يا سبحان من صور

الشعر, قصيدة , شعراء, القصايد ارسال إلى Twitter ارسال إلى facebook
  1. عبدالله صالح العمري
    31-03-2013, 03:59 PM

    يا سبحان من صور

    يا سبحان من صور



    يا سبحان من صور

    تقول اوصف حلاك وفند الأخير من الأخير
    ***** تريد تشوف نفسك في عيوني كيف .. يا احلى الناس

    واقول .. ايش أقدر اوصف فيك .. وش خلي وش تخير
    ***** اذا حتى اللجين بمعصم ايدينك يصير الماس

    واذا اللؤلؤ تساقط من جبينك والزهر حمر
    ***** تشربه العيون وينتشيه الفكر والهوجاس

    وصور حالتي كني محارب بين كر وفر
    ***** يعد .. إن الهزيمه .. من عيونك .. والاسر نوماس

    تفضل رجع احساسي عليك الله .. ابا اتذكر
    ***** معك بعض الذي مني .. نسيته .. في حمى الالعاس

    لعلي أقدر اتخير .. مزايا عيوبك الندر
    ***** والاقي للشموس العذر ليه اتغيب في الاغلاس

    مدامه.. ليلك إن غطى .. نهارك ما يغيب .. اسفر
    ***** ذهب من بين شلال الظلام وشعت الاقواس

    وليه البدر موصوف الحسن .. كل ما كبر يصغر
    ***** وحسنك كل ما تكبر .. كبر وتعتق المياس

    اذا من حول جيدك .. مرت النحله عسلها در
    ***** يداوي كل شي .. إلا الهوى العذري يزيده كاس

    وانا هذا الدليل اللي .. غرقتك في البحر والبر
    ***** اموت ان جيت من خارج نطاقك بالتقط الانفاس

    كانك بين روحي والنفس و الصدر تتبختر
    ***** تراقب نبض قلبي والفكر والشوق والاحساس

    وانا كل ما يمر الوقت .. احبك اكثر واكثر
    ***** فوادي غصن شوق .. وعشقك العصفور والنسناس

    وتبغيني افند في وصوفك ايش .. تتصور
    ***** وانا حد العمى .. ما شوف غيرك.. في الامل والياس

    لبستك في عيوني نور.. ما هو نور .. شمس وبدر
    ***** تفاصيلك يشيب الها الوليد وتجعله .. رماس

    ويصرخ .. ايش نوصف فيك .. وانت الملح .. والسكر
    ***** مرارك والحلا .. لاجمل .. ملذات الحياه اقياس

    وتبقى في عيوني غير .. يا سبحان من صور
    ***** كأن الكون من غيرك .. جسد .. مافيه روح وراس

    وكنه كل شي فيني .. معك ضدي .. و يتضجر
    ***** اذا حاولت من غيرك .. أنام وغمض الانعاس

    عبدالله صالح العمري

  2. السحاااااااااااب
    31-03-2013, 04:11 PM

    رد: يا سبحان من صور

    يا سبحان من صور


    صح لسانك عزيزي الغالي واعتلا شانك
    تقبل مروري مع تحياتي وتقديري
  3. قرين الليل
    01-04-2013, 12:53 AM

    رد: يا سبحان من صور

    يا سبحان من صور


    صح لسانك أخي عبدالله

    قصيدة رائعة كروعة حضورك
    و بوحك الراقي

    تحياتي
    لك
  4. أوراق الخريف
    01-04-2013, 11:07 PM

    رد: يا سبحان من صور

    يا سبحان من صور


    صح لسانك استاذي الشاعر عبد الله صالح العمري

    على القصيدة المميزة والالفاظ العذبة

    تحياتي