تويت
باسكن روبنز بالأوريو بطريقة مبتكرة من مطبخي الكاتبة ساندرا ~
السلام عليكم والرحمة ~
كيفكم حبوبات ..؟؟
اليوم بتكلم عن حلا راقي جدا , مميز وطعمه جنان ..
وأنا محب ابالغ أو اكذب , ترى جد الشكل خلاب . والطعم غلاب
..قدمته لجارتي أم ندى وحبته مرة قالت لزوم مقاديرة وعجلي ..
وعند صاحبتي أم هديل , قالت أسعفيني بالمقادير والطريقة بسرعة ..
وأم محمد نفس الشيء ..
و أم سعد كمان وأم سعود بعد :$ .. << واجد ماشاء الله هع ..
عنوان حلقتنا اليوم باسكن روبنز بالاوريو وعين الجمل وسائل التوفي ~
لما قدمته ظنوا أنه جاهز , لأن جد باين أنه من باسكن روبنز اللهم صلى وسلم عليه ~
وأللي يجربه راح يدعي ليا على طول , من جماله وحلاوه طعمه ..
ولله ثم والله , أنو الكل داخ به , وراح أعمله عند جمعتنا مع قريباتي بيوم الربوع هادا ..
لأنهن داخو به ..
ندخل دحينه بصلب الموضوع ~
بخلاط الكيك :
7 حبات جبن كيري ~
علبة كاملة نستله ~
2 قشطة ~
ونخلطه لما يمتزجون سوا ..
نأخذ صينية نحط فوقها النايلون ,
ونحط باديه بها حليب ومويا شوي ونغمس بسكويت الأوريو لما نحس انو لان شويات ..
ونصفه بالصينية بطريقة زي ماهو موضح بالصور ~
ولو حبيتي أنو يصير جنب بعض بسكويت الأوريو , فا أنتي وبراحتك يا أميرتي :)
نصب الخليط اللي عملناه من شويات ..
فوقه بتساوي ..
نأخذ فنجانين سكر بني .. بطنجرة ولما يذوب السكر ويصير زي التوفي على طول نحط ..
عين جمل مكسرينه لقطع خشنه ~
ونستمر بالتقليب ..
ونسيبه على جنب ونحاول نبعدهن عن بعض , عشان مايجون بالاحضان << سرقت الكلمة من أم نادين
ونحط كم قطعة فوق الخليط بطريقة عشوائية ..
ونحطة بالفريزر ~
لليلة كاملة ..
وعند التقديم ~~
به طريقتين لتقديم الحلا , وكل طريقة أحلا من التانية , وأنتي أللي تفضلينه ياعسولتي ~
الطريقة الأولى /
أنظروا لدقة الصنع , سبحانه ..
شكله رهيب مرة .. طبعا زينته بسائل التوفي ..
الطريقة الثانية /
لم أقلب الصينية , وحطيت عين الجمل فوق , بحيث يكون الأوريو تحت ..
ونثرت كم قطعة من عين الجمل << سبت شويات منه , منشان التقديم ..
وأكلت منها , وأنا أتلذذ بشكلها وبطعمها أللي أسرني ..
فا أنتو , ايش رايك بهالطريقتين ..؟؟
لما فرجيت ضيوفي الكرام , ظنوا انه حلا 2 .. مهوب 1 ..
مبدعة الله يحفظني
وأتمنى أنو عجبكم الحلا , وتفرجوني تطبيقاتكم أحبتي :$
الله يسعدكم يارب |
الكاتبة ساندرا ^,^
تعليق