... 2272112113114115116117118119120121122

✒ .. خآصرة حرف رمآدية

مدونتي, مدونة يوميات الأعضاء, دون ما ترغب به واسترسل في افكارك بدون ان يقاطعك الاخرون
  • ارسال إلى Twitter
  • ارسال إلى facebook
  • ارسال إلى google plus
    1. تنهيدهـ
      14-01-2019, 05:14 AM

      رد: ✒ .. خآصرة حرف رمآدية

      ✒ .. خآصرة حرف رمآدية






      في اللحظة اللي أحس فيها بضعف شخص أحبه .. انحسار قوته .. وقلة حيلته .. يجيني شعور اللي ودي أبكي ..
      ودي لو إنه فيه زر نستعيد جزء بسيط من حيلته وقوته اللي يقدر يعيش فيها مثل ماكان دايما ..
      مهما كانت مواقف الحياة إلا إن قلبي يلين وينكسر عند كف عجوز بينت فيه اثار الحياة اللي عاشها ..
      انكسرت كثير لما جيت اسند جدتي للوضوء .. لنبرة صوتها الضعيفة .. لنظرها اللي راح .. وسمعها اللي مابقى منه كثير ..
      وبكاها قبل نسافر .. ونبرة ناس حولها يقولون لها ودعيهم يمكن اخر مره تشوفينهم ..
      ولروتينها اليومي الممل اللي تعيشه في زاويه ما تقدر تتحرك منها الا مع الممرضة ..
      وبكاها كل ماسمعت أحد توفى من جيلها .. جدا الحياة ما تسوى .. لما اشوف دموع الاحساس بالنهاية بعيون هالفئة من الناس ..

      صحيح انها مرحلة عمرية محتومه لكل انسان كتب الله له طول العمر .. لكنها مؤلمه جدا لعاطفة هالشخص ..
      هنا يحتاج حب اكثر واهتمام اكثر .. يحتاج انه يكون دايما ع لبال .. ويحتاج يحس انه جزء من الاسره من اهتمام اصغر
      فرد فيها الى اكبرهم ..


      ربما تكلمت كثير بهالموضوع وكررته ..
      لكن شعور الندم اذا فقدناهم بيكون جدا يوجع ..
      يا كثر ما وقفت هنا وبكيت لأني احس انه كل شايب بالدنيا
      جزء مني .. م اعرف ليه ..




      تجاوزوا مشاعري هالفتره :(



      ...






      250*300 Second
    2. تنهيدهـ
      18-01-2019, 05:55 AM

      رد: ✒ .. خآصرة حرف رمآدية

      ✒ .. خآصرة حرف رمآدية






      صباح الحب ..

      التدوينه هذي عيت تجي .. كل مافتحت الصفحه بدون انشغلت .. وأسفه التدوينه والتهي بشغلي وشغلي والله كثير
      قدامي هالاسبوع في شغله جديده لازم ادخلها بجدولي علشان اتعود عليها واضغط ام ام الجدول ..
      الظاهر بصير اشتغل على نفسي من 6 الصبح لين 10 الليل وارجع انام بس واقوم ع نفس الروتين ..
      هو حلو ومو حلو تشغل بنفسك عن الناس وتفاهاتهم وتستفيد ماديا ومعنويا ..
      وتحس بقيمة الويكند .. مع ان الويكند عندي جمعه بس .. حتى الجمعه فيه اتصالات ومواعيد ع لجوال صحيح مو كل جمعه بس غالبا ..

      ما علينا ..

      في بداية العام الجديد م كنت فاضيه علشان ارتب جدول جديد لنفسي .. واحط
      اهداف السنه .. بس من يومين
      كتبت اهداف ولله الحمد وان شاء الله التزم فيها واطور من شخصي ..
      على نطاق الأشخاص المحيطين بي
      ثانيا وعلى المحور الأساسي في الأهداف اللي هو انا ..
      وأول هالامور اتخلص من كل شيء سلبي في صفحة العام الماضي .. اشخاص وأفكار وكومنتات .. وبديتها من
      اخرها .. حذفت
      صفحة الصراحه القديمه بكل سلبياتها .. وفتحت غيرها لعلها تكون افضل ..
      ثانيا .. على نطاق الأشخاص وارسلت للاغلب تقييمات او مصارحات فيها امتنان او نوع من العتب .. او حتى لفت نظر
      للتتش اللي بيني وبين البعض بما اني مثيره للجدل غالبا :)
      وكلها خير ولله الحمد ..
      من اعطانا اعطيناه افضل من عطاياه ومن كان سيء نطنش سوءه ونمشي وان زودها افتتحنا العام الجديد معه بنفس أسلوبه .. برج الجوزاء مايعرف يكون مثالي ..
      اوك يجامل بس بعدها يبين وضوحه على الملأ ويختصر وهذا اللي شي من الأشياءاللي فيني واحبني علشانه ..

      ثانيا
      ندعم سيرتنا الذاتيه بشيء جديد وخصوصا ان التوجه الجديد مغاير للتخصصات القديمه .. وانا انسانه احب التدريس لكن مليت من الروتين ..
      ثالثا نحاول نستقل ونستقر بشكل ما وهذي تحتاج وقت وجهد وفكر .. لكن الأساس موجود ف لاداعي للتفصيل فيها ..


      والاهم من اهدافي وخططي .. ودي انه الجميع يجلس معه نفسه بهدوء ويفكر في الشي اللي متصدر اهتماماته
      نفسه من جميع النواحي او الناس او اخبار العالم ..
      لذا ودي اقترح عليكم اسم مذكره ربما تساعدكم في التفكير وموجوده بجرير .. عباره عن صفحات لها عناوين مرقمه
      بعدد أيام السنه كل عنوان مهتم بجزء منك او حولك ..

      انت
      ذكرياتك
      احلامك
      جسمك
      المقربين منك
      اكلك
      الهوا

      وخيارات كثير متاحه .. ربما انا م استطيع اشرح المذكره بشكل كتابي ..
      لكن اللي حاب يطلع عليها يلاقيها بجرير بعنوان

      في مثل هذا الوقت من العام القادم

      انا عن نفسي جدا مبسوطه من النقاط اللي فيها .. وياليت أي شخص وده يستفيد يطلع عليها ..


      وبس والله ..












    3. تنهيدهـ
      25-01-2019, 04:26 AM

      رد: ✒ .. خآصرة حرف رمآدية

      ✒ .. خآصرة حرف رمآدية





      الثمن الذي يدفعه الرجل عندما يفرط ب امرأة صالحة .. هو أنه سيحاول
      أن يجد شخصها في كل امرأة يلتقيها ولن يجدها أبدا .











    4. تنهيدهـ
      29-01-2019, 04:48 AM

      رد: ✒ .. خآصرة حرف رمآدية

      ✒ .. خآصرة حرف رمآدية







      صباح الخير



      صايره انام بدري بشكل :) .. عاد اليوم صاحيه على ريحة المطر .. صح عندي دوام اجباري صباحا ..
      وتستمر الطلعه من البيت لين الليل بس روتين ممتع لانه كله علشان نفسك مو علشان احد ثاني ..
      والمطر مخلي كل شي واو .. كل المناطق تمطر وننبسط بس الرياض لا من أمطرت يمطر قلبي حب معها ..
      من زمااااااااان ما طلعت الصبح علشان اغير جو بس ان شالله
      يستمر الجو كذا وألقى يوم أتجول فيه وأبسط نفسي الحبيبه جعلني افداني والله ..


      الزبده المطر نعيم يلهمك للأشياء الحلوه .. كل ما تمر على عيني صورة الجو مغيم والمطر مسؤول عن الغيمة ..
      ألقى نفسي افكر بالجنه وجمال تفاصيلها .. الله يرزقنا فيها مكان .. ويجبر تقصيرنا ..
      مع ناس نحبهم ويحبونا ..
      دعواتنا للأموات واجب علينا .. خصوصا لما تلهمنا بعض تفاصيلهم وتحسسنا بفقدهم في اكثر من موقف ..
      اسال الله ان يلطف بكل ميت .. ويغفر له ذنوبه ويكفر عنه كل خطاياه ..

      الله يرحم كل ميت لكن
      فيه سؤال ودي ألقى له اجابه من ناس فارقت الحياة وبقي اثرها مستمر في ايذاء بعض الناس ..
      كيف خطر ع بالك السحر ورضيت عن نفسك تأذي شخص لأنك كنت تحسده على نعمة بالأرض وانت عارف ان الدنيا
      للزوال !!
      تخيلوا انه انسان م يرضيه القدر والرزق اللي فيه شخص ثاني ويحرمه من انه يعيش حياته بفعل محرم مثل السحر ..
      تخيلوا كيف تكون حسرته لما ينقطع عمله ويدفن بكل بساطه تحت الارض ولا يقدر يعدل شي حتى لو ندم !

      صحيح افكار متعبه لكن فعلا فيه ناس تموت واذاها يستمر بشكل يحزن .. الله يفك قيد كل مسحور ويرحم كل من فكر بمثل هالامر ويخفف عنه بأقدار خفية ..


      المطر جاب طاري السحر .. لانه من فوائد السيول رغم مخاطرها .. انها تظهر أسحار كثير مدفونه تحت الارض او بالبحر او في اماكن صعبه جدا ..
      ولو تبحثون تلاقون كثير اسحار انفكت بسيل جرفها من مكان لمكان ..

      الدنيا م تسوى نضيع آخرتنا فيها بسبب حسد ..
      بالعكس من اكبر سعاداتي اني اشوف كل انسان مبسوط
      بشكل ما .. لأن سعادته تنعكس عليك بصوره حلوه ..

      استمتعوا بتفاصيل الأمطار .. واشكروا الله على كل نعمه ارسل بها تفاصيل ما ندركها ..



      وبس :)






    5. تنهيدهـ
      05-02-2019, 01:01 AM

      رد: ✒ .. خآصرة حرف رمآدية

      ✒ .. خآصرة حرف رمآدية





      الشي الوحيد اللي ودي اقوله ان البيئة والأصدقاء هم السبب الاساسي في توجه اي شخص ذكر كان او انثى ..
      يعني " المرء على دين خليله فلينظر احدكم من يخالل "
      تفكيرك طريقة تعاطيك للامور .. اقتباساتك .. ومدى توافق عقليتك مع اي مقال او نظرية .. تحدد من انت وكيف تفكر ..
      والحل الوحيد لحل هالازمة ان الانسان يصدم من اهتماماته التافهه اللي وجهته لها بيئته اللي تسيطر ع تفكيره ..
      ويخلق لنفسه اهتمامات مميزه تليق فيه .. حتى لو تخبط ..
      لا بد ما تصيب في فترة ما ..

      اصعب شي انك تعيش عمرك كله بشكل واحد وب اختيار احد غير نفسك .. حتى طريقة تفكيرك مسارها مرسوم لان بيئتك تبيك كذا نسخه من اللي قبلك ..
      وتموت بعد عمر طويل وانت ما صرت انت ..

      ولا تتكون فيك صفات موروثه وتصير تافه وتتعمم الفكرة على البقية بسببك .. من ناس مثلك ماعندها شي الا التفنيد وحصر
      صفات على فئة بشكل لافت ...



      وبس ..






    6. تنهيدهـ
      05-02-2019, 01:05 AM

      رد: ✒ .. خآصرة حرف رمآدية

      ✒ .. خآصرة حرف رمآدية








      اللحظة اللي انتهي فيها من محادثة صديقي المفضل دايم يطري علي :
      ‏" لا أعرف تعريفا دافئا للهدنة مثل هذا. "









    7. تنهيدهـ
      06-02-2019, 09:34 AM

      رد: ✒ .. خآصرة حرف رمآدية

      ✒ .. خآصرة حرف رمآدية






      كريهين الآباء والأمهات اللي م يعرفون يختارون شريك يربي أطفالهم زين .. كريهين لدرجة انك تتمنى انه ذنوبهم في حق
      أولادهم ما تغفر ..
      سواء كنت اعزب او مطلق او مجروح او او او ما يحق لك
      تتخبط وانت تحط شخص غلط في حياة طفل ..
      سواء هذا الطفل موجود ف الماضي او بالمستقبل ..
      الخطاب لكلا الجنسين .. لأن الحياة صايرة تبهرنا بأنانية البعض لما تكشف سيناريوهات وتسمي المجرم ضحية ..


      اكثر شي يستفزني استغلال الاطفال وكبار السن ..
      ولا الأغبياء يستاهلون ما جاهم ..







    8. تنهيدهـ
      09-02-2019, 12:38 PM

      رد: ✒ .. خآصرة حرف رمآدية

      ✒ .. خآصرة حرف رمآدية










      هناك من يشرفك في اختلافه قبل اتفاقه
      وهناك من يلوث اسمك حتى لو اتفق معك في كل شيء

















    9. تنهيدهـ
      09-02-2019, 11:44 PM

      رد: ✒ .. خآصرة حرف رمآدية

      ✒ .. خآصرة حرف رمآدية









      جزى الله خير من دلك على دربي ودربي غير .






    10. تنهيدهـ
      12-02-2019, 11:16 AM

      رد: ✒ .. خآصرة حرف رمآدية

      ✒ .. خآصرة حرف رمآدية




      ليت لي نسخه ثانيه تخلص اموري لاتعبت .. ومنها تونسكم ولا تقطع :) بس ما ظنتي تطلع مثل النسخة الأصلية ..
      الزبدة عندي سواليف لين راسي .. بس جيت اختم الصفحة
      علشان لا من طبت تجي علومي متسلسله ..


      في واحد بالصراحه يقول ..
      تطلعين وجهك بالسناب ضيفيني واذا م تطلعينه لا تضيفين ..
      مدري هو يحب المناظر الخلابة ولا يتوقع انه وجهي اهم من المحتوى ..
      عموما انا اسولف بالسناب .. وسنابي خاص .. وفكرة ان وجهي ينشهر مالها مجال ..
      حتى لو كنت اشهر من نار على علم مستحيل اطلع وجهي إعلاميا .. حتى لو كنت اكشف في اماكن عامه ..
      م احب اطلع وجهي .. الزين يخبي زينه لنفسه ..
      ع اساس الناس تعطي خير يعني ..



      بس كذا ..



    ... 2272112113114115116117118119120121122