... 2575115116117118119120121122123124125126

.. زهـايـمر حكـي .~

مدونتي, مدونة يوميات الأعضاء, دون ما ترغب به واسترسل في افكارك بدون ان يقاطعك الاخرون ارسال إلى Twitter ارسال إلى facebook
  1. تنهيدهـ
    09-02-2020, 09:53 AM

    رد: .. زهـايـمر حكـي .~

    .. زهـايـمر حكـي .~






    توصيني عليك وقلبي متوصي ..؟


  2. تنهيدهـ
    09-02-2020, 10:19 AM

    رد: .. زهـايـمر حكـي .~

    .. زهـايـمر حكـي .~







    ليمتى .. والوقت ضايع بين أمس وبين باكر ..


    أكثر شي أتأمله في حياتي طريقة تفكيري كل سنه .. وايش اللي تغير فيني
    وهل هو للأحسن ولا الأسوأ ،،
    غالبا انا قاعده اخفف من قائمة البلاك ليست في الافكار اللي تربينا عليها
    واشيل الامور اللي حطوها في هالقائمة من غير ذكر سبب ..

    عيب ..
    ليش عيب طيب .. ؟
    كذا لأنهم يقولون عيب ..

    مجرد عادات ما انزل الله بها من سلطان ..
    انا فتحت مدونتي ٢٠١٢ اتوقع او ٢٠١٣
    من ضمن الامور اللي كتبتها ومخليتها لاني احب اشوف قد ايش كان التفكير صعب ..
    اسمي ،، الاسم حاطته عوره

    وت هابينددددد ..
    من جد كانوا يقولون عيب تقول اسم اختك .. الا اذا تزوجت او ماتت لمجرد الاعلان بس ..

    ماعلينا .. حنا قاعدين ننقل تفكيرنا لمرحلة السلاسه العظمى .. علشان لو فكرت
    اجيب عيال ،، ما ابثرهم بعقدي ..



    تصدقون صايره اشوف نقاشات ارد عليها في مخي .. واوقات امر عليها
    واقول شهالفلسفه اللي مالها سنع .. واطنش ..
    احس حرام اقعد اناقش شخص في فكرته بدون ما اقنعه بالصح او يقنعني
    لاننا يمكن نكون بنفس المسار للفكره بس النتيجة غلط ..
    لان داخلنا مو تمام .. وتفكيرنا يشطح مره ..

    امس تناقشت انا وشخص كان يقول المراه والمراه ازعجني وهو يحسسني
    انها سبب فساد قلبه .. الزبده جلدته .. وحسيت انه بدا يقتنع
    لأن الغلو في فكرة قديمة له نتايج مالها اي تبرير الا اعتلال في التفكير ..
    والاعتلال مزمن اكيد ومتوارث ..
    وشفنا من فتره اكثر من نتيجة للجهل والتخلف اللي انتهت بقتل وما الى ذلك ..
    نظف عينك ونيتك وقلبك بس .. وعيش بسلام داخلي ..
    واترك الخلق للخالق ..


    نرجع نقول ماعلينا .. لان الواقع ماعاد يحتمل جدل ..
    قرف لا متناهي من الافكار اللي شوهت الفكرة الاساسيه للحياة ..


    كل واحد ينتبه لنفسه وحنا في خير < تنهيده قري ..



    بروب ..




  3. تنهيدهـ
    09-02-2020, 10:26 AM

    رد: .. زهـايـمر حكـي .~

    .. زهـايـمر حكـي .~





    تتذكرون لما كنت ادون صوت هههههههه اتوقع هذي كانت من ضمن افكاركم السودا .. عيب وعوره ..
    والحين نوال العيد بشحمها ولحمها تطلع صوتها سناب .. بس لانها ملتزمه
    عادي اتوقع ولا ؟

    عاد ناسيه كيف ادون صوت .. بس ان شالله قريبا .. اتذكر
    وادون ..



    سي يا
  4. تنهيدهـ
    16-02-2020, 11:16 AM

    رد: .. زهـايـمر حكـي .~

    .. زهـايـمر حكـي .~





    بالوقت اللي أشوف كل واحد يدور على نصه الثاني أنا جالسة أحافظ على نصي الأول اللي مع الوقت يبي يتحول ربع .



    للامانه عندي سالفه بس ماقدرت ادون ..
    برب ..





  5. تنهيدهـ
    04-03-2020, 08:40 AM

    رد: .. زهـايـمر حكـي .~

    .. زهـايـمر حكـي .~


    ,,


    ولهان لي قد ما اوله له
    وقلوبنا حيل مرتابه


    تدوينه صوتيه ..

    https://l.top4top.io/m_1524g7g3g1.m4a




  6. تنهيدهـ
    23-04-2020, 09:17 PM

    رد: .. زهـايـمر حكـي .~

    .. زهـايـمر حكـي .~








    كل عاااااام وأنتم بخير يـ أصدقاء
    ..















  7. تنهيدهـ
    15-05-2020, 10:49 AM

    رد: .. زهـايـمر حكـي .~

    .. زهـايـمر حكـي .~





    كثير
    أمور ودك تكتب عنها ولما تتحمس يخيب ظنك اللابتوب وتضطر تأجل ..
    والله عندي كثير سوالف ودي أسولفها بس ماش الظروف تحول دون ذلك ..

    لذا خلوني أقول إنه مصاحبة الناس الضحوكه اللي تحب الحياة واصحاب الحس الموسيقي العالي
    يخليك تحب أمور كثيرة في نفسك وفي الحياة .. زد على هذا ممارسة الرياضة اللي ترفع نسبة ثقتك
    في نفسك وتحفز هرمونات السعادة داخلك .. ب اختصار اللي يبي الحياة يعرف لها ..
    وربما الفترة الماضية وهالفترة الحالية انا من اسعد الناس في حياتي ..

    حبيت اطمنكم علي مبدئيا ..
    ولنا لقاء اخر ..
    سي يا ..







  8. تنهيدهـ
    02-06-2020, 11:05 AM

    رد: .. زهـايـمر حكـي .~

    .. زهـايـمر حكـي .~





    كل عام وانتم طيبين ~ ..
    مع انها متأخرة وكذا .. بس كل ما ادخل هنا انشغل .. بس تصدقون اجمل شي في الحياة
    انك تشغل نفسك بأشياء تحبها .. وانا من تالي دخلت في مود الفن بشكل قوي
    سميعه وكذا ..
    وتعرفت على اصوات جميلة بشكل ماتخيلته .. اذا غنت اطربت وخلتني استكن ..
    اصلا عزف الريشه على الوتر يضيعك يوصلك لمتاهة ثانيه وعالم ثاني ..
    وغير هذا الكتب .. عندي اصدقاء قراء اضافوا لمكتبتي كتب جميلة بتوصياتهم ..
    يعني ما اخفيكم انا قاعده استمتع بثلاث امور وخلتني احب الحياة بشكل ثاني ..
    فعليا الاستناد على امور مثل هذي اجمل من الاستناد على الاشخاص او انتظار شي منهم ..
    انا حاليا داخله في هذا المود من سنه .. مجرد اني اتسمع واصقل مهاره السماع عندي واضيف لنفسي
    كلمات جديده من القراءة ..
    اما الشي الثالث اللي هو الرياضة .. الحمدلله وصلت للوزن المثالي والشكل المثالي .. والحين احتاج
    شي بسيط بس واوصل لاخر هدف في بالي .. من ناحية الرياضه ..

    والله اكتشفت انه الانسان هو اللي يشكل حياته ويلون يومه بالشكل اللي هو يبي ..
    دايما اقول ان الحياة بسيطه وحلوه بس فعليا توي ادخل في المود البطل معاها :)

    ولكل اللي احبهم هنا احب اقول ..
    مررررررا ايمسييييييو ..
    وشكرا ع كل الكلام الحلو بالصراحه او بالتقييم ..
    انتو شي جميل ياخي .

    هذا اخر شخص تعرفت عليه اسمعوا له ..
    https://youtu.be/TNrYFgxPwY0

    انا لما يقول بردان اتسلطن :))




  9. تنهيدهـ
    14-10-2020, 04:26 PM

    رد: .. زهـايـمر حكـي .~

    .. زهـايـمر حكـي .~




    تركت الدوام هالترم ومنسدحه في البيت برضا تام وتقبل واخذ مصروف
    وبما اننا نقلنا اخر الرياض الوضع بالنسبه لي مره يأهل اني اريح مخي
    من الزيارات والطلعات والدخلات اللي مالها داعي .. صرت بس نادي وبيت ناويه
    على شي جديد بعد ما وصلت للوزن والشكل اللي ابيه ..
    تقدرون تقولون الحين اني فعلا استحق جائزة الاصرار .. على الوصول للي ابيه
    وحاليا ادور ارفع بنية الكتلة العضلية عندي .. واسعى اني اخذ شهادة في هالمجال بما اني حبيته
    بس للحين مافيه جهه تدعمها بشكل واضح ..

    عموما وحشنا المكان واخباركم ..؟
    انا من عقب ما جاني كورونا احس اني صرت انسى زيادة .. ناس وذكريات وحتى الاشياء
    لما احطها بمكانها اجلس ادورها .. وحالتي جدًا صعبة ..

    بس الجديد فيني كشخص ان ذائقتي الفنية مره تغيرت جذريا .. صرت اسمع شي تستحق
    الاذن تسمعه .. مش الفن الهابط .. وغالبا رجعت للقديم .. لان الجديد اغلبه هابط ..

    السواليف واجده بس هذي رؤوس اقلام بما اننا دشينا نطل وچذي ..
    وحشتنا طلة الاغلب .. وينكم تعالوا .. طمنونا عنكم ..


    لنا عوده مطوله بس اكون رايقه للكتابة ب اذن الله ..
    يسعدكم جميعًا ..

    يوم طيب لكم ..

    https://soundcloud.com/a7tlal/fax7sojraes3





  10. تنهيدهـ
    16-11-2020, 02:15 AM

    رد: .. زهـايـمر حكـي .~

    .. زهـايـمر حكـي .~






    https://e.top4top.io/m_17801cusp1.m4a

    صباح الورد ..



... 2575115116117118119120121122123124125126