12

رواية ..( العشق حدود) رومنسيه و جديده

روايتي الاولى - رواية قصة لم تكتمل
  • ارسال إلى Twitter
  • ارسال إلى facebook
  • ارسال إلى google plus
    1. اعتزلت الغرام
      04-06-2013, 11:49 PM

      رواية ..( العشق حدود) رومنسيه و جديده

      رواية ..( العشق حدود) رومنسيه و جديده


      اॆلس॒ۜۜلامۡ علֿيຸكم ورحمة الله و بركاته

      روايه من قلمي و اول روايه لي ...( احداثها و الشخصيات اقلبها من الواقع و اتمنى انها تعجبكم و يهمني رايكم

      ارجو من كل من ينقل روايتي ان يكتب عليها اسمي عند النقل ...

      بسم الله نبدأ ....

      بندر عندما كان في الثاني ثانوي ساكن تبوك لظروف و عمل ابوهم بس كل اهلهم بالدمام...
      بندر ..: قاعد بغرفته يذاكر.. اشوي الا صوت رساله بجواله بندر فتح الرساله محتواها كان (أحبك..انا العنود )
      نجي للعنود --( العنود ) بنت خالته ساكنه بالدمام اصغر من بندر بسنه
      بندر..: بحالة استغراب هذي العنود بنت خالتي راسله لي كذا غريبه و من الربكه و كذا ما عرف يتصرف و يروح ينادي امه ....( امه هي ام تركي ...عندها تركي و بندر و ناديه و مشعل و خالد )
      ام تركي...:هلا يمه
      بندر..:يمه بقول لك شي بس توعديني ما تقولين لأحد
      ام تركي ...: وش فيك يمه قول
      بندر ...: اممممم مو عارف شقول لك
      ام تركي ...: يمه تراك خوفتني وش فيك
      بندر ...: شوفي هذي الرساله جاتني من جوال خالتي اقرأيها
      ام تركي...: وهي تقرا الرساله و مشككه لا لا ما عليك ماهي العنود يمكن خالتك تمزح او غلطانه
      بندر ...: بتعجب ايه يمكن ...... يمه ما علينا بس بحلفك محد يدري عن الموضوع
      ام تركي ...: لا ولايهمك محد راح يدري و الموضوع ما يستاهل

      نجي عند العنود بيت خالة بندر .........

      العنود ..: رجعت جوال امها بعد ما رسلت الرساله لبندر و رسلت من جوال امها لان ما كان عندها جوال
      العنود تقول في نفسها...: معقوله بندر بيتفهمني اني انا احبه... اي والله انا احبه من زمان... بس ليه سويت كذا يالعنود استعجلتي بالرساله حتى لو كان يبني من حركتي ما راح يحبني و بحسبني وحده جريئه
      ......... بس انا احبه و من زمان و بكيفه يقول الي يقوله اهم شي انا الي في خاطري قلته و ارتحت
      ،،،،،،،،،،،،،،،،
      عند بندر...: رجع لغرفته وهو يقول غريبه ليه رسلت كذا
      مامره حسستها بشي ولا قلت لها شي ولا في شي بينا عشان ترسل لي هالكلمه ،،،،امممم معقوله بالغلط
      لا لا ما اتوقع غلطانه.....معقوله تفكر فيني و تحبني ...... اوووه خلاص خل اذاكر بس
      ........
      بعد مرور سنتين و تخرج بندر من الثانوي قدم على كلية العسكريه بالدمام و قبلوه

      اما العنود ما قدرت تكمل دراستها مع انها شاطره و تحب الدراسه و كانت مستحيل تقعد بالبيت .... بس ليش وشنو خلاها تقعد باليبت و شنو راح يصير بينها وبين بندر بيبادلها نفس الشعور ولا راح يسحب عليها ولا يفكر فيها
      تابعوني .........(:


      البارات الثاني

      بالدمام بعد انتهاء المدارس و التخرج سافروا عائلة ام تركي خالة العنود للدمام

      بيت الجده ام ام العنود ام خالته ...الجده اسمها ( ام خالد)

      في بيت ام خالد الكل مجتمع الجده و خال العنود فارس و مها و اخوانها ينتظرون بيت ام تركي

      العنود ....: متوتره ما ادري بندر شنو بيقول لمن بيشوفني يالله انا رجه و متسرعه حتى ما فكرت قبل لا ارسل له
      ..... معقوله خالتي عرفت قطع حبل افكارها صوت الباب
      الا بدخول ام تركي و عيالها
      ام تركي ..: اॆلس॒ۜۜلامۡ عليكم
      الجده ..: وعليكم ٱلسلاإم
      و سلمت العنود ع خالتها بعدين جات عينها و بعين بندر وهو يمد يده لها
      بندر ...: شخبارك العنود
      العنود..: الحمدلله تمام
      قاطعتها ناديه...: العنود شخبارك و الله وحشتني
      العنود...: هلا والله و انا اشتقت لك يالغلا.... تعال لي الغرفه ولهت على سواليفك والله
      العنود و ناديه دخلوا غرفة الجده
      العنود...: شخبارك علومك و كيف الدراسه
      ناديه ..: والله تمام و انتي شنو سويتي سنعت انك طلعتي ليه والله حرام
      العنود بتنهيده..: والله غصب عني لو تدرين بالي صار بس انا استاهل
      ناديه ..: وش فيك وش الي صار قولي... وجهك ما يطمن وراك شي
      العنود...: بعدين اقول لك خلنا الحين توك جايه لاحقه على مصايبي
      ناديه بضحكه ...: العنود ما تكبرين انتي للحين على سوالفك
      العنود بضحكه و تنهيده ...: لو والله كبرت الحين ١٠٠ عام و الدنيا عطتني دروس وعرفت الحياه وش هيعدل
      قطع كلامها احد يطق عليهم الباب
      العنود..: ادخل
      انفتح الباب الا بندر العنود من شافته حست بتوتر و دقات قلبها زادت و نزلت عينها و هو داخل جات عينه بعينها
      وهو شايل شنط اخته و امه حطهم بالغرفه من غير ما يقول ولا كلمه طلع وسكر الباب
      ناديه ...: وش فيه بندر غريبه ما تسبب فيك ولا نكت عليك
      العنود بتجاهل ..: اممم والله مدري.... الا انتي قولي لي وش صار ما صار
      و ظلوا بالغرفه لين جا مشعل اخو ناديه الصغير و نادهم على العشاء وتعشوا و راحت العنود و اهلها بيتهم و ظلوا بيت خالته عند الجده هم ينامون عندها
      ..........
      طبعا العنود الحين عمرها 21و بندر 22 ...:( و بندر راحت عليه سنتين بالدراسه عشان كذا هو توه يتخرج من الثانوي )و ناديه اصغر من العنود بثلاث سنين و عمرها18.... ورغم ذالك الا ان هم قريبن من بعض كثير و كل شي يعرفون عن بعض ولا يخبون شي عن بعض علاقتهم في بعض اكثر من خوات
      ...........
      ثاني يوم الصبح في بيت العنود
      امها ..(ام ناصر) ..: العنود يلا قومي بنروح عند جدتك

      العنود ...: يمه وش فيك متخرعه محد عنده اخت الا انتي الناس توهم ما بعد يصحون

      امها(ام ناصر) ...: اقول انا كلمت خالتك و قالت لي تعالي و بتروحين معاي ولا بتمين مع خواتك بيجون العصر

      العنود ...: طيب ناديه صاحيه

      امها ( ام ناصر) ..: ايه صاحيه.... بتقومين ترا والله بمشي و اخليك
      العنود ..: لا لا خلاص يلا هذاني قمت
      و دخلت الحمام خذت دش ع السريع .... لبست بنطلون جنز ماسك من تحت و تيشرت مخطط ابيض و احمر و رفعت شعرها بشكل عشوائي لين فوق ....مواصفاتها ( شعرها طويل - مو طويله مايله للقصر-بشرتها حنطيه-ملامحها ناعمه جدا و مملوحه )
      ام ناصر ...: العنود تراني طلعت بتلحقين ولا كيفك
      العنود ..: يلا يلا نزلت >>>>>> و ع السريع تاخذ عباتها و ايبادها و الشنطه و تنزل تلبس العباه بالصاله و حطت الايباد بالشنطه و طلعت ركبت السياره
      وصلوا بيت الجده بالصاله >( الجده و خالت العنود و ناديه ) سلموا

      ام تركي ..: العنود كيفك وش منخشه امس ما شفناك عدل
      العنود ..: الحمدلله والله تمام
      ناديه ..: العنود فطرتي
      العنود ..: لا والله صحيت ع طول لبست و جيت
      و بندر كان يبي يدخل بس قعد يسمع لكلامه
      ناديه ..: طيب قومي نفطر
      دخل بندر عليهم اॆلس॒ۜۜلام عليكم>>> الكل و عليكم اॆلس॒ۜۜلامۡ

      ناديه و العنود راحوت المطبخ فطروا ....
      ناديه ..: انا بروح الحمام عن اذنك
      العنود ..: اوك اذنك معاك بستنام هنا
      ناديه..: طيب
      العنود ..: وهي قاعده بالمطبخ تلعب بالايباد تنتظر العنود الا صوت واحد شوي خشن
      بندر ..: وين ناديه
      العنود ..: توترت و من غير ما تلف عليه و هي منحرجه تناظره من بعد الرساله .... بالحمام
      بندر ..: ............
      العنود ما تسمع صوت ... وين اح ذا .... لفت و ما حصلت احد تعجبت من حركته .... قامت و تلوم حظها مالقيت احب الا هالنفسيه مالت بس الا بدخول ناديه
      ناديه..: وش فيك تكلمين نفسك
      العنود ..: سلامتك بس اخوك النفسيه
      ناديه ..: هههههههه الا صدق وش فيك انتي معاه مو طبيعين
      العنود ...: امشي الغرفه اقول لك .....و قالت لها السالفه
      ناديه..: والله ما عندك سالفه تسرعتي كان خليته هو يبدي بصراحه مع انه اخوي و يعرفك بس شنو بيقول
      العنود ..: شي و صار خلاص
      ناديه..: اها و طيب ليه ما يكلمك عشان هالسالفه بس ما تستاهل طيب يسالك ليه رسلتيه يمكنك غلطانه
      العنود..: عشان لمن اقول لك نفسيه تصدقين
      ناديه ..: هههههههه والله محد مقطع نفسه عليه غيرك ولا انا ما قلت لك حبيه
      العنود ..: هههههه حظ اغشر مافيه شي عدل.... يلا تعالي بوريك شي بالايباد بس
      ناديه ..: اوه عندك واتس كيف شغلتيه و ليه ما علمتني
      العنود..: ايه نزلته و شغلته برقم امي القديم و بعدين كيف اقول لك و انتي لا جوال ولا شي ولا تدقين
      ناديه..: اه الله يكون بالعون بس .... طيب وريني وريني
      بعد نص ساعه باب الغرفه يندق
      العنود ..: مين
      بندر ..: انا
      العنود ..: ادخل
      بندر ..: ناديه امي تبي،
      ناديه ..: طيب و راحت لأمها
      بندر طلع مع ناديه و سكر الباب وقال لناديه روحي لأمي انا بروح الحمام
      و بسرعه رجع للعنود بالغرفه فتح الباب بقوه لانه كان يمشي بسرعه و بدون قصد انفتح معاه بقوه
      العنود خافت لمن شافته توترت وش فيك فاتح الباب كذا
      بندر ...: لا بس هو انفتح معاي كذا
      العنود ...: اها وين ناديه
      بندر ..: عند امي تبيها
      العنود ..: بأرتباك اها .... وتوترت وش يبي هذا رجع ليكون يسألني عن الرساله
      بندر ..: قطع افكارها العنود
      العنود ...: ناظرت فيه وهي خايفه من الكلام الي بيجيها
      بندر ..: انا ابي اسالك و تجابوني بصدق و ع طول قبل لا تجي ناديه و تراك عزيزه و غاليه و بنت خالتي ع العين و الراس ......بس ...... الرساله منك ولا بالغلط
      العنود..: بتجاهل و و جسمها يرجف لانه واقف قدامها و نصدمت من اسلوبه اممممم اي رساله
      بندر..: جاوبي علي انت عارفه و انا عارف خل تختصر الكلام قبل لا تجي ناديه و صدقني ما راح كلامك يغيز شي و انتي عزيزه و غاليه
      العنود ...: منحرجه و ساكته ما تكلمت ......
      بندر ..: ترا ناديه بتجي
      العنود..: ...............
      بندر ..: و بفرح من داخله ...يعني الرساله منك سكوتك يعني ان الرساله منك
      العنود ..: ما نطقت بولا كلمه
      بندر ...: طيب انا اسف اذا احرجتك و انا بطلع قبل لا تجي ناديه .... بس بطلبك طلب تحطين الرقم الواتس بورقه و تعطينها مشعل يجيبها ابي اتكلم معاك بشي ضروري .... يلا انا ماشي .......
      العنود من التوتر ما رفعت عينها من الارض لين طلع
      رفعت عينها و احساسها متلخبط بفرح مع حزن مع خوف معقوله بندر وش يبي فيني وش بيقول لي ع الواتس
      ...........!!!
      جات ناديه و كالعاده العنود ما تخبي عنها شي
      ناديه ..: امممممم والله مدري بس دامك بديتي كملي وش في شنو يبي فيك
      العنود ..: اممم خايفه خايفه يسمعني كلام مو عدل او ان ...... ما ادري خايفه
      ناديه ..: مو انتي تحبينه و سويت هالشي و تحديتي نفسك كملي التحدي وشوفي شنو يطلع لك انتي بديتي ولا م تكملي المسأله ما يصير توقفين
      العنود..: اممممممم ولو سألني عن الرساله ليه رسلتيها
      ناديه ..: قولي له الصدق انك تحبينه و ان الرساله بلحظة طيش رسلتها ولا ما كان ودي افضح المستور
      العنود ...: امممممممم اه والله الله يستر
      ناديه ...:توكلي ع الله بنادي لك مشعل و خل يودي له الرقم
      العنود ..: طيب ع شورك
      و وصل مشعل الرقم لبندر
      مشعل ...( اخو بندر اصغر واحد بتمهيدي )

      تتوقعون شنو بندر بيقول للعنود وشنو بيصير بينهم و الخاله بتسكت عن الرساله ما راح تخبر العنود ولا احد ولا بتخبر


      ما راح اكمل الا لمن اشوف الردود و اعذروني عن الأخطاء لان هذي اول روايه لي ..... و راح اتقبل منكم كل شي بس اهم شي رايكم الحقيقي بالروايه من غير مجامله
    2. احساس الكلمة
      05-06-2013, 05:00 PM

      رد: رواية ..( العشق حدود) رومنسيه و جديده

      رواية ..( العشق حدود) رومنسيه و جديده


      ممممممممممممممممممممرههه حلوووووووووه و رومنسسسيههه

      يعطيكك العافيهه اعتزلت الغرامم

      نستنى تكميلها ممره تحمسست


      كنت ههنا اححححساس ..
    3. أوراق الخريف
      06-06-2013, 12:08 AM

      رد: رواية ..( العشق حدود) رومنسيه و جديده

      رواية ..( العشق حدود) رومنسيه و جديده


      هلا فيك اعتزلت الغرام
      بصراحة روايتك مو حلوة

      بالنسبة لي اول مرة اقرا رواية من اول بارت
      وشفت انها كلمة روووووعة قليلة عليها

      تابعي ولا تتاخري بتنزيل البارتات وتحرقي اعصابي

      تحياتي لروحك الطيبة

      اختك / اوراق
    4. *مزون شمر*
      06-06-2013, 12:58 PM

      رد: رواية ..( العشق حدود) رومنسيه و جديده

      رواية ..( العشق حدود) رومنسيه و جديده


      شكرا عالروايه
      نقلتها لقسم روايات لم تكتمل لحد ماتكملينها
      ونرجعها لقسم الروايات الطويله
      موفقه
    5. اعتزلت الغرام
      07-06-2013, 12:20 AM

      رد: رواية ..( العشق حدود) رومنسيه و جديده

      رواية ..( العشق حدود) رومنسيه و جديده


      المشاركة الأصلية كتبت بواسطة احساس الكلمة
      ممممممممممممممممممممرههه حلوووووووووه و رومنسسسيههه

      يعطيكك العافيهه اعتزلت الغرامم

      نستنى تكميلها ممره تحمسست


      كنت ههنا اححححساس ..


      ي لبى ثانكس
      من ذوقك
    6. اعتزلت الغرام
      07-06-2013, 12:22 AM

      رد: رواية ..( العشق حدود) رومنسيه و جديده

      رواية ..( العشق حدود) رومنسيه و جديده


      المشاركة الأصلية كتبت بواسطة أوراق الخريف
      هلا فيك اعتزلت الغرام
      بصراحة روايتك مو حلوة

      بالنسبة لي اول مرة اقرا رواية من اول بارت
      وشفت انها كلمة روووووعة قليلة عليها

      تابعي ولا تتاخري بتنزيل البارتات وتحرقي اعصابي

      تحياتي لروحك الطيبة

      اختك / اوراق

      هلا بك اختي اوراق

      يسلموووووو ي عسل من ذوقك
      وربي خوفتني لمن قلت بالبدايه كذا
      فديتك،،
    7. اعتزلت الغرام
      07-06-2013, 12:23 AM

      رد: رواية ..( العشق حدود) رومنسيه و جديده

      رواية ..( العشق حدود) رومنسيه و جديده


      المشاركة الأصلية كتبت بواسطة *مزون شمر*
      شكرا عالروايه
      نقلتها لقسم روايات لم تكتمل لحد ماتكملينها
      ونرجعها لقسم الروايات الطويله
      موفقه

      يسلموووووو

      حياك
    8. اعتزلت الغرام
      07-06-2013, 12:25 AM

      رد: رواية ..( العشق حدود) رومنسيه و جديده

      رواية ..( العشق حدود) رومنسيه و جديده



      &&&£…:البارت الثاني:…£&&&

      ...:عند بندر ....:

      مشعل ..: بندر هذي الورقه من ناديه ويلا غدا

      بندر ..: طيب اطلع و قفل الباب وراك ...بندر فهم انها من العنود

      على السفره الكل مجتمع

      الجده..: يالله عسى مانفترق ي رب

      الكل >>>> امين خلصوا غدا وكلا راح يغسل

      العنود..: وهي تغسل يدها .... ناديه جيبلي بيبسي معاك

      ناديه ..: ماتبين ميرندا

      العنود..: لا بيبسي

      ناديه ..: طيب >> وراحت

      بندر..: للحين عادتك مع هالبيبسي ما تبطلينه

      العنود..: وهي بأرتباك و مصدومه مو مصدقه انه يكلمها.... هههه ايه للحين

      بندر ..: بيذبحك هالبيبسي بعمرك ميته

      العنود ..: بأرتباك عطته ابتسامه خجوله و هي تمسح يدينها و مشت... وراحت عند ناديه ركض

      ناديه ..:وش فيك الله يرجك جايه تركضين

      العنود..: مبسوطه

      ناديه ..:وش باسطك

      العنود ..:كلمني

      ناديه ..: صدق كوووووولش وش قال لك

      العنود ..: هههههه بلا سخافه قال لي للحين انتي مع البيبسي ......إلخ

      ناديه..: الله يرجك حسبالي قال لك شي جامد الي خلاك طايره مالت عليك

      العنود ..: وعليك وش عرفك انتي بهالسوالف دامه قال لي كذا يعني مو زعلان من الرساله

      ناديه ..: ايه صح .... انزين خلينا منه امشي ابي اسولف ع الشات وقولي لي ليه طلعتي من المدرسه و ماكملتي

      العنود ..: طيب يلا

      دخلوالغرفه و شغلت الايباد العنود و دخلوا ع الشات و القروب و ضحك و سوالف و نكت ومر اليوم

      بعد ما طفى الايباد حطته بالشاحن يشحن

      ناديه ..: يلا قولي ليه طلعتي من المدرسه

      العنود..: والله مثل ما قلت لك غصب و السالفه ان مو انا قبل لا اكلم بندر لمن كنت بالمتوسط رقمنيواحد و انا حايه من المدرسه

      ناديه ..: ايه و قلت لي انك كلمتيه

      العنود ..: ايه و صادتني امي .. وهاوشتني و ظليت اكلمه

      ناديه ..: يووو والله انك عنيده طيب وبعدين

      العنود ..: و راح هو جاب لي جوال عشان اكلمه فيه

      ناديه ..: لا تقولين خذيته

      العنود ..: ايه خذيته

      ناديه ..: وهي متعجبه من العنود ... وكيف خذتيه من جدك

      العنود ..: جا عند الباب و حطاه و خذيته من عند الباب بالليل

      ناديه..: والله انك مو صاحيه

      العنود ..: المهم والله ماتم عندي اسبوع ي ندوووي الا صادته اختي عندي >>>>> مو اقول لك حظ اغشر

      ناديه ..: هههههه والله انك حماره مو حظك اغشر شلون تسوين كذا مصدقه انه يحبك

      العنود ..: لا والله مو مصدقه بس ابليس و الله ثم والله ي ندوووي تقولين كيف سويتي كذا اقول لك مدري كني مسحوره

      ناديه ..: ي قلبي عليك والله فاهمتك ... طيب وش سوت اختك

      العنود ..: قعدت تحقق معاي هي و امي

      اخت العنود ..: من وين لك الجوال

      العنود ..: ............ ساكته

      اخت العنود ..: دقت ع الرقم الي بالجوال طلع واحد ......منو هذا و كيف خذيتي الجوال جاوبي احسن لك

      العنود ..: .….... ساكته

      ام العنود ..: صفقت العنود كف .... انا ادري انه هذاك الي صدتك تكلمينه صح

      اخت العنود ..: هدي يمه انا بتقاهم معاها .... العنود ترا اخر مره أسألك من وين الجوال جاوبي بالطيب

      العنود ..: ........ ساكته

      كان اخواها مار من عند الغرفه و سمع الكلام دخل ع العنود

      اخو العنود ..: من وين لك الجوال

      العنود ..: قامت تبكي

      اخوا العنود ..: مسك الجوال ودق ع الرقم و سمع صوته و يقوم يضرب العنود ......منو هذا تكلمي و ميف عطاك الجوال و هو يشد بشعرها و يضربها

      العنود ..: ........ ساكته و هي تبكي

      اخت العنود ..: حلت الموضوع قالت له انه واحد لعب عليها .... وخذت الجوال من عند المدرسه جابه لها

      اخو العنود ..: ي حماره ي قليلة الادب و هو يضربها كف و ماسك شعرها بقوووه

      العنود ...: اسفه والله ما اعيدها اخر مره

      اخو العنود ..: والله ما عد في طلعه من البيت حتى مدرسه مافي ولا والله اعلم ابوي و اخليه يذبحك

      العنود ..: طيب
      ...........……………………
      و بكذا اضطريت اقعد بالبيت و امي تقول لكم اني انا الي ما ابي ولا انا ابي و ودي و كل يوم ابكي ابي اكمل دراستي

      ناديه ..: يا عمري والله حزنتيني عليك

      العنود ..: شفتي كيف

      ناديه ..: والله بعد عنادك و ما يسوي عشان مره ثانيه ما تعاندين .. و خلاص الحين ما راح تكملين هذي السنه الثالثه و انتي ما كلمتي

      العنود ..: والله شكلي لا شسوي مالي الا اذا تزوجت يمكن اكمل

      ناديه ..: يا قلبي عليك .. قولي امين

      العنود ..: امين

      ناديه ..: ربي يرزقك بولد الحلال الي ينسك كل شي و يوعضك عن كل شي .. وانا وياك بيوم واحد ي رب

      العنود ..: هههههههههه امين حتى بالزواج لاصقه فيني ياختي فكي شوي

      ناديه ..: ههههههههههههه

      العنود ..: رقم غريب يرسل لي ع الواتس

      ناديه ..: شوفي منو

      العنود ..: طيب

      :…المحادثه مع العنود …:

      العنود ..: منو معاي

      بندر ..: انا بندر

      العنود ..: ناديه هذا بندر ي ربي خايفه

      ناديه ..: الحين خفتي لمن رسلت الرساله ما خفتي ردي ردي خل نشوف وش يبي

      بندر ..: أخبارك ؟!

      العنود ..: الحمدلله و انت

      بندر ..: بخير .. شنو هالحركات عندك واتس ولا علمتينا ولا شي

      العنود ..: فيس يضحك و خجول >>>>> انا قلت لخالتي وهي عندي

      بندر ..: اها شي جميل .. تشرفنا نورتي الواتس

      ناديه ..: وش هالسماجه خلصوا علينا

      العنود ..: فيس خجول >>>> منور بصاحبه

      بندر ..: اسف ع الازعاج و تصبحين ع خير

      العنود ..: و انت من اهله

      …: انتهت المحادثه الأولى بينهم :…

      العنود ..: والله خفت طيح قلبي

      ناديه ..: هههههه اسمع دقات قلبك من هنا بشويش

      احد طق الباب العنود و ناديه >>>> مين

      خالة العنود >> ام تركي ..: انتوا للحين ما نمتوا وشعندكم ع هالايباد

      ناديه + العنود..: لا ولاشي نلعب

      ام تركي..: تركوا اللعب و ناموا يلا

      ناديه +العنود ..: ان شاء الله

      و سكروا الأنوار و ناموا

      ..: في اليوم الثاني :..

      صحت العنود تشيك ع الايباد كل العاده اول ما تصحى
      و تلاقي رساله من بندر

      الرساله ...: تراني و أنا بعد أحبك

      العنود ..: انحرجت بالمره لمن قرت الرساله و بنفس الوقت فرحت نطت على طول ع ناديه
      ندوووي عندي لك سالفه بمليون قومي

      ناديه ..: يلا صباح خير .. وش فيك ..

      العنود ..: اقرا الرساله

      ناديه ..: اوه اوه ع البركه وش فيك مستخفه طيب كلها كلمه و كتابه مو صوت لو يقولها وش بتسوين

      العنود ..: وهي مبتسمه .. اولا ما توقعت انه يقولها وانا رسلت له الرساله من زمان و انه ما قال لي كلام مو عدل يعني ما طحت من عينه

      ناديه ..: طيب وش بتردين عليه

      العنود ..: والله اني مستحيه وش اقول

      ناديه ..: تراك نفسيه ما ينعرف لك روحي عن وجهي بس خليني انام

      وش بيصير مع العنود و بندر هو صادق بالي قاله ولا لا وش موقف خالتها من العنود
      خلكم معاي بالبارت الجاي





    9. احساس الكلمة
      07-06-2013, 12:37 AM

      رد: رواية ..( العشق حدود) رومنسيه و جديده

      رواية ..( العشق حدود) رومنسيه و جديده


      جججججججججججججميل

      تحمممست

      ككملي ننتظظر ..."

      اححححساس ~
    10. أوراق الخريف
      08-06-2013, 01:06 AM

      رد: رواية ..( العشق حدود) رومنسيه و جديده

      رواية ..( العشق حدود) رومنسيه و جديده


      يسعد مساك ياعسل
      بصراحة كتبت الرد وباقي ماقريت البارت
      بس اكيد انه حلو
      تسلم يمينك يالغلا
    12

    الكلمات الدلالية لهذا الموضوع