12

رواية عاشقة الشيطان بقلمي قلب المحرق

روايتي الاولى - رواية قصة لم تكتمل ارسال إلى Twitter ارسال إلى facebook
  1. قلب المحرق
    25-03-2013, 09:13 PM

    رد: رواية عاشقة الشيطان بقلمي قلب المحرق

    رواية عاشقة الشيطان بقلمي قلب المحرق


    المشاركة الأصلية كتبت بواسطة الكاتبة ساندرا


    السلام عليكم والرحمة ~
    يعطيك العافية ملاكي ,
    أسم الرواية غريب نوعا ما , يا ترى أيش سبب هالتسمية ملاكي , إذ تسمحين طبعا

    متابعة لك ياعسل ,
    ومرورك
    https://v.3bir.net/128316/

    يسعدك ربي نبضي |
    يسعدني مرورج الحلو
    أسم الرواية غريب نوعا ما , يا ترى أيش سبب هالتسمية ملاكي , إذ تسمحين طبعا
    امممم اضن الجواب بتركه للاحداث القادمة :)
  2. قلب المحرق
    05-04-2013, 12:51 PM

    رد: رواية عاشقة الشيطان بقلمي قلب المحرق

    رواية عاشقة الشيطان بقلمي قلب المحرق


    [SIZE=6][COLOR="#4B0082"]البارت الثاني..رواية عاشقة الشيطان لقلب المحرق ..
    عنوان البارت ((يواصلني..يصد عني..ماتوقف دنيتي تمشي))
    ارجع قبل 5 ساعات ورا


    دخلت سحر مع ربعها
    البارتي الي سوتة صديقتها (هشوم) بمناسبة عيد ميلاد حبيبتها....
    كانت الصالة فيها وايد بنوتات وبويات بشكل خيالي...
    سحر مثل عدتها اول ما دخلت راحت الحمام ع طول
    ...
    في الحمام..
    دخلت الحمام وهي تعدل شعرها ...
    فتحت الباب ودخلت وجافت وايد بنات يتعدلون الي تعدل مكياجها
    والي تعدل شعرها
    والي تحط عطر ع ملابسها
    والي تغمج ع حمرتها ...
    سحر طلعت عدساتها من الشنطة ... ولبستهم
    عدلت مكياجها
    وعدلت فستانها وطلعت من الحمام وهي تحس بالحر من الزحمة ...
    حنان قربت من سحر وحضنتها من ورا وهي تضحك
    سحر التفتت لها وحضنتها
    حنان: وينج يادبة من زمان عنج ...؟؟
    سحر :هع هع انا دبة عيل انتي شنو تطلعين
    حنان :هههه.. فديتج والله تصدقين لج وحشة يالغالية ...؟؟
    سحر: احم احم هالكثر انا اخذ مساحة ؟؟
    حنان:ههه اقول خفي علينا يالرياضيات خخ قال مساحة قال ..
    سحر : ههه تصدقين وحشني الريض .. والمساحة ...
    حنان: ههه لا تخافين بيرجع لج بالمسك والعنبر بعد يومين ..
    سحر حك راسها : اووف الدوام بعد يومين ؟
    حنان بحزن: يب
    سحر: والله الوقت يمشي بسرعة ...
    حنان: جفتي اشلون .. هع هع اصلا ما ردنا للجامعة ..اوووف فديتج يالجامعة وفديت .فيديت. وفديت الي فديتهم
    سحر:ههههههههههههاي قصدج فديت سعدوون
    حنان بحب: يالبيه هاذي الانسانة كل ما اذكرها..يخفق قلبي..يخفق ...يخفق..
    سحر:هههه صج ما عندج سالفة الا اقول وين هشوم الصراحة اشتقت لها ..
    حنان: ايه اصلا انتي ما تشتاقين الا حق هشووم
    سحر: ههه فديت هشوم وطوايف هشوم ..

    في هالوقت سمعوا صوت وحدة يعرفونها زين وصوتها مميز عن غيرها
    هشوم من بعيد تصارخ : اه قلبي
    سحر ابتسمت وهي تصارخ : وش فيه قلبك؟؟؟
    هشوم: يعورني
    سحر ركضت وحضنت هشوم
    سحر: فديت اؤم من يابتج..
    هشوم بستهبال:اغازلة ومشي وراه وانا الي ببدى بالغزل ..
    سحر:ههههههههه فديتج يابعدي
    هشوم: افداج يانبضاتي
    سحر بحب: جان زين انا نبضاتج
    هشوم:انتي اصلا نبضاتي وروحي وقلبي وعمري وكلي بعرضي وطولي ... اش تبين بعد ..
    سحر:هههه ترا اجوف نفسي..
    هشوم:ههه جوفي نفسج بعيوني
    سحر:ههههه وربي عسل
    هشوم:وانتي النحل يابعدي
    سحر طقت هشوم بخفيف:ههههه وربي احبج
    هشوم رفع حواجبه: اقول ترا حبيبتي ما ترضى ..
    سحر برطمت: ووووويه ع حلات حبيبتج الحين
    هشوم بعصبية: سحر>>هشوم من النوع الي مايرضى احد يغلط على اي شخص قريب منه حتى لو كانت (سحر)
    سحر بضحكة:ههه اش فيج امزح فديتج وفديت حبيبتج وصدقاتج وهلج وامج وبوج واختج وخوج ويدج ويدتج وكل من تحبينهم ويحبونج
    هشوم:ههه ما خليتي احد ما قلتيه..
    سحر: ههه اش فيج انتي الغالية ..
    يات حنان وهي تطالعهم
    حنان: اقول انتي وهي بسكم غزل ماعرفنا لكم تتهوشون ولا تتغزلون في بعض كل اشوي لكم حال..المهم.. يالله ولعوا الجو لان الصراحة الاغاني مب شي .. وبعدين متى بتيي صاحبة الديجي
    هشوم : اممم اعتقد الحين بتيي

    في هالوقت دخلت علوي ومعاها ربعها ...
    علي راحت قعدت وبتدت بتشغيل الاغاني السنعة
    في البداية يات اغنية
    (شعلومة)
    والبنات دخلوا يترقصون>من الطفش 
    حنان عيونها على البويات الي دخلوا: هشوم من ذيلين
    هشوم باستغراب: من تقصدين؟؟
    حنان: الديجي
    هشوم: اية قصدج علوي
    حنان :لا الي معاها؟؟>>تقصد البويات الي مع الديجي علوي
    هشوم : مادري؟؟..ماعرفهم
    سحر بملل: اقول هشوم ما عليك من هاذي الملقوفة الي لزم تعرف العالم بكبره ... الا وين حبيبتك بعد قلبك عووش اش فيها مب جايفينها...
    هشوم: بعد اشوي بتوصل
    حنان: اش فيج سحور اكيد اهي للحين تتعدل ....اية من حقها مب البارتي لها ..؟
    سحر واصله حدها : اقول انتي جب.. بعدين تعرفون سوالفكم بايخة .. بروح عند (شمرقي) احسن لي من مقابلة هالوجة الي يملل الله يعين اذا انا وانتي في قاعة وحدة والله بيغمى علي
    ((سحر احيانا تملل بسرعة كبيرة لحد انها تتملل من الي حولينها اذا ماكانوا مبهجين بالطريقة الي تحبها ))....
    حنان بزعل: الي يقول انا ميتة عليج الحين
    سحر ضحكت ومشت

    مشت سحر وهي متجه نحو البوية الي قاعدة بروحها وشكلها طفشانة ...
    سحر قربت من (الشمرقي) وسلمت عليها
    سحر ببتسامة حلوة : اش لونج ..
    الشمرقي تبادلها الابتسامة:الون الي تبينة
    سحر:هههه كل الوان عليج حلوة
    الشمرقي بستهبال :هه اخجلتي تواضعي المحترم
    سحر: ههه زين لا....
    الشمرقي:هه شخبارج انتي؟؟
    سحر: مثل ما تجوفين عايشة والحمدلله
    الشمرقي اكتفت ببتسامة
    سحر : الحين انتي تشتغلين في الجيش
    الشمرقي: يب
    سحر: انزين ليش ما خلصتي الجامعة
    الشمرقي:تعرفين الجامعة وانا ما نحب بعض..
    سحر:هههه لا تخافين الجامعة تحب الكل بس انتي الي ما تحبينها..
    الشمرقي:شسوي بعد ..الصراحة بروحي مفتكة من الثانوية ودرست سنتين جامعة ولعت جبدي.
    سحر:بس حرام يعني بقى لج بس سنة وحدة وتتخرجين
    الشمرقي: ماردي اشتغل في الجيش
    سحر: وانتي صاجة.. المهم شخبار الشغل معاج
    الشمرقي: الصراحة في بداية التدريب تعب مب طبيعي لا تجوفين اشلون تركضين وتتعبين اووف الصراحة تعبت وايد في البداية بس تعودت ..
    سحر: الله يعينج بس.. المهم وين سمراوي ؟؟
    الشمرقي:اعتقد ماراح تيي
    سحر بزعل: افا ليش ..؟؟؟
    الشمرقي : والله مادري عنها..




    الحين بعرفكم عليهم
    سحر :بنوتة 21 بقت لها بس سنة لتتخرج من الجامعة
    حبوبة وجتماعية وتحب تعيش حياتها
    وسحر انسانة تحب الاشياء المميزة وانتوا بتلحضون هالشي من خلال البارتات اليايه

    ..............................................
    حنان ..بنوتة 21 بقت لها سنة لتتخرج من الجامعة
    ذكية وملقوفة في نفس الوقت وهي صديقة سحر من ايام الثانوية
    .................................................. .....
    هشوم ..بوية..22 اخر سنة في الجامعة
    اجتماعية ومعروفة..والي يصير معاها زين تصير معاه زين والي تصير معاها مب اوكي....... تصير معاها..... مب اوكي.
    يعني انسانة مزاجية
    .................................................
    الشمرقي
    22 سنة بوية متخرجة من الثانوية ودارسة سنتين جامعة وهي تشتغل في الجيش للبنات..
    الشمرقي معروفة بطبعها العنيد ومب اي بنت تكون معاها ريلكس
    .............................................

    نرجع قبل ثلاثة اشهر ورا..


    قطع افكار فيصل البنت الي مشت من قدامه وهي ترقص و تصارخ وتقول:يا ناس لعنبوا الدنيا الي تبكينا ... عيشوا حياتكم..

    فيصل ابتسم
    وذكر لين رقصت ملاك (ع اغنية وديني)
    وتصارخ ولا هامتها الدنيا


    يات بنت لبسة نضارة وشعرها بوي
    وحضنت البنت الي ترقص
    وهي تقول:مع نفسج.... هههههاي


    فيصل واقف منصدم من الي يجوفها

    هاذي ملاك
    ايه ملاك
    يعني ما ماتت
    معقولة تكون ملاك
    بس ملاك ماتت
    ماتت بحضني
    مستحيل تكون هي ملاك

    البنت دزت البوية بخفة وهي تضحك وتقول بصوت عالي: سمراوي خلج في حالج....
    السمراوي ضحكت بخفة: ههههه والله انتي فيج خلل
    سحر: خلل .. صلحية
    السمراوي:جاهزة افا عليج
    سحر: ههه لا مابي.. خايفة تخربينة ع الاخر
    سمراوي: لا تخافين اضبطج انه
    سحر: ههه لا ضبطي غيري ع راحتج .. خليني ع حالتي احسن لي
    سمراوي:ههههه لا ابي اضبطج انتي
    سحر بجدية : اقول سمراوي .. تكفين بلا مزحج تعرفين انا ما احب جية..
    سمرواي بخبث: بس انا اتكلم جد
    سحر : سمراوي بعدي الشر عني
    سمراوي بخبث: لا انا ابيج
    سحر عصبت: سمعي سمرواي انا مب من البنات الي معاج.. انتي تعرفيني زين انا اكثر من صداقة لا
    سمراوي:ماراح تخسرين شي يعني بس يوم واحد
    سحر بعصبية: سمراوي انتي تقدرين تلعبين ع الي تبينها بس علي مستحيل ... بعدين ترا انا وانتي عشرة عمر لا تخربين هالشي
    سمراوي: ههههههههههههههههههههاي
    سحر باستغراب: شنو الي يضحك
    سمراوي: شكلج ..
    سحر : هاهاهاها تستخفين دم يعني
    سمراوي: يمكن؟؟
    سحر ضحكت وحضنت سمراوي: ههههه ترا مب بس انتي صورتي الموقف ترا حتى انا..
    سمراوي بعدت سحر وهي تطالعها: شنو يعني
    سحر: يعني انا ماراح اكون من العابج لان انا متعودة اكسر العابي تعرفين ليش ...؟؟
    لاني سحر
    سمراوي ابتسمت: يعجبني ذكائج
    سحربضحكة استفزازيه: شكرا

    فيصل كان متابع الوضع بسكات
    كان مستغرب
    لكن مب من هالشكال الي خلاه يستغرب طريقة الكلام الغير المباشرة في الموقف الي جافه

    سحر بهدوء التفتت ومشت وهي تسب وتلعن في سمراوي الي واقفه وراها وهي مب مهتمه بالعيون الي تتابع خطواتها واسلوبها

    فيصل مازالت عيونه على سمراوي
    الي عاش وشاف الكثير منها لكن هاذي نوعا ما من ابشع هالنواع بنسبة له

    اما سمراوي كانت ردة فعلها كلش باردة طلعت السجارة وبتدت تدخن وهي تطالع الرايح والراد..>>انسانة غريبة وغامضة نوعا ما لكن بنتعرف عليها اكثر

    فيصل بينة وبين نفسة(( والله تغيرت الجامعة وايد
    بس مادري ليش هالبنت تذكرني بملاك
    تشبهها جنها هي
    بس الفرق الطول والجسم
    والصفات والاسلوب))
    ....
    .................................................
    دخلت وهي مقررة تجوف شنو يصير بهالمكان ودها تعرف شنو يصير داخل هالمكان

    اعرفكم فيها
    سارة
    بنت عمرها 19 سنة
    متخرجة من الثانوية وتدرس اول سنة جامعة
    سارة من البنات الي يغامرون
    سارة من عائلة متواضعة
    ومنتضمة .......... سارة اذا حطت في راسها شي تسويه لو يصير مهما صار
    سارة من لين كانت صغيرة وهي شجاعة وتقدر تسوي الي تبيه
    سارة من صغرها وهي تجوف
    هالبنات الي بين 20-واكثر واشكالهم تدل – لبنانيات – عرقيات- مغربيات-......يدخلون هالمكان>>سمحوني ماقصد احدد الجنسية او اقصد بكلامي اي احد
    مكان مثل الديسكو
    مكان للاسف موجود في البحرين وفي مكان معروف
    الي يدخلون فيه رجال من جميع الجنسيات
    سعوديين – اماراتيين- قطريين –عمانيين- كويتيين....
    هالمكان كل ما تروحه تجوف البنات الي اشكالهم ماتنوصف الصراحة يدخلون هالمكان
    من صغرها وهي تبي تعرف شنو داخل هالمكان شنو يصير
    بنت في مثل سنها ماتعرف شنو الي يصير حولينها وماتدري بالي ممكن يصير او يحدث لها.. قصة غريب حلمت فيها
    سارة كلمتني عن قصتها وهي بين احلامي
    عاشت معاي مدة اسبوع كامل >>لا ابالغ
    قالت لي كل الي صار معاها
    عشت معاها القصة وهي عاشت معاي
    دخلت خيالها وهي دخلت خيالي
    تكلمني عن هالمكان الي ما توقعته يكون جيه مكان كنت من صغري اتوقعه مكان عادي بس لين جفت هالشي من بين احلامي انصدمت عن حقيقة العرب للاسف
    انصدمت اكثر من الاشياء الي ماتوقعتها موجودة لكن كل ما نكبر نعرف الدنيا اكثر


    اولا بقول لكم شي
    ترا هالمكان مب متاكدة انه جيه لان بس انا حلمت فيه لا اكثر وحلمت بسارة
    فحبيت اقول لكم هاذي القصة
    اسبوع كامل وانا احلم في في منامي مع اني سمعت عنه

    دخلت سارة وهي لبسة مثل اي بنت تدخل هالمكان
    ....
    دخلت ويدها ع قلبها
    تخيلوا انا كنت اجوف بعيني كل شي
    تعتقدون شنو جافت سارة في هالمكان اول ما دخلت ؟؟؟

    نرجع البارتي عند ((الشمرقي وسحر))
    الشمرقي : انتي كله مبتسمة .. عمري ما جفتج زعلانة من يوم ما عرفتج..
    سحر ضحكت بخفة: لا تغرج الابتسامة .. تراني كلي احزان
    الشمرقي بستهبال :ههه بس ما اجوف احزانج...
    سحر: الكل حزين من داخل.. حتى لو انتي سعيدة بيي يوم تحزنين فيه..يعني الدنيا تضحكنا .. تبكينا.. تفرحنا .. تحزنا..هاذي هي الدنيا ما تبقى ع حالها
    الشمرقي تنهدت: تعرفين انتي الوحيدة الي لين اقعد معاها ما اتملل من سوالفي معاها..
    سحر بابتسامة : تصدقين حتى انا ..
    قطع سوالفهم ونضرهم البوية الي دخلت وهي في قمة الكشة بملابسها الراقية والمميزة وقصة شعرها البوي المرتبة بطريقة تدريجيه كانت حاطه يدينها في مخابيها الي في البنطلون البيجي
    الكل كان يطالعها ومتابعها كان شكلها جدا ملفت لحد يخلي الي مايعرفها يعرفها
    الكل قام يسلم عليها وهم يرحبون فيها



    سحر كانت تسولف مع الشمرقي بحماس لحد انها ما انتبهت لدخول سمراوي

    الشمرقي بصوت عالي:يا هلا والله ب سمراوي
    سمراوي قربت من الشمرقي وبحركة سريعة سلموا ع بعض

    سحر اول مانتبهت انها الي دخلت سمراوي قامت من مكانها
    وهي ملاحضة نضرات السمراوي لها
    سحر بتكبر رفعت عيونها وهي تطالع سمراوي بنفسية
    ...
    الشمرقي حست فيه شي بينهم
    كانت نضراتهم لبعض تثير الجدل وتلفت النضر نضرات غريبة مب مفهومة للكثير من الحاضرين

    سحر ابتسمت بستهزاء و مشت
    بس سمراوي مسكت يدها وسحبتها وبحركة سريعة حضنتها
    صارت سحر في حضن سمراوي لحد انها انصدمت لقرب سمراوي الشديد منها
    السمراوي همست لسحر: اذا جفتيني لا ترفيعن خشمج علي فاهمة..لا تخليني اكسره لج..
    سحر حضنتها بقوة وهمست لها في أذنها:انا خشمي فوق ما راح توصلين له ..
    واذا وصلتي له جوفي الانوثة فيني
    واسلوبي الراقي مع اشكالج
    ..

    كلام سحر دوم يخلي سمراوي تعصب لانها بختصار انسانة تعرف كل حركات هالشكال
    السمراوي ضحكت بصوت عالي محاولة تخفي غضبها الي اذا طلع راحت فيها سحر
    .. ضحكة مستفزه جدا لحد ان الكل استغرب منها ؟؟

    سمراوي قربت منها وباست خدها بخفة : المشكلة انا مب بس بكسر خشمج شكلي بعد بقص لسانج الطويل..

    سحر طلعت لسانها وهي تقول: هاذا لساني قصيه
    سمراوي سوت حركة خلت الكل يطالعهم بنصدام
    سحر بحركة سريعة دزت السمراوي ومشت ودقات قلبها تزداد


    السمراوي ابتسمت وعدلت جاكيتها
    وقعدت
    سمراوي انسانة تحب تلعب بعصاب الاوادم خصوصا (سحر)
    سحر بالذات راكبة راسها وحطتها فيه ومستحيل بسهولة تتخلى عنه
    الشمرقي الي جافته وسمعته للحين يكفي ان يشرح النضرات الي محد فهمها قالت وهي متأكدة : لا يكون حاطة عينج ع سحر؟؟
    السمراوي ببتسامة: تصدقين الصراحة اية..
    الشمرقي: بس ليش سحر بالذات
    السمراوي ابتسمت:سحر انسانة تخلي اعصابي تنفلت بشكل غير طبيعي لحد ان انا بالذات استغرب من نفسي
    سحر ثقلها غير)..
    حطيتها في راسي

    الشمرقي: ترا سحر مب سهلة...؟
    السمراوي بخبث: وهاذا الشي الي لفتني اكثر لها..
    الشمرقي اكتفت بابتسامة...
    .................
  3. قلب المحرق
    05-04-2013, 12:54 PM

    رد: رواية عاشقة الشيطان بقلمي قلب المحرق

    رواية عاشقة الشيطان بقلمي قلب المحرق


    تابع....
    سحر دخلت الحمام وهي منصدمة من حركة السمراوي لها
    دقات قلبها تزداد....
    سحر حطت يدها ع وجهها وهي معرقة من الموقف الي صار
    سحر انسانة تكره هالنوع من البويات سحر مب من النوع الي تتقبل هالاشكال بسرعة او حتى ترافجهم
    الا اذا كانت فيه اسباب تخليها تتقرب منهم ....



    طلعت سحر من الحمام وهي تحاول تخفي قهرها من حركة السمراوي لها
    طول ما كنت سحر تمشي و نضرات البنات عليها
    الي تضحك وتكلم رفيجتها
    والي يطالعونها وهم مكتفين بسكوت
    والي يطالعونها بحتقار
    سحر حاولت تمسك نفسها وما تهتم


    سحر صارت تمشي بثقة اكبر
    بس وقفتها البنت الي قالت بصوت مسموع
    البنت:والله وطلع من وراج مصايب...هههه يعني تسوين روحج ما عندج سوالف ولا شي وانتي السوالف بكبرها ...
    سحر بدون ما ترد عليها راحت صوبها وعطتها كف
    والبنت رجعت اكف لسحر
    واهنية ابتدت الهوشة


    سحر طبعها انها ماتقدر تسكت اذا احد غلط عليها

    بسرعة كبيرة البنات تيمعوا صوبهم وحاول يفجون بينهم
    بس سحر حدها معصبة وهي تصارخ وتمجع شعر البنت
    سحر بعصبية :مو انتي علشان تقولين هالحجي لي ...يالحقيرة يالخايسة تف عليج يابنت######


    سمروي كانت قاعدة وتسولف وتضحك بس جافت الاغاني سكوهم مرة وحدة والبنات بدوا يصارخون ويروحون صوب الهوشة

    السمراوي قامت تبي تعرف شسالفة
    بس تفاجئت لين جافت سحر اشلون تضرب البنت
    >>جنها وحش متهجم ع فريستة خخخ

    السمرواي في البداية تمت واقفة وهي تبتسم
    الكل مستغرب منها
    يعني سحر بتذبح البنت وهي قاعدة تضحك

    سحر بقسوة تضرب البنت من القهر الي في قلبها
    سمراوي اهنية قررت تتدخل ..بحركة سريعة منها
    مسكت يد سحر وقومتها عن البنت
    سحر وهي تصارخ:سمرواي هدني
    السمروي مشت وهي تسحب سحر من يدها وتدخلها الحمام
    وقفلت الباب ....................




    اما عند سحر ....
    سحر غسلت ويهها وتمت تطالع حالتها اشلون صيرة
    فستانها انفتح من قدام كامل
    ومكياجها كله راح وشعرها مغطي عيونها يعني شكلها من قلب ماينوصف
    السمراوي تمت تطالعها وتتابع حركاتها وهي مستندة ع الاجدار

    سحر تتحلطم وهي تعدل فستانها وتحاول تجوف لها حل لفستانها الي انفتح كامل
    توها متذكرة ان السمراوي معاها

    سحر التفتت لسمراوي وهي تطالعها
    سحر انتبهت ع نضرات السمراوي
    سحر بعصبية :يالقذرة شنو تطالعين
    السمراوي ضحكت بخفة وهي تعض شفايفها
    سحر قربت من السمراوي ومسكتها بقميصها :ليش تضحكين هاه ...شنو الي ضحكج؟؟
    السمراوي ابتسمت وهمست لسحر في اذنها:ههه ليش معصبة علي احد قال لج طقي البنت
    سحر طالعت بنضرات و
    رجعت للورا وهي مرتبكة
    بس السمراوي مسكت يدها وقربت منها
    حوطتها من خصرها وقربتها اكثر
    سحر كانت مرتبكة وخايفةماتحب هالشكال وماتحب تقعد معاهم في مكان واحد

    سمراوي قربت منها لين ماصارت انفسها الحارة ع رقبة سحر
    سحر حست برجفة غير طبيعية وهي تتحس ان قلبها بيوقف
    >>مستقرفة من قلب

    سمراوي حست برجفة سحر وابتسمت
    سمراوي فسخت جاكيتها وغطت سحر بعدين

    ......

    سحر وقفت منصدمة يعني هالحركة الي سوتة سمرواي بس علشان تلبسها جاكيتها




    .................................................. ................................


    عند سارة
    دخلت وهي متفاجئة من الي تجوفة
    يعني معقولة البنات يبيعون نفسهم بهالبساطة
    يعني هالكثر اهم رخاص

    سارة واقفة مكانها منصدمة من الي تجوفة
    صحيح كانت متوقعة هالشي بس عمرها ما جافت كل هاذا بعينهم
    كانت تسمع عن هالمكان وتقرا عن بنات الليل بس عمرها ما جافت كل هالشي بعيونها
    والحين لين جافت هالشي تمنت انا ما دخلت هالمكان القذر
    يات بنت صوب سارة وكان واضح ع البنت من ملامحها بحرينية
    البنت:هلا
    سارة برتباك:اهلين
    البنت:اش فيج واقفة اهنية ...لا يكون انتي جديدة اهنية
    سارة:اية توني جديدة
    البنت ابتسمت:هلا والله فيج انا عبير وانتي؟؟
    سارة برتباك:مب لزم تعرفين اسمي
    عبير :ههههه ليش خايفة اسرق اسمج منج يعني؟؟
    سارة:اش دخل ..بس انا مابي اقول اسمي
    عبير:اشدعوة يعني احنا بنجوفج اهنية كل يوم وما ندري شسمج ؟؟
    سارة:اضن الاسم مب لزم تعرفينة
    عبير:يلا اذا احد سألنا عن اسمج شنقولة ..ترا هذا شغل وانتي تحصلين مقابلة ع فلوس
    سارة:هههه ومن قال لج اني اشتغل اهنية
    عبير:شنو؟؟؟؟؟
    سارة برتباك:لا ولا شي ...انا اسمي سارة
    عبير ابتسمت:عاشت الاسامي
    سارة:عاشت ايامج تسلمين..
    عبير:امممممم طيب اش رايج تيين معاي عند البنات اهناك
    سارة بخوف مع ارتباك:لييش يعني..؟؟؟
    عبير:اش فيج سارة يمكن تكونين محضوضة واحد يقط عينة عليج ترا كل ما احد يختارج تربحين اكثر
    سارة:لا ماعليه بقعد اهنية احسن لي
    عبير:يه سارة اش فيج يبة ..تعالي يعني احسن من ما تقعدين اهنية بعدين ترا بتعرفين كل شي عن هالمكان مع الايام لا تخافين وانا بساعدج لا تخافين
    سارة اكتفت تسكت
    عبير مشت وسارة مشت ورها



    راحت صوب واحد شاب واضح علية كويتي
    عبير:شخبارك فهد
    فهد ابتسم:بخير شخبارج انتي
    عبير:بخير...ايه اعرفك هاذي سارة
    فهد ابتسم لسارة:هلا تشرفت بمعرفتج
    سارة اكتفت تبتسم......

    عبير:اممممممم اوكي اخليكم ع راحتكم تتكلمون

    سارة التفتت لعبير:عبير نطري..........
    عبير مشت وهي مطنشتها
    سارة التفتت لفهد وابتسمت
    فهد بادلها البتسامة :قعدي ليش واقفة.....
    سارة حست بخوف: انا عندي شغل مع سلامة


    سارة ركضت وطلعت من المكان ودقات قلبها تزداد اكثر واكثر



    اما فهد استغرب منها



    .................................................. ...............................
    نرجع عند سحر

    سحر طلعت من الحمام وهي تغطي نفسها بالجاكيت حق سمراوي
    سمراوي طلعت وهي تمشي ورا سحر بثقة

    رعد :سمراوي اقول اهم شي الجاكيت هاه
    سمراوي ابتسم:ههههههههههه اعجبك


    سحر كانت نضرات الكل عليها وهي تمشي
    سحر بدون ما تنتبة طاح الجاكيت مرة وحدة بدون سابق انذار

    لكن مرة وحدة تسكرت الانوار (الاضواء)
    تعالت الاصوات وصرخات البنات
    وزدادت الحركة
    وكان الكل خايف من العتمه


    عند سحر كانت قاعدة مكانها وهي على الارض وهي ماتجوف قدامها غير العتمة والسواد
    كانت في حركة خفيفة من وراها ماحست فيها
    سحبتها من يدها وهي تمشي بسرعة نحو باب الصالة
    فتحته بسرعة
    كانت سمراو ي ماسكة ايد سحر بقوة وهي تمشي بسرعة محاولة تطلع من الحفلة بسرعة كبيرة
    سحر كانت مصدومة الي صار معاها اليوم كثير بالنسبة لها
    وقفت سحر وهي تطالع باب الصالة
    سمراوي :اش فيج ليش وقفتي
    سحر التفتت لها وعيونها عليها:انتي الي سكيتي اليتات
    سمراوي حكت شعرها بخفة:اممم اشرايج
    سحر بستغراب:ليش سويتي جية ..انتي شتبين توصلين له
    سمراوي :انا مابي شي
    سحر:عيل تركيني في حالي
    سمراوي:هه ليش من قال اني ميته عليج
    سحر:عيل ذلفي مابي اجوفج
    سمراوي :متاكدة يعني بترجعين الحفلة جية
    سحر :كيفي
    سمراوي مشت وهي تلوح بيدها بعدم اهتمام:على راحتج
    سحر بتردد:سمراوي نطري
    التفتت سمراوي وهي مبتسمة:نعم
    سحر بتردد:من صجج صدقتي الي قلته ترا كنت امزح معاج
    سمراوي ابتسمت:متاكدة
    سحر بقهر:اية
    سمراوي بتفكير:امممم اوكي ..عيل امشي وراي
    مشت سمراو ي وهي متجهه نحو السيارة الفراري الصفراء المميزة عن جميع السيارات الموجودة
    سحر كانت منقهرة من الموقف بس مالها خيار ثاني
    سمراوي فتحت الباب لسحر وهي مبتسمة :تفضلي
    سحر ببتسامة خفيفة من ورا قلبها :شكرا
    دخلت سحر وهي تمرر نضرها لسيارة الفخمة الي موديلها مميز اشلون مايكون مميز وهي (فراري العنكبوت الاصفر)
    من احلى وراقى السيارت في العالم
    دخلت سمراو ي وهي تشغل السيارة
    مشت وهي ساكتة بدون ماتتكلم مع سحر كانت الوضع كلش عادي وطبيعي
    وكان الهدوء سيد الموقف اهنية
    سمراوي كانت مركزة على الطريق اما سحر كانت متابعة السيارت الي حولينها
    بعد عشر دقايق الهدوء
    تكلمت سحر وهي تقطع حبل الصمت :وين بتوديني؟؟
    سمراوي التفتت لها:بوديج بيتنا
    سحر :ماله داعي ابي اروح البيت
    سمراوي:بهاذي الحالة
    سحر سكتت
    سمراوي:ماعليه بالاول بروح بيتنا وجوفي لج اي شي تلبسينه عقب بروح مشوار بسيط وبوديج البيت يعني لا تخافين ماله داعي كل هالخوف
    التفتت سحر :ومن قال لج اني خايفة
    سمراوي:هه والله كلامج يحسسني اني وحش مب ادميه قاعدة
    سحر بنضرات خايسة:والله انتي محد يعرف لج
    سمراوي اكتفت ببتسامة
    وصلت سمراوي للبيت او بمعنى اخر (فلة)
    الكبيرة الي في امواج الي يم البحر في موقع جدا رائع الفلة كانت مميزة عن كل الفلل الموجودة حولينها بفخامتها وروعة تصميمها
    رواية عاشقة الشيطان بقلمي قلب المحرق
    سحر كانت نضرها ع الفلة الكبيرة دخلت سيارة سمراوي داخل بأشارة منها للحارس الموجود امام الفلة مع كلب الحارسة الاسود
    نزلت سمراوي من السيارة وفتحت الباب لسحر الي كانت نضراتها على الحوش الكبير المرتب الخالي من الاصوات والازعاج
    مشت سمراوي نحو باب الفلة
    وسحر كانت تمشي وراها وهي تتلفت يمين ويسار بطريقة بطيئة
    سحر استغرب من الصمت والهدوء في البيت
    رواية عاشقة الشيطان بقلمي قلب المحرق
    سحر:مافيه احد يسكن اهنية
    سمراوي:لا
    سحر بستغراب:يعني انتي بروحج ساكنة اهنية
    سمراوي:تقدرين تقولين جية
    سحر:انزين وين اهلج؟؟

    سمراوي ببرودة:ماعندي اهل
    سحر انصدمت وهي تطالع سمراوي :شنو ماعندج اهل يعني شنو مافهمت؟؟
    سمراوي:اممم امي عطتج عمرها وبوي كله مسافر
    سحر:الله يرحمها سمراوي اسفة اذا سؤالي ضايقج
    سمراوي:لا عادي تعودت
    سحر :ازين ماعندج خوات, اخوان, اهل اي احد؟؟
    سمراوي:لا انا وحيدة امي وبوي واهلي وبوي عندهم مشاكل وهم اصلا مب في البحرين كلهم برا ماعرفهم ولا قد مرة جفتهم ولا ابي اجوفهم بعد
    سحر:لييش؟
    سمراوي:ماعلينا لاتهتمين انا عايشة حياتي ومافي شي قاصرني
    سحر اكتفت بأبتسامة
    سمراوي فتحت باب غرفتها :هاذي غرفتي
    دخلت سمراوي وفتحت اليتات
    ودخلت وراها سحر
    كانت الغرفة خيال بمعنى الكلمة
    كبيرة جدا ووسعه
    واثانثها الابيض مع الاسود الراقي يزيد الرقي والجمال الي يزين الغرفة
    كانت مرتبة بطريقة خياليه
    سحر من قلب عجبتها الغرفة وتمنتها من اعماق قلبها
    صج الغرفة حلوة حلوة حلوة حلوة
    رواية عاشقة الشيطان بقلمي قلب المحرق
    [/COLOR][/SIZE]
  4. قلب المحرق
    07-04-2013, 02:01 PM

    رد: رواية عاشقة الشيطان بقلمي قلب المحرق

    رواية عاشقة الشيطان بقلمي قلب المحرق



    البارت الثالث..رواية عاشقة الشيطان لقلب المحرق ..
    عنوان البارت (( سباق المووووت )).....



    سمراوي فتحت باب غرفتها :هاذي غرفتي
    دخلت سمراوي وفتحت اليتات
    ودخلت وراها سحر
    كانت الغرفة خيال بمعنى الكلمة
    كبيرة جدا ووسعه
    واثانثها الابيض مع الاسود الراقي يزيد الرقي والجمال الي يزين الغرفة
    كانت مرتبة بطريقة خياليه
    سحر من قلب عجبتها الغرفة وتمنتها من اعماق قلبها
    صج الغرفة حلوة حلوة حلوة حلوة
    ارضيتها خشبيه بالون الاسود والرمادي السرير صاير في وسط الغرفة بمحذاة الجدار مع استايل خشبي بالون الاسود والرمادي وفوق السرير خانة مفتوحة خشبية بيضاء مسطيلة الشكل فيها ثلاثة كتب على اليمن وثلاثة كتب على اليسار وفي الوسط قطعة اثرية قيمة وغالية وفوق الخانة المفتوحة ساعة ذات اربعة عقارب بالون الاسود واطرافها ابيض ورمادي في قمة الرقة والذوق ويمه على اليمن ادارج من ثلاثة خنات صغيرة يمها مكتبة صغير مملوئة بالكتب ويمها دريشة صغيرة وفي الزاوية مابين الادراج والدريشة قطعة حلوة للمشاهدة ويم الدريشة ادارج فيها كتب مع الخلفية البيضاء للمكتبة وايطار الدريشة(النافذه)ويم الاداج قطعة سميكة (جدار سميك) وطاولة بيضاء فيها خشب(( ثلاث حطبات)) بطريقة كلسيكية راقية ولوحة فنية قيمة محطوطة على الجدار السميك (فوق الطاولة الخشبية الملتصقة للجدار )وفي وسط الغرفة امام السرير مباشرة جاكوزي على شكل دائرة بالون الابيض الراقي ويسارة كرسيان بالون الاسود والرمادي ومقابل الجاكوزي (السقف) تشكيلة دائرية وسطها ليت دائري رائع بضوئه الذهبي المصفر وقدام الجاكوزي فارغ واسع من مساحة الغرفة وفي طرف الغرفة باب لغرفة ثانية تقدمت سمراوي بتجاهه ثم دخلته وهي تفتح الانوار
    سمراوي : سحر تعالي ليش واقفة هناك

    عيون سحر تنقلت مابين السرير والجاكوزي الي لفت نظرها
    الى السقف والايتات الصغيرة المحيطة باليت الكبير ذات الضوء الذهبي المصفر الراقي الى الغرفة المفتوحة الي طلع منها صوت سمراوي قالت بصوت مبحوح:يايه

    دخلت الغرفة وجافت خانات عليها كلها
    مع مساحة الغرفة الكبيرة
    خانات فيها نعالات بمختلف الوان والاشكال ومختلف الماركات
    وخانات فيها كبابيس بمختلف الوان والاشكال والمركات والانواع
    وخانت كبيرة فيها بدلات رسمية بجميع الوان (البني والاسود والابيض والاحمر والرمادي وغيرها الكثير )
    وخانت اخرى فيها ملابس بمختلف الوان والمناسبات والمركات
    سحر حست انها في محل كبير فيه كل شي
    يجمع الملابس والحذاء والكابيس وغيرها غيرها الكثير
    طلعت سمراوي بنطلون اسكيني جينز بالون الازرق وفانيلة كحلية سنبل حدها تمت تتأمل لمدة فيها وهم بين ايدينها وتنقل نظرها لسحر ضحكت بخفه وقالت وهي تكسر حاجز الصمت:لبسيهم ع ما نروح نجوف لج ملابس سنعة تناسبج
    سحر تأمل البنطلون والفانيلة الي في يد سمراوي وضحكت:هه من صجج ومن قال اني بلبسهم
    سمراوي بتحدي:انا ليش فيه مشكلة
    سحر :هه وليش البسهم ماعندي ثياب
    سمراوي :الحين ماعندج وانتي محتاجة لهم
    سحر بعصبية :من قال ..بعدين انا مب محتاجة لشي وملابسي تكفيني وتزيد
    سمراوي:هه ليش انتي جافتني اتبرع لج بثيابي يعني؟؟
    سحر :اية عيل الي تسوينه شنو ؟؟ بعدين انا ماطلبتج ولا قلت ابي ثيابج
    سمراوي بستهبال:لا تكفين لبسيهم ارجوووج اذا ما لبستيهم بموووت لحقي علي ...كملت بجدية...ترا انا مب فاعلة خير اتبرع لج بثيابي جم مرة بقولها لج ..بعدين عادي ترا انتي ماتهميني بس الحين ماعندج شي تلبسينه اشلون بتروحين بيتكم وانتي هلون (بهالحالة )
    سحر فكرت اشوي وردت:اممم وانتي مالقيتي الا هاذلين البسهم
    سمراوي:انا ثيابي كلهم جية وهاذيلين احسن من غيرهم ومن الموجودين عندي لانه مافية ملابس بنات عندي وانتي تجوفين بعيونج واذا انتي على انهم ملابسي وانا لبستهم ..اطمنج تراهم يداد(جديدة) مالبستهم ..واصلا انا مالبس الا مرة يعني البس مرة وارميهم يعني مافيه شي مستخدم عندي
    سحر تمت تطالع سمراوي بنضرات وهي تقول بينها وبين نفسها (اصلا انتي عندج شي غير التبذير هاذي عندج فلوس الدنيا ومافيها اشلون مايكون عنج كل هالملابس لا وجان زين تستاهلينهم )
    سمراوي:هاه اشرايج
    سحر تنهدت:اوكيه شسوي بعد ..
    سمراوي ابتسمت وطلعت من الغرفة :خذي راحتج
    ابتسمت سحر بخفه
    بعد جم من دقايق طلعت سحر وهي تحك شعرها بخفه
    سمراوي كانت قاعدة على الكرسي وهي تطالع الارضيه بس ارتفع نظرها لسحر الي طلعت من غرفة الملابس
    سمراوي ضحكت من قلب وهي تجوف شكل سحر بثيابها
    سحر برطمت :اشفيج ليش تضحكين
    سمراوي دمعت من الضحك مب قادرة شكل سحر صاير مميز وتوحفة بالبنطلون القصير الي صاير مقصمل (قصير) والفانيلة الوسيعة الي ابد ما تناسبها
    سحر عصبت:سمراوي جب لا تضحكين علي ترا والله بروح افسخهم ولبس فساتني المشقوق
    سمراوي سكتت وهي تحاول توقف الضحك المفاجى :اوكيه خلاص ماراح اضحك بس والله يبي لج صورة
    سحر بعصبيه:لا والله
    سمراوي ابتسمت:هه اشفيج امزح معاج بس تعرفين اول مرة اجوفج بملابس وسيعة صاير شكلج كلش غير لا بعد البنطلون قصير صايرة تحفه والله بس يالله ماشي الحال ع ما نروح نشتري لج شي عدل
    سحر:اووف مايحتاي اصلا انا بروح البيت الحين مب لزم اشتري
    سمراوي:معقولة وبتفوتين السباق
    سحر بأستغراب:اي سباق
    سمراوي:اشفيج تابع للبارتي الي خطط له هشوم
    سحر بصدمة :من صجج يعني فيه سباق بيصير وانا مادري
    سمراوي بستغراب:ليش هشوم ماقال لج
    سحر :لا ماقلت لي
    سمراوي:المهم اكاج دريتي بتيين
    سحر :ليش انتي بتشاركين
    سمراوي:اكيد
    سحر بحماس:ابي اروح وياج
    سمراوي:يعني تكونين معاي في السباق
    سحر بتشويق:اية
    سمراوي:جربتي من قبل
    سحر :لا ودي اجرب
    سمراوي:خايف مايعجبج الوضع وتخافين ترا سباق مب يالله لعبة
    سحر :ادري انا ياهل مافهم ولا عرف شنو يعني سباق
    سمراوي ابتسمت:اوكي على راحتج بس بالاول بنروح نشتري لج شي عدل تلبسينه
    سحر:انزين متى السباق
    سمراوي :الساعة 2 الصبح
    سحر :والمرور
    سمراوي:لاتخافين كل شي برزنا له
    سحر :انزين من الي بيتسابق غيرج
    سمراوي:امممم هشوم والشمرقي ورعد وعلوي وشباب وجية يعني وايد
    سحر :صج هشوم والشمرقي وياج في السباق
    سمراوي:اية
    سحر :انزين ليش كل هذا
    سمراوي:تحدي
    سحر:بس هاذي فيها سرعة فيها مخالفة فيها خطر
    سمراوي: لا مافيها خطر دامج مجربه وحنا بنسويها بعيد
    سحر:لا شكلكم مخططين لكل شي
    سمراوي:نعجبج
    سحر :اوكي عيل بسرعة خل نلحق
    سمراوي ابتسمت:امشي معانا بس ساعة
    سحر :اوكي
    قامت سمراوي من مكانها ومشت
    لحقتها سحر وتتبعها بخطوات سريعة
    سمراوي :مندليف
    مندليف(الحارس):يس سيدي
    سمراوي:عطني مفتاح الفراري
    مندليف طلع المفتاح وعطاها
    سمراوي خذته وراحت صوب الفراري وفتحت الباب وركبت
    سحر لحقتها وفتحت الباب الثاني وقعدت
    فتح مندليف الباب الرئيسي للفلة بأشار ة من سمراوي
    بسرعة كبيرة تحركت الفراري ومشت
    سحر كان كل همها السباق واول مرة في حياتها بتركب مع سمراوي في سيارة وحدة وبيشاركون في سباق
    شي ماكانت تتخيله
    اولا تروح بيت سمراوي
    ثانيا تلبس من ثيابها
    ثلاثا تكون معاها في نفس المكان ويشاركون في سباق مع بعض في سيارة وحد ة
    كل هذا صار في يوم واحد
    عيل باقي الايام وش ممكن يصير
    ؟؟؟
    اخلي الجواب لبقية البارتات

    وصلت سمراوي للمحل الكبير المفتوح اربع وعشرين ساعة
    نزلت هي وسحر
    دخلت المحل وهي تسلم على البنت الواقفة :هاي مريام
    مريام ببتسامة :هاي سيدي
    سمراوي:كيف الشغل
    مريام:كل شي ماشي حاله
    سمراوي:زين ..مريام ابيج تنقين لنا بدلة حلوة مثلج وعلى ذوقج
    مريام ابتسمت:لمين ؟؟
    سمراوي اشرت ع سحر الواقفة بهدوء
    مريام ابتسمت:طيب دقايق وانا راجعة
    ابتسمت سمراوي وقعدت على الكرسي بهدوء اما سحر تمت تتجول في ارجا المحل
    وتجوف الملابس الي من مختلف الانواع والموديلات

    بعد دقايق
    يات مريام وفي يدها بنطلون اسود استرج مع قميص ابيض في اطرافه لون بني فاتح مع صديري بني وكعب بني بنفس لون الصديري
    مريام ببتسامة :شو رايك
    سمراوي اعجبها ذوق مريام مع انها ماتفهم بهالنوع من الملابس
    اما سحر عجبها بعد لكن ما بينت لها
    سمراوي:ماشي حاله
    مريام عطت سحر واشرت لها على غرفة التبديل
    سحر خذت الثياب ومشت بهدوء صوب غرفة الملابس تجوفهم عليها
    بعد دقايق من انتظار سمراوي
    طلعت سحر وهي في قمة الروعة
    الملابس ناسبتها وايد وراقت لجسمها النحيف والمرتب بطريقة مثيرة
    سحر ابتسمت:اشرايكم
    سمراوي ببتسامة وهي تمرر نظرها من اطراف اصابع ريل سحر لين طرف راسها :حلو
    مريام ببتسامة :كتير حلو عليكي بالعافيه
    سحر :ثانكس
    سمراوي طلعت البطاقة وعطت مريام:حاسبي
    مريام ضحكت:هه شو سيدي المحل محلك شو احاسب
    سمراوي :حتى لو كل شي وله حقه
    مريام ابتسمت:اوكي مو مشكلة
    سحر كانت منقهرة ومتفشلة من سمراوي مكانت تبي هالشي يصير
    ماتبي تحسس سمراوي انها محتاجة لها لكن شتسوي ماتقدر ترد البيت وهي تبي تروح السباق الي متشوقه له وبقوة
    سمراوي :هاه مشينا
    سحر:يالله
    سمراوي مشت وسحر وراها
    ركبت السيارة وتحركت
    طول الطريق والصمت سيد الموقف
    وقفت سمراوي والاشارة حمراء
    تحولت الاشارة خضراء ومشت كل السيارات الا هي
    سحر بستغراب:ليش ماتمشين؟
    سمراوي:اهنية بنبتدي السباق
    سحر بصدمة :شنو ؟؟؟
    سمراوي اكتفت ببتسامة
    سمراوي فتحت الجامة عشان تجوف من الي يصارخ عليها
    عند فيصل ..وقفت السيارات حسب الاشارة الحمراء..فيصل كان يبيب علشان يبي يمشي لكن لا حياه لامن تنادي مع ان الاشارة صارت خضراء والسيارات الي يمه مشت لكن السيارة الي قدامه مب راضيه تتحرك والمشكله ان فيه سيارة بعد وراه يعني بختصار وضعه زفت ..فيصل عصب من الانسان الغبي الي قدامه والي موقف السير نزل من السيارة وهو يصارخ على راعي الفراري الصفراء الي قدامه:انت اشفي امك موقف السير علينا ..انفتحت الجامة الي فيها راعي الفراري بشكل متدرج لين انكشف وجه راعي الفراري او بالحرى (راعية الفراري)كانت صدمة على فيصل انه يجوفها مرة ثانية ..اية اهي نفس البنت الي تشبه ملاك الي جافها في زيارته للجامعة قبل عدة شهور اية هي نفس البوية الي طبق الاصل من ملاك والي خلاه يستغرب اكثر وجود نفس البنت الي جافها معاها....
    قالت وهي بقمة البرود عكسه اهو الي يغلي من الداخل:نعم فيه شي؟؟
    فيصل حاول يبعد الشبه الكبير الي بين هالبنت وملاك من قدامه:يعني ماتدرين
    سمراوي فهمت اش يقصد وبتسمت بمكر:ايه الحين عرفت اش تبي >>تحاول تلعب بعصابه
    فيصل بقلة صبر :اقول تراج موقفه السير علينا بتمشين ولا اتصل للمرور يتصرفون معاج ..قبل ماترد سمراوي عليه سمع صوت بنت ناعم وهو يعرف هالصوت زين ..عرف انها صج سحر الي كانت مع سمراوي في ذاك اليوم الي جافها فيه ..
    قالت سحر وهي من قلب تمللت من القعده في السيارة:سمراوي بتمشين ولا بنزل, ترا تمللت من الانتضار اهنيه..
    التفتت سمراوي لسحر وهي مبتسمة:بس العرض بيفوتج
    سحر وهي تتنهد بقلة صبر:ومتى بيبتدي هالسباق اووف
    سمراوي تطالع المنضره (مرايا ):الحين ...
    سحر التفتت وراها وهي تجوف سيارات الفراري بمختلف الالوان..
    اما فيصل توه مستوعب السالفة الحين عرف ليش هي واقفة في مثل هالمكان رجع سيارته وجاف خلود قامت من اصوات السيارات الي خلتها تقوم...
    خلود تطالع فيصل:يبه ذلين السيارات ليش اهنية ؟؟
    فيصل بعفوية:اعتقد بيصير سباق ..
    خلودنقزت:واو وناسة ابي اجوفهم يبه..
    فيصل تنهد:اصلا غصب عنا بنجوفهم..
    خلود مافهمت شنو يقصد فيصل لان كل همها الحين تجوفهم اول مرة في حياتها بتجوف سباق حقيقي قدام عيونها
    ...
    المقصود من كلام فيصل ان عصب عنه بينتضر لين نايروحون السيارات
    اولا لانه في وضع صعب
    وثانيا لان ممكن يصير حادث او شي اذا مشى معاهم
    نزلت سمراوي من سيارتها وهي واقفة في منتصف الشارع تصارخ بصوت عالي:::::هاه شباب جاهزين للسباق..عطوها اشارة بيدهم بمعنى (اية)
    كانت السيارات كثيرة (المتابعة )مب المشاركة والمشاهدين ملئوا زوايا الشارع كانت السيارات المشاركة للسباق كلها فراري بمختلف الوانها ومديلاتها (استايلها)اعدادها تقريبا 8سيارات فراري
    نزل فيصل وخلود من السيارة ويد خلود مرتبطة في يد فيصل بس نسى فيصل البنت الي واقفة قدامه(سمراوي)
    اما
    خلود البريئة كانت متابعة السيارات الفراري الواقفة قامها بس لفتت نظرها البنت الي تصارخ(سمراوي)بشكلها المقارب جدا لملاك...توسعت عيون خلود وهي تجوف قدامها ملاك الي تضنها مثل امها او كانت تعتبرها مثل امها
    ارتخت يد خلود عن يد فيصل الي كان متابع الوضع بدون ماينتبه لخلود الي تركت يده بهدوء بدون مايحس ...
    اشوي اشوي انفصلت ايد خلود عن ايد فيصل وبحركة سريعة خلود ركضت نحو سمراوي الي متجهه نحو سيارتها لنطلاق السباق
    خلود تركض بسرعة وهي تبكي وتصارخ والدموع مغطية عيونها وتنادي :يمة
    التفتت سمراوي على البنت الصغيرة الي تركض نحوها بسرعة كبيرة
    وصلت خلود لعند سمراوي وحضنتها بقوة حتى ان سمراوي تيبست...

    اوقف اهنية وانتضر تفاعلكم معاي

    شنو تتوقعون رد فعل سمراوي
    شنو بيسوي فيصل وشلون بيتصرف مع خلود
    ؟؟
    اترك لكم الاجوبه

    مع حبي

    قلب المحرق
  5. قلب المحرق
    14-04-2013, 04:58 PM

    رد: رواية عاشقة الشيطان بقلمي قلب المحرق

    رواية عاشقة الشيطان بقلمي قلب المحرق





    البارت الرابع ..رواية عاشقة الشيطان لقلب المحرق ..
    عنوان البارت ((محتاج لكن ماني بحاجة فلووس)).....

    بالامس دورك تجرح واليوم دوري
    ماخذ بثاري منك والبادي اظلم

    لو تبجي عمرك ماتحرك شعوري
    مالتفت صوبك لوعيني تهل دم

    بالامس دورك تجرح واليوم دوري
    ماخذ بثاري منك والبادي اظلم



    اصبح وجودك عندي ماهو ضروري
    حرماني من عطفك ترا صار ارحم


    بفرض وجودي بكبريائي وغروري
    لاني بشعورك صدق ماصرت اهتم

    اصبح وجودك عندي ماهو ضروري
    حرماني من عطفك ترا صار ارحم

    بالامس دورك تجرح واليوم دوري
    ماخذ بثاري منك والبادي اظلم

    امشي برايك وانا بمشي بشوري
    لكن يجيك يوم تبجي وتندم

    وان تكلمت بغيبتي او بحضوري
    ماهمني منهو علي تكلم
    امشي برايك وانا بمشي بشوري
    لكن يجيك يوم تبجي وتندم


    بالامس دورك تجرح واليوم دوري
    ماخذ بثاري منك والبادي اظلم


    *******
    على انغام هذه الاغنية بنت قاعدة على اطراف الشاطىء
    تراقب حركة البحر وتتنفس الهواء الطلق
    بعيونها الناعسة
    ورموشها الي حولين عيونها يحمونها من رمال الشاطىء
    وشعرها المنساب مغطي عيونها
    وصوت اليهال
    وصراخهم
    وضحكهم
    يعم المكان
    شخصية كانت معانا في رواية (وش موقفك)
    شخصية تغيرت تغير سريع بشكل مذهل
    شخصية اسرت احداث الرواية وكانت من اهم الشخصيات
    المذكورة
    شخصية متحولة بختصار شديد
    نعم انها تلك التي كانت (((بوية)))
    نعم انها (خلود)
    لا غيرها تلك البوية التي اصبحت صديقة لملاك في احد الايام
    واصبحت جزء من حياتها
    خلود التي فقدت اسرتها
    فقدت امها منذ صغر سنها
    ثم فقدت اختها التي انحرمت منها سنوات كثيرة
    سبحان مغير الاحوال
    خلود من بعد خروجها من السجن الذي جلست فيه
    ثلاثة سنوات
    بسبب قتالها للمجرم
    الذي قتل اختها في حضنها الدافي بعد ان اجتمعا من جديد
    افترقا في تلك الحضة
    اه
    كم تألمت عندما فقدت امها
    ثم
    اختها وتوم روحها
    شوق
    ثم
    تلك الصديقة التي احبتها واصبحت كأختها الثانية
    ملاك
    جرت بها الدنيا الى هذه البلد الجميلة التي تقضي حياتها فيها
    وهي تحاول نسيان الماضي التي عاشته منذ الصغر
    فعندما تطلقت امها من ابيها كانت صغيرة
    لكن لين طلعت امها من بيت ابوها خلود طلعت معها
    اما توامها شوق تمت مع ابوها لشدة تعلقها فيه
    بس بعد سنوات عديدة ماتت امها
    وعاشت بروحها وحيدة ماعندها احد
    امها وايد عانت في حياتها وخلود المسكينة عانت معاها
    اشلون تنسى ذاك اليوم الي طلعت امها مع ربعها
    وخلود وشوق واطفال بكبرهم يلعبون في الحوش
    لكن ماكانوا يدرون شنو الي يصير داخل البيت او بكلمة اكثر تدقيق (داخل الغرفة)
    غرفة امهم وابوهم
    خيانة ابوهم لمهم واهم موجودين لكن مايعرفون شي محد يلومهم يهال مايعرفون قسوة الحياة
    بعد ساعات رجعت امهم
    وكانت رايحة غرفتها
    الا جافتها مغلقة لكن فيه صوت ينسمع منها
    فتحتها وهي كان عندها مفتاح
    وجافت الي بحياتها كلها ماتخيلته
    اشلون زوجها الي حاربت اخوانها عشانه يخونها لا ومع من ؟؟
    صديقتها
    صدمة
    وما اكبرها من صدمة
    ابو بناتها يخونها لا وفي غرفتها
    مع صديقتها
    وبناتها موجودين في البيت
    يعني اهي تزوجته عن حب وحاربت اخوانها عشانه اخر شي تجوفه يخونها مع صديقتها وفي غرفتها بعد
    بسرعة حملت اغراضها بدون ماتتكلم
    وخذت بناتها
    لكن انصدمت لين بنتها شوق صرخت عليها وقالت:مابي اروح معاج ابي ابووووي
    حولت معاها لكن للاسف بنتها عنيدة مثلها
    خذت خلود وطلعت وهي تقول بقلبها انها راجعة تأخذ بنتها الثانية الي هي توم خلود
    بس
    الي يصدم اكثر انها لين راحت بيت اخوانها الي مالها غيرهم في هالدنيا طردوها
    والحين شتسوي
    والمشكلة ماعندها شي لا فلوس وهي اصلا ما تشتغل
    بس معتمدة على زوجها
    الي خانها
    حسافة فيه كل هالتضحية والله
    لكن اشتغلت في محل في السوق تخيط ثياب
    كل هذا علشان ماتروح مذلوله لعند زوجها او تطلب منه شي لبنتها خلود
    وبنسبة لشوق المحكمة اتخذت امر
    ان البنات اهم الي يخترون مع من يقعدون
    طبعا خلود اختارت امها
    لكن شوق اختارت ابوها
    عقب تطلقوا
    وكل واحد راح في حياته
    وشوق وخلود انفصلوا عن بعض سنوات عديدة
    مع ان امها كانت تحاول تزور شوق وتجوفها لكن طليقها كان يطردها ومايخليها تجوف بنتها
    وشوق انزرعت فيها الكراهية بسبب ابوها الي زرع فيها الكراهيه لامها ولختها

    وعاشت في هذا الكره لين كبرت حتى لين ماتت امها ماتأثرت
    وفوق كل هذا
    حتى ان خلود وشوق في نفس الجامعة لكن ولا جنهم خوات
    وجان زين بس خوات
    ولا جنهم تووووم
    اكيد تسألون اشلون صارت خلود بوية وشلون رجعت بنوته من يديد
    بعد ماتوفت امها.. خلود وايد وايد تأثرت والمشكلة انها صغيرة وشلون تعيش ومع من تروح
    ؟؟
    لا زالت تتذكر ذاك اليوم
    تلك المأساه
    ذاك الام
    والجروح
    لين صارت تمشي في انصاف اليالي وسط الشوارع الخالية في الظلام
    بدون احد بعد امها الي ماتت من دقايق
    ماتت امها وهي بعمر 15 سنة تقريبا
    كانت حالتها لاتثرى عليها
    الدموع في عينها وتمشي في الشوارع وسط الم وجروح
    وسط معاناة
    وتعب فقدت كل شي
    فقدت امها الي ترعاها
    فقدت الروح والقلب امها
    مالها احد غيرها بهالدنيا القاسية
    جافت عمارة خالية اي مهجورة
    دخلتها وقعد وهي تبكي بألم
    لكن ماكانت تدري
    ان فيه سكرا داخل
    جوفوها
    وقتربوا منها وخذوا اغلى ماعندها بقسوة
    خلود بعد ذاك الوقت صارت مينونه
    انقهرت انها بنت
    تألمت بسبب ضعفها قدامهم
    خذوا اغلا ماتملك
    شنو الي بقى
    شنوو
    كل شي فقدته في دنياها
    مابقى شي لها
    وسط قهرها وألمها
    تحولت
    لانسانه ثانية
    صارت بوية
    بس مو اي بوية
    يمكن حتى كلمة بوية قليلة
    صارت اصبي
    مو بنت
    مب ذيج الضعيفة الصغيرة الي استغلوها سكرا في اشد ضعفها
    وفي اصعب اوقاتها
    مع الايام جافها
    الدكتور الي كانت يشرف على حالة امها
    والي هو في يوم من الايام خطب امها في شبابها لكن هي رفضت
    مع انه دكتور مشهور ومرتاح (غني)
    وصاحب ثروة وعز
    لكن رفضته وقبلت بالخاين الي غدر فيها
    الدكتور طلال خذا خلود وربها وحبها من حب امها الي كانت بقلبه منذ شبابه حتى الحين
    خلود صارت حالتها المادية فووق فوووق
    وكل شي يعطيها ومايقصر معاها
    وفوقها ربها مع اخوه الي تقريبا كبرها
    وحبها وعزها
    لكن حدث اشياء واشياء
    بعد موت اختها شوق
    وموت ملاك
    رجعت تلك الانثى
    لكن مب الانثى الضعيفه
    رجعت انثى من نوع ثاني
    انثى قوية شديدة
    فاهمة الحياة وعارفة كل شي فيها
    جربتها وعاشتها
    بمرها وبألامها
    وبكل اشكالها

    قامت من مكانها بهدوء والسماعة في اذنها
    على انغام (البادي اظلم)لمايد عبدالله
    خلود مو بس تغير شكلها واسلوبها
    حتى سماعها للاغاني تغير
    وصارت تحب تسمع اغاني مايد عبدالله اكثر شي
    تغير سريع في ثلاثة سنوات فقط
    حبت انها تتغير في كل شي وبكل شي
    وتصير انسانة ثانية
    حبت تتغير وتبتعد عن الماضي
    وعن كل الاشخاص الي تعرفهم
    حابه تبتدي حياة جديدة
    حياة غير تعيشها بسلام بدون ألم وجرح
    بدون معاناه
    بدون قسوة
    يمكن دخولها للسجن غيرها
    غيرها وايد بعد
    زرع شخصية جديدة
    دخلت سيارتها (الهمر)
    وهي تبعد خصل شعرها عن وجهها
    حركت السيارة وهي تتجول في ارجا دبي
    وقفت يم مطعم تروح له كل مرة
    راحت صوب ذيج الطاولة الي تحتوي على كرسين فقط
    لكن استغربت من وجود شخص قاعد
    وقفت بهدوء وهي تفتر يمين ويسار تجوف الطاولات خالية
    يعني شنو الي قعدة في هالطاولة بذات
    الطاولة الي كل مرة تقعد فيها
    قالت بهدوء:لوسمحت
    التفت لها بهدوء
    وتقابلت عيونهم في بعض
    لكن كانت صدمة
    صدمة كبيرة انها تجوف نفس الشخص الي تسمع اغنيته
    اية
    مايد عبدالله ماغيره
    قاعد في هالمطعم لا
    وبعد قاعد في كرسيها
    كان شكله احلى بوايد من الصور
    سكسوكته الخفيفة
    وعيونه البني وشعره الاسود الكثيف
    وبتسامته
    وكشخته كل شي فيه كان مميز في قمة الخيال
    قال بصوت حلو ومميز:نعم بغيتي شي
    خلود بنفس الهدوء وسط الصدمة الي في داخلها:لا بس استغربت انك جالس في مقعدي
    مايد ابتسم وضحكة خفيفه طلعت:هه اوكي انتي تقعدين اهنية في هالكرسي كل مرة
    خلو ابتسمت:تقدر تقول تعودت
    مايد ابتسم :اها اوكي مب مشكلة دام كل مرة تقعدين اهنية اعذريني اسف ماعليه بقوم بروح طاولة ثانية
    اهنية تفشلت خلود وقالت بعد تردد بخجل:لا ما اقصد بالعكس عادي اقعد انا بروح طاولة ثانية وانت ارتاح مكانك
    مايد :لا والله انا بقوم
    خلود ضحكت بخفه:لا ماله داعي خذ راحتك اسفة على الازعاج
    مشت وهي متفشلت بس وقفها لين قال:انزين قعدي معاي
    خلود وهي تستوعب الي قاله (قعدي معاي)
    مايد :يعني دام جية حياج وياي
    خلود تردد بس تشجعت والتفتت:بزعجك ماله داعي
    مايد ابتسم ابتسامة جذبيه :لا اشدعوه حياج
    خلود وابتسمت وراحت تقعد
    صار هدوء للحضة
    خلود كانت طول الوقت ساكته
    بس مايد كلش غير اكتشفت انه اجتماعي وحبوب
    مايد:انتي من الامارات
    خلود:لا انا بحرينية
    مايد :عايشة اهنية
    خلود:لا بس توني من ثلاث سنوات
    مايد:اها
    خلود ابتسمت ورجعت لنفس الهدوء
    مايد:انزين انتي تشتغلين
    خلود :ايه تقدر تقول جيه
    مايد:شنو ؟؟
    خلود:اممم في اذاعة
    مايد:يعني مذيعة
    خلود:لا بس مشرفة
    مايد :ايه الله يوفقج
    خلود:مشكور
    خذتهم السوالف وتعرفت خلود اكثر عن مايد عبدالله
    ماتوقعته جيه
    ولا توقعت انها بتقعد معاه وتسولف معاه
    شربت خلود عصيرها بعدها قامت
    مايد:بتروحين
    خلود:ايه
    مايد:تشرفت بمعرفتج
    خلود:الشرف الي >>قلت لكم ان خلود تغيرت وايد
    ابتسم مايد
    وخلود مشت
    .............................
    نرجع عند فيصل وسمرواي
    نزلت سمراوي من سيارتها وهي واقفة في منتصف الشارع تصارخ بصوت عالي:::::هاه شباب جاهزين للسباق..عطوها اشارة بيدهم بمعنى (اية)
    كانت السيارات كثيرة (المتابعة )مب المشاركة والمشاهدين ملئوا زوايا الشارع كانت السيارات المشاركة للسباق كلها فراري بمختلف الوانها ومديلاتها (استايلها)اعدادها تقريبا 8سيارات فراري
    نزل فيصل وخلود من السيارة ويد خلود مرتبطة في يد فيصل بس نسى فيصل البنت الي واقفة قدامه(سمراوي)
    اما
    خلود البريئة كانت متابعة السيارات الفراري الواقفة قامها بس لفتت نظرها البنت الي تصارخ(سمراوي)بشكلها المقارب جدا لملاك...توسعت عيون خلود وهي تجوف قدامها ملاك الي تضنها مثل امها او كانت تعتبرها مثل امها
    ارتخت يد خلود عن يد فيصل الي كان متابع الوضع بدون ماينتبه لخلود الي تركت يده بهدوء بدون مايحس ...
    اشوي اشوي انفصلت ايد خلود عن ايد فيصل وبحركة سريعة خلود ركضت نحو سمراوي الي متجهه نحو سيارتها لنطلاق السباق
    خلود تركض بسرعة وهي تبكي وتصارخ والدموع مغطية عيونها وتنادي :يمة
    التفتت سمراوي على البنت الصغيرة الي تركض نحوها بسرعة كبيرة
    وصلت خلود لعند سمراوي وحضنتها بقوة حتى ان سمراوي تيبست...

    خلود وهي مسكة سمراوي بقوة جنها خايفة تتركها وهي تصيح :يمة ليش تركتيني ليش جذبوا علي وقالوا انج توفيتي
    يمة اشلون قلبج طوعج تخليني بروحي اشلووون هىء هىء
    سمراوي مازالت منصدمة
    ماتدري ليش اهنية تذكرت انسانة تذكر الماضي تذكرت امها
    ماكان ودها احد ينتبه لها
    خصوصا سحر
    سمراوي دزت خلود بقوة الين طاحت على الارض
    مشت بخطوات سريعة وهي مرتبكة
    وفيها رعشة وخوف وغضب
    يعني شعور ماعمر سمرواي حست فيه
    دخلت السيارة وهي في قمة العصبية
    ماتبي تتذكر شي ماتبي تضعف ماتبي تتذكر
    اي شي يخص امها
    سحر كانت منصدمة عيونها مفتوحة على الاخر والصدمة مع الموقف الي جافت ماتقدر تستوعب الي صار توه
    يات البنت تصارخ وفي يدها علم مخطط ابيض واسود على شكل مربعات >>>مال السباق
    يعني السباق والسيارات بيتحركون
    فيصل ركض بسرعة يحاول يوصل قبل ما يتحركون السيارات
    خلود الصغير مرميه على الارض
    وسمراوي مايهمها
    ولا حتى مفتكره اصلا
    فيصل بسرعة حمل خلود بين احضانه وهي تصارخ وتبكي وتضربه على صدره
    تبي تلحق سمراوي
    بس فيصل مسكها زين ومشى

    مشت السيارات بسرعة
    سمراوي مشت بسرعة خيالية
    بسرعة جنونية
    حتى انها تجاوزت كل الفراري
    الي يمها بسهولة \

    سحر صارت تصارخ :سمراوي تبين تموتينا
    سمراوي صارت تزيد السرعة اكثر واكثر
    وسحر تصارخ اكثر:سمراوي وقفي
    سمراوي بدون ماتتكلم تزيد السرعة
    سحر تصارخ:اقول لج وقفي...وقفي ولا بفتح الباب
    سمراوي بعصبية:فتحيه لا
    سحر بعصبيه وهي تصارخ:سمراوي اقول لج وقفي اشفيج يالمينونه
    سمراوي بعصبية :بوريج المينونة شنو تسوي
    سحر بعصبية:سمراوي
    سمراوي زادت السرعة بعد وطلعت من الشارع
    يعني قطعت الطريق وراحت صوب الرمال
    سحر تصارخ :سمراوي لا
    ..............
    نروح عند امل
    في اليوم الثاني بعد صلاة المغرب
    نفس الموعد الي راح يطلون فيه هند وامل
    امل جاهزة بس ناطرة هند تمر لها
    ماهو انت الي تكلمني كذا>>الفون
    امل:الوو وينج
    هند:انا برا انطرج
    امل :اوكي طالعة
    هند:اوكي باي
    صكت امل الخط
    وطلعت من البيت وجافت هند داخل السيارة
    فتحت الباب ودخلت
    امل :سلام
    هند:وعليكم السلام
    امل :هاه وين رايحين ؟؟
    هند :امممم مفاجئة
    امل :اها حسستيني
    هند ضحكت بشفافية:ههه اشفيج من صجي ترا
    امل :وانا اشقلت
    هند:انزين ليش معصبة
    امل بعصبية :هند لا تستفزيني
    هند:ههههههههه انتي ليش جية جبريت اليوم ؟؟
    امل بعصبية:انتي احد يقعد معاج ومايصير كبريت
    هند بعصبية:شنو تقصدين؟؟
    امل:ولا شي
    هند:عبالي بعد
    وصلوا صوب الاشارة وهي حمرا وقفوا
    التفتت امل صوب دريشتها ونصدمت من الي جافته
    امل بصدمة:هند جوفي
    هند التفتت صوب امل:شنو؟؟
    امل :تجوفين الي اجوفه
    هند بغباء:شنو الي اجوف؟؟
    امل :هند جوفي من في السيارة الي يمي
    هند ركزت السيارة ونفتحت عيونها على الاخر بصدمة :عادل
    هند طلعت تلفونها وتصلت لعادل
    عادل :الووو
    هند بدون مقدمات:منو الي معاك
    عادل التفت صوب دريشته وجاف سيارة هند يمه
    عادل بتردد:انتي من وين طلعتي؟؟
    هند بعصبية:عادل لاتغير السالفة اقول لك منو البنت الي معاك
    عادل في قلبه( يادفع البلاء من وين طلعت هاذي ):هاه
    هند بعصبية:عادل لاتنرفزني اقول لك منو هاذي ؟؟
    عادل بستهبال:منو تقصدين
    هند صارخت:عادل منو البنت الي يمك
    عادل التفتت يمه وبتسم للبنت الي معاه بتوتر :مادري؟؟
    هند:عدووول لا تعصبني اقول لك منو هاذي البنت؟؟
    عادل:هاه
    هند:عادل منو هاذي ؟؟
    عادل بتوتر:والله مادري من وين طلعت
    هند بعصبية:عادل تبي اقول حق ابوي انت ماتخاف الله عيب عليك انت خاطب وبعد تكلم بنات لا وتطلع معاهم شنو بيصير بسحر اذا درت هاه
    عادل بعصبية:يزعم اهي الي مهتمة الحين مع من طالع
    هند بعصبية:عادل جب مب عيب عليك الي تسويه
    بقول لبوي انطر بس
    عادل بعصبية:قولي له زين يزعم خايف الحين بعدين لاتكلميني جية كأني ياهل جدامج فاهمة
    هند:عادل حسبنا بعدين انطر
    صكت هند الخط
    وياها اتصال من امها
    هند:الوو هلا يمة
    امها وهي تبكي:هند لحقي
    هند بخوف:يمة اشصاير
    امل التفتت لهند وهي تطالعها بستغراب
    تهقون اش صاير
    شسالفة
    تابعوني في البارت الياي ؟
    يوم السبت القادم موعدنا
    اتمنى عجبكم البارت
    ولا تبخلون علي بتعلقكم وبتوقعاتكم ؟؟
    مع حبي
    قل..المحرق....ب
12