صور يا مصوراتي<<<كل ما تلتقطه عدسة جوالي هنا ^-^

حكايه أمل

عضو فضي
صور يا مصوراتـي<<<كل ما تلتقطه عدسة جوالي هنا ^-^

imagesqtbnANd9GcSUMaJbrForcv39dU9VJMu8yn-1.jpg


أسعد الله صباحكم\مسائكم بكل خير
بما انه اختكم في الله تحب التصوير
قررت تساوي مدونه بأقساممدونات عبير
وتكتب لكل صورة خاطرة أو كلمه أو تقرير
وتنزلها هنا وربي ما يحرمني من عبير العبير




أعرفكم بنفسي<<"عيون لمباتقديمه طلع من الكيبورد غبره :w:

أنا
بيقولولي
أم نادين ...ولست بأم نادين <<والله جد ..هاه مين؟ ابوابراهيم مثلا"بيانو:

من غزة حبيبة قلبي
ربي ما يحرمني من صواريخك لا ليل ولا نهار
ربي ما يحرمني من صوت الرصاص ع الحدود مع اولاد عمنا<<فهمتو مين
ربي ما يحرمني من قلة النوم اللي بشوفها من الخوف فيكي
ربي ما يحرمني من الحروب اللي بتطلعني نزهات حتى بنص الليل
;غمزة;
أحوووووبك وأعشقك يا غزة"حلوى:

أعشقك كعشقك عنتر لعبله
أعشقك كعشق قيس لليلى
أعشقك كعشق روميو لجولييت
أعشقك كعشق البقره للبرسيم

"جني:



كنت حابه أمدح نفسي بس بعلمكم ان مداح نفسه أكذب من الكذاب
"احرجتني:

تقبلو مني كل احترام لوجودكم الكريم بمدونتي المتواضعه



x.png




 
التعديل الأخير:
رد: صور يا مصوراتــــــــــــــــــــــــي<<<كل ما تلتقطه عدسة جوالي هنا ^-^

الحياه كالدفتر الفاضي
وأنت كالأقلام الملونه
تجعل من صفحاته ما هو جميل وما هو قبيح
احترس عند استخدام الأقلام <<
قولي لحالك يختي
"عيون لمبات

الحياه جميله بألوانها الكثيره
ونكهاتها اللذيذه<
كوكا كولا ,ميرندا,سبرايت ...;غمزة;

لا تجعل من اللون الأسود رمز لحياتك
رغم ملازمته لي الا اني أركله بقدمي كركلة
راموس للكرة فوق الجمهور"غداء:




 
التعديل الأخير بواسطة المشرف:
عاصفه عابرة


عايزين حدا يصلح بين الصيف والشتا <متزاعلين وبينافسو بعض مين الأقوى ومين حتكون مدته أطول
واحنا وقعنا بين الرجلين بهالمعركه القويه والصارمه<والانفلونزا دابحانا
"ممرضه:

صحيت على صوت صاروخ أو قذيفه قوي
ه
حملت بنوتي ووقفت...كأني خايفه من جنيه
طلع الصاروخ(ب
اب الحمام) ومن العمده صرت مستحيه< من قوة الريح سكر بالقوي
صرت أضحك على حالي بحاله جنونيه هستيريه
أتاريها عاصفه هبت على غزة وهي نايمه متهنيه
بربع ساعه لخبطت الجو وبطريقها صارت تجاكر فيا
ويا إمي طعمتي خوف ورعب وشربتني من القهر ميه
سيبو قراية هالكلمات وشوفو نهايتها
بتصوير ايديا














 
رد: صور يا مصوراتــــــــــــــــــــــــي<<<كل ما تلتقطه عدسة جوالي هنا ^-^


كل ما أصور مرحله من مراحل صنع الخبز
ألاقي صوت الضحكات تعلو وتتعالى بالدار

خواتي بمسيهم بالخير اللي أحلى من العنز
وقلوب أصفى من ترعه شوفها يصيبك بالدوار

كل التحيه لأمي وخبز ايديها
و لأخواتي اللي ورا الكواليس<مش من قلبي هههه
وللشعب الغزاوي اللي ماكل الأخضر واليابس والجراد اللي وصله هههه

شعب غزة :ارضى بما قسم الله لك ولا تجعل الغيمة السوداء تخيم مرة أخرى بسمائنا
لأنها ليست كالغيمه السابقه




 
التعديل الأخير:
ويبقى الأمل موجود



كتير بأسرح بوضعي وبأغوص ببحر أفكاري
ولما غرقت بالبحر رسمت هالرسمه من خيالي
ويبقى الأمل موجود هي أسمى ما في المعاني


السمك ميت لكن بيتنفس
عنده عزيمه عالعيش رغم موته
ورغم الأسى اللي مر فيه
ونحنا هيك ...ربي يتقبل منا صالح الأعمال
قولوا امين يا قراء عبير^-^









 
الحمد لله




يوم من الايام
أكلت قزازة(زجاجه)برجلي
عريضه وطولها حوالي
3 سنتيمتر الا ملي
مزقت خلايا رجلي
ووصلت العظم ودبحتني
سحبتها مرة واحده وطلوعها الأصعب عندي
خافو علي وعالمستشفى يقولي أبوي وأمي
وعناد مخي خلاني أسكت
وأفكتر بتأني
وبنزيف الدم أسرح
بالشهداء وأهني
أخوي واللي معه استشهدوا برصاصه تغني
وأسرح بالجنه والنار والعذاب والقبر المستني
كيف القزازة دبحتني ؟واخرتي كيف حتكون يا إمي؟
صلاتي مش حسيب فيكي فرض و لو النعس غلبنتي
الذكر والقران مش حتركم حتى لو سكرات الموت اجتني
ربي احسن عملي في دنيتي حتى أفوز باخرتي


المهم
مرحتش المستشفى
وما اهتميت لنزيف الدم والوجع قد ما اهتميت بأفكاري
انه رجلي فاتت فيها قزازة وموتتني ...
كيف عذاب الاخرة حيكون؟؟
كيف أخوي أكل رصاصه بصدره ونزف دم وروحه طلعت وهو مبتسم ...ليش أنا توجعت وكشرت وهو استشهد وهو مبتسم

احلى حاجه ان أبوي اجالي وقال يلا كله بيمحي من سيئاتك
اجا أخوي ابو اربعتش سنه :وين القزازة وينها انا ليش؟ ..هو:علشان ابوسها لأنها محت من سيئاتك
أحبك يا عائلتي
ربي احسن خاتمتي وخاتمة الجميع




 
التعديل الأخير:
بطيخ ~,~



أكل البطيخ ما بيحلى غير مع الجماعه
ويجي أبوي ويعمللنا مسابقه
انه ولا واحد يشفط مية البطيخ وهو بياكل وياخد جائزة
وساعتها بتصير تحتنا بركه عصير بطيخ برياله
وزكاته لما ميته تنقط من الكوع اممم
او البزر تتفه وين ما تيجي تيجي
حتى لو على راس اللي جنبك ~.~

وشقاوته لما أختي جابت بطيخه وعصرتها بوجه أمي
وأمي عملت صحن عصير بطيخ وكبته على راس اختي
وانا الحكم ~.~

ما شاء الله علينا كلنا عيله بتفتح النفس (هبل عالاخر)
بس دنيتنا ما بتحلى غير بوجود ناس مرحه وبتحب الضحك
زي عيلتي الأولى وعيلتي التانيه

بحبهم مووووووووووووووت




 
أنا لازم أتغير



أنا لازم أتغير
موضوع قريته باحدى المنتديات
ونقلته هنا حتى الكل يستفاد
وأول من استفاد أنا وبثبات
ولازم نبدأها خطوة بل خطوات
ونعمل بدنيتنا لنصل للجنه بالطاعات
وقبل رمضان نتغير علينا وعليكم ينعاد

المهم

لما قرأت موضوع ونقلته هنا اسمه أنا لازم أتغير
اجا ببالي انه اللي بيوعي وبينبه الناس لشغله وهو مش عاملها بيكون منافق وبياخد الإثم اثمين
ليش ما انقله لأعضاء منتدى عبير وأكون أنا أول من يتغير واخد حسنات من نفسي ومن الاعضاء اذا تغيروا؟!
والحمد لله عملت بنصيحة أنا إلي
وشكرت أنا كتير كتير عالعزيمه اللي اعطتني اياها والثقه في حالي كتير
والثقه انخلقت بداخلي من يوم تقربي لربي أكتر واكتر واكترواكتر واكتر


لا اخفيكم علم ومش خجلانه من حالي ولا منكم قد ما أنا خجلانه من ربي اللي خلقني في أحسن صورة
انه انا واحده من الناس اللي كانت تقطع بصلاتها شويه صغيره وكانت ما تمسك القران كتير
والذكر والاستغفار برضو مش كتير
كنت أخاف اصلي وانا لحالي بالبيت
كنت اخاف افتح قران وانا لحالي بالبيت <<<وهادا كله من الشيطان
وعملت تحدي أنا ونفسي علشان اهزم الشيطان اللي بيوسوسلي كل ثانيه

بس الضمير
يا عيني عالضمير وعذابه
ملازمني كل حياتي بيعذب فيا عذاب في الدنيا قبل ما اروح عذاب جهنم
والحمد لله انتصر علي وخلاني التزم أكتر واكتر


بالاول النيه والعزيمه
وبعدين كتبت ورقه كبيره وحطيتها عند جهاز الكمبيوتر بغرفتي
حتى كل ما اشوفها اتذكر
انه اقرأي قران
صلي لله وسنة الوضوء والنوافل
الاستغار والحمد والشكر يضل علسانك
بطلي نميمه <على رأي إمي هو انتي ليل نهار بتجيبي بسيرة الناس؟!
وصيت كل اللي بقعد معم إن لساني حكى ولو شغله بسيطه عن انسان قولولي(انخمدي) بأفهم

والحمد لله مش حكتب ايش بأساوي حتى ما يكون رياء وما أخسر حسناتي

بتمنى الكل يتغير
وعلى فكرة<<<غيرت ناس كتير والاطفال كل يوم بأعطيهم نصايح
والحمد لله

التصوير بجوالي العجوز على راي ساندرا بس بيفي بالغرض والرساله اللي حابه أوصلها


ربي يغفرلي ويغفر للجميع





 
التعديل الأخير:
صابونة الأفوكادو



صابونة الأفوكادو

طبعا في ناس كتير بتهتم ببشرتهم <مش أنا أعوذ بالله مش أنا~.~
المهم
أختي اشترت هادي الصابونه من دكتور للبشرة وهيك شغلات
وأنا من ساعة ما شفتها وأنا بأتمسخر عليها

اجت أنا بجلاله قدرها وصارت تحكي لأختها والباقي بيضحك على الهبل اللي انا بتحكي فيه

يعني لو الأفوكادو مطحون كان ممكن ...بس الأفوكادو حب
:g:
يعني لو غسلتي وجهك ولزق فيه قطعه أفوكادو
مترميهاش بالمره ...(بالغزاوي بنقول أزقطيها) يعني كليها عالسريع ...لا من شاف ولا من درى ...بس وكليني أنزل الخبر ع وكالات الانباء وسر بينا

:b:
يعني لو نقص عليكي أفوكادو للسلطه اللي بدك تعمليها لزوجك ...خليه يغسل وجهه مرة الصبح ومره الظهر ساعة الغداء وخديهم عالسريع ...بيبقى الهم نكهه جديده رائع

تخيلي وانتي بتغسلي بوجهك تلزقك قطعة أفوكادو بمنخارك ...ايش حتعملي ...بتبلعيها ولا .....


ناديت عليها ...بالله واحد أفوكادو لو سمحت وبعطيك الحساب بعدين ~.~

وبعد هالعناء هادا كله (حرقت بشرتها) خخخخ

مش كل اشي بينباع بيتصدق (عمري ما اهتميت لهادي الأمور )



~.~

 
التعديل الأخير:
فراولة حبنا ~.~



اخواتي(بنات وأولاد)بيستغربو من طريقة أكلي للفواكه كتير كتير
وبيضحكو علي وبالاخير بيعملو زي ما أنا بأعمل وبيستمتعوا أممممم

مثلا الموز :لازم أعمل الموزة 3 شرايح <<حب استكشاف هههه
الشمام :بأغسلها وبأقسمها نصين وبالملعقه بأشيل البزر وبالملعقه أصير اكل فيها
البطيخ :اذا كانت البطيخه صغيرة بأعملها نفس الشمام ...عادي ولزيز جدا جدا
التفاح:لازم لازم أقشر البزر واكله...والله بحبه وغير هيك سمعت ان اله فوايد وهي الموت بسكته قلبيه ههه ...والله اعلم
الجوافه :بحب اكل الحبه قبل وثم البزر لأنه فيها طعم حلاه يدوخ وأنا بخليها للأخير علشان أدوخ ويصرخو علي ~.~
الفراوله بأقطعها صغير (بس بالصورة كنت مستعجله وقطعتها كبير) وبالسكر والاكل بالشوكه أممم
الفقوس والخوخ:عمري ما حبيت أغسلهم ...بحب أفرك الفروه اللي عليهم بايدي وبعدين استمتع بالطعم( ~.~)
زمان مان مان مان <على راي اختي لما تستبعد الزمن(يعني في قديم الزمان)
كنت أجيب الخياره والحفار أو المقوار اللي للكوسا وكنت أحفر قلبها وأرمي البزر <<مش عارفه هو قرف ولا هواية حب الغريب

صحه وعافيه على قلبي
أعشق الفواكه بأشكالها وألوانها ,نكهاتها وكل اشي








 
رد: صور يا مصوراتــــــــــــــــــــــــي<<<كل ما تلتقطه عدسة جوالي هنا ^-^

أخونا وزير السلطان\وله شوق\سيف الملوك\بدر العلا\مشعل<<<مين يزيد :i:
مدونته فيها موضوع قيم وسؤال
عاد أنا بجاوب عالسؤال بمدونتي


يلا استعدوا للقراءة يا جماعة الخير

الإحترام والتقدير مطلوب بين أي علاقه كانت بين شخصين....
ومتى ماإنعدمت هذين الأمرين أصبح هناك إختلال في العلاقه
ياسر حضر إلينا هذا المساء عابس الوجه....منتفخ الأوداج....وعند سبر أغواره
وجدنا بأنا يعاني من ضغوط حياتيه....كان الطرف الأخر زوجته....التي قررت الذهاب إلى بيت
أهلها رغبة منها في أخذ قسطا من الراحه والإبتعاد عن ياسر ذو الشخصيه الحاده
هنالك ميزه يتميز بها البعض والتي هي أنك تستطيع تشخيص الشخص من خلال أفعاله
وتصرفاته بل حتى في نبرات صوته وتعترف فيها بعضا من تكوينات شخصيته

ولحسن الحظ بأنني أحد هؤلاء البعض فيما يبدو لي....اللهم لك الحمد
ياسر هذا شخصيه حاده يحب أن يسيطر على من حواليه...تجده في غالب حواراته يلجأ إلى مبدأ
الإختلاف في الرأي يفسد للود قضيه(لاحظوا لم أقل لايفسد)

لاأعلم حقيقة سردي لحكاية ياسر هنا ولكنني أردت أن أخبركم بشيء...حتى أعرف رأئكم حياله؟

بعد أن ذهب ياسر قمنا نوعا ما بنقنقه على بعضا من جزئياته اللهم سامحنا وأغفر لنا
وطرحت سؤال اللي هو لو أن الإحترام والتقدير موضوعان بداخل كيس
وهالكيس ليس أمامه إلا خيارا واحدا إما تفتحه في بيت الزوجيه أو بيت الأهل(الوالدين)
أيهما ستختار....؟؟؟!!!
صباحكم مفعم بالتقدير والإحترام
صباحكم يحمل بوكيه من الورد لكم أنتم
بقلم وزير السلطان



هادا الكيس لازم ينفتح ببيت الزوجيه

لأنه امتلىء من احترام كل طرف للاخر(ببيت الاهل او من الاهل)من تقدير وحب واحترام وعمل خير وصدق وثقه وكل اشي

لما يمتليء من بيت الاهل عالاخر لازم ينفتح ببيت الزوجيه حتى تسمتر الحياه ويملو باقي الاكياس اللي بانتظارهم وتحت رعايتهم(اطفالهم) ولازم يعطوهم المحبه والاحترام والثقه والاستقرار بالحياه
ويكملو المشوار اللي بدأوه واللي استلموه من اهاليهم


الاهل:عاد بالغصب حيحترمهم لأنهم أصل الاحترام اللي تعلمه (واجب عليه)مش عارفه ايش اكتب صراحه~.~
<<بس هادي وجهة نظري



نعتبر الاحترام والتقدير (فواكه)انجنت من أرض كنا قاعدين فيها (الأهل)
حنوديها لبيت للزوجه والأولاد (بيت الزوجيه)

عاد اللي رأي مخالف يحطه بمدونته

وعلى سيرة الفواكه
الوالد الله يجزاه الخير <مش ملحق علينا فواكه
thumbs_up

هادي اخر صورة التقطتها انا وخطيبة أخوى ...الله يكمل عليها نص عقلها<الأسبوع الجاي الي قتله لأنها بتقرأ الكلام من ورا الكواليس
:k:














 
فنجان قهوتي



السلام عليكم
هادي الصورة لفنجان قهوتي...صورته كذا صورة...وكل مره أقول هيك أحلى ...لا هيك أحلى...طيب يمكن هيك أحلى...
عاد انتو اختارو الأحلى:b:

التصوير اله اسبوعين
وبما اني اليوم كنت صايمه ...نزلت الصورة وريقي ناشف بيطقطق بدو قهوه ...علشان حابب ينشف بزياده...انذليت للصور <كله بميزان حسناتي:c:

يا الله الصيام قديش متعب السنه هادي
النهار وكأنه نهارين موصولين ببعض ...طويل
مرت عمي(حماتي)بتسألني ...أظن انتي الك من أول امبارح صايمه؟؟؟
:k:
ضحكت ضحكة واحد هفتان وجعان <وابتسامه واحد بينازع على فراش الموت

المشكله انه نويت الصيام وأنا على
عشاي <متسحرتش
وغير هيك يا جماعه انه
ابني ضرب بنت عمه والبنت وجهها صار أزرق ونفسها انقطع لأكتر من دقيقه وبس فاتحالي تمها ومبحلقه عنيها في
وأنا أكلتها صدمه على شكلها
وبالاخير تنفست بحضني ...وحطيتها عالارض وعصبت عالاخر لما أخدت نفسها <<ردت فعلي كانت قاسيه لأني ارتعبت...فكرتها ماتت بحضني
وبعد ما وقفت ومشيت خطوتيت ارتمت عالارض عظهرها وبرضو نفسها راح<عندها نقص اكسجين

الله وكيلكم عيشتني فيلم رعب 2050

ابني هرب على دار سيدو ...لبست العبايه ولحقته وضربته لأن التفاهم مإجاش معاه<<أنا واياه ناقر ونقير زي الاخوه ههههه
نفسي اتعامل معه كأم <<مش ظابطه معي الشغله ...مكلفه بدها طولة بال على تصرفاته الغريبه ...لأن أصحابه فقط من الشباب و3 منهم أعمارهم فوق 50 سنه
بالله عليكم هادا طفل ؟!<حاساه عمي الكبير

:i:
المهم برمي كتير وهاي الصور


صحيح الساعه :ابني مغبرها...راميها بالرمل ...انتبهتلها بعد التصوير ههههه
ولسا ياما حشوف منه
































 
التعديل الأخير:
MY BROTHER




في أطفال من وهم باللفه البيضا بأعشقهم
وفي يا لطيف لو عطسوا بدي أقتلهم


يا عيني لو يكون الطفل كلامه كتير
وكأنه فاهم الدنيا وما فيها
بينزلوليش من زور
بقدرش أبلعهم بالمره
بينمدغوش~.~

هادا أخوي
طيب وحنون لدرجه لا توصف
بجد طيبته غريبه عالاخر
لدرجة انه لابس بلوزة برشلونه وهو مدريدي ههههه
مرحش الروضه غير شهر واحد بكل سنه
لأنه أول السنه يموت واحد من العيله ويضل حادد للسنويه
بالسنتين هيك ساوا
والمشكله كانت مدرسته تجيه عالبيت خصوصي علشان يروح معها (من كتر ما بتحبه)وعالفاضي...أمي معطياه على راحته <دلوعتها

:b:

بالمدرسه ممنوع الشعر الطويل عالاولاد ...بس أستاذه مكنش يحب ان شعره يتقصر...يتدايق عليه

ذكي جدا ما شاء الله عليه <...وجميل جدا جدا جدا
أخدها الأول على الصف <مع انه فات المدرسه بيعرفش الحروف كويس
هلقيت مستعد يقرأ أي اشي
وبيحاول كتير يقرأ والدليل الصورة

راح أصورلكم شهادته ودرجاته وشهادة التقدير من المدير ...ان ربنا أحياني


اليكم المفاجأه

thumbs_up




 
قرآن كريم ..



هادا يا جماعة الخير من قبل 10 سنين طلبت منا المدرسه نحفظ سورة ونسمعها الها تاني يوم
<<لأن الكتب تأخرت علينا من رام الله ...السبب حواجز اسرائيل
رحت عالسطوح ومعاي المصحف وقعدت أحفظ وأحفظ وأحفظ لحتى نعست <دايما بانعس مع القرايه
حطيت المصحف على سور الصين العظيم ونزلت عالدار ...ونسيته...والغيم اجا ...شتيت السما...وشرب وغرق ميه ...وانتفخو الاوراق...وداب
تذكرته بعد يومين<عالسلامه يختي
...لاقيت اوراقه دايبه...نشفته بالاستشوار
قعدت أنسخ السور اللي دابت من مصحف تاني وحطيتله جلاتين
والحمد لله عايش لهلقيت

بس أكلت بهدله مرتبه يومها من إمي
"حلوى:
الوالد بيبهدلش بالمرررره وعنده قاعده(الضرب للحيوانات)

مساؤكم معطر بايات الرحمن



















 
تشكن بيتزا<<<


وجبة تشكن بيتزا من مطاعم العافيه <من أخوي << الله يخليه ويسعده مع خطيبته

بوظه وبراد =ايس كريم

بس عملت موقف نداله في خطيبته
أكلت الوجبه وفواكه وحلو وايس كريم وبعد فتره راحت المطبخ تتحلى دجاج مشوي
:h:

قالت متحكيش ل....(لا تقولي اله)
وكأنها حكت على جرب<<<مثل فلسطيني
:i:

ناديته ومسكت ايده وجبته عالمطبخ وقلتله شوف حبيبتنا ايش بتتحلى ...وصادووووووووووه :k:

بالصوت العالي ...أم نادين ...وربنا ستر:k:







 
زهر الليمون



مساؤكم معطر برائحة زهر الليمون البعلي

صعبه ان الواحد يطلع نزهة حتى يعيش الدور
ويمضيها مخنوق من ذكرى مؤلمه معايشته

سهرة عالبحر والكل مبسوط وصغار بتلف وبتدور
ودموع بتتذكر اخر نزهة بنفس المكان وفاقدته

الله يرحمك





 
الثقه


الثقه بين الزوجين

ثقه:كلمه صغيره بحروفها وكبيرة بمفرداتها...
فهي تحمل في طيات حروفها الكثير من المعان, وجبال الحب والاستقرار

ان وجدت :وجدت المحبه والود والسعاده والاستقرار وحياه هنيئه
وان رحلت أو ندرت:ف على الحياة الزوجية السلام

س:لماذا انتي تسهرين على شاشة الانترنت الى هذا الوقت أين زوجك عنك؟
ج:أول شيء اسمي هذا بالخصوصيه الشديده جدا بالنسبة لي ولكن سأتحدث عنها قليلا
وبضع هذه الكلمات تجعلني أشعر بالنقص (بسببكم)... أشعر بالذنب ولكن الان لا أبالي لأني اعي ما أفعل وأعي ما أقول

وللأسف لا زالت بعض عقولنا تحتاج الى ما يسمى بال (
فرمته)
لا زلنا بجهل تجاه المرأه وحقوقها وسهرها وقيامها وطريقتها وووووو.....الخ

بالنسبة لي
أم ...أحمل بين ساعات نهاري الكثير من المتاعب والصراخ والتعب والارهاق من الأطفال
ألا يحق لي الجلوس بهدوء ولو ساعتين على الانترنت بعد نومهم (بعد 12)؟؟


أريد أن أوضح ان علاقتنا الزوجيه مبنية على عمود فقري واحد وهو
الصراحه والمصارحه

ونحن شخصان أو نحن شخص
يحب كل منا
الحريه
يحب كل منا
التواصل مع الاخرين
يحب كل منا
المساعده
يكره كل منا
القيود
يكره كل منا
الروتين
كل منا
يكمل الطرف الاخر أو بالمعنى الأصح
أنا+هو=1

اخواني
ما من خطوة أخطوها أو أخطيها بعالم الانترنت الا وهو على علم بها

ان كانت رساله او مشكله او شكوى او حل او .....أي شي
حتى المزاح (طبيعتي وطبيعته) أحاول الابتعاد عنه قليلا (لعيونه)


سهر حكاية أمل لا يعني اهمالها له أو تضييع وقتها مع هذا وذاك
وانما
حكاية أمل تعشق الهدوء وتكره الضجيج
فلا تجده الا بالساعات المتأخره من الليل قبل أو بعد صلاه قيام الليل
عند غرق أطفال الحي بالنوم العميق

اعذروني
هذه هي أنا

ونهاركم سعيد









 
التعديل الأخير:
الكرش

الكرش والعصبان
اكله لذيذه جدا جدا جدا...بس خياطتهم صعبه جدا جدا جدا

عاد نحنا لما نيجي نخيطهم أنا وشلة الأنس وقائد العصابه(حماتي وزوجات اولادها)
من تعبهم بنصير نقترح اقتراحات ...ونضيع التعب بالضحك
ومنهم
1- نوديهم لخياط الجزم والصنادل...(الله يكرمكم) وبخمس شواقل بيخيطهم وبيرجعهم ...ويا سلام لو يحط لكل واحده رباط
2- نوديهم لخياط الملابس وبرضو بخمسه شيقل بجيبهم مرتبين ومكويين عالبخار ومركبلهم أزرار وسحابات...لأن انا بحب أم السحاب وأحلى حاجه لو يحطلهم شويه دانتيل عالأكمام هههه
3- نجيب دباسة الكتب وندبسهم كلهم ونكتب عليهم بالطابعه Mad in Gaza
4- نجيب غراء الملابس ونلزقهم وأحلى اشي لما نحط عليهم برق ولمعه
:i:
بالاخير بيحبوش غير الخياطه اليدويه


قبل
be669f73d0.jpg



بعد
353a1a93ae.jpg



e161786b9a.jpg



 
غزة ...غناء...غوز <<<قصدي لوز


الأقصى ...أقصى فلسطين !!!
عجبي بردود بالمنتديات وهنا وهناك عن
بدل ما انتو فرحانين بأن محمد انتصر بالبرنامج ..روحو انتصروا على اليهود:g:

يعني عنجد أعداء الرسول (ص)وأعداء الأمه ...اقتصروا بس علينا ..وفكت فكينا يا اولاد وغسلو ايديكو وهاي رن الجرس فورسه !!
ماش هو أقصى الجميع ...ليش هيك بيصير
أنا عنجد بأتدايق من هالاشي

عنجد اللي بيعتبرو أقصانا لحالنا واعدائه اعدائنا لحالنا ...يجي ياخد مكاني (بلدتي ومدينتي وحيي وشارعي وبيتي)يسكن بدالي
ويحرر الأقصى لحاله .....وأنا بأعيش مكانه لو في متر أرض...بس يكون ببلد امان
أنا تعبت من الانتصارات..مليت منها ...ومن كترها ...مش عارفه وين أخبيهم ...في المطبخ ولا تحت الطاوله ...كتار

أحلى اشي بحكي لأحد الاعضاء هنا هادا الكلام ...رد بس نصلح سياراتنا أو يصلحو سياراتهم ...مش متذكرة بالضبط ...:b:

رد مقنع والله ...أعجبني فيه صراحته وروحه الرياضيه

احنا لما فرحنا مع محمد ...لأنا شعب عنجد بدو شويه فرحه ...بدو شوية اهتمام...بدو يوصل صوته للعالم بأي تمن ...بدو يفرح ويفرح ويفرح وبأي وسيله
ده احنا غلابه


ومساؤكم لوز أخضر






 
عودة
أعلى