1234567891011

انا مو مثل غيري أجي بدقة الاصبع ..اسمها الجديد..((أنثى الذئب))

روايتي الاولى - رواية قصة لم تكتمل ارسال إلى Twitter ارسال إلى facebook
  1. NORY
    22-06-2013, 08:23 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    يسلمك ربي

    على البارت الروعة
  2. *مزون شمر*
    22-06-2013, 09:51 PM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    مشكوره عالبارت الجميل
    ننتظر البارت القادم
    موفقه ..
  3. عذبة مشاعر
    27-06-2013, 09:03 PM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    &&&....الجزء الثالث...
    &
    "في الساعه ٥ الفجر
    كان تركي توه واصل المستشفى عنده مناوبه بدل واحد من الدكاتره
    "نزل تركي من سيارته البورش وكان لابس بنطلون جنز اسود مع حزام اسود وقميص اسود والصدر مفتوح من فوق فتحته كبيره
    ورافع اكمام القميص الى نص ذراعه
    ولابس نظاره سوده وشعره الكثيف الحرير الاسود ممشطه بشكل عشوائي طايح على وجهه وحاط البالطو على كتفه اليسار
    وماسك شنطه طبيه سودا بأيده اليمين ويلعب بمفاتيح السياره بيده اليسار يحذفهم لفوق ويلقطهم
    باختصار كان ****جنان****
    )وهو اساسا طويل وكتوفه عريضه شوي وبشرته بيضا تقريبا يشبه اخوه خالد في حدة ملامح وجهه الخشم يوقف عليه الصقر من حدته الشفايف صغيره
    وعيونه بنيه
    ومسوي الخنجر في ذقنه)
    "ركض على درج المستشفى برشاقه يمر بين الي طالعين من المستشفى بخفه وانسيابيه
    وشعره يتكتكت على وجهه
    والكل يطالعه
    وهو يبتسم لهم
    وصل عند البوابه وحذف المفتاح بقوه داخل المستشفى ودخل وبحركه سريعه تزلج على سيراميك المستشفى وهومخندس ومد ايده على فوق وهو يحاول يخفف من سرعته
    ومسك المفتاح ودار على نفسه
    عشان يوقف
    "وقف وهو منزل راسه وشعره طايح على وجهه بشكل خيالي
    وايده اليسار مرفوعه على فوق
    رفع راسه على فوق وانكت شعره على ورا ومرر ايده بشكل سريع على شعره
    رجعه على ورا لاكن ماسرع مارجع شعره على قدام
    "شوي سمع التصفيق والتصفير من الدكاتره ومن الممرضات وحتى العمال
    ضحك تركي وسحك رجوله بالسراميك لين وصل للاستقبال
    حط ذراعه اليسار على طاولة الاستقبال
    وحط الشنطه على الطاوله
    واتكى على الطاوله بذراعه اليسار
    وبأيده اليمين نزل النظاره
    شوي وهو يطالع الموظفه الي قدامه :سلام
    "الموظفه تخسبقت وذابت عليه
    :اوعليكم السلام
    "رفع تركي النظاره على فوق خلاها على طرف راسه من قدام عشان يبعد الشعر عن عيونه
    وفتح الشنطه وهو يصفر ويطلع اوراق
    والموظفه مبلمه على وجهه
    "تركي من غير ما يطالعها:مين الدكتور الي انا بناوب عنه
    "الموظفه ار تبكت: هاه ايه ايه
    بدل الدكتور إياد تعب شوي وماقدر يكمل
    "تركي رفع عينه لها ونزلها بسرعه للورق: ارسلي لي على مكتبي المواعيد الي عنده
    المرضى موجودين؟
    "الموظفه شوي وتموت:ايه تت تبيني ابدأ ادخلهم على راحتك
    "شال تركي اوراقه وسكر شنطته ورمى الورق على الطاوله
    :رتبي هالمواعيد الي عندي نسقيهم مع مواعيد الدكتور إياد
    وبعدين دخليهم علي اوكي
    "وضرب الطاوله بخفه
    ومشى وقف فجأه
    ورجع مكانه:ماراح تعطيني ورقة استلام مناوبه
    "وابتسم
    "داخت الموظفه عليه وش زينه
    :ها تفضل تفضل اسفه نسيت
    "وقع تركي ورمى القلم على الورقه
    ومشى لاكن ايده دقت في ملف وطاح
    نزل تركي وشال الملف و طاحت منه ورقه شالها تركي
    وفتح الملف
    دخل الورقه وسكر الملف
    لاكن انتبه للأسم ورجع فتح الملف
    وطلعت عينه يوم قرا الأسم
    تركي ويطالع الموظفه:
    هذي الحاله مين الي استلمها
    "الموظفه:الدكتوره انجي راح تستلمها انا راح ادرجها ضمن مواعيدها
    "تركي حذف الملف على الطاوله: حطيه مع مواعيدي انا
    "الموظفه: بس يادكتور انت جدول مو...)"قاطعها تركي
    : سمعي الكلام ولاتبسبسين ....
    "ومشى عنها رايح لمكتبه
    &&&&&&&&¤&&&&&&&&
    "كانت جالسه في الصاله تنتظر الباص
    ونفسها واصله خشمها الساعه صارت ٦ والباص ماشرف
    رمت الشنطه بعصبيه
    وانسدحت على الكنبه
    خذت دقيقه ...دقيقتين...الا الأخت نامت
    نزل بدر من فوق بسرعه كان يسكر ازارير ثوبه وغترته على ايده اليسار ومدخل العقال داخل يده اليسار
    راح عند المرايه الكبيره
    "عشان اوضح اكثر
    تصميم فلتهم لما ندخل من بوابة الشارع الرئيسية
    فيه ممر طويل يودي لمدخل الفله الرئيسي مزين بأعمدة في نهايتها لمبات وشجر صغار مع ورد اصفر و وردي
    ويتفرع الممر الرئيسي هذا الى فرعين
    واحد يودي لجهة اليمين ونهايته فيه بركه دائريه كبيره
    وعلى يسارها فيه ٣ طاولات بكراسيهم شياكه مع مظلات
    اما الفرع الثاني للممر الرئيسي
    يودي لجهة اليسار جلسه عربيه كبيره مظلله
    محوطه بسور صغير
    وهي مرتفعه عن الأرض بمقدار عتبتين )درجتين(
    وفيه في نصها مكان مربع
    عشان يشبون فيه الضو
    وفيه فوق الجلسه غطا بلاستيك قوي عازل مسكر
    اذا طاح مطر فتحوه وغطو الجلسه وتصير كأنها خيمه
    وباقي المكان في الحديقه كله مغطى بالعشب الأخضر
    وعلى يسار الجلسه بعيد عنها بشوي في ملحق منفصل عن البيت هو مجلس الرجال
    كبير مره
    كله جلسات فاخره وفيه على يمينه من داخل المجلس حمامات ومغاسل
    لما ندخل الفله من الباب الرئيسي كل المكان فيه سيراميك عليه رسمات ورد
    وفيه قطع فرش صغار موزعين في كل مكان
    والدور الأول كله مفتوح صاله كبيره مره
    على يمين الباب فيه
    مرايه كبيره فيها رفين من الجهتين عليهم زهور منثوره بشكل ستايل ويسار المرايه فيه نوافذ كبر الجدار عازله يعني تعكس وعليها ستاير كبيره
    وعلى اليسار في درج كبير يودي للدور الثاني
    وعلى يسار الدرج في ٣ غرف بعاد عن بعض
    وحده مطبخ والي في النص غرفة طعام
    والغرفه الثالثه مجلس الحريم
    ومجلس الحريم مع المطبخ فيهم بوابه تطلع على الساحه
    الخارجيه للفله
    والحريم لهم باب خاص يدخلون فيه في الجهه الثانيه من سور البيت وهي اصغر من الباب الرئيسي
    اما الدور الثاني فجاي شكله كأنه فندق يعني لما نرقى الدرج
    يصير فيه ممر على يمين وممرعلى يسار يدورون حوال الفله ويلتقون في الجهه المقابله للدرج
    وكلها محوطه بسور رفيع شوي
    يعني بطريقه اخرى ان الدور الثاني كله ممر والنص حقه يطل على الدور الأول)اتمنى اني قدرت اوضح لكم الصوره)
    اول شي نلاقيه لما نرقى الدرج
    زي الممر قدامنا بس صغير وعريض داخلها بابين واحد يمين والثاني يقابلنا
    الي مقابلنا صاله متوسطه دايم البنات يسهرون فيها
    والي يمينها حمام
    وفي الجهه اليمنى غرفة ابو فهد
    والجهه اليسرى غرفة عمر اما الممر الي يصير فوق المطبخ وغرفة الطعام
    ففيه غرفة سامي على يسار وغرفة فهد على يمين

    والممر المقابل للدرج فيه ثلاث غرف
    الي يسار غرفة نوف
    والوسط غرفة غايه
    والي جنبها غرفة شوق
    ومقابل غرفة غايه درج خشبي صغير من النوع الي يكون لاصق بالجدار
    لما ننزل منه يكون فيه استراحه وبعدين ينعكس الدرج
    يعني كأنه مسفوط
    اما الممر الي فوق الباب ففيه غرفه وحده بالنص وهي غرفة بدر
    طبعا الممرات هذي عريضه وطويله وتطل على الدور الأول وكل غرفه من غرف العيال فيها بلكونه ))
    >>نعود للقصه
    <<راح بدر لجهة المرايه
    وبدا يضبط روحه ويتشخص
    كان لابس ثوب اسود وغتره بيضا مع العقال
    ))طبعا جسمه كان مختلف عن اخوانه شعره ناعم لونه بني غاتم كأنه اسود بس هو بني
    جسمه رياضي حيل
    عريض وطويل عيونه حاده وحواجبه مشخوطه مرسومه مايله على عينه
    زي البدو
    فمه كان متوسط ناعم
    وبشرته بيضا وفيه شوية سمار بدو
    لاكن اخوه سامي هو الي خذ السمار اكثر))

    شال مفاتيحه ومسك النظارات
    فتحهم بيلبسهم لاكن
    انتبه للكائن الي يقبع خلفه
    التفت لوراه شاف نوف مرتميه
    على الكنبه ونايمه
    وحالتها حاله
    قرب منها
    وجا بيصحيها لاكن جلس يطالعها شوي
    )نوف كانة تشبه ابوها حيل عيونها سود وخشمها طويل
    وشفايفها صغيره
    وبشرتها قمحيه تميل للسمره
    وشعرها اسود هي لاعبة فيه وقاصته لتحت كتفها بشوي
    وطبعا كانت تمتاز بالطول طولها متوسط اطول من خواتها حليلهم )
    مال بدر عليها وقرب منها شوي وهي كانت منسدحه على جنبها اليمين "يحبها اكثر من خواته هي الأجرأ" وخدها اليمين على الكنبه
    حط شفايفه على اذنها بشويش
    ابتسم يوم استنشق دهن العود الي تموت عليه وتكره العطور الجديده تقول كلها مواد كيميائية
    باسها بسرعه وبشويش على اذنها
    ووقف وطلع وهو يبتسم يبي ينكبها خلها تغيب٠
    &&&&&&&¤¤&&&&&&&&
    الساعه٣٠: ٧
    في الكليه كانت ساره جالسه في القاعه وجنبها شوق
    وماكلمو بعض
    وكان عندهم الدكتور غسان مصري يدرسهم كيمياء
    حطت ساره راسها على الطاوله
    وشوق كانت مركزه مع الشرح
    سأل الدكتور سؤال ذكي يحتاج لتفكير
    شوق وهي مندمجه في الشرح
    قعدت تجاوب وهي في مكانها
    واجابتها كانت صحيحه مئه بالمئه
    طبعا الدكتور كان مشغل الرادار
    وسمعها
    يوم انها خلصت قال لها:
    برابو عليكي اسمك ايه
    "شوق بلعت لسانها ماتكلمت
    وعاد السؤال
    وشوق ماتبي تقول اسمها
    والبنات يطالعون بعض
    قامت بنت "شيعيه" بتقول اسمها تحسبه يقصدها
    وبسرعه نقزت ساره
    ودقت المايك
    الدكتور:ايوه
    ساره:شوق عبدالعزيز ال....
    الدكتور استانس على اسمها
    وقعد يعيد فيه وهو يسألها
    :طب ياشوق ركزي معايا شويه
    انتي بتؤلي انو ممكن نستفيد من قانون درسانه زمان صح؟
    شوق حطت راسها على الطاوله
    ماتبي تكلم الدكتور
    دقتها ساره على كتفها وهي تكلمها بالأشاره يعني صح ولا لأ
    هزت شوق راسها بمعنى صح
    ساره:ايه صح
    "الدكتور:طب على اي اساس اولتي كدا ياشوق
    يكون فرضا انك اشتأتي للقانون ده ياشوق ههههههه
    "ضحكت ساره بسخريه:هه هه هه احلف انت بس سخيف
    "الدكتور مانتبه لكلام ساره
    والبنات افقعو ضحك عليها
    "شوق وهي تضحك :ههههههههه هههههههههههه الله يقطع ابليسك فضحتينا لاتسوين لنا بلاوي
    "طالعتها ساره بنظرة سخريه
    ولفت وجهها لجهة الشاشه
    وشكلها ناويه على البنات
    ساره:دكتور
    "الدكتور:ايوا ياشوق
    "لوت ساره شفايفها اف وش ذا نشب في اسم شوق
    :القاعه ازعاج ما اسمعك
    "الدكتور قفلت عنده من ازعاج البنات وطاح فيهم تهزيء
    يوم انه برد قلبه وعين من الله خير قال :ايوا يابنتي ياشوق ماجاوبتيش
    "البنات كانو يطالعون ساره
    الي تمغطت على الكرسي بلا مبالاه
    قامت المشرفه تنادي على شوق وساره مريحه روحها
    التفتت شوق لساره تبي الفزعه
    ساره سوت روحها تكتب
    قامت شوق وهي مرتبكه حدها
    وقرصت ساره الي بادلتها بدل القرصه عشر وقعدت تجاوب
    خلصت محاضرتهم على الساعه٩
    وطلعت ساره بسرعه قبل شوق
    وشوق راحت للمكتبه
    &&&&&&&¤¤¤&&&&&&&
    حست ان الجو بارد تحركت شوي فزادت البروده فتحت عينها
    بشويش ودخل النور في عينها بقوه
    فغمضت عينها بقوه
    ورجعت فتحتها وبدا عقلها يترجم الي هي فيه
    قامت بسرعه كأنها ملدوغه
    يوم تذكرت الي صار لها امس
    مسكت راسها بقوه وهزته
    تذكر انها اغمي عليها لما حست بأيد على كتفها
    التفتت حوليها ماشافت شي
    تذكرت الكليه وصفقت راسها بأيدها
    نزلت تحت دخلت غرفتها وطلعت جوالها
    شافت ١٤ مكالمه لم يرد عليها
    ورسالتين
    فتحت الأولى وكانت من مريم
    (وينك فيه ماصار نوم يالله فزي بمرك بعد ٥دقايق (
    فتحت الثانيه)عمى يعمي العدو وبعدين معك يعني مراح تروحين (
    فتحت المكالمات لقتهم كلهم منها
    شافت الساعه لقتها ٩
    رمت روحها على الأرض
    وتمددت على ظهرها
    قعدت تفكر باللي صار لها
    ولا في الخيال الباب يسكر لحاله وفي احد مسكها وكش جلدها لما تذكرت المسكه
    قامت وراحت السطح وشالت الملابس ونزلت تحت تبي تكمل الشغل
    &&&&&&&&¤&&&&&&&&
    "استأذنت من الكليه على الساعه ٩ لبست عبايتها على السريع وشالت شنطتها و مشت بسرعه
    طلعت من الكليه و ظلت تدور سيارتها
    راحت عند السياره وركبت ورا
    "ساره: يالله محمد روح شركه مال ذياب
    "هز محمد سواقهم راسه ولاهو بفاهم شي
    وداها للشركه
    قعدت فتره تطالعها وهي مبلمه خوش شركه والله
    نزلت من السياره واشرت للسواق يعني روح
    دخلت الشركه من البوابه الرئيسيه شكلها مره فخم
    وتشوف المستثمرين اشكال والوان
    حريم ورجال اجانب خليجين
  4. عذبة مشاعر
    27-06-2013, 09:05 PM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    كأنها داخله عالم ثاني
    راحت للأستقبال
    وشافت الموظفه مابقى شي ماطلعته من جسمها
    طالعتها ساره باشمئزاز وقالت "بهمجيه:وين مكتب فيصل
    "الموظفه عقدت حواجبها:شو
    "لوت ساره بوزها:اقولك وين مكتب فيصل
    "طالعتها الموظفه باستهزاء من فوق لتحت
    طبعا ساره كانت مكمكمه
    بالعباه والغفازات وبرقع عليه ردتين والنعال شحاطات تطلع صوت على السرميك يفشل
    ":والله ياخيتي لما بتعرفي تحكي فهاديك الساعه الي كلام تاني معك
    "حطت ساره يدها على خصرها
    :عششششتووو شوفو من يتكلم عاد اقول بس فكينا وين مكاتب الإداره
    "حطت الموظفه يدها تحت خدها واتكت بالطاوله
    :امم روحي للدور الرابع بتلاأيهم هونيك اه وعلى فكره ممنوع لأي كائن من كان يطلع لفوأ عم تفهمي
    "مشت ساره قبل ماتخلص الموظفه كلامها
    راحت لجهة المصعد ووقفت فتره تبي تشوف لها طريقه عشان تروح فوق
    جلست على كرسي جنب المصعد شوي شافت الحركه تزيد تحت الي يركض
    والي يضبط شوشته
    والي يرتب المكان وانقلب المكان كله صار حوسة
    استغربت ساره وطلعت عينها وتذكرت شي والتفتت للموظفه تبقي تشوفها احتاست مثلهم ولا
    وفتحت فمها لاخر حد يوم شافتها فسخت الجاكيت وظلت بعلاقي اخضر فاضح صدرها كله لبرا
    انتبهت لصوت المصعد الي فتح
    وطلعو منه رجال كثير اشكالهم رزه
    والموظفين واقفين ماتسمع الا" اهلا وسهلا صباح الخير
    مرو جنبها وشمت ذاك العطر الي خققها
    رفعت عينها وانتبهت للي لابس كحلي وجهه مو غريب
    سمعت الموظفين يقولون اهلا استاذ خالد مرحبا
    نقزت على طول ومشت بسرعه تبي تتأكد
    شافت وجهه لما التفت يكلم واحد من الي معه
    جا بيطلع من اللفه نادته
    لاكن مانتبه وظل يمشي
    نادته بصوت اعلى والشيخه كانت تناديه حاف من غير استاذ
    استغربو منها كل الموجودين شالجرأه
    "وقف خالد وكان متزقرت حده ثوب كحلي وغتره بيضا رافعها لفوق بعشوائيه ولابس نظارت كحليه والعطر مالي ثوبه
    التفت براسه بس من غير مايحرك جسمه شافها ورجع لف راسه لقدام
    "الموظفين فسرو تصرفه بشكل ثاني قربو منها بسرعه على بالهم انها طراره
    راح خالد لجهتها ومخلي وجهه سيده لقدام واشر لهم يوقفون ومن غير مايطالعها:نعم اختي في شي
    "راحت ساره وقابلته قربت منه حيل لحد الألتصاق ومسكته من كمه جرته لجهتها :اموت انا على الزقرت
    "رفع خالد راسه
    ونزل يدها بقوه
    ورجع لورا
    شال النظارات وقرب منها نزل راسه لمستواها و مسك راسها بيده اليسار وقربها من وجهه وبعصبيه بس بصوت خفيف:سويرا شالي جابك هنا
    "خافت ساره منه مسكت يده تبي تبعده شد عليها اكثر
    وقربها اكثر
    قالت له: ا اسأل فيصل هو الي قالي مريني الشركه
    "خالد وماغير حركته:لاه صحيح
    وليه ان شاء الله
    "ساره وماسكه يده بقوه تبي تبعدها:روح اسأله كانك مو مصدقني
    نزل يده عنها واستقام في وقفته :هو يدري انك هنا
    "ساره وتهمز راسها:لا مادقيت عليه
    "ابتسم وهو يشوفها تهمز راسها زي العجايز وتتحلطم عليه
    طلع جواله ومشى عنها ورجع للجماعه الي كانو معه وعيونهم طايره على البنت الجريئه وعلى تصرف خالد معها
    وعند الأستقبال كانت وحده تغلي من القهر
    رهام:شفتيه شفتي شو ساوا معها ولك العمى من ثلات سنين
    عم حاول خليه بس يطلع فيي
    وهو مابيديني وش اخخ بدي أأتلها هالمعفنيه انا من البيدايه مارتحت لها
    " سحر بضحكة :هههه وش الي رافع ضغطك عادي تحصل في ارقى العوائل
    "رهام وتضرب الطاوله بقهر:لا والله ماراح خلي هالشحاتيه تاخدو مني بسهوليه
    "راحت عندها وتمشي بسرعه وهي ناويه الشر
    وخالد كان مشغول يكلم فيصل
    "فيصل ومشغول حده:ايه وبعدين انزل اخذها يعني
    "خالد:انا ماقلت كذا بس هي تحت مايصير ترقى انت تعرف النظام
    "فيصل ومل من خالد:خالد انت تدري اني ماني بفاضي ياتجيبها انت ولا شوف لك دبره
    "خالد رفع عينه لفوق وهو يتأفف وشاف رهام وهي رايحه لساره الي كانت جالسه في الكرسي
    اشرلها يعني وقفي وهي حاولت تتجاهله عشان تروح لساره
    لاكن فيه موظف انتبه لها ووقف قدامها وهي تحاول تبعده
    وصوتها بدا يعلى
    خالد:طيب ارسل سكرتيرتك تجي تاخذها
    "وفي هالحظه عدت رهام الموظف ومسكت ساره بتقزز:شوفي ياه .. مابدي شوف وشك هون انألعي من وشي
    "نزلت ساره يد الموظفه بقوه وبصوت خفيف قالت لها: حشمي حالك وقضبي لسانك
    "ورجعت تقعد
    ودخلو في مشاده كلاميه ساره ترد ببرود وذيك بطوالة لسان
    خالد وعينه عليهم:خلاص خلاص انا بجيبها
    "سكر جواله وقرب منهم
    بعدو عن بعض وكل وحده نفسها في خشمها
    خالد شال نظارته و طالعهم بنظرات حارقه ومستنكره
    نزلت ساره راسها وقربت منه ولصق كتفها في صدره
    "ماتت رهام من القهر:شو هاد ولك انتي ما بتخجلي وقربت منها تبي تبعدها عن خالد تبي تمسك يدها وبصوت عالي تصرخ عليها: بعدي لشوف يالله
    "ابتسمت ساره من تحت الغطا بخبث فهمت ليش رهام معصبه
    وبدلاعه طوقت خالد من خصره وهي سانده راسها على صدره وعينها على رهام:خالد ليه تعاملكم زي الزفت في الشركه
    " وبعدت راسها عن صدره وطالعته وبصوت عالي :كذا تستقبلون بنت ضاحي ال...)
    "كانت رهام راح ترتكب جريمة قتل وانصعقت وحطت ايدها على فمها ورجعت لورا يوم سمعت الكلمه الأخيره و في خاطرها ولك هاي بتطلع بنت الأستاز ضاحي يعني اختو لخالد اوليه شو اعمل ضاع مستقبلك يارهام
    مسك خالد يد ساره وفتح المصعد ودخلها وضغط لها للدور الرابع نادته قبل مايسكر باب المصعد :خويلد
    "مسك باب المصعد بيده وطل براسه:خويلد في عينك بلى
    "ساره تسندت وحطت يد على خصرها:والله مانت بسهل ياخلودي كشخه اتعب والله
    "درى ان ماعندها سالفه وطلع قبل مايسكر باب المصعد قالت بصوت عالي: خف علينا ياشيخ
    "ابتسم خالد على خبال اخته ومشى بسرعه لأنه تأخر على ابوه
    دخلت ساره مكتب فيصل بعد مارحبت فيها سكرتيرته
    كان منهمك في شغله ومطنش ساره الي بسطت على الكنب وتمددت وعطته تقرير مفصل ممل عن الي صار لها تحت
    بعد ماتعبت من الهذره قالت:الا ماقلت لك وش رأيي بشركتنا تصدق ماعجبتني انتو لو تحطون لكم...)" وانهالت عليه بموال جديد
    شوي وضرب الطاوله بيدينه بنفاذ صبر : اووووه انتي ماتتعبين من الهذره انا توني ماخلصت شغل وانتي حضرتك ماصدقتي اقولك تعالي على طول نطيتي
    "عدلت ساره جلستها:متى بتخلص مابقى شي على موعدي
    "فيصل ويرجع لشغله:استني بس اشوي ولا اقول ذلفي عند ذياب لين ماأخلص
    "فزت على طول بتروح لذياب هو الوحيد الي يعطيها وجه
    سألت السكرتيره عن مكتب ذياب وقامت وصلتها بنفسها:تفضلي مدام
    "ساره ومشت عنها:مشكوره
    "طقت الباب وجاها صوت ذياب الرخيم :تفضل
    "دخلت وسكرت الباب
    وبطولة لسان:واو
    شنو شنو ديكورك حلو احلى من مكتب فيصل
    "رفع ذياب راسه واستغرب لما شافها :ساره
    "ساره:ايه ساره مفاجئه صح "قام بسرعه وراح لها : شتسوين هنا
    "خافت ساره منه ورجعت ورا وبرتباك:فيصل قالي اجي هنا
    "دفها ذياب بقوه وطاحت على الكنبه الي وراها وبصراخ:انتي صاحيه ولا مهبوله وش الي حادك تجين شركه مليانه رجال
    "عدلت ساره جلستها ونزلت راسها و هي منقهره
    "ذياب وهو طالع:انثبري مكانك لين ما أقلعك من هنا
    " طلع ذياب وراح عند فيصل دف الباب بقوه:ليه تخلي ساره تجي هنا
    "رفع فيصل عينه عن الورق وطالع ذياب ورجع نزلها :عندها موعد وبوديها انا
    "ذياب بعصبيه:لا صحيح ليه ماراحت مع السواق مره وحده دامه جابها هنا
    "فيصل ومن غير مايشوف ذياب: المسافه بين كليتهم والشركه شويه ما تفرق
    "ذياب وطلعت عينه:اجل خلاص خل السواق يوديها موعدها ويرجعها ما تفرق
    "فيصل وضرب الطاوله بيده:اوهوووه انت وبعدين معك روح ترى ماني فاضي لك
    "ذياب شوي ويقلب المكتب على راس فيصل:قم قدامي اشوف وطس انت وياها وياويلك ان عدتها مره ثانيه وخليتها تجي الشركه
    "قام فيصل وشال نظارته واخذ شنطته واعصابه مقفله:اقول ترى ماني اصغر عيالك تطول لسانك علي واذا كنت معصب روح دور لك واحد غيري تحط حرتك فيه
    "ذياب وخذ نفس:اللهم طولك ياروح استغفر الله
    "راح فيصل ومزاجه قافل من ذياب اخذ ساره الي انغبنت وانكتمت حدها دخلو المصعد وتوه بيسكر دخل ذياب يده وفتحه طالعوه ولفو وجيهم عنه طالعهم ذياب وفي نفسه انا شفيني عصبت اخواني علي :فيصل بترجع
    "فيصل ويدق الأرض برجله
    :لا
    "بعد ذياب يده وعينه على خوانه
    لين ماسكر المصعد تنهد بندم ورجع لمكتبه
    &&&&&&&¤¤¤&&&&&&&
    :تكفين يا شقشوقتي قولي وش صار لك في بيت خالي ليه ماتبين تروحين
    "شوق ومن غير نفس:افف انتي ماتملين من الحنه سبحان الله نسخه من نوف
    "عدلت نور بلوزتها:احم احم افتخر والله بس صدق صدق ليه ماتبين
    "شوق:اوكي بقول لك بس على شرط
    "نور :قولي وسرك في بير
    "شوق:تنامين عندنا الليله
    "نور شهقت وحطت يدها على قلبها:هذا ماكان ينقصني تبين عدول ينسفني
    "شوق قامت:اجل خلاص ماني بقايله
    "وراحت ركض ونور الدبله وراها لين ماتعرف السالفه
    &&&&&&&¤¤¤&&&&&&&
    :هههههههههههاي ياحليلك ياشويق
    "شوق ومكشره:شب لاتخليني اتحسف اني قلت لك
    "نور وميته ضحك وتكح: كح كح ههههههه ياحلوك ياخويلد والله انك نكته
    "شوق وتدف نور:اقول قومي عني لا ذبحك
    "نور وتنسدح على الكرسي:انتي خبله شنو تقولين له انا مادري انك هنا
    "شوق بعصبيه:لاولله وحضرته ماصدق انسدح ويطالعني بقواة عين وببرود يقول "وتحاول تقلده": لاعادي اخذي راحتك يامرة اخوي
    وجع قليل ادب
    "نور:هههههه يازينك شكلهم عيال خالي ماراح ينسون خشتك
    "شوق:ومنين بينسون والاستاذ تركي اربع وعشرين ساعه طالع في وجهي وخالد ماظنتي راح ينسى وذياب اكثر من مره دخلت عليه في غرفة ساره وفيصل دايم اشوفه بالمطبخ
    نور:ههههه بس ترى هذا شي سخيف ما يحتاج تزعلين نفسك
    شوق:ايه عدل عساك تجربينه قولي امين
    دق جوال شوق والمكالمه كانت من فهد ردت عليه :هلافهد
    فهد:اهلين ماخلصتي
    شوق بملاقه:ليه ذبحك الشوق
    فهد بترييقه:الا مرمطني ومرمرني خلصي علينا بتطلعين
    شوق:اكيد يالله
    فهد:يالله تشاو
    &&&&&&&¤¤&&&&&&&&
    "قعدت في غرفة انتظار النساء وفيصل راح يشوف موعدها
    دق عليها فيصل وطلعت
    راحت تمشي وراه كان يمشي في طريق اول مره تشوفه استغربت يوم وقف عند المصعد
    وباستغراب:غرفة الدكتوره انجي مو هنا
    "طنشها فيصل فتح المصعد ودخل فيصل ودخلت وراه ودخل معهم دكتور مع ممرضه
    شاف الدكتور فيصل واعرفه سلمو على بعض
    فيصل:عاش من شافك يالقاطع
    "الدكتور ثنيان:عاشت ايامك يالواصل
    "فتح المصعد واطلعو وقفت ساره على جنب وفيصل راح مع ثنيان يسولفون
    "ثنيان:ها عاد عشاك عندي اليوم
    " فيصل:لا وين ماقدر اعذرني
    "ثنيان:الا ماقلت ليه ياي المستشفى شو انتا ميهود
    "فيصل تذكر ساره:لا مو انا هذي الرضيعه الله يسلمك
    "ثنيان ويختلس النظر لساره :سلامتها ماتشوف شر
    اجل لاعطلك
    "ودعو بعض وراح فيصل مع ساره وقف عند غرفه
    وساره ساكته
    طق الباب ودخل دخلت ساره وراه سكر فيصل الباب:السلام عليكم
    "الدكتور تركي من غير مايطالعهم: وعليكم السلام"وشاف ساعته ورجع عينه للورق": تأخرتو ٥ دقايق يعني مفروض اطردكم
    "رفعت ساره راسها وشافت اخوها تركي وجنبه ممرضه وفيصل جلس مقابل تركي
    رمى تركي القلم على الطاوله وتسند على الكرسي ورفع يدينه لفوق يتمغط
    اشر براسه للمرضه يعني برا
    طلعت الممرضه وهي مغتاظه ماتبي تخليه مع بنت وعناد فيه خلت الباب مفتوح
    قام تركي وسكر الباب وقفله
    والتفت عليهم وتسند عليه
    ودخل يدينه في جيوب البالطو
    وسند راسه للباب وشعره على وجهه ويطالع ساره بطرف عينه
    ساره شالت الغطا وجلست على الكرسي من هول الصدمه
    عدل تركي وقفته ومشى ببطء
    ووقف قبالها رفعت راسها وطاحت عينها فعينه ونزلت راسها بسرعه
    فيصل كان متمدد على الكنبه:خلصونا عاد ماصارت
    "تركي ويدق الأرض برجوله وعينه على ساره: شوف اختك ماتبي تنطق
    "رفعت ساره راسها وعينها في عينه:انا ما طلبتك انا كنت ابي الدكتوره انجي ليه حطوني عندك
    "رفع تركي رجله اليسار وحطها على الطاوله الصغيره المقابله لساره واتكا عليها بيده اليسار
    وبيده اليمين مسك ذقن ساره
    :والله عاد ياحلوه انا ما ارضى احد يكشف على محارمي
    "استحت ساره ونزلت يده بقوه وهو عدل وقفته
    راح تركي لجهة سرير الفحص وفتح الستاره
    التفت لساره واشر لها براسه يعني تعالي
    ساره بخوف:لا مابي
    "تركي :يعني شلون
    "ساره وماده بوزها :ابي حرمه مايصلح رجال
    "تركي ويجاريها:ليه مايصلح رجال ياماما
    "حطت ساره يدينها على وجهها من الا حراج:فيصل حولني لدكتوره
    "فيصل كان لاهي عنها يقرا جريده ويشرب من كافي تركي
    تركي بنفاذ صبر:سوير انا مو فاظي لك وراي ناس غيرك
    "ساره وتهز رجولها بتوتر:والله ماحد قالك تاخذني عندك
    مشى تركي بسرعه وشال ساره الي قعدت تصرخ ورماها على السرير وشال عباتها وتوابع العباه
    مابقى عليها غير لبسها
    سدحها على ظهرها وحط يده اليسار على راسها يثبتها :يالله تكلمي وش فيك
    "ساره وميته خوف وتوتر واحراج:ماني بقايله استح ياخي ماقدر اقول لك
    "تركي :انطقي احسن لك انسي اني اخوك
    "ساره :مافيه مابي
    "تركي ويعض على شفايفه :شوفي اذا مانطقتي بسوي لك فحص عام
    "شهقت ساره:لا
    "تركي :اجل تكلمي وش فيك
    "ساره بتموت من الاحراج
    :ماقدر
    "ابتسم تركي:لا تقدرين
    "ساره غطت وجهها بيدينها :مابي غصب خلاص برجع البيت
    تركي ابتسم بخبث : تبطين نطقي اشوف
    وحط يده اليمين على بطنها كنايه انه بيبدا فحص عام
    ارتاعت ساره قالت : خلاص خلاص انا
    "تركي ويسحب الكلام منها
    :ايوا
    "ساره وتتكلم بسرعه:فيني جرح كبير ينزف
    "تركي باستغراب:منين
    "ساره:من ا "وبصراخ"اف والله استحي
    "تركي منزل راسه عشان مايحرجها اكثر
    بس هو مقتنع انو مستحيل احد يعالجها غيره
    "ساره: من شي كان لاصق فيه شلته وشال جلدي
    "تركي:وينه
    "ساره والحيا مقطعها اشرت على ظهرها
    على طول قلبها تركي على بطنها ورفع بلوزتها وشاف الجرح العميق
    تركي وماسك نفسه:انتي شلون تسكتين على جرح مثل هذا من متى ان شاء الله
    "ساره:من يومين
    "ضرب تركي راسها بخفه
    وراح عنها ورجع لها
    "تركي:غمضي عينك
    "ساره :ليه
    "تركي:بسرعه
    "غمضت ساره عينها وخدر تركي منطقة الجرح
    ونظفه لها وعقمه
    ولفه
    راح لمكتبه وكتب لها علاج معقمات ومن هالأشيا
    قام فيصل وساعدها تقوم وتلبس عبايتها واخذ الورقه من تركي
    ابتسم تركي وبنظره ماكره وعينه على ساره
    :ادفع نص عمري واعرف منين الجرح
    "استحت ساره وطلعت
    قبل فيصل ركض
    &&&&&&&¤¤¤&&&&&&&
    :ههههه الله يقطع سوالفك
    "نور وتعدل جلستها:الا ليه تأخرت اليوم
    "عادل وينسدح على سريره:اه تعبان يانوير تعبان
    "قربت نور منه وهمزت رجوله
    وهو نام من التعب
    غطته وطلعت
    كان الجو في الليل خيال
    مشت شوي في ساحة البيت
    جلست على عتبة باب غرفتها
    وتطالع في السما
    طلعت امها وشافتها
    نادتها:نورعلامك يابنيتي
    "انتبهت نور لأمها:ها لالا مافيه شي
    "قربت امها منها ورفعت عينها للسما:يما كانك فاضيه قومي صلي لك ركعتين وادعي لبوك ولخوك احسن من قعدتك كذا
    "عدلت نور جلستها:يما ابوي كيف مات
    "سرحت امها شوي في ماضيها وانتبهت ليد نور على كتفها ابتسمت لبنتها ومسكت يدها:اقول ورا ماتنامين ياقليبي
    "نور:مافيني
    "دخلت امها غرفتها وخذت نور معها:تبين انومك عندي
    "نور بدلع:كان زين
    "وسبقت امها للسرير
    &&&&&&&¤¤¤&&&&&&&
    :ليه صراحه مالك حق
    "غايه ومشغوله بالمسن:تكفين عاد يالحنونه يستاهل من قاله يتميسخ معي
    "نوف:يعني بتنكرين انك كنتي تنتظرين رده
    "غايه:اقول تراك مندمجتن حيل لاتحسبين انك تشوفين فلم اصحي هو لا يهمني ولاشي
    "نوف:وحتى ولو كلامك قوي كان مايعطونك حظر
    "غايه:يخسون يعطوني حظر يحمدون ربهم اني شاركت في منتداهم
    "شوق والي كانت تقرا مجله:اوووه ياخي فكونا من هالسيره مللتوني
    "نوف:والله الي مو عاجبته جلستنا يتيسر
    "شوق:احترمي نفسك وعرفي كيف تكلمين وحده اكبر منك
    "نوف وتتكي :فكينا زين
    :ماشاء الله الأخوات قاعدين "ويلتفت لباب الشارع"تنطرون احد
    "نوف:ايه انت حياك
    "قعد بدر جنب نوف وصبت له شاي
    "غايه قعدت تقفل المواقع بسرعه ويدها على قلبها
    "بدر:مافي دراسه بكره
    "شوق بتأفف:ياشينه من طاري
    "بدر شاف غايه وزحف جنبها من غير ماتحس
    وكانت تبي تسكر البلياردو بس عالق معها
    "بدر باستغراب:تلعبين
    غايه:ها ايه توي بس اشوي
    "شوي ويسمعون صوت صراخ زلزلهم من داخل البيت
    قام بدر وقامو وراه كلهم
    "نوف بخوف:شنو هذا
    "شوق:كأنه صوت امي
    "وسمعو نفس الصوت مره ثانيه
    بس هالمره اقوى
    مشى بدر بيدخل وهم وراه خايفين
    "غايه:بدر شوي شوي لا تخلينا
    "التفت عليهم وكمل مشي
    دخل البيت وشهقو البنات كلهم من المنظر
    كان ....
    &
    &
    &
    &
    &
    &
    &
    &نهاية الجزء الثالث
    التقي بكم احبتي في البارت القادم واشكر كل من تابع وقرأ ولو من بعيد
    اريد ان اسمع ارائكم وتعقيباتكم الشخصيه حول شخصيات القصه ، واحداثها ..
    تحياتي لكم جميعا
    &
    &
    اختكم عذبة مشاعر
  5. *مزون شمر*
    28-06-2013, 07:45 PM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    يعطيك العافيه
    استمري
  6. عذبة مشاعر
    03-07-2013, 06:12 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    مزون شمر .. تواجدك يسعدني ويشجعني على الاستمرار .. أدامك الله روحا وجسدا نابض بالتواصل
  7. الكاتبة ساندرا
    03-07-2013, 06:36 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))



    الله يوفقك يارب ..
    أتمنى ان تكملي الرواية عزيزتي ..
    وبنكون مشجعين لك يا عسل ..
    وكلي شوق للبارت القادم يا كاتبتي المبدعة..

    يسعدك ربي |
  8. كبريآئـي
    03-07-2013, 06:28 PM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    يعطيك الف الف عافيه الروايه تجنن وحلوه
    استمررررررري في كتابتها ي احلى كاتبه
    وكلي شوق وحماس للبارت القادم ي قمر

    سؤالي / متى تنزلين البارت <اي يوم واي ساعهه

    اختك كبريائي
  9. Lovk Ana
    03-07-2013, 09:00 PM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    الروايه روووعه
    جد يعطيكي الف عافيه
    بتمنى انك تكمليها
  10. عذبة مشاعر
    05-07-2013, 07:43 AM

    رد: انا مو مثل غيري أجي بدقة الاصبع ..اسمها الجديد..((أنثى الذئب))

    انا مو مثل غيري أجي بدقة الاصبع ..اسمها الجديد..((أنثى الذئب))


    ساندرا ... ذوقك رفيع .. وانتقائك فريد .. سلمت عيناك اختي الغالية .. ولا تحرميني طلتك ..^^

    كبريائي ... شهادتك اعتز بها .. وشرف لي ان احظى بقارئة مميزة مثلك .. أسعدك الله كما اسعدتيني .. ان شاء الله اليوم الجمعه بنزل الجزء الرابع بالليل ^^

    Lovk Ana... مرحبا بك عزيزتي .. ان شاء الله من عيوني اكملها ..^^
1234567891011