الفرق بين عيالنا وعيال الاجانب

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. نغـــــم
    21-03-2005, 01:52 AM

    الفرق بين عيالنا وعيال الاجانب

    الفرق بين عيالنا وعيال الاجانب


    مرحبا هذي مقارنه بين اطفالنا وعيال حارتكم >>>>>مسويه فيها هاي لوووووووووول


    أطفال الناس الهاي

    1- في الصباح حيث يبداء يوم اطفال الهاي عندما يستيقظ على صوت

    الكناري اللي بغرفته بعدها يتوجه للحمام يتروش ويفرش اسنانه ويطلع

    من الحمام تستقبله المربيه بالمنشفه وتصبح عليه يروح يغير ملابسه

    وياخذ شنطته وينزل لغرفة الطعام ويصبح على امه وابوه واحلىىىى

    بوسه ياخذها منهم ويفطر ذاك الفطور طبعا عباره عن كرون فلكس

    ابو الديك ذاك وبيضه وحده بس!! وكاس عصير وشويت زبده مع العسل

    على خبزه ما عمري شفتها.

    بعدين يقوم يغسل فمه ويودع الماما والبابا ويتوجه للسياره يلقى قدامه

    السواق مبتسم ويفتح له الباب ويوديه لمدرسته الخاصه< ام قروش >

    ورعان حارتنا
    ورعانا يقوم الصبح بعد ما يطلع عين اهله ولازم افراد العائله تمر عليه

    عشان تصحيه وكل واحد وطريقته:

    الاب:قم جعلك با لمرض

    الأم:قم جعلك الجدري الأخ: والله اذا ما تقوم لافقع وجهك

    أخته: < تسوي نفسها بتدلعه> يالله قوم وأعطيك شنطة أخوك تروح فيها

    للمدرسه ............... حريقه من جد

    بعد ما يقوم يمر الحمام على السريع ويغسل وجه شطف هذا اذا راح

    وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ

    انهم ما حطوه؟؟

    بعد ما يجي الفطور وهو كالعاده : فول شكشوكه تميس + حليب مجلي

    يبدأ الورع بالأكل وشوي الا وهو حاذف أخوه بعلبة الهندسه؟؟؟

    عشانه سحب صحن الفول من عنده<مسكين ما يطوله> وشوي الا وهو

    مسدد بقس عنيف يمشي 200 لأخوه الثاني!! لأنه سرق فسحته؟؟

    أبوه يتكلم معه يا ورع أركد وافطر وعين خير انت وش بلاك وراك مدرسه

    يرد الورع عليه: انت ما تشوف مناحي سارق فسحتي؟؟

    < مناحي اكبر سروق بالبيت >> ابوه على طول يصدق ويصك

    مناحي كف صدقي

    المهم بعد ما يخلص الفلم اليومي يروح الولد للسياره يلقى اخوه فاتح

    الكبوة ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه< أكيد حكوميه >>


    أطفال الناس الهاي

    2- بعد المدرسه يرجع اطفال الهاي ويلقى المربيه في استقباله تاخذ

    الشنطه وتوديها لغرفته بصحبته يغير ملابسه ويغسل وجهه ورجليه

    ويستريح له ساعه في أنتظار افراد العائله عشان يتغدى وبعد الغداء

    الرايق < طبعا ما اعرف وشو بس اللي اعرفه انهم ياكلونه بشوكه
    وسكين >>

    يروح لغرفة الجلوس ويشرب شاهي للتهضيم ويحلي بقطعة كيك وبعدين

    يروح لغرفته ينام له ساعه قبل العصر.


    ورعان حارتنا

    اما الورع منهم يجي من المدرسه وثوبه قالب لونه بني< تقول ددسن مغبر تغبيرة مطر>>

    ولا دخل البيت حذف الشنطه بالصاله وفصخ ثوبه

    ووينك يالشارع < اخوياه يحترونه>> وهاتك ياللعب

    كوره بذا القايله وعادي الشارع مولع من الحراره وهم عادي مررره

    ولا كأنه فيه شيء واهله ما يدرون ؟؟

    في هذه الأثناء يرسل ابوه كتيبه من اخوانه للبحث عنه ولا لقوه وجابوه

    للبيت قام يصيح ضربوني وسحبوني قدام الناس < والله ما أحد لمسه النصاب>>

    المهم يحطون الغداء < معروف يا كبسة لحم ولا كبسة دجاجا >>

    غيره ما فيه!! يتغدى الورع الكريم ويصك بعدها لتر للبن

    بعدها يجلس ساعه فاتح ثمه < تحاول تسكر بفمه أنسى >>

    يحتري من يوديه يغسل له يديه!!!!!!!!!؟؟؟؟؟؟؟


    أطفال الناس الهاي

    3- اطفال اهاي لا جاء العصر جابوا دروسهم وشافوا وش عليهم من

    واجبات وحلوها وحضروا دروس بكره بمساعدة الماما والبابا.

    بعدها يروح لغرفة الألعاب ويجلس على البلاي ستيشن 3 وخذ لعب

    لمدة ساعتين تقريبا يعني اللى وقت ما بين المغرب والعشاء.

    بعدها تطلبه امه مع بقية أخوانه عشان يجتمعون ويشربون العصير

    ويسولفون سواليف مررررررررررره حلوه < أسألوني >>!!!!!!؟؟؟؟؟


    ورعان حارتنا....

    يجي وقت العصر وهو نايم < مفعول اللبن >> يقوم قبل المغرب

    وياخذ دروسه وواجباته < وأقلامه ناسيها في درج الطاوله اللي بالمدرسه>>

    ويروح عند أخته ويتحايل عليها بكل ما أوتي من قوه على شان تحل له

    الواجبات واذا قالت لا يا ويلها يا سواد ليلها .

    بعد كذا أنواع الدجه مع ورعان الحاره ومن هم على شاكلته ما يخلون

    هندي الا وسرقوا بسكليته <سيكله >ولا دكان < حلوه دكان >> الا ولعبوا بحسبته

    ولا رجع البيت < على الساعه 11 تقريبا >> تلقى راسه مفلق من

    جميع الاتجاهات والشرطه تدوره وجارهم مسوي أعلان عليه مطلوب

    حي أو ميت!! وخذلك عاد < مساكين اهله >>



    أطفال الناس الهاي

    4- أطفال الهاي بعد ما يتعشى ويمسي على اهله يروح لغرفته ويجلس

    على النت ساعه أو ساعتين الى موعد نومه < الساعه 10 تقريبا >>

    بعدها يغير ملابسه وتجي المربيه وتحكي له قصه اللين ينام تغطيه وتطفي النور.


    ورعان حارتنا

    لا رجع البيت< الساعه 11>> ما يدخل مع الباب لا ينط من

    فوق السور على شان ابوه ما يمسكه او يتسلق مواصير ؟؟؟؟؟؟؟؟؟؟ انتم تعرفون!!!!!

    وعلى طول لغرفته ويسكر الباب ويطفي النور ويطل من الطاقه

    < الشباك _الدريشه يعني >> على باب الشارع الرئيسي يشوف وش صار على

    مسلسل المشاكل المكسيكي اللي جابها معه للبيت وكيف بيحلها ابوه

    مع الناس ومع جارهم ومع الشرطه.< يبي يقيم ابوه ابو الشباب >>

    وفي أثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >>
    وخبز ويرجع لووووووووووكره< غرفته>

    ويقفل باب الصندقه <الغرفه>> ويتعشى من ذا الجبن والخبز

    اللين يدوخ <على الساعه 3>> لا وأزيدكم من الشعر بيت ما ينام

    الا وهو متلطم!!!؟؟؟ < على باله مراقب



    منقووووووووووووووووول
  2. ابوندى
    21-03-2005, 03:18 AM

    الفرق بين عيالنا وعيال الاجانب


    موضوع فعلا جميل

    والله يعطيك العافيه
  3. ::.. أحمد ..::
    22-03-2005, 12:23 AM

    الفرق بين عيالنا وعيال الاجانب


    مشكورة نغم على الموضوع الجميل والنقل الرائع
  4. مطيح خمسة بغمزة
    02-07-2007, 12:48 AM

    الفرق بين عيالنا وعيال الاجانب


    هههههههههه والله كتلتيني من الضحك هههههه
  5. سيف
    02-07-2007, 12:52 AM

    الفرق بين عيالنا وعيال الاجانب


    ههههههههههههههههههههههه
    مشكور ع الموضوع
    تحياتي
    سيف
  6. ولــع ومشيتها دلــع
    15-02-2012, 12:34 PM

    رد: اطفال الناس الهاااااااي+ بزران الحاره

    الفرق بين عيالنا وعيال الاجانب


    رررررووووووووعه
    يسلمووووووووووووووووووووووووووووو
  7. مغرورة بس معذورة
    15-02-2012, 01:04 PM

    رد: اطفال الناس الهاااااااي+ بزران الحاره

    الفرق بين عيالنا وعيال الاجانب


    ههههههه
    يسلموووو
  8. اميره الجوري
    15-02-2012, 07:20 PM

    رد: اطفال الناس الهاااااااي+ بزران الحاره

    الفرق بين عيالنا وعيال الاجانب


    هههههههههههههههههههههههههههه
    خطيره يسلمو
  9. سارة الدوسري
    01-03-2012, 06:22 AM

    رد: اطفال الناس الهاااااااي+ بزران الحاره

    الفرق بين عيالنا وعيال الاجانب


    هههههههههههههههههههههههههههههههههههههههههههههههههه
    جيييييييييييييييييييبه خطيييره