1234567891011

انا مو مثل غيري أجي بدقة الاصبع ..اسمها الجديد..((أنثى الذئب))

روايتي الاولى - رواية قصة لم تكتمل ارسال إلى Twitter ارسال إلى facebook
  1. عذبة مشاعر
    05-07-2013, 07:49 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    أحبتي ..

    ان شاء الله اليوم بنزل الجزء الرابع من الرواية .. وبعدها سأتوقف عن انزالها و ذلك لدخول الشهر الفضيل

    الله يبلغنا اياه وياكم واحنا سالمين غانمين يارب

    وبعد العيد ان شاء الله

    راح استأنف انزال الاجزاء .. وراح يكون الموعد الجديد كل جمعه ليلا .. ان شاء الله
  2. مزمز
    22-07-2013, 08:40 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    رووعه كملي
    يعطيك العافيه وربي يسعدك..
  3. جواهر2013
    17-08-2013, 03:42 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    الله يعطيك العافيه قصه رائعه بس
    بس ياليت تكملينها
  4. عذبة مشاعر
    17-08-2013, 07:17 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    الجزء الرابع...
    &
    ¤"كانو في حاله يرثى لها الي قاعد والي واقف واللي يمشي واللي مو عارف وش يسوي
    طلع الدكتور وقامو كلهم له
    بدر:ها يادكتور طمنا وش فيه
    "الدكتور:من متى تجيه هالنوبه
    "بدر:اول مره يصير له كذا
    "هز الدكتور راسه:اوكي الحقني على المكتب
    "راح بدرمع الدكتور
    وام فهد جالسه على الكرسي تصيح
    وبناتها حولها يهدونها
    غايه :يما الله يهداك لاتسوين في نفسك كذا مايصير
    "ام فهد ومنهاره من الصياح:ياحسرتي عليك يا ضناي وش الي جاك ياقليبي
    "نوف وقفت قبال امها : يما مافيه الا العافيه "وكأنها تذكرت شي"الا يما هو كيف طاح
    "حطت امها يدها على راسها وتصيح:مادري مادري انا جيت وشفته طايح على ظهره قلت بس راح مني الولد راح "وزاد صياحها
    شوق واول مره تتكلم الموقف الجم لسانها:هذا بدال ماتدعون
    له قاعدين تقولون كلام لا يودي ولا يجيب
    " وقامت عنهم رايحه لقسم النساء
    وقامت غايه وخذت امها معها
    والحقتهم نوف بعد ما شافت اخوها سامي من الزجاج العازل وفي نفسها:توك كنت بخير وش اللي صار استغفر الله
    غمضت عينها وراحت المصلى
    &&&&&&&¤¤¤&&&&&&&
    "رجع البيت متأخر ومنهد حيله
    دخل الصاله ماشاف احد اللمبات طافيه ومايسمع الا صوت المكيفات دخل المطبخ يدور اكل فتح الثلاجه وطلع تفاحه وقعد يلعب فيها
    رجع الصاله وشغل التلفيزيون و انسدح على الكنبه
    دخلت امه عليه الصاله
    صيته:متى جيت يمه
    "عدل اسامه جلسته:هلا يمه توي جاي "ويشوف الساعه"ليه مانمتي للحين
    "صيته:الا نمت بس شبعت نوم
    قلت اقوم اتجهز للدوام
    "اسامه وياكل من التفاح:خلاص يمه تقاعدي شتبين بوجع الراس
    "صيته:شتبي مني انا كذا مرتاحه
    "اسامه ناظر امه بطرف عينه:اقول صيته غريبه مافتحتي سيرة العرس مو من عادتك
    "صيته:لا صحيح خلاص انا ماني مسؤوله عنك مليت منك
    "رفع اسامه رجله اليسار وحطها على رجله اليمين ومسكها بيده اليمين:اخ نسينا ماكليناكذا تخونين العشره ٢٥سنه وانا صابر عليك ماقطيتك في دار العجزه وهذا اخرتها
    "قامت صيته يوم شافته فتح هالموال وبدا يستهبل:اقول قوم حط راسك ابرك لك بكره وراك قعده من صبح
    "قام اسامه ومر جنبها:الله وش هالزين لا لقيتي وحده بربع جمالك انا موافق عليها
    "عدلت صيته النظاره بغرور وهي ماشيه:تبطي ياولد سعود " اسامه وبصوت عالي وهو راقي الدرج:مشكلة الي ماخذين في روحهم مقلب
    "وراح فوق بسرعه
    "ابتسمت صيته على خبال ولدها ياما حاولت تزوجه بس هو رافض الفكره لين ما يلقى الإنسانه الي تعجبه
    &&&&&&&¤¤¤&&&&&&&
    :ههههههههههاي سكر عليك الباب ها هههههههه
    "غدير:شب شب ان شاء الله يصير لك مثلي
    "مريم :هههه بسم الله علي يالله يالدبه اخليك اشوفك بكره في احلى بقاع المعموره
    "غدير:ذلفي يالدافوره يالله سلام
    "مريم:سلام
    "قامت مريم ونزلت الصاله
    كانو اخوانها يلعبون بلاي ستيشن جلست معهم
    :يالله الي يخسر يجيب القير
    "نواف ويشوفها بطرف عينه:ماتشوفين الجلسه شبابيه خير جايه
    "خليفه وهو اخر العنقود:صح انا مراح اعطيك
    "قامت مريم :مالت ميته عليه انا قلعته ان شاء الله يتكسر
    "وطلعت التهويه تشم هواء
    &&&&&&&¤¤¤&&&&&&&
    "توها صاحيه من النوم من رجعت من المستشفى وهي نايمه نزلت الصاله وكانت لابسه بجامة نوم ورديه اكمامها طويله الا نص الساق
    ونعال وردي طقم مع البجامه
    وشعرها طويل مفتوح منسدل على ظهرها ومتناثر على وجهها بعشوائيه صاير شكلها طفولي
    دخلت الصاله وشافت اهلها كلهم مجتمعين
    "ساره:السلام عليكم
    "الكل:وعليكم السلام
    "جلست ساره جنب امها واتربعت على الكنبه
    طالعت وجيه اهلها كانو ساكتين ويطالعون فيها
    نزلت عينها وخذت الجريده الي جنبها تلهي روحها فيها كأنها تقراها
    فيصل:مابقيتي تصحين وش سالفة النوم معك
    "رمت ساره الجريده وطالعت فيصل الي قاعد في الكنبه الي قبالها: تعبانه والله
    "تركي:شخبار جرحك
    "ساره:الحمد لله مايعور
    "وضحى(ام ذياب):الحين شلون تسكتين على جرح كذا انهبلتي
    "نزلت ساره راسها
    "وضحى:من وين جايك هالجرح
    "انحرجت ساره وتحسفت انها نزلت
    انقذ ابوها الموقف يوم انه يكلم
    خالد الي حالته حاله:يابوك مافيه الا العافيه توي مكلم ابوه
    "خالد بحسره: ان شاء الله الله يسمع منك يالله عن اذنكم بروح انام
    "الكل:اذنك معك
    "ساره باستغراب تكلم امها:يما شفيه خالد شكله دايخ
    "وضحى: ولد عمك سامي منوم بالعنايه
    "شهقت ساره بقوه والكل التفت لها وحست بإحراج كبير
    "ضاحي (ابو ذياب): بسم الله عليك يامي" والتفت لوضحى يهاوشها ":وانتي شلون تروعين البنت والولد بخير
    "وطالع ساره" :مافيه شي تعب عليهم وودوه المستشفى
    "ساره:شخباره الحين
    "ضاحي: لا احسن ان شاء الله
    "ذياب ولأول مره يتكلم:يبا ليه ماتروح عندهم
    "ضاحي:لا صعبه البنات وامهم هناك مايصير نروح نحرجهم
    "تركي:بالعكس لارحت تازرهم
    في مصيبتهم
    "ضاحي وهو قايم:لا لا بكره ان شاء الله كلنا نروح
    يالله قومو نامو عشان ما تأخرون صلاة الفجر
    "قامت وضحى مع زوجها
    وقام فيصل وتركي
    وصفت الجلسه على ذياب وساره
    ظلو ساكتين فتره
    انسدح ذياب على الكنبه على ظهره غمض عينه وابتسم بسخريه:تصدقين كل ما افكر اني افاتح ابوي بموضوع الزواج يصير شي
    "ساره:استغفر الله لا تقول كذا
    وبس يطلع سامي من المستشفى انا بكلم امي
    "ذياب:يعني انتي حليتيها الحين
    اه احيانا امل واكنسل الموضوع من اساسه
    "ساره:شفيك انت صاير يائس تجيب الكابه
    "عدل ذياب جلسته:تتوقعين غايه تحبني
    "ساره:مو شرط تحبك الحب يجي بعد الزواج وبعدين انت حيرتها من ٨ سنين اكيد تكن لك بعض من مشاعر الود
    ليه انت تحبها
    "حذف عليها ذياب مخده صغيره:وش دخلك
    "ساره:بس سؤال قمه في البرائه
    "قام ذياب:ايه واضح يالله قومي نامي مع اني متأكد ان الي فوق كلهم مراح ينامون
    "ساره:ليه
    "ذياب:لأنك خلصتي النوم عن بكرة ابيه
    "ابتسمت له ساره ورد لها الابتسامه وراح
    وظلت هي في الصاله تفكر في حال عيال عمها لين ما نامت
    على الكنبه
    &&&&&&&¤¤¤&&&&&&&
    "واقفه عند المرايه وهي تحط اخر اللمسات على شكلها
    لابسه بدي احمر وبنطلون جنز بيج ورافعه شعرها بعشوائيه وفيه خصل طويله على قدام
    لبست عبايتها الكاب
    مفصله جسمها تفصيل
    اخذت شنطه بيجيه صغيره يادوب تكفي لمناديل
    واخذت عطر مركز وسبحت فيه
    شوي ويرن جوالها
    "ريم بغنج:الو
    "ماجد:فديت الألو أنا ها خلصتي
    "ريم:ايه تو الحين انت وينك
    "ماجد:قريب يالله طلعي
    "ريم:اوكي تشاو
    "خالد:تشاو
    "طلعت ريم من غرفتها وقفلت الباب وشافت غدير واقفه في الممر
    "غدير وبنظرة استحقار:وين رايحه عرس
    "ريم بترييقه:ايه تخاويني
    "غدير:تخسين انتي واشكالك
    "لبست ريم نظارتها السودا يوم حست ان غدير بتبدا في محاضراتها عن الدين والأخلاق
    ومشت عنها وطلعت
    ركبت السياره
    "ريم:هاي
    "ماجد:هايات شفيك تأخرتي
    "ريم بقرف:هالعله غدير كان نشبت بحلقي كالعاده
    "ماجد بتردد: طيب ليه ماتخلينها فري مثلك وتجيبينها معك
    "ريم:لا وين هاذي معقده حيل افكارها متحجره
    "ماجد بمكر:بالعكس كثر الدق يفك اللحام وانتي شوي شوي معها تلقينها خاتم بصبعك
    "ريم:مادري يمكن المهم ماعلينا منها بديتو حفلتكم
    "ماجد ومصر انه يقنعها في يوم من الأيام:لا شلون نبدأها بدونك
    "ريم بدلع: على بالي بعد
    &&&&&&&¤¤¤&&&&&&&
    "بعد مرور اسبوع بأيامه ولياليه وبكل أحداثه
    طبعا اهم شي صار ان سامي طلع معه ضعف في الأنسجه المحيطه بعضلات الرئه اليسرى
    تنوم يومين في المستشفى وطلع بعدها وخواته دايم حواليه
    "وخالد تعب لتعب ولد عمه
    وصار شبه ساكن في بيت عمه

    "فهد واصل هجومه على امه في محاولة اقناعها بتزويجه من بنت ميسورة الحال لين وافقت على مضض بشرط ان هي الي تختارها

    "وذياب كلم ابوه عن موضوع الزواج وهو بدوره كلم اخوه الي استانس وفرح ياما انتظر هاليوم الي بيفرح فيه ببنته وزواجها من شخص يسوى الف شخص برجاحة عقله وتحددت الملكه بعد اسبوع والعرس بعد شهر طبعا تركي قوم الدنيا ولا قعدها يبي يعرس على شوق مع ذياب وهذا الشي ماتم لان شوق ماتبي تعرس الا بعد عرس غايه

    "رمت الكيس على الأرض وانسدحت على الكنبة
    نوف بتعب : اه مت تكسرت هذا اخر مره اروح معك سوق فاهمه
    "شالت غايه الغطا عن وجهها وجلست تشيك على الأغراض
    دخل عليهم فهد وراح لجهة نوف النايمه على الكنبه
    شافته غايه واشر لها يعني سكتي
    قرب فهد منها وطبق رجلينها
    ارتاعت نوف وقامت شافته مقابلها وحست بنواياه
    ":اووه فهد والله مالي خلقك تعبانه موت
    "طالعها فهد بنص عين
    وناوي يفر بها الصالة
    نوف شالت كيسه وعطته اياه وغمزة له
    خذ الكيسه وجلس في الكنبه المجاوره
    وبدا يستعرض محتوياتها
    "صفر بقوه لما طلع قميص نوم تركواز فرنسي
    شافته غايه وانصفق وجهها قلب طماطه
    قامت ورقت الدرج راحت غرفتها
    "نوف:ههههههه يازينها تستحي
    "فهد:نشوفك لنخطبتي
    "نوف : انا بسم الله علي كلي حيا
    "فهد وهو رايح:اذا هذا حيا اجل وين البصاقه وقلة الأدب
    "طارت عيون نوف:ايييييييه شنو شايف نفسك صدق لا قالو اللي مايعرف الصقر يشويه
    وراح عنها وخلاها تتحلطم لحالها
    &&&&&&&¤¤¤&&&&&&&
    اقدر بكذا اني اقول انهي الجزء الرابع صحيح هو مره قصير انا اختصرته
    لأن الان وقت تجهيزات للمدارس ^^
    اوعدكم ان الجزء الخامس يكون غير
    والأشياء الي ماذكرتها في هذا الجزء بذكرها في الخامس
    اشوفكم على خير
    محبتكم
    ..¤عذبة ‏‎مشاعر¤..
    &
    &
  5. مزمز
    17-08-2013, 07:37 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    رووووعه كملي ياعسل
    يعطيك العافيه وربي يسعدك..
  6. جواهر2013
    24-08-2013, 08:24 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    الله يعطيك العافيه اختي عذبة مشاعر
    ممكن نعرف متى بتنزلين الجزء الجديد
    لاني متحمسه مع الروايه مره
  7. NORY
    25-08-2013, 07:36 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    يسلمووووووووووو

    بانتظارك
  8. عذبة مشاعر
    27-08-2013, 12:46 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    مزمز .. تواجدك بالقرب يسعدني .. دمتي لي بخيرر
    جواهر .. سعادتي تكتمل بتواجدك حولي .. ادامك الله قلبا نابضا بالطاعه .. ان شاء الله انزلهم يوم الجمعه بالليل .. انا الجمعه هذه انشغلت بشده لذا لم اقم بإنزالها .. لذا ساقوم بعد قليل بإنزال الجزء الخامس .. وابتداء من الجمعه بعد القادم سألتزم بالموعد ان شاء الله
    نوري .. سلمك الله من كل شر .. كوني بالقرب دائما ..^^
  9. عذبة مشاعر
    27-08-2013, 12:55 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    الجزء الخامس
    "قاعد وضغطه مرتفع من اخوه البارد الي صار له سنه يلبس شوي طلع تركي وهو لابس بدله رياضيه سوده وفاتح الجاكيت لصدره ولبس تحته بدي بيج لبس كبوسه الأسود والنظارات في يده:هاي مستر
    "قام فيصل من على الكنبه الي جنب غرفة تركي
    :لا لا ارجع كمل تو الناس
    "تركي وهو يرجع:اوكي
    "فيصل وهو يسحب تركي :اقول امش انا فاضي لك
    "ضحك تركي ونزل من الدرج وهو يصفر ويرفع حواجبه لفيصل الي واصله معه
    وقعد يمشي على هونه
    وقف فيصل ورفع راسه لجهة تركي الي ينزل ببطء ويسوي له حركات
    قرب تركي من فيصل وهز كتفه له بمياعه كأنه بنت ودق فيصل على كتفه وغمز له
    "ابتسم فيصل:اتعب انا ياحياتي دوختيني صراحه
    "لف تركي وجهه بغرور ونزل بمياعه ودخل الصاله
    "لحقه فيصل :وين حبيبتي الباب من هنا ويأشر لبرا
    "تركي بنظرة خبث:لافديتك شوف من نايم هناك لحاله
    "لف فيصل وجهه وشاف ساره نايمه بشكل يضحك
    جالسه ومتربعه ومسنده راسها للكنبه يعني رقبتها طايحه لورا ويدينها ممددتهم على الكنبه
    ولابسه بنطلون ازرق وبلوزه خضرا للركب فيها شريطه ضعيفه في النص وفاتحه شعرها الحريري
    "ابتسم فيصل وقرب منها
    "وقف تركي قدامه :لو سمحت انا شفتها قبل يعني انا بغلس عليها
    "بعد فيصل يد تركي :اقول شفها بس تجيب وحده بجمالها
    "تركي بثقه:اوف كورس شوقتي
    "فيصل:والله ساره احلى شف النعومه بس
    ذيك عليها لسان وش طوله
    "تركي :عادي فديتها "وقعد يغني بصوته العذب"
    :اجيك يسلم راسك
    وشلون ماجيك ويا كلام الناس صعبا اتغلى"ويأشر على فيصل"
    والله مادري من الغلا وين اوديك تسوى عيوني ولا بعد يمكن اغلى
    "فيصل انعجب بصوت اخوه بس ماحب يبين له:الله يهنيك
    اقول ماودك تبدا
    "افتر تركي لساره ويفرك يدينه بخبث:نو بروبلم
    "ونزل لمستواها وشبك يدينه في خصرها ورفعها بقوه لفوق
    ودورها في الصاله على فوق في الهوا
    ساره قعدت تصرخ بروعه بصوت عالي حييل
    ونزلها ورماها على الكنبه
    وهو يضحك
    ساره جلست وهي ترجف من الروعه والعصبيه وطالعت تركي بنظرات ناريه انتبه تركي لها وابتسم:مسا الخير
    "قامت ساره وطالعته باحتقار: انت حمار وش هالغباء ذا تصرف تسويه لشخص نايم انت متخلف
    "وهي تأشر عليه بصبعها من فوق لتحت
    "ابتسم فيصل يوم شاف نظرات تركي الي انقلبت جد
    فيصل:يالله تروك
    "تركي ظل يطالع ساره باحتقار وهي تناظره بنظرات احقر
    "فيصل:الا متى طيب
    "مشى تركي بعصبيه وطلع برا
    ولحقه فيصل
    جلست ساره ومزاجها زفت
    رفعت السماعه ودقت على شوق
    :الو
    "ساره:اهلين انتي نوف
    "نوف:وهل يخفى القمر
    "ساره ومالها خلق:نادي شوق
    "نوف:ليه
    "ساره:ناديها زين
    "نوف: طيب قولي لي وانا اقول لها
    "ساره بعصبيه :انتي ماتفهمين انا قلت ناديها وبس لا تقعدين تسألين
    "رمت نوف السماعه وهي تفرك اذنها
    "غايه جالسه معها في الصاله:خير ليه رميتي السماعه
    "نوف:الملسونه سويره تبي شوق
    "قامت شوق الي كانت منسدحه معهم
    وضربت نوف على خفيف:كان قلتي من الصبح
    "وشالت السماعه
    شوق :مرحبا
    "ساره:كان ماجيتي
    "شوق:لا شدعوه شفيك معصبه
    "هزت ساره رجلها بعصبيه: تريك حسبي الله عليه
    "شوق:وش سوى بك
    "ساره:تخيلي انا نايمه ويجي يرفعني من بطني ويدورني في الصاله ويرميني على الكنبه
    زين لو صار فيني شي من الروعه
    "شوق:هههههههههههه عادي عادي عندنا وعندك خير
    "ساره :وجع انا ماقلت شي يضحك بعلم عليه ابوي اخليه يأدبه
    "شوق:ليه حرام
    "ساره:شنو حرام انتي الثانيه احد قال له يروعني
    "شوق بترييقه:هذا انتي عدله ماصار فيك شي
    "ساره:اقول والله الشرها علي انا الي مكلمتك
    وسكرت السماعه وقامت
    شوق سكرت السماعه وهي تبتسم
    "نوف:شفيك
    "شوق:معصبه ياحليلها
    "نوف:ليه
    "شوق:شدخلك
    "نوف:افا علميني
    "شوق:في احلامك
    "نوف:كيف
    "شوق:نامي بعدين يصير خير
    "نوف:ينفع الحين
    "شوق:في اي وقت
    "رمت غايه المجله:وش هالسخافه تلوعون الكبد
    وقامت عنهم
    "شوق:ياربي شفيهم علي
    "نوف:من هم
    "رمت شوق المخده على نوف وقامت عنها ونوف تضحك
    &&&&&&&¤¤¤&&&&&&&
    "قعدت من النوم بعد مافطست من الحر دراعتها لصقت فيها
    طلعت من غرفتها ماشافت احد في ساحة البيت
    راحت لغرفة امها طقت الباب ماجاها رد فتحت الباب بشويش
    ونادت:يما يما
    ماجاها رد دخلت الغرفه وحاولت تشغل النور بس مايشتغل طلعت من الغرفه وسكرت الباب
    طالعت السما وكان شكلها يخوف كان الوقت قريب ويأذن
    المغرب راحت غرفة عادل طقت الباب ومافي رد دخلت مالقت احد سكرت باب غرفته وهي تتأفف وين راحو جات بتشغل النور الي عند الجلسه الي برا ومافي فايده
    وفي نفسها شكل الكهربا طافيه ذا وقتها الحين اف راحت الحمام وسبحت ويوم حست بالانتعاش جات بتلبس وضربت راسها بقوه انا شلون نسيت اجيب لي ملابس
    الحين شلون اطلع اعوذ بالله والف فكره توديها وتجيبها وتكلم نفسها :الحين لاطلعت ركض ورحت غرفتي ماحد بداري بس ياغبيه لو احد شافك لا لا اصلا البيت مافيه احد بس لو احد جا لا يعني ماتحلى لهم الجيه الا وانا طالعه افف
    "وفتحت الباب بشويش ورجعت سكرته خبله انتي تبين تطلعين تخيلي دخلت امي ولا لا تخيلي دخل عادل عاد شبسوي اكيد بجيم وانا اطالعه ههههههههه
    والله اني خبله
    اقعد في مكاني ابرك لين ماتجي امي لاوين وش ينطرني
    واذا تأخرت اوهووو والله حاله
    وقعدت تنظف الحمام ٢٠ مره اويزيدون لين ماصار يلمع وغرق من الماي وكل شوي تفتح الباب وتسكره
    لين تشجعت وفتحته وطلعت رجل بعدين رجعت دخلتها وسكرت الباب شافت ملابسها الوسخين وفي نفسها مستحيل البسهم مره ثانيه عشان اطلع
    "شالتهم وفتحت الباب وطلعت عشان تحط نفسها امام الأمر الواقع وتحط رجولها وشووووت على غرفتها وقفلت الباب وقعدت تطالع في الغرفة كأن في احد منخش فيها يوم انها تطمنت لبست لها روب بيت نص كم لونه احمر ومطرز في كل مكان بالأصفر والبرتقالي جات بتشغل الاستشوار وتذكرت ان الكهربا طافيه فتحت شعرها القصير الي يوصل لكتفها ولفته بالفوطه رتبت غرفتها وطلعت قعدت في الجلسه الي برا ملانه رجعت الغرفة واخذت جوالها ورجعت للجلسه ما امداها وصلت الا اذن المغرب رمت الجوال على الجلسه الارضيه ورجعت بعد ماصلت
    رجعت للجلسه ظلم الوقت وخافت اخذت جوالها ونورت المكان صارت تتخيل اشياء تتحرك
    دقت على عادل جواله مغلق
    وامها ماعندها جوال
    ظلت فتره طويله وماجا احد خافت بقوه شوي وتصيح المكان مافيه الا نور الجوال دقت على نوف ولا ردت عليها خافت بقوه ليه وين راحو نسو اني في البيت عاد ياليت في كهرب سمعت صوت جوالها بيطفي اهي هنا وصلت حدها وصارت تدمع لا لا شفيني اصيح انا خبله ولا من صغري عاد نشفت دموعها وصارت تسمع حركه بالبيت وتصرخ في نفسها لا ياغبيه مافي احد في البيت
    بعدين انتي كبيره وش هالكلام
    وكانت في قطوه تمشي على
    الجدار درجت لها حصى وطاحت داخل البيت وصارت تتلوى وتصايح بصوت يخرع
    صرخت نور بقوه ودخلت غرفتها وقفلت الباب انسدحت في سريرها وتغطت باللحاف اخذت جوالها ودقت على عادل لقته مغلق ليه تخلوني انا بنت شنو هذا
    في الجانب الاخر ضاحي كان جالس مع عياله كلهم في الصاله
    فيصل وخالد في جهه يراجعون معاملات للشركه
    وضاحي ووضحى وذياب في جهه
    وساره وتركي عند التلفزيون
    "ضاحي:ها ذيبان اخبار النفسيه مابقى شي على الملكة
    "ابتسم ذياب :الله يعين
    "وضحى:الله يبلغني فيكم كلكم واشوف عيالكم
    "ذياب:امين
    "تركي:اذا ماراح تطالعين غيري المحطه
    "ساره ومن غير ماتطالعه:الا ابيها
    "تركي:هاتي الريموت
    "ساره:ليه
    "تركي:سمعي الكلام
    "ساره:ماتشوفني قاعده اطالع شتبي به
    "قام تركي وسحب الريموت من يدها بالقوه ورجع مكانه وعلى وجهه ابتسامة سخريه
    عصبت ساره بس سكتت
    وتتحسب عليه في نفسها
    "فيصل:شف المهبل الي هناك يتهاوشون
    "خالد وعينه على الورق:ليه هم متى عقلو اساسا
    "فيصل:الا ليه مارحت النادي معنا اليوم الصباح
    "خالد:انا طلعت مع سامي رحنا نتمشى
    "فيصل: الا شخباره الحين
    "خالد:لا احسن ان اشاء الله
    "سكتو كلهم لما سمعو صوت تليفون البيت
    "ضاحي كان قريب منه :هلا مرحبا
    "نور يوم سمعت صوت احد كلمها ارتاحت وصارت تصيح
    "ضاحي ارتاع:الو من معي
    "نور زاد صياحها ماتعرف تتكلم
    "ضاحي:شفيك يما هدي هدي واذكري الله
    "نور هدت لما حست بنبرت الحنان في صوته مسحت دموعها وهدا نفسها
    :خالي انا خايفه
    "ضاحي عرفها وخاف عليها وبكل حنان الدنيا: ماعاش من يخوفك يابنتي قولي لي شفيك وش مزعلك
    "اخذت نفس:امي وعادل مو في البيت انا كنت نايمة مادري وين راحو صحيت العصر مالقيت احد
    والكهربا طافيه البيت يخوف
    ماشوف شي "ورجعت تصيح مره ثانية"
    "ضاحي عصب بقوه على اخته وولدها وبصوت صارم:جهزي نفسك بجي اخذك مع السلامة
    "وسكر على طول وأخذ مفتاح السيارة وطلع من غير مايعطي احد فرصة يكلمه
    عند نور لبست عباتها وأخذت لها كذا غرض راح تحتاجه وحطتهم في شنطه وجلست تستنى خالها سمعت صوت هرن طلعت من غرفتها بعدين خافت يكون مو خالها انتظرت شوي بعدين دق جوالها وطلعت برا البيت ركبت قدام وبصوت خفيف:السلام عليكم
    "ضاحي وعينه على الطريق:وعليكم السلام والرحمة"طول الطريق خالها ساكت
    حست نور بشعور غريب بالوحده والضياع انا شلون ادق عليه ولو جا عادل وما لقاني ولو جات امي وما شافتني بالبيت اكيد بيخافون علي
    انا غبيه ليه اخذه من عياله اكيد كان جالس معهم وانا الدخيله
    كان ودها ترمي نفسها من السياره
    ساعتها كان الموت عليها اهون
    دق جوالها وكان عادل تجمعت الدموع في عينها وبصوت تعبان:وينكم انتو
    "عادل وخايف عليها:انتي وينك مالقيناك في البيت وين رحتي
    "ضاحي:هذا عادل
    "نوربصوت اشبه للهمس:ايه
    "مد ايده لها من غير مايلتفت:هاتيه
    "عطته الجوال وكان ودها تقول رجعني بس خافت وسكتت خالها باين عليه انه معصب
    "ضاحي:تو الناس استاذ عادل اطلع اسهر مع الشباب بعد ماوراك شي
    "تفاجأ عادل يوم سمع صوت خاله وعرف ان نور عندهم بس شوداهاعندهم هي كانت نايمة:هلا خالي
    "ضاحي:لا هلا ولا مسهلا ذي سواه تسويها انت وامك طالعين من البيت وهادين فيه بنت ضعيفة لا رقيب ولا حسيب وان جاها احد طب عليها ماتقولي وش بتسوي طالعين وتاركين شرفكم وراكم ماتخافون الله فيها على الاقل لو فيه كهربا اقدر امشيها . لاكن لا ذا ولا ذا
    "عادل سكت وحس بتأنيب الضمير حاول يبرر بس خاله ماعطاه فرصه:تبون بنتكم تعالو عندي البيت ولي تصرف ثاني معكم
    "عادل :خير ان شاء الله
    "وسكر منه ودخل البيت يطمن امه على اخته
    "دخل ضاحي ودخلت نور وراه
    قامت ساره على طول وسلمت عليها وودتها معها غرفتها
    جلس ضاحي بالصالة وأخذ نفس عميق
    وكلهم عيونهم طايرة يبون يعرفون وش السالفة
    "تكلمت وضحى:وش السالفة وش صاير
    "ضاحي ومسند راسه للكنبة ومغمض عيونه: مافي سالفة ولاشي
    "سكتت وضحى يوم حست انه مايبي يتكلم
    وفوق عند البنات
    "ساره:يالله بسرعه قولي وش صاير
    "جلست نور على السرير من غير ما تشيل العباية بس شالت الغطا :اف احس اني غبيه استعجلت يوم دقيت على خالي
    "جلست ساره وتربعت على السرير جنب نور :قولي السالفه وشيلي هالعباية مالها داعي
    "نور وهي تفرك اصابعها:ابد مافي سالفة بس اهلي تأخرو ماجو والكهربا طافيه عاد انا خفت وكلمت خالي وهذا انا عندك الحين
    "ساره وقفت وقابلت نور:اها طيب خلينا نستغل الوقت فرصة وجات من الله خلينا نستانس ونفلها
    "نور بضيق:اي نفلها انتي اقولك شكلي غلط "ورفعت راسها لساره"تكفين ابي ارجع البيت ساره قولي لخالي عادل في البيت توه راجع بس خالي شكله مو راضي اني ارجع تكفين كلميه
    "ساره تحرك راسها برفض تام":سوري صراحه ماقدر انا ابيك احسن من القعده مقابل تريك السخيف مايخليني اطالع الي ابي"ولمعت فكره براسها ":اقولك شرايك ادق على البنات ونستانس هنا
    "قامت نور بكسل وشالت عباتها ورمتها على السرير ودخلت الحمام
    وساره دقت على شوق
    "ساره:هلا شق شق
    "شوق:سبحان مغير الاحوال
    "ساره:اقول بس لايكثر تعالو عندنا اليوم انا نور عندي
    "شوق:انا سمحي لي ماشتهي كلمي نوف او غايه
    "ساره:اف وليه ماتجين حضرتك
    "شوق:قلت مالي خلق
    "ساره:احسن فكه منك بعد
    "وسكرت في وجهها"
    ودقت على نوف
    "نوف:مرحبا الساع
    "ابتسمت ساره على خفة دم نوف الي بايعة الدنيا:مرحبا مليون ولا يسدن
    "نوف:شحالش
    "ساره:يسرش حالي
    "نوف:شو مستوي داقه علي
    "ساره:نوف حياتي انتي
    "نوف:ساره عمري انتي
    "ساره:احبك
    "نوف:اموت فيك
    "ساره :روحي فداك
    "نوف:لاه لاه مابأدرش اي اليوم ده
    "ساره:هههههههههههه يقطع بليييييسك اقول تعالو عندنا اليوم انا نور عندي الحين
    "نوف:قولي والله وش جايبها عندك الخاينه ليه ماجاتني
    "ساره:اوه مو وقت اسألتك بتجين ولا
    "نوف :لا ماتوقع
    "ساره:ليييييييه
    "نوف:مافي احد يجيبنا
    "ساره:والسواق
    "نوف:اي ناويه على قصاص ارقابنا
    "ساره:طيب لو جيت انا وواحد من اخواني
    "نوف:هاهاها لا لا حليتيها انتي الحين
    "ساره:لي وشفيها لا جيتي مع خواني
    "نوف:انسي مستحيل هذا الي ناقص
    "ساره:كيفك مع اني مو مقتنعه بالسبب
    "نوف:يالله الجايات اكثر سلمي عليها
    "ساره:ان شاء الله
    "نوف :مع السلامه
    "ساره:مع السلامه
    "جلست ساره بعد مايأست من بنات عمها تنتظر نور تطلع
    طلعت نور بعد ماتوضت وغسلت وجهها عشان تمحي اي اثر للدموع
    "ساره:كان تأخرتي بعد
    تعالي خلينا نلعب سوني
    "انسدحت نور على السرير بكسل:ماشتهي ابي ارجع البيت
    "عصبت ساره كلهم ماشتهي مابي مالي خلق طلعت برا الغرفه ورقعت الباب بقوه
    نزلت تحت وحست بتأنيب الضمير انا الحين اخليها لحالها مسكينه الي فيها كافيها
    وراحت المطبخ تسوي حلى
    عشان توديه فوق لها
  10. عذبة مشاعر
    27-08-2013, 01:00 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    &&&&&&&****&&&&&&&
    "جالسة في الصالة تفكر في حياتها شلون بتكون شلون تكسب قلب زوجها وكيف تخليه يحب الجلسة في البيت حللت الكتب الي تتكلم عن رومنسية الحياه الزوجية والطريق لقلب الرجل واسرار السعاده
    وقرتها اكثر من مره
    قطع عليها سرحانها صوت نوف:تصدقين تو ساره داقه علي تبينا نروح لهم نور عندها بس حظنا النحس مافي احد من اخوانك هنا"وباستدراك" الا تعالي انتي وين كنتي سرحانة"وقامت من مكانها وسحبت الكتاب من يد غاية ورجعت مكانها وبصوت مايع قرت عنوان الكتاب "ليالي رومانسية افففف اتعب صراحه
    "اعتدلت غاية في جلستها وهي تناظر نوف بدقه
    جلست نوف بطريقه نظامية استعداد لتلقي محاضرة مجانية من غايه
    غايه :وليش تتعبين انا اقرأ كتاب فيها شي
    "نوف:لا لا لا ماكان قصدي امزح معك
    "غايه:وين المزح ماشوفه ولا حسيته في كلامك
    "نوف:اوووه غويه عاد لا تمصخين السالفه
    "غايه:اي سالفه انتي شفيك
    "نوف تضيع السالفة:اقول لا تتعبين نفسك وتقرين هالكتب ترى ذياب يموت في ترابك
    "ازدادت حدة نظرة غايه:على كيفك انتي وبعدين شلون تقولين انه يحبني شقصدك يعني انا اكلمه اشوفه اطلع معه
    ولا احنا قاطين الميانه مع عيال عمنا وقرايبنا مثل هالناس قليلين الحيا
    "نوف:انا ماقلت كذا بس يمكن يحبك من يوم كنتي صغيره وبقاك له وحيرك
    "غاية ومنصدمة من تفكير اختها:انتي اكيد عقلك فيه شي ولا اكيد متأثره من هالقصص ولا الروايات الي تقرينهم
    عطيني كلام منطقي يقبله العقل احنا عايشين في بيئه سعودية محافظة تطبق شرع الله لها حدود في الحلال والحرام والمحظور والمباح
    في شي اسمه محارم وغير محرم وبعدين انتي تدرين من متى تقطينا عنهم من وصلت صف ثالث ابتدائي والقطا ما طاح من راسي
    وكلام الحب والتخريف حقك هذا شيليه من راسك
    "نوف الي طينت السالفة اكثر:لا والله خلينا نعيش حياتنا حلو لما اسولف مع عيال عمي على الماشي والزواج التقليدي هذا ما حبه لازم يكون قبله حب
    "غاية بهدوؤ:تذكري كلامي زين اي شي كائن من كان يخالف امر الله وسنة رسوله نهايته الفشل او الدمار
    الرسول عليه السلام شفتيه كيف زوج بناته كانو على ستر ودين وازواجهم يحبونهم
    شلون تبين حب قبل الزواج هذا ماله الا سلوك طريق غير شرعي
    "نوف وبدت تعصب:
    انا ماقلت كذا
    "غايه:هذا معنى كلامك ولا يالله عطيني طريقة من طرقك الفذه
    "نوف:الحب يجي من نظره كلمه
    "قاطعتها غايه:حلو انتي فضحتي نفسك وكشفتي زيف افكارك
    اقولك شلون تجي من نظره اومن كلمة اول شي النظره او الكلمة طبعا مراح تكون الا من غير المحارم
    "قاطعتها نوف:مو شرط يمكن من اهلي عيال عمي او عيال خوالي
    "غايه بتطلع عيونها:قسم بالله انك ... "ومسكت نفسها"يعني عيال عمك وعيال خوالك عادي يعني محارم اجل قطي عباتك لاجو وهزي ورقصي قدامهم قال عادي قال عيال عمك وعيال خوالك غير محارم لك حرام تكشفين لهم حرام تكلمينهم والواجب تعاملينهم معاملة الأجنبي الي مايمت لك بصلة فاهمه
    يالدارسه المتوعية
    وشي ثاني قلتي الحب يجي من نظره انتي ناسيه ان العين تزني وزناها النظر يعني نظرتك لغيرالمحرم بحب زنا ومالك حق تنكرين
    وثالثا من كلمه انتي ناسيه كلام الله عزوجل ولا تخضعو بالقول فيطمع الذي في قلبه مرض
    شفتي الحب اذا بينشأ لازم بعقد شرعي بعدين المرأه العفيفة تطلع فنونها في كسب قلب زوجها وهو كذالك
    لكن لو ارادت حب قبل الزواج بهاذي الطريقه لازم تسلك مسلك غير شرعي وتخون ثقة وامانة اهلها بها وحتى ثقة زوجها لأنه بيقول هي تجرأت معي قبل الزواج اكيد سوت كذا مع غيري وبالتالي ماتنفع مربية لأطفالي لانها راح تزرع فيهم هالأفكار المنحله
    "وسكتت تاخذ نفس بعد هجومها "
    نوف بنظره مشككه:طيب عندك تركي شوفي شلون يموت بشوق وهي مادري على ايش شايفه نفسها عليه
    غايه:عيب عليك تقولين عن اختك كذا وبعدين تركي بقاها بالحلال وخطبها وهي رفضت وظل يحاول في ابوي لين ما حيرها له غصب عنها مع اني اشوف هذا تصرف خطأ من ابوي ما كان له داعي يغصبها عليه وهو الله يهديه ماحبها الا من كثر ماتوصفها ساره قدامه وامه الي ميته عليها خلو الولد يتعلق فيها ويبيها لنفسه عشان كذا حرام توصفين اي مره لرجل اجنبي عنها فهمتي
    وانا اصلا حاسه ان زواجهم مراح يتم خاصه انها دايم تصيح عند بدر انها ماتبيه ماترتاح له وانتي تعرفين بدر شلون منطقي متفهم
    ولو ان شوق ما اقنعتني بسبب رفضها واختك هاذي يبي لها جلسه
    "نوف صاخه وتسمع من غير اي تعليق هذا الحل الوحيد لإنهاء اي نقاش مع غايه
    "سكتت غايه شوي وقالت منهيه النقاش:انا لما اقول لك كذا مو اشكك فيك لا بس انبهك واحذرك فقط لاغير وسوالف الحب الي تقرينهم في الروايات هذا جزء من الي يتمنونه الي كتبوه يحطون امالهم وخيالهم في قصص وممكن بعد يكذبون على انفسهم بالحلف انها واقعيه عشان يرسخونها ويحولونها لواقع واساسا هو وهم
    "ابتسمت نوف من قلبها لغايه هاذي الاخت ماتنوزن بذهب تخاف علي من مجرد افكار فديتها ليت ذياب يقدرها ويحافظ على جوهرها الله لايحرمني منها
    وقامت من مكانها وجلست جنب غايه وقعدت تشوف معها الاغراض الي ناقصتها مابقى شي على ملكتها"
    &&&&&&&&***&&&&&&&
    :اقسم بايات الله انك سخيفه ياخي قدري مشاعري انا تعبانة ومسويه هالفريز وانتي ترمينه بوجهي
    نور بنفس مسدوده :سوري حياتي والله وبعدين انا مارميته في وجهك عطيه احد من اهلك
    "وقامت تحوس في الغرفة"
    "ساره ظلت جالسه وتاكل ولا عليها من نور"
    "دق جوال نور وهو مركب في الشاحن راحت جري عليه وشافت عديل الروح يتصل بك
    على طول ردت بلهفه:الووو عدول وينك تأخرت يالله استناك انا ابي ارجع مابي اظل هنا
    "استغرب عادل من اندفاعها ولا كأن هي الي داقه على خالها: خلاص الحين انا جاي ))))وبترييقه) ولا يمكن اخليك لحظه هناك ادري فيك حاسه بالوحده فديتك
    "ابتسمت نور براحه شديده:اخ منك بس لا تتأخر ولا بهج)بهرب) من البيت
    "عادل بابتسامه كسوله عذاب على وجهه:حتى من بيت خالي بتهجين انثبري لين ما اجيك
    "نور:هههههه واه فديتهم انا يالله استناك الله يعينك على المحاضره الي تحتريك
    "عادل:تتشمتين بعد انا اوريك
    سلام
    "وسكر في وجهها وهي تضحك"
1234567891011