الحل الصعب.
Well-known member
قالو طنش لتئثر
حلم مات
شخص راح
دنيتك وع الهم اصبر
وانسى ماضيك اللي فات
اصنع الفرحه وكابر
عيش يومك
وامحي أمسك من حياتك
وأنسى كل الذكريات
ودوور على درب ن جديد
مافهمت
ولا استوعب العقل الكلام
يعني شخص بلا ضمير
ميت الإحساس بارد
بلاشعور
ما أبالي بالحياه
ولا أحزن ع البشر
ماعاني
ومافكر في الدقايق والثواني
يعني ما احلم أبد
ومابين إحساسي لحد
لا
حتى لو اني جماد
الحديد من جيت تقصه
صوته يوصل للبعيد
كنه يصرخ لك توقف لا تزيد
كيف وانا لي قلب ينبض
ودم يجري في الوريد
ماعاني مثل ربعي
لاغدى فيهم فقيد
هذا طبعي يا رفاقي
بالوفاء عايش سعيد