تويت
حلا اصابع الجبن من مطبخي
السلام عليكم والرحمة ..
كيفكم يالمزيونات >> سرقتها من ساندرا
سويت اليوم حلا روعه . وتحمست اني انزله لكم بالخطوات .
والأهم انه سهل ولا يأخذ من وقتكم شيء ..
يمكن غريب عليكم أنه يكون حلا أو من هالقبيل , بس انصحكم فيه , رغم غرابته إلا انه روووووعه ..
( حلا اصابع الجبن من مطبخي ) ~~
ندخل بصلب الموضوع >>
أخذت قطع السمبوسة الجاهزة ( لوين أو سويتز ) أو أي نوع انتي تستخدمينه ..
قطعته من النصف ..
ودخلت عليها جبن كيري ولفيتها , وعند النهاية ( اخذت بادية حطيت فيها طحين ملعقة ومويا شوي وحركته , لازم يكون متماسك مو ماي حيل )
وهالشيء ضروري عشان يثبتون اللفائف ألي سويتها احين ..
وبعدها غليتهم بزيت شوي ,
وصفيتهم بالصينيه ..
وبالخلاط ( نصف علبة حليب حلا مكثف ( ناستله ) , وملعقتين صغار دارسين بودرة )
ونصبه فوق اصابع الجبن ألي صفيناهم بالصينيه
ونحطه بالبراد , ويقدم بادر وعليكم بالعافية
وبالاخير شكرا لل ( الكاتبة ساندرا ) على كتابة الحقوق بالصور
..اتمنى انه عجبكم , فمان الله ~~
تعليق