اشهد ياعالم علينا وع بيرووت

الشعر, قصيدة , شعراء, القصايد ارسال إلى Twitter ارسال إلى facebook
  1. فلسطينية وافتخر
    18-07-2013, 05:28 PM

    اشهد ياعالم علينا وع بيرووت

    اشهد ياعالم علينا وع بيرووت


    كلمات اغنية:
    أشهد يا عالم علينا وع بيروت

    (غناء: فرقة العاشقين)
    اشهد يا عالم علينا وع بيروت اشهد بالحرب الشعبية

    واللي ما شاف م الغربال يا بيروت أعمى بعيون أمريكية

    بالطيارات أول غارة يا بيروت غارة برية وبحرية

    برج الشمال وبالبحر يا بيروت صور الحرة والرشيدية

    قلعة الشقيف اللى بتشهد يا بيروت علي داسوا راس الحية

    والشجر قاتل والحجر يا بيروت والواحد جابه دورية

    جمل المحامل شعبنا يا بيروت بعين الحلوة والنبطية

    واحنا ردينا الألية يا بيروت بحجارة صيدا والجية

    تراب الدامور اللى بيشهد يا بيروت عالخسارة الصهيونية

    وبقلبي خلدنا الوحدة يا بيروت لبنانية فلسطينية

    سدوا المنافذ علينا يا بيروت وحرقوا المعونة الطبية

    سور الأشبال مع زهرات يا بيروت منه ما مرت الية

    والطيارات غطوا السما يا بيروت والبحر جبهة حربية

    كانوا غربان المنية يا بيروت واحنا تحدينا المنية

    واشهد يا عالم علينا وع بيروت ع صبرا والمية ومية

    شاتيلا وبرج البراجنة يا بيروت بالمتحف شافوا المنية

    ثمانين يوم ما سمعناش يا بيروت غير الهمة الاذاعية

    بالصوت كانوا معانا يا بيروت والصورة ذابت بالمية

    ولما طلعنا ودعناك يا بيروت وسلاحنا شارة حرية

    لا راية بيضا رفعنا يا بيروت ولا طلعنا بهامة محنية

    والدرب صعبة وطويلة يا بيروت عليها عقدنا النية

    واللي ما شاف م الغربال يا بيروت اعمى بعيون امريكية



    ماراح انزل المقطع لانو راح ينحذف
    الي حابب يسمعها ( يوتيوب , فرقة العاشقين , اشهد ياعالم علينا وع بيرووت )
  2. دلوعه كتير
    18-07-2013, 07:10 PM

    رد: اشهد ياعالم علينا وع بيرووت

    اشهد ياعالم علينا وع بيرووت


    نايس كتير كتير