قلت أحبك وناظرتني...

بوح الخواطر, مشاعر وخواطر من قلبي ارسال إلى Twitter ارسال إلى facebook
  1. mahboob_aziz
    26-01-2007, 10:02 PM

    قلت أحبك وناظرتني...

    قلت أحبك وناظرتني...


    قلت
    " أحبك....!! "
    وناظرتني...
    وضحكت....!!
    وأشرقت عشرين شمس
    وأهلكت عشرين ليل
    ,
    قلت
    " خير...؟!
    كل هالضحكة على كلمة أحبك...؟! "
    قالت
    إسمع ياعزيزي...
    منهو اللي مايحب الحلو " مثلي" ...؟!
    يالله...
    إسأل أي واحد
    وشوف رده وش يقول...؟!
    كلهم بيجاوبون بصوت واحد
    " كلنا نحبها...!! "
    بس كله ياعزيزي حُب كذب
    ,,
    حبهم " بس " لجمالي
    وشكل شعري
    ورد خدي
    ونحف قدي
    وصفت البيض الرهايف
    وإنهزاعي
    وميل خصري
    والتغنج ... والدلال ... والسوالف ... والخبال ...!!
    وخف دمي ...!!
    ,,,
    بس هذا ياعزيزي ماهو حب ...
    هذا إسمه شيء ثاني ...!!
    هذا إسمه
    حب " نزوة "
    هذا إسمه
    حب " شهوة "
    هذا إسمه
    عطني حاجة يا جعل ربي يحفظك
    وعقبها
    قوم عني...وروح باللي مايحفظك
    هذا هو حب البهايم ... حتى لو لبسوا عمايم ...
    ما تطهرهم أبد ...!!
    كلهم طيش ... ولقافة ...!!
    وما يعرفون الثقافة ...!!
    يحسبون الحُب يشرى بالريال ...!!
    هذا إسمه
    حب ليل
    وزبدته باكر تسيح
    وبيته الواهي يطيح
    هذا حبك ياعزيزي
    ,,,,
    أنا روح
    عارف أيش يعني روح...؟!
    ماني بالونة هواء
    و" تمثال " شمع...
    عندي قلب
    وعندي عين
    وعندي دمع
    والجمال اللي تشوفه مايدوم
    كلها وقت ويروح
    وتحب غيري
    هذا حبك
    هذا شرعك بالهوى
    مايجيب إلا الحكي
    والسوالف
    والجروح
    تكفى روح
    يالله خليني لحالي
    ,,,,,
    تكفي نزوات وألم
    مانقص قلبي جروح
    يالله روح
    أنا احب اللي هواني
    في كلامي
    وإحترامي
    وطيب قلبي
    وهام في روحي هيام
    يسهر الليل يهذي بي
    ماينام
    مايبي " نزوة " وبس
    ومايزوّر لي قصيدة
    من لسانه ... لين إيدة
    ماتمر حروفها قلبه
    ,,,,,,
    لا
    ياهاوي
    ياشقاوي
    الهوى ماهو كذا
    الهوى ماهو شكاوي
    الهوى ماهو " أحبك "
    الهوى عطر وشذى
    الهوى مو للبنيّة
    الهوى لروح البنية
    الهوى إحساس ومشاعر
    مايعرفه كل شاعر
    الهوى مثل المطية
    منفعة
    مع طيب نية
    ,,,,,,,
    ولوتقدم لي هدية
    لاتقول " اني أحبك "
    قل أنا معجب
    وبس...
    وكان فيك إحساس...حس ..!!
    لاتناظرني جسد
    أنا بنت رجال
    وأخت رجال والله وأعجبك
    وإن بدت لك حاجةٍ أقوى عليها
    سم ...
    وأبشر بسعدك ...!!
    ,,,,,,,,
    صعب ياصل لي كذوب
    مو على كلمة أذوب
    أنا صعبة حيل ... مرّة
    أنا " مهرة " ... من حصان
    أنا حرة
    بنت حرة ...!!
    أنا ما أحب الذنوب
    وماظفر فيني لعوب
    بيتي محارة ذهب
    لو فتحته
    شفت " درة "
  2. سراب الدمع
    29-01-2007, 09:39 PM

    رد : قلت أحبك وناظرتني...

    قلت أحبك وناظرتني...


    صح الله لسانك
    والله يعطيك العافيه .

  3. mahboob_aziz
    03-02-2007, 10:58 PM

    رد : قلت أحبك وناظرتني...

    قلت أحبك وناظرتني...


    اهلا فيك يالغالي اشكرك ياغالي على المرور والمشاركة