعودة على أخوها مايحبها
    رامي يكمل : يالله اششششووف قوووووميييي اللحييينن
    سارة من الخوف ماقدرت تتحرك
    رامي قرب من يمها وششدها من شعرها ورماها للحمام
    سارة تصيييح بصصممممت في الحمام وتسمع صووت صراخه وهو يستناها : اذذذا ماخلصصصتي بسسسرعه صدقيني أكسر باب الحمام واتعامل معك بطريقتي
    سارة خافت من كلامه وقامت غسلت وجهها ونشفته وطلعت من الحمام
    رامي مسكها من يدها بقوة وطلع لها ملابس وخلاها تبدل واخذها معاه لتحت
    نزلت تحت وقال لها بحدة : اسمعيني زين اليوم جايك واحد بيخطبكك وغصصبن علييك بتوافقي علششان افتكك منكك ومن وجهك اللي يجيب الفقر
    { رامي اخو سارة مايحبها ولايطيقها ودايم يضربها ويبي يفتك منها .. يعشششق الفلوووس بشرتهه سمراء ويمشي على راي زوجته طولهه مناسب وعمره ٢٦ } للمعلومية سارة عايشة مع اخوها وزوجته وامها سافرت ومايدرو عنها
    نرجع
    سارة بخوف : ياخوي انا مابي اتزوج وانا بهالعمر انا بعدني صغيرة
    جت رهام زوجت رامي : لا يحبيبتي انتي مب صغيرة انتي في سن زواج
    سارة : بسس ..
    رامي : خلاص عاد لابس ولا شي انا قلت للرجال انك موافقه ومابكسر كلمتي
    سارة ماتقدر تسوي شي فاستسلمت وقعدت بالصالة تصيييح ورهام تتطنز عليها وتعايرها

    انتهى البارت

    توقعاتكم :-
    وش الخبر اللي بيوصله خالد لأم أحمد ؟
    هل بيتم زواج سارة او لا ؟
  2. مزمز
    22-07-2013, 07:29 AM

    رد: روآية بكرة بمسك يدك واللي بعده

    رواية بكرة بمسك يدك واللي بعده


    حلو كملي
    يعطيك العافيه ..



    توقعاتكم :-
    وش الخبر اللي بيوصله خالد لأم أحمد ؟
    مادري
    هل بيتم زواج سارة او لا ؟
    لا
  3. بـنـت أبوي
    22-07-2013, 07:36 AM

    رد: روآية بكرة بمسك يدك واللي بعده

    رواية بكرة بمسك يدك واللي بعده


    يمكن لا يمكن تهرب عند صديقاتها
    أأو بتقع اخوها بكم دمعه انه يتراجع و يمكن يوافق

    تقبلي مروووري..~#
  4. هدوء عآشقة
    22-07-2013, 07:43 AM

    رد: روآية بكرة بمسك يدك واللي بعده

    رواية بكرة بمسك يدك واللي بعده


    المشاركة الأصلية كتبت بواسطة مزمز
    حلو كملي
    يعطيك العافيه ..



    توقعاتكم :-
    وش الخبر اللي بيوصله خالد لأم أحمد ؟
    مادري
    هل بيتم زواج سارة او لا ؟
    لا
    ربي يعافيك
  5. هدوء عآشقة
    22-07-2013, 07:46 AM

    رد: روآية بكرة بمسك يدك واللي بعده

    رواية بكرة بمسك يدك واللي بعده


    المشاركة الأصلية كتبت بواسطة بنت أبوي
    يمكن لا يمكن تهرب عند صديقاتها
    أأو بتقع اخوها بكم دمعه انه يتراجع و يمكن يوافق

    تقبلي مروووري..~#
    مشكورة ي حياتي على التوقعات
    يمكن توقعاتك صحيحة ويمكن لأ
    كوني دائما بالقرب
  6. برائة أنثى
    22-07-2013, 07:48 AM

    رد: روآية بكرة بمسك يدك واللي بعده

    رواية بكرة بمسك يدك واللي بعده


    أتوقع الخبر أن أمل وزوجها بيرجعون السعودية أو زوجها نقلوه وأتوقع سارة ماتتزوج
  7. ema mahmoud
    22-07-2013, 09:45 AM

    رد: روآية بكرة بمسك يدك واللي بعده

    رواية بكرة بمسك يدك واللي بعده


    لا ساره مش هتجوز
    وامل وجوزها مش عارفه
    كملى متحمسه اوى
    ربنا معاكى
  8. هدوء عآشقة
    23-07-2013, 05:01 AM

    رد: روآية بكرة بمسك يدك واللي بعده

    رواية بكرة بمسك يدك واللي بعده


    بكرة بمسك يدك واللي بعده
    البارت الرابع

    عزيزاتي راح نوقف أحداث الرواية شوي وبعرفكم على الشخصيات
    بيت أبو محمد
    أبو محمد: عمره ٥٢ سنه رجل طيب وحنون ويحب عياله كثير جسمه ضخم شوي لأنه رجال بشرته سمراء يشتغل في أرامكو السعودية اسمه { أمير }
    أم محمد : عمرها مقارب لعمر زوجها ٤٣ سنه طيبة وحبوبة وماترضى بالغلط ابدا كانت تشتغل معلمة لكنها تقاعدت بشرتها بيضاء وطولها حلو
    محمد : ولدهم الكبير عمره ٢٤ سنه يشتغل في شركة زين يشبه ابووه شوي بشرتهه سمراء وطويل ومايحب حركات طيش الشباب
    ايات : بنت عصبيية كثييير لكنها على نياتها بشرتها بيضاء بس قصيرة عمرها ٢٣ اصغر من محمد بسنة تدرس في الجامعة تخصص هندسة
    علي : عمره ١٧ سنه ودايم يوقف مع ايات لانها اقرب وحدة له ولد طايش مايقعد بالبيت كثر مايقعد مع ربعه ودايم يسافر مع ربعه بشرته سمراء وطويل
    ريم : بنت تعشق الهبال بجنووووون مايهمها أحد عنيدة واللي براسها تسويه تحب تسوي مقالب في صديقاتها بشرتها برونزية وطولها حلو عمرها ١٤ سنهه وصديقاتها يسموها عصقوول لأنها ضعيفة

    بيت أبو ملاك { م
    ابو ملاك : مواصفاته طويل واسمر يحب بنته ملاك ومايرد لها طلب عمره ٤٨
    ام ملاك : بيضاء وجسمها مليان شوي طولها يعتبر حلو تحب تهتم ببناتها لكنها ماتعرف كيف تنصحهم بطريقة حلوة عمرها ٤٠
    ولاء : بنتهم الكبيرة هبلة طويلة وبيضاء جسمها مو متينة ولا ضعيفة يعني حلو عمرها ١٧
    ملاك : اخر العنقود مدللة ابوها ودلوعته بنت هبلة ومرجووجة ماتعرف للهدوء طريق والباقي وصفته في بداية الرواية

    بيت أبو جهاد { ابراهيم }
    ابو جهاد : رجل مثقف بشرته بيضاء وطوله مناسب عمره ٥٥
    ام جهاد : مرأة تحب الخير بشرتها بيضاء وقصيرة لكنها ضعيفة
    جهاد : الولد البكر يعني الكبير واولهم يدرس في جامعة تخصص طب اسمر وطويل عمره ٢٠
    حوراء : في ثاني ثانوي تحب الهبال ودايم تستبقر سمرا وضعيفة لكن طولها حلو
    زينب : وصفتها في بداية الرواية

    بيت أبو أحمد
    ابو احمد توفى من قبل سنة
    ام احمد : شايلة البيت شيل وتحب بنتها الوحيدة وماترفض لها طلب سمرا وقصيرة ومن التعب صارت ضعيفة
    صغرى : وصفتها في بداية الرواية
    يسموهم ام احمد وابو احمد لأنهم تمنو انهم يجيبو ولد لكن مالله اراد
    بيت رامي
    رامي : اخو سارة يحب الفلووس بجنوون ومايطيق سارة دايم يمشي ورا راي زوجته مايشتغل ابيض وطويل
    رهام : زوجة رامي حالها نفس حال زوجها ودايم تشيش رامي على اخته عمرها ٢٨
    سارة : ساكنة معاهم والباقي وصفته بالبداية

    بيت ميعاد واماني وفاطمة ماراح اتطرق لهم كثير لأن ماراح ينذكرو بالرواية

    نرجع لأحداث الرواية
    قعدت سارة بالصالة وهي تصيح على حالها وتقول بقلبها { الله يسامحك ييمة رحتي وتركتيني بين هلي مايخافو ربهم يبو يزوجوني علشان ياخذو الفلوس مادري كيف بتزوج وانا بهالعمر كيف بتصرف مع زوجي كيف بعامله انا بعدني صغيرة اه ييمة رحتي وخليتيني محتارة }

    في بيت ابو محمد
    بعد ما وصل طلب ريم وزينب اكلوه وخلصو
    زينب وهي بتجلس على الكنب : اي ريم ماقلتي لي منو هاللي صقعتي فيه
    ريم بتفكير : امممم والله مدري
    زينب : طيب يمكن صديق محمد او علي اخوك
    ريم : بس علي او محمد ماعندهم اصدقاء كذة يعني هذا اول مرة اشوفه
    زينب : يب اخوك علي انتقل لمدرسة جديدة ويمكن ذا من اصدقائه الجدد
    ريم : اي والله يمكن
    زينب : انتي اسألي علي وتأكدي
    ريم : اوك
    زينب : يالله ريووم انا لزووم ارجع البيت اللحين
    ريم : طيب حبيبتي باي
    زينب باي
    راحت ريم مع زينب ووصلتها للباب ودخلت البيت

    في فرنسا
    بسام : ابيك تروح لبيت ام أحمد وتفضح روحك
    خالد بفهاوة : ها وليش افضح روحي
    بسام : يعني لمتى بتضل مضيع حقوقك روح يالغبي واخذها منهم
    خالد بعد اقتناع : بس ابو احمد مات
    بسام : وام احمد بعدها عايشة تقدر تروح لها بس قبل لاتروح ارسل لهم رسالة
    خالد : طيب

    نرجع للسعووديهه وبالتحديد في الحسا
    في بيت ابو محمد
    راحت ريم لغرفة محمد ودقت الباب
    محمد : من ؟
    ريم : انا
    محمد : تفضلي
    دخلت ريم وسحب الكرسي وجابته لعند سرير محمد
    محمد : خير ريم وش فيك
    ريم : ها اممم بسألك
    محمد : تفضلي
    ريم : انت مصادق لك واحد جديد
    محمد : ههههههههههه لا هذا هم ربعي ماتغيرو ليه
    ريم : ها لا بس كنت اسأل لاني اليوم شفت انسان غريب ببيتنا
    محمد : اي هذا صديق علي .. توه متعرف عليه
    ريم بقلبها { واخيييرا عرفتهه } : طيب مشكور باي
    محمد : العفو باي
    طلعت ريم وعلى طول طارت لغرفتها واخذت جوالها واتصلت على زينب
    زينب : مداك تشتاقي لي
    ريم : مب وقتكك .... عندي لكك خبر
    زينب : وشو
    ريم : عرفت منو اللي صقعت فيهه
    زينب : منو
    ريم : صديق علي ذا توه متعرف عليه
    زينب : وووع وش يبي فييهه اخوك دامه قليل ادب
    ريم : وانا شمدريني .. طيب انا بدرس وبعدها بنام باي
    زينب : اوك باي انتبهي لنفسك
    ريم . وانتي بعد
    وسكرو ريم راحت تدرس وبعد ما درست بدلت لبست لها بيجامة زرقا فيها فيسات {وجوه } مبتسمه ونامت
    وزينب لبست دشداشة لولو كاتي وردية ونامت

    مرو يومين عاديين وبعد هاليومين
    في بيت ابو احمد
    صغرى كانت تشوف التلفزيون وامها يمها تخيط
    رن جوال ام احمد رسالة
    ام احمد : قومي صغور حبيبتي جيبي جوالي
    صغرى : ان شاءالله يمة
    جابت جوال امها وعطتها اياه
    فتحت الجوال ام احمد وفتحت الرسالة وبدت تقراها ولما خلصت هالرسالة اغمى عليها
    صغرى انفجعت من وضع امها واخذت الجوال بتشوف شصاير وقرت
    بسم الله الرحمن الرحيم
    ................


    في بيت ابو جهاد
    حوراء كانت مروقة وتغني : ماما جابت بيبي .. بيبي حيلو صغير .. يا الله حبيبي شو ذكي ومقنطر
    زينب بتريقة . خفي علينا ي راشد الماجد
    حوراء طنشتها وكملت اغنيتها
    نزل جهاد .٠: وين امي
    زينب : مدري طلعت تقول بتروح بيت ام سعد جارتنا
    جهاد : طيب اذا جت قولي لها اني انا رحت البر
    زينب شهقت : خخخخذي معاك
    حوراء وقفت من الاغنية : وانا بعد خذني معاك
    جهاد : وين اخذكم انا بروح مع ربعي اقعدكم مع اولاد يعني
    وخلاهم يتحلطمو وطلع


    في بيت جرتهم بيت ام سعد
    ام سعد : الله يحيك .. الا بسألك اللحين بنتك حوراء وراها ماتزوجت
    ام جهاد : والله مابعد يجي النصيب ي ام سعد
    ام سعد : هي بأي سنة
    ام جهاد : بثاني ثانوي
    ام سعد : الله يحفظها
    وكملوو سوالف مع قهوة وحلا

    في بيت ابو محمد
    ريم كانت تكلم ملاك وتسولف معاها
    ريم : هههههههههه الله يقطع ابليسك
    ملاك : هههههههههه وش رايك نسوي مقلب
    ريم بحماس : اوك بس في مين
    ملاك : عادي نشوف لنا اي وحدة في المدرسة ونسوي فيها
    ريم : اوك اجل نتفق يوم السبت
    ملأاك : طيب

    في بيت رامي اخو سارة
    مصطفى صديق رامي سمع بخبر زواج سارة وهو عارف رامي ومصايبه فقرر انه يخطب سارة قبل
    مصطفى واقف عند باب بيت رامي ودق الجرس
    فتح له رامي الباب ورحب فيه ودخله للمجلس
    رامي : ياحي الله من جانا
    مصطفى: ربي يحيك ويبقيك
    رامي : اخبارك واخبار اهلك
    مصطفى : بخير والله الحمدلله
    رامي ابتسم
    مصطفى قرر يدخل بالموضوع على طول
    مصطفى : رامي الصراحة انا ماجيتك الا لحاجة بنفسي
    رامي : تفضل امر وش بغيت
    مصطفى : الصراحة انا جيت بطلب القرب منكم وانتم نعم العايلة فقلت ابخطب سارة اختك على سنة الله ورسوله
    رامي باندفاع : بسس سارة انخطبت
    مصطفى : انا اولى من الغريب وهالأمر راجع لكم انتو خلو البنت تفكر على كيفها وانا مب مستعجل وحاضر بالمهر اللي تبيهه
    رامي : خير ان شاءالله وحنا بنشوف راي البنت وبنرد لك خبر
    مصطفى : طيب اجل انا استأذن وانتضر منك اتصال
    رامي : اذنك معك
    وصلهه للباب ودخل
    بصراخ : سسسارة ... سسسسسسسارة
    سارة نزلت تركض : نعم اخوي
    رامي : صديقي جاي يخطبكك
    سارة { لا ياربي صديقه يعني نفس اخوي يعني بعيشيني بضرب وسب ولعن لا ليه ياربي ليه } : اللي تشوفه ياخوي
    رامي : ومن قال اني باخذ رايك اصلا .... هو قال ان مبلغ المهر اللي اطلبه بيجيبه وابيك تعرفي ان هالمهر ماراح يكون لك نصيب منه
    رهام كانت تسمع الكلام ودخلت
    رهام : طيب وذا اللي خطبها قبل
    رامي : هذاك حافي منتف ماراح نستفيد منه بشي غير ذا
    رهام بتأييد : ايي والله وانت الصادق
    سارة { يعني انا اللحين صرت لعبة بينكم تبو تبيعوني بأي طريقه .. تبو تشوفو الاغنى وتعطوني اياه علشان تستفيدو ... ماأقول غير الله يسامحكم } وصعدت لغرفتها وكالعادة ماعندها حل غير الصياح
    أنتهى البارت
    رايكم فيه
    وتوقعاتكم
    وش هي الرسالة اللي جت لأم احمد
    من مبن الرسالة اللي جت لأم احمد
    وش بيكون مصير سارة
  9. برائة أنثى
    23-07-2013, 05:28 AM

    رد: روآية بكرة بمسك يدك واللي بعده

    رواية بكرة بمسك يدك واللي بعده


    فضييييييييييييع البارت رمروووم
    أتوقع الرسالة من خالد يممكن صار لأمل وأحمد شي
    وأتوقع أن سارة تتزوج مصطفى ويكون مصير زواجهم سعيد

    ياقلبي ربي يوفقك ريوومتي وياريت تعجلي بالبارت الجاي

    أختك ساروونهه
  10. هدوء عآشقة
    23-07-2013, 05:46 AM

    رد: روآية بكرة بمسك يدك واللي بعده

    رواية بكرة بمسك يدك واللي بعده


    المشاركة الأصلية كتبت بواسطة برائة أنثى
    فضييييييييييييع البارت رمروووم
    أتوقع الرسالة من خالد يممكن صار لأمل وأحمد شي
    وأتوقع أن سارة تتزوج مصطفى ويكون مصير زواجهم سعيد

    ياقلبي ربي يوفقك ريوومتي وياريت تعجلي بالبارت الجاي

    أختك ساروونهه
    تسلمين ياقلبي على متابعتكك للرواية
    كوني دوما بالقرب
123456789101112