صحيح جروحي هزتني لكن ما بعد أنكسرت


لا صد عنك من توده وجافاك
خله وجازه بلجفا
مثل صده
خلك عزيز النفس والعز مأواك
وكلن عطه تفصيل
ثوبه بقده
خص الرفيق اللي اذا
جيت حياك
وان غبت ياصلك
بالموده
 
اضحك مع الناس واخفي هم قتلني*.*

هم بوسط العين بين ومفضوح

اخفي دموعي بأبتسامه وكني *.*

كني سعيد بدنيتي بضحك ومزوح

وانا اللي فيني هم وحزن سكني *.*

لو سكن غيري من القهر مات مذبوح
 

فراق ؟ بسم الله الرحمن من ذكره


تكفى دخيلك لا عاد تجيب ذا الطاري




فوقتني يوم قلته من حلا السكره


ضيعتها سكرتي ياسكرة أنظاري




يا أمس عمري ويا يومي ويا بكره


فراقك اصعب علي من يوم مقباري




اشتاق لك وانت قدامي على فكره


يعني تصور بغيباتك وش أخباري ..!!




ملامح السعد قبل أعرفك منكره


واستوضحت يوم شفتك يابعد داري




أبواب قلبي على من جاه منسكره


وأعذاري انك هنا .. يامسمن اعذاري




ياعين حر نداوي معتلي وكره


ياجملة ما تعب تكرارها القاري




يزين فيك البحر والقاف والفكره


لولاك ماشفت حي يطرق أشعاري




جاورت روحي .. وقلبي صرت محتكره


والقلب قلبك وخذ راحتك ياجاري




سلمتك رشا الهوى والدلو والبكره


وانا لك البير وأغرف كامل اسراري




وان كانك تسوق لي من الغلا بكره ؟


قد سقت لك من صميم الخافق أبكاري




سويت فيني جميل أعجز على شكره


علمتني ان الليالي متعة الساري




وعلمتني كيف أحب وكيف ما أكره


وان التفائل يلبس حظي العاري




إلا بقا شي ياغالي : على فكره !


ترى حياتي بدونك مالها طاري..

 

بعض الجروح ان صابت القلب تنهيه


و بعض الجروح .. تزود القلب قوه



الله كتب.. و القوس في كف باريه



و اللي تشوفه يا أبيض الوجه .. سوه
 
الا يا الله ياللي تفتح لدعوا الدعاه أبواب
طلبتك لا تضيقها علي و تقفل أبوابي

أبي ذكر يجملني مع الاقراب و الاجناب
و لا تكسر شموخي في عيون أعداي و أصحابي

لو انها تنحسب في ضربة المخلب و عض الناب
انا متغدي بالوقت من قبل أيتعشابي

أجابه حض و لاحزان و لاحب و لا أحزاب
عموما بستمر اوقف جبل و يطيح شذابي

ثمان سنين و أنا اطمح و خمس سنين و انا أرتاب
ألين اقفو عليه أهل القفا و أقفا و قفابي

و ضع قلبي على جمر الغياب و ذاب حتي ذاب
وساح وساح وساح وساح وساح وطير أسرابي

لماذا و الا ليه و كيف و الا شلون عني غاب
و أنا وجودي وجوده فالبلد و غيابه غيابي

احبه كثر ما قفا عن عيوني بدون أسباب
و كثر ما املاله أكواب الغلا و ينثر اكوابي

انا رجال ما يؤمن بقول ان الزمن غلاب
يغلبوني رجال ولا الزمان يصير غلابي

عليك الله و امان الله و ستره يبيض الجلباب
ترى مابي يبيك و لا تزعلني على مابي

تعبت اعلقك بين النجوم و تطلع الكذاب
و تعتبت اوسع الخاطر معك و تضيق بي ثيابي

معاد اضني اتجمد على صدرك رضا و أنساب
بعد و لعتلك سيقارتي و احترقت أعصابي
 
سولفت للغيم بعض اللي تحملته
لجت بروقه بصدره ضيق من حالي

قلت القليل وكثير أهملت ما قلته
وأشوفه أرخى جفونه يبكي قبالي

لو شيلته السنين السود ما شلته
ما ظل بالأرض نبت ولا لها والي
 


ياليل ارحل وخذ معك كل التصاوير

واتركني اداري جرحي المسكين


زادت جروحي بك طعون مع المساهير

وتمنيت الامي تهدا على كثر الأنين

ياليل دور لي دروب ومقادير

امشي بها في ظلمتك لو القمر سجين ....
 

حاولت اخفي دمعي عن اللي يحبوني .....

اجامل من يكلمني وضحكي كله من قهري ....

ولا منه خلا جوي هلت دمعة عيوني .....

انا ما قتل ** قلبي ** سوى غالي رحل عني ....!!
 
روحي وهالمره خلاص لاتردين!!

هذا الفراق وروحة دون رده ....

الكذب خيبه ما عرفتي تحبين !!

ما أنتي من يستحق الموده ....

ماتعرفين الحب والعطف والين !!

ولا عاد في قلبي على الحب شده ....

==================
 




خلني أسولف هدوءك حيل محتاجه


أحيان مانتفق والسالفه تكبر


لا شفتني حيل ضايق طالبك حاجه


خذني على قد قلبي كثر ما تقدر

 
عودة
أعلى