لقائي بعميد الغناء الريفي العراقي المرحوم حضيري أبو عزيز في حفلة ختان رعد

المواضيع الأدبية التي لا تندرج ضمن باقي الأقسام ارسال إلى Twitter ارسال إلى facebook
  1. د .عدنان الطعمة
    18-01-2013, 09:56 PM

    لقائي بعميد الغناء الريفي العراقي المرحوم حضيري أبو عزيز في حفلة ختان رعد

    لقائي بعميد الغناء الريفي العراقي المرحوم حضيري أبو عزيز في حفلة ختان رعد



    لقائي بعميد الغناء الريفي العراقي المرحوم حضيري أبو عزيز في حفلة ختان رعد


    لقائي بعميد الغناء الريفي العراقي المرحوم حضيري أبو عزيز في حفلة ختان رعد




    د . عدنان جواد الطعمة



    إحتضن العراق منذ الاف السنين و في هذا العصر الاف الأدباء و الشعراء والفنانين و المطربين و المطربات . وكان من ضمن نجوم الغناء و الطرب اللامعة المرحوم حضيري أبو عزيزالذي سطع نجمه و ذاع صيته ليس في العراق الحبيب فحسب ، بل وفي سائر الدول العربية الشقيقة لأدائه الأغاني بصوت شجي صداح توغل إلى قلوب المستمعين صغارا وكبارا .



    لقائي بعميد الغناء الريفي العراقي المرحوم حضيري أبو عزيز في حفلة ختان رعد


    كان صوته العذب يرن في الأرياف و البوادي فيملأها سحرا و إيقاعا .
    لقد عشت تجربة حية مع حضيري أبي عزيز و بقية المطربين و المطربات في ليلة قمراء صيف عام 1959 و كان عمري انذاك 18 سنة . سكنت مع شقيقي الأكبر الدكتور صالح جواد الطعمة حفظه الله ، الذي استأجر بيتا في منطقة أو محلة الوزيرية من أبي رعد صاحب موبيليات أبو رعد في محلة الحيدرخانة و الميدان في شارع الرشيد ببغداد .


    لقائي بعميد الغناء الريفي العراقي المرحوم حضيري أبو عزيز في حفلة ختان رعد
    كان أبو رعد يمتلك بيتين أحدهما بجانب الاخر . وذات يوم جاء أبو رعد إلى شقيقي الأكبر و رجاه بأن يوافق على هدم الجدار أو الحائط الذي يفصل بين الحديقتين الكبيرتين لأنه أراد أن يقيم حفلة غنائية بمناسبة ختان إبنه رعد ، ثم وعد أخي بأنه سيعيد بناء الجدار في أقل من أسبوع ودعانا لحضور الحفلة ، فوافق أخي على ذلك .

    ذهبت بصحبة شقيقي إلى الحفلة في الموعد المحدد التي ابتدأت من الساعة الثامنة مساءا وانتهت بعد منتصف الليل ، حيث تناولنا وجبة العشاء مع الضيوف و المطربين و المطربات .


    لقائي بعميد الغناء الريفي العراقي المرحوم حضيري أبو عزيز في حفلة ختان رعد


    بدأ المطربون و المطربات بالغناء ، وكنا جالسين بالقرب من منصة أو مسرح الغناء على بعد مترين أو ثلاثة . و بعد التقديم الرائع صعد حضيري أبو عزيز إلى المنصة و بدأ بغناء أبيات الأبوذية قبل كل أغنية و شاهدت دموع حضيري أبي عزيز تسيل على خديه عندما غنى الأغاني :


    عاين يا دكتور إلحالي يا دكتور والروح ما تحمل بعد لا سكم و لا جور،

    و أغنية :

    ظنيت ما أحبك ؟ لا والنبي لا لا كلبي أحن من كلبك ؟ لا والنبي لا لا ،

    وأغنية :

    أرد اشتكي لاهل الهوى حالتي واحچيلهم بما جرت قصتي ،

    و أغنية :

    مني الولف راح و شلون أرتاح سد باب كلبي ويلي او ضيع المفتاح ،

    و أغنية :

    تكرب واسمع الدكة أو أنطي للكلب حكه ،

    و أغنية :

    ضاع التعب ضاع وياهم إبساع .

    و أغنية :

    عمي يا بياع الورد كلی الورد بيش كلي ،

    و أغنية :

    جاني إلي مكتوب جاني جاني إمن المحبوب جاني ،

    و أغنية :

    سلم علي بطرف عينه او حاجبه أدى التحية او زين يعرف واجبه وغيرها .


    لقائي بعميد الغناء الريفي العراقي المرحوم حضيري أبو عزيز في حفلة ختان رعد


    والجدير بالذكر أن حضيري أبو عزيز كان يعالج القضايا الإجتماعية و التوعية و الإرشاد في أغانيه فمثلا أغنية : " عمي يابو التموين مشي العريضه " كانت تشير إلى الأزمة الإقتصادية التي مر بها العراق لنقص المواد الغذائية الرئيسية كالسكر و الشاي و الرز و الطحين و الزيت الأمر الذي أدى إلى قيام الحكومة العراقية بتوزيع بطاقات تأمين الغذاء لكل عائلة .

    أن أغنية " فوق فوق عالرصيف إصعد فوك عالرصيف " كانت موجهة إلى الأطفال و الصبيان بعدم السير في وسط الشارع بل على الرصيف تجنبا لوقوع حوادث المرور
    و الدهس .

    كانت تلك الأمسية من أجمل الأمسيات الخالدة التي عشتها حية قريبة من المطربين و المطربات في حياتي .

    و بالجدير بالذكر ومن والصدف الجميلة سافرت إلى بون في شهر شباط / فبراير عام 1997 للحصول على تأشيرة الدخول
    ( الفيزا ) قبيل سفري إلى أبها البهية لزيارة سمو الأمير خالد الفيصل بمناسبة صدور كتابه : " قصائد حب " والإحتفال بافتتاح المشاريع السياحية العظيمة التي أنشأها سموه في منطقة عسير ، حيث زرت معالي السفير الأسبق للمملكة العربية السعودية في ألمانيا المرحوم السيد عباس فائق غزاوي الذي رحب بي ترحيبا حارا و أهديت لسعادته بعض مؤلفاتي و من ضمنها كان كتابي : نبض الوجدان – أغاني عراقية لأشهر المطربين و المطربات .

    تصفح السيد السفير هذا الكتاب و بعد أن قرأ إسم المطرب حضيري أبو عزيز إبتسم و قال لي :

    " كان البدو عندما يذهبون إلى المدن السعودية لبيع و شراء البضائع يشترون أجهزة الراديو مع البطارية . وكنت جالسا في أحد المحلات التجارية جاء رجل و طلب شراء راديو ، وقال للبائع :

    أريد جهاز راديو يذيع فقط أغاني حضيري أبو عزيز ، وإلا لا أشتريه ".

    يتضح لنا كيف كان جمهور الأمة العربية طيب القلب بسيطا على سجيته يتابع أغاني حضيري أبو عزيز في الصحارى و الوديان و الأرياف و المدن .

    وختاما يسرني أن أرفق في أدناه موجزا لسيرة حياة عميد الغناء الريفي المرحوم حضيري أبو عزيز التي كتبها الأستاذ حيدر عاشور و نشرها على صفحات المدى :


    http://www.almadapaper.com/sub/11-543/p11.htm


    ذاكرة الغناء العراقي..
    حضيري أبو عزيز
    اعداد/ حيدر عاشور
    صاحب الصوت العراقي الأصيل الرنان، الذي دخل قلوبنا بلا استئذان، وعبر الحدود العراقية إلى الوطن العربي باسلوبه الريفي الجميل..
    حضيري أبو عزيز من مواليد 1919 في مدينة الشطرة، واسمه حضيري حسن رهيف، مارس مهنة الخياطة في بداية حياته، بعد ذلك عمل شرطيا لمدة طويلة حتى انتقل إلى بغداد حيث غنى أول مرة بتاريخ 18/ 3/ 1937 في دار الإذاعة العراقية، وفي العام 1945 سجل حضيري عددا من الاسطوانات، كما قدم عددا من الحفلات في الاذاعة والتلفزيون والمسارح إضافة لحفلاته في عدد من الدول العربية...
    لحضيري أبو عزيز أسلوب متميز في الغناء، وهو رائد في الغناء الريفي، فقد غنى العديد من الاغاني الريفية المجهولة المؤلف والملحن، والتي كانت من التراث واشتهرت كثيرا انذاك، إضافة إلى تقديمه عدد من الاغاني الريفية المعروفة، كذلك قدم اشكالا من النايل والسويحلي، والابوذية والركباني وكان مبدعا فيها..
    وبمرور الزمن قدم أغاني جديدة من ألحانه وكلمات مؤلفي الاغاني المعروفين في ذلك الوقت، وحاول أيضا ان يغني انماطا واشكالا أخرى، من الغناء الكوميدي الهادف انذاك والمختلط بالأمور السياسية والوطنية مثل أغنية (روحي الوطن) و (يا عرب) إضافة للاغاني السياحية مثل البصرة، وكما هو معروف فان حضيري أبو عزيز كان ملحنا وشاعرا إذ كتب ولحن عددا من أغانيه المعروفة مثل (عمي يا بياع الورد) و(وياك أورحن) وغيرها كثير.

    هذا هو الفنان الموسيقي الغنائي المبدع حضيري أبو عزيز الذي توفي في 12/ 1/ 1973، كان ابن الريف العراقي الذي نشر اللون الريفي العراقي على المستوى العربي وبثقة عالية ). و يسرني أن استعرض مجموعة نادرة من نصوص أغاني المرحوم عميد الطرب الريفي والغناء الشعبي العراقي العذب الجميل



    ( 1 )

    عاين يا دكتور

    غناء : حضيري عزيز
    ( دور )
    عاين يا دكتور الحالي يادكتور
    و الروح ما تحمل بعد لا سكم او لا جور
    عاين عاين يادكتور
    * * * * *
    عاين يادكتور الكلب چم جرح مجروح
    وفراك محبوبي صعب واثر على الروح
    متعاين يادكتور الكلب چم جرح مجروح
    وفراك محبوبي صعب واثر على الروح
    جس النبض زين زين أو شوف لي الألم وين ( 2 )
    وارويحتي لو بالكلب متعاين يا دكتور
    * * * * *
    عاين يا دكتور الدمع جرح بالخدود
    أو لو أعلك العشره شمع محبوبي مايعود
    حسرات وادموع ادموع أو چويات الضلوع ( 2 )
    أو ما أكدر أتحمل بعد عاين يا دكتور
    * * * * *
    عاين يا دكتور الجفن يداوى بالإيد
    لكن دليلي منعدم أو تضميده شيفيد
    جيت أسأل اشصار اشصار ما عدكم أخبار ( 2 )
    كالوا مشه ابديرة غرب متعاين يا دكتور

    ( 2 )

    ظنيت ما أحبك

    غناء : حضيري أبو عزيز
    ( دور )
    ظنيت ما أحبك لا والنبي لا لا
    أو كلبي أحن من كلبك لا والنبي لا لا ( 2 )
    ياما اتعبت ويايه واحملت ضيم (لوم ) اعدايه ( 2 )
    وتريد أنسه تعبك لا والنبي لا
    * * * * *
    ياما كضينه أيام بالفرح مو بالالام ( 2 )
    وانت معاني الكلام وانت معاني الغرام
    وتريد أنسه تعبك لا والنبي لا
    * * * * *
    إنت الوفا والإخلاص أو عندي أعز كل الناس ( 2 )
    إبحبك دليلي مانحاس إبحبك كليبي مانحاس
    وتريد أنسه تعبك لا والنبي لا
    * * * * *
    بالكلب لبنيلك دار واتذكرك كل مشوار
    اخ بالكلب لبنيلك دار واتفقدك كل مشوار
    وامن الهوى اعليك أغار إمن الهوى اعليك أغار
    وتريد أنسه تعبك لا والنبي لا
    * * * * *

    ( 3 )


    أرد أشتكي

    غناء : حضيري أبو عزيز

    أرد اشتكي أرد اشتكي لاهل الهوى حالتي
    واحچيلهم بما جرت قصتي
    ولفي هجرني ، هجرني بس تهل دمعتي
    فوك الوجن ، فوك الوجن او هو السلب راحتي
    خل يصغي ، خل يصغي كل مغرم على حچايتي
    حميد يا حميد
    سلوني ابعيد الدرب چنهم سي يابويه سلوني
    نسوني ابعيد الدرب راحوا ني ياويلي نسوني
    من بعد هجره ضاق مني الصدر
    أنه تنيته عليه وكت العصر سلمت يا ناس سلمت
    لكن رد سلامه ابزجر
    كال لي شلك عندي كتله اعتذر
    كال لي ابتعد عني او فك ياختي حميد يا مصايب الله
    * * * * *
    سلوني ابعيد الدرب چنهم سي ياويلي سلوني
    يا كلبي بعد بيمن ، بعد إتأمن يا خايب يا كلبي
    كتله حبيبي حبيبي انه لك وانت لي
    كال لي ابتعد ! إبتعد لا يشوفنه عاذلي !
    و يروح من وكته و يخبر هلي !
    هم تنحرم من شوفتي او تبتلي !
    تبتلي او تتندم أو ما توصل الحارتي
    حميد يا طلايب الله !
    يا كلبي بعد بيمن ، بعد إتأمن ، يا خايب يا كلبي
    * * * * *
    سلوني بويه چنهم لكوا غيري أو ني يا ويلي نسوني
    كتله لون بين السمه و الأرض اتطير
    أصعد لك منو اليعترض
    كال لي واذا حبل الوصل ينقرض
    كتله أشده .أعكده إي وحك الفرض
    خمسه العباد خمسه العباد واصل الغايتي
    حميد يا يا حميد
    يا كلبي فوك اشتمر ؟ عنهم يا خايب يا كلبي
    يا كلبي بعد بيمن ، بعد إتأمن ، يا خايب يا كلبي
    * * * * *
    و كال لي إذا دشيت بطن الفله ( الفلا )
    كتله أشك بطن الأرض قنبله وانزل عليك
    أنزل عليك أو لا أهاب البله ( البلا )
    والزمك ألزمك لو تنجمع كل المله ( الملا )
    ما تخلصك امن ايدي ما تخلصك امن ايدي
    او تظل حسبتي حميد يا مصايب الله
    نسوني ابعيد الدرب چنهم ني يا بويه نسوني
    يا كلبي بعد بيمن ، بعد إتأمن ، يا خايب يا كلبي
    كال لي إذا صرت انه طير أو طرت
    كتله أصعد إبجوف السمه لو صرت
    كال لي سمچه أصير او غرت كتله أغور اوياك لو أبحرت
    كال لي صدك هذا الحچي إبداعة حميد يا حميد
    * * * * *

  2. د .عدنان الطعمة
    18-01-2013, 09:59 PM

    رد: لقائي بعميد الغناء الريفي العراقي المرحوم حضيري أبو عزيز في حفلة ختان رعد

    لقائي بعميد الغناء الريفي العراقي المرحوم حضيري أبو عزيز في حفلة ختان رعد



    ( 4 )

    مني الولف راح

    غناء : حضيري أبو عزيز
    ( دور )
    مني الولف راح وشلون أرتاح ( 2 )
    سد باب كلبي ويلي او ضيع المفتاح
    مو قفل كلبي بيده او ضيع المفتاح
    سد باب كلبي بيده او ضيع المفتاح
    * * * * *
    راح بسلامه سلامه او حصل مرامه
    راح بسلامه او طار مثل الحمامه
    وأنه طحت بغرامه بويه وشلون أرتاح
    طحت بغرامه بويه وشلون أرتاح
    * * * **
    ياناس أحبه أحبه والفركه صعبه
    إي والله أحبه والفركه صعبه
    مو ذنبي ذنبه بويه او ضيع المفتاح
    مو ذنبي ذنبه ويلي او ضيع المفتاح
    * * * * *
    مني الولف راح وشلون أرتاح ( 2 )
    سد باب كلبي ويلي او ضيع المفتاح
    مو قفل كلبي بيده او ضيع المفتاح
    سد باب كلبي بيده او ضيع المفتاح
    من الله ويله ويله إلعذب خليله
    من الله ويله ويله إلفارك خليله
    من الله ويله ويله إلعذب خليله
    وأنه روحي عليله بويه وشلون أرتاح
    روحي عليله ويلي وشلون أرتاح
    * * * * *
    مني الولف راح وشلون أرتاح ( 2 )
    سد باب كلبي ويلي او ضيع المفتاح
    مو قفل كلبي بيده او ضيع المفتاح
    سد باب كلبي بيده او ضيع المفتاح

    ( 5 )

    تقرب

    غناء : حضيري أبو عزيز
    ( دور )
    تكرب واسمع الدكه أو أنطي للكلب حكه ( 2 )
    أو بيدك للنبض جسه ( 2 ) أو شوف إشسوت الفركه
    تكرب واسمع الدكه
    * * * * *
    بهواك الكلب ممرود و بوصلك عجب مشدود ( 2 )
    عندي يا حبيبي اشهود ( 2 ) كلبي بنارك إتحركه
    تكرب واسمع الدكه ما تنطي للكلب حكه
    يبه اتكرب واسمع الدكه أو أنطي للكلب حكه
    أو بيدك للنبض جسه ( 2 ) أو شوف إشسوت الفركه
    تكرب واسمع الدكه
    * * * * *
    تشهد لي نجوم الليل ودموعي تبين السيل ( 2 )
    الواجلهه (؟) الزمان الحيل وانت اشما حكه اتصدكه
    تكرب واسمع الدكه متتكرب واسمع الدكه
    أو أنطي للكلب حكه أو أنطي للكلب حكه
    أو بيدك للنبض جسه ( 2 ) أو شوف إشسوت الفركه
    تكرب واسمع الدكه
    * * ** *
    إنت يوسف الثاني ابحسنك ما شفت اني
    وانت يوسف الثاني ابحسنك ما شفت اني
    أنه اهواك أو ما تهواني ( 2 ) العاذل يشتفي حكه
    تكرب واسمع الدكه أو أنطي للكلب حكه
    متتكرب واسمع الدكه أو أنطي للكلب حكه
    أو بيدك للنبض جسه ( 2 ) أو شوف إشسوت الفركه
    تكرب واسمع الدكه

    ( 6 )

    ضاع التعب ضاع

    غناء : حضيري أبو عزيز
    ( دور )
    ضاع التعب ضاع وياهم إبساع ( 2 )
    أنا حبيتهم چنت أفتكر حلوين الأطباع
    حبيتهم چنت أعتقد حلوين الأطباع
    * * * * *
    خانوا وعدهم ويا اليودهم ( 2 )
    لا وفا عدهم أو نكروني شبساع
    تره لا وفا عدهم أو نكروني شبساع
    * * * * *
    خلوني حيران أو بالدمع غركان ( 2 )
    ما سووا إحسان أو نكروني إبساع
    ما سووا إحسان أو نكروني شبساع
    * * * * *
    ما بحت سرهم أو حاير ابأمرهم
    أنا ما بحت سرهم أو حاير ابأمرهم
    زودوا هجرهم ويلي أو نكروني شبساع ( 2 )
    * * * **
    ضيعوا عمري أو حاير بأمري ( 2 )
    يبيحون سري أو نكروني ابساع
    ما چنت أدري أو نكروني إبساع
    * * * * *
    ( 7 )

    عمي يا بياع الورد

    غناء : حضيري أبو عزيز
    ( دور )
    عمي يا بياع الورد ( 2 ) كلي الورد بيش كلي ( 2 )
    بالك تدوس على الورد
    حرام تدوس على الورد وتسوي خله خله
    وتسوي خله خله
    باچر باچر يصير احساب يبه
    باچر يصير احساب اخر ل الله اشتكله ل الله
    ل الله اشتكله ل الله
    * * * * *
    مو كل ورد زرعوه ورد ( 2 ) ورد الزرعته زرعته ( 2 )
    من دجله والفرات يبه
    من دجله والفرات يبه أنه مايه جبته جبته
    مايه صببته او سكيتك خيك ؟
    بالك تدوس على الورد
    بالك تدوس على الورد وتسوي خله خله
    باچر باچر يصير احساب يبه
    باچر يصير احساب يبه ل الله اشتكله ل الله
    ل الله اشتكله ل الله
    * * * * *
    شم الورد بهداي كلب ( 2 ) وانت لبطيبه ابطيبه ( 2 )
    شم الورد بهداي كلب ( 2 ) وانت لبطيبه ابطيبه ( 2 )
    ورد الزرعته خوش ورد
    ورد الزرعته شلون ورد صاير عجيبه مصيبه
    صاير عجيبه عجيبه لخيك
    بالك تدوس على الورد وتسوي خله خله
    باچر باچر يصير احساب يبه
    باچر يصير احساب يبه ل الله اشتكله ل الله
    ل الله اشتكله ل الله
    * * * * *
    مو كل ورد زرعوه ورد مو كل ورد شموه ورد
    والريحه طيبه طيبه ( 2 )
    انصيح ورد مو خوش ورد ( 2 )
    لراسك يشيبه يشيبه ولكلبك يعذبه يعذبه
    بالك تدوس على الورد وتسوي خله خله
    باچر باچر يصير احساب يبه
    باچر يصير احساب يبه ل الله اشتكله ل الله
    ل الله اشتكله ل الله
    * * * * *


    ( 8 )

    جاني إلي مكتوب جاني

    غناء : حضيري أبو عزيز
    ( دور )
    جاني إلي مكتوب جاني جاني
    جاني إمن المحبوب جاني جاني ( 2 )
    إلي مكتوب جاني إمن المحبوب جاني
    * * * * *
    دزيت إله مكتوب دزالي جوابه
    وديت إله مكتوب رجع لي جوابه (2 )
    يسلم لي المحبوب ما نسه احبابه ( 2 )
    * * * * *
    أو جاني إلي مكتوب من محبوب جاني ( 2 )
    إبعمره إبعمره ما ذنب وياي جاني جاني جاني
    ما صدك ما صدك إبهالمخلوك جاني
    أنا ما صدك إبهالمخلوك جاني مثله أو لا شفت بين البريه
    حاير ابخطي اشلون شاكتب أو شاملي ( 2 )
    وياه تريد الروح تجمع لي شملي ( 2 ) أو جاني
    * * * * *
    جاني الخط من هواي جاني أو قريته ( 2 )
    واللي صعب فركاه ينهدم بيته
    كلمن صعب فركاه ينهدم بيته أو جاني
    * * * * *

    ( 9 )


    سلم علي

    غناء : حضيري عزيز
    ( دور )
    سلم عليه ابطرف عينه او حاجبه
    أدى التحيه او زين يعرف واجبه ( 2 ) سلم عليه
    * * * * *
    سلم عليه او خاف لايشوفونه
    أهله عداوه اوياي ويمنعونه ( 2 )
    لو مر الأسمر كلهم ايحيونه ( 2 )
    يا هلا بجيتك يا حبيبي او مرحبا او سلم عليه
    * * * * *
    إلعين سوده والحواجب حراس
    واخدوده حلوه أو بالورد ما تنقاس ( 2 )
    متوالم انه وياه شعليهه الناس ( 2 )
    يا هلا بجيتك يا حبيبي او مرحبا
    * * * * *
    ورده او أشمه أو طوله نبعة ريحان
    او ايه جماله أو رابي ويا الغزلان ( 2 )
    طوله محاسن يشبه الغصن البان
    يا هلا بجيتك يا حبيبي او مرحبا أو سلم عليه
    * * * * *

























    أغاني المطرب الريفي العراقي حضيري أبو عزيز ( 2 )

    د . عدنان جواد الطعمة



    ( 10 )


    عمي يابو التموين

    غناء : حضيري عزيز
    ( دور )
    عمي عمي عمي دخلك يا عمي
    عمي عمي عمي امروتك ياعمي
    عمي يابو التموين مشي العريضه
    والسمره على الچاي طاحت مريضه
    * * * * *
    الشكر غالي والشكر غالي ( 2 )
    امنين أجيب الچاي والشكر غالي ( 2 )
    عذب أحوالي عذب أحوالي
    امتعاش ؟ التموين عذب أحوالي
    * * * * *
    إلقوري حاضر والماي فورناه
    يا عمي تكسر الخاطر خطيه للسمره ماكو جاي
    تكسر الخاطر تكسر الخاطر ( 2 )
    وامنين أجيب الجاي تكسر الخاطر ، عمي
    * * * * *
  3. د .عدنان الطعمة
    18-01-2013, 10:02 PM

    رد: لقائي بعميد الغناء الريفي العراقي المرحوم حضيري أبو عزيز في حفلة ختان رعد

    لقائي بعميد الغناء الريفي العراقي المرحوم حضيري أبو عزيز في حفلة ختان رعد




    ( 11 )


    فوق فوق عالرصيف

    غناء : حضيري أبو عزيز
    ( دور )
    فوك فوك عالرصيف إصعد فوك عالرصيف ( 2 )
    أحسن كل وكت تمشي عالرصيف
    * * * * *
    لا تمشي بوسط الشارع عالرصيف
    كون شاطر كون بارع عالرصيف
    رايح طول أو مزارع عالرصيف
    هذي دراجات او عرباين او سيارات
    دراجات او عرباين سيارات ياربي استر يالطيف
    أحسن كل وكت تمشي عالرصيف
    * * * * *
    من تمشي دير بالك زين عالرصيف
    لا تمشي امغمض العينين عالرصيف
    من تمشي فتح عينك زين عالرصيف
    لا تمشي امغمض العينين عالرصيف
    لا تطفر عالصوبين عالرصيف
    بالك تنسه او تحسب ونسه إتقيد تنسه او تحسب ونسه
    خاف الدهسه شارع مخطر حيل أمخيف
    ياربي استر يا لطيف
    * * * * *
    مو بس إنت ادير بالك عالرصيف
    لازم إتحضر أطفالك عالرصيف
    وتوصي حتى اعيالك عالرصيف
    من يمشون وسط الشارع لايزلون ( 2 )
    خاف عليهم ينسحكون خاف عليهم يندهسون
    أو بعدين مع كل الأسف الله شلون إنسحك
    مع كل الأسف مايفيدك كثر التأسيف
    كل وكت إمشي عالرصيف


    ( 12 )


    وين اتروح يامدلل

    غناء : حضيري أبو عزيز
    ( دور )
    وين اتروح يامدلل يا يابه ( 2 ) ما عندي أحباب و لا كرابه
    غريب ابديرتك وحدي او غيرك ولف ما عندي ( 2 )
    وين اتروح ياوحيد يا يابه او ما عندي أحباب و كرابه
    * * * * * *
    لو صديت يا غالي تفرح بيه عذالي
    شنهو بعد امالي لو رحت و خنت ودي
    وين اتروح ياوحيد يا يابه او ما عندي أحباب و كرابه
    * * * * *
    بهواك اشبلوني الناس وش كال الصبر بالكاس
    شيب كلبي كبل الراس وبحالي اجتفه ضدي
    وين اتروح ياوحيد يا يابه او ما عندي أحباب و كرابه
    * * * * *
    أذكر زمان الراح كضيته ابهنا و أفراح
    خليني يا ولفي ارتاح من دمع الجره ابخدي
    وين اتروح ياوحيد يا يابه او ما عندي أحباب و كرابه
    وين اتروح يامدلل يا يابه ( 2 ) ما عندي أحباب و لا كرابه
    غريب ابديرتك وحدي او غيرك ولف ما عندي ( 2 )
    وين اتروح ياوحيد يا يابه او ما عندي أحباب و كرابه
    * * * * *

    ( 13 )


    هذا شلون أشقر

    غناء : حضيري أبو عزيز
    ( دور )
    هذا شلون أشكر او خده ورد أحمر
    بيه بلوه ابتلينه ( 2 ) او عنده اعيون تسحر ( 2 )
    * * * * *
    بليت الناس بلوه بعيونك الحلوه ( 2 )
    للعشاك سلوه امن الدرب لو مر
    * * * * *
    نور و نار خده او كل الحسن عنده ( 2 )
    مو بيدي أوده ( 2 ) صحت الله و اكبر ( 2 )
    * * * * *
    من يكبل عليه اهلال او يشع ضيه ( 2 )
    لو طايح بديه ( 2 ) چان الكلب يسكر
    * * * * *
    من ينثر الكذله ما كو أبد مثله ( 2 )
    إمن الكمر أحله او من الغزال أنظر
    * * * * *

    ( 14 )

    أرد اكتب كتاب

    غناء : حضيري أبو عزيز
    ( دور )
    أرد اكتب اكتاب لديار الأحباب ( 2 )
    حاير بعدهم أو ماندل بلدهم( 2 )
    أو مليان كلبي حچي و هموم و عتاب
    أنا مليان كلبي اشكد حچي و هموم و عتاب
    * * * * *
    يكفي الهجر عاد مو همي يزداد يا كلبي
    يكفي الهجر عاد أو هم الكلب زاد أو حسدوني
    حسدوني يل حساد أو جرح الكلب ما طاب
    أو مليان كلبي حچي و هموم و عتاب
    أنا مليان كلبي اشكد حچي و هموم و عتاب
    * * * * *
    حبهم ماله تالي ماله تالي أو بس سهر الليالي
    الليالي أومحد دره ابحالي والأحباب غياب
    أو مليان كلبي حچي و هموم و عتاب
    أنا مليان كلبي اشكثر حچي و هموم و عتاب
    * * * * *
    كلبي مانساهم مانساهم
    أو مشغول بهواهم يا كلبي
    كلبي مانساهم مانساهم
    أو مشغول بهواهم بهواهم
    عذبوني عذبوني ابجفاهم
    أو كلبي انچوه أو ما تاب
    أو مليان كلبي حچي و هموم و عتاب
    أنا مليان كلبي اشكثر حچي و هموم و عتاب
    * * * * *
    أرد اكتب اكتاب لديار الأحباب ( 2 )
    حاير بعدهم أو ماندل بلدهم( 2 )
    أو مليان كلبي حچي و هموم و عتاب
    أنا مليان كلبي اشكد حچي و هموم و عتاب
    * * * * *

    ( 15 )


    ياهل الموده

    غناء : حضيري عزيز
    ( دور )
    يا اهل الموده البينك أو بيني
    رسمك أريده ، أريد
    تذكار عندي دوم أشوفه ابعيني
    رسمك أريده ( 2 )
    رسمك وحيد و چان إلي بكل معنى عندي اشحلاته
    أو هذا المصور خوش بيه اتمعنه أو جد بصفاته
    إللي جمع بيك الحسن يجمعنه بحسن التفاته ( 2 )
    انه التجي وازيد بعد يجديني رسمك أريده
    * * * * *
    انه الذي أسلي بودادك عودي وانجعب چبدي
    انه الذي بشوكك تلبي اوجودي او تيهت رجلي
    انه الذي كل غايتي أو مقصودي أو نية العندي ( 2 )
    سلوه الدليلي ايصير و ايسليني رسمك أريده
    * * * * *
    دمعي على اخدودي عبيط اتهله أو عيني تصبه
    او خل الوفي واجب يروف إبخله شان المحبه
    أو مره ألزمه بيدي و أكوم أدله او مره أحبه
    او مره يذكرني المضه او ياذيني رسمك أريده
    * * * * *
  4. د .عدنان الطعمة
    18-01-2013, 10:03 PM

    رد: لقائي بعميد الغناء الريفي العراقي المرحوم حضيري أبو عزيز في حفلة ختان رعد

    لقائي بعميد الغناء الريفي العراقي المرحوم حضيري أبو عزيز في حفلة ختان رعد




    ( 16 )

    شنهه الحچايه المغرضه

    غناء : حضيري أبو عزيز
    ( دور )
    شنهه الحچايه المغرضه من كال أحبه
    صدفه تلاكينه سوه كلمن ابدربه ( 2 )
    وافرض هويته اشصار والناس ليش إتغار ( 2 )
    والعشك مو عجبه ( 2 )
    * * * * *
    لاكاني وبكلبي كلت ياريت أحظ بي
    ماحد سمعني من كلتهه غير ربي ( 2 )
    مر و تعداني أو بكت العيون تربي ( 2 )
    وافرض هويته اشصار والناس ليش إتغار ( 2 )
    والعشك مو عجبه ( 2 )
    * * * * * *
    ما أنكر إهوايه حلو ألله يخليه
    أحلى من ورد الجنبذه شايلهه بيده ( 2 )
    لكن اتريدون الصدك حبيت أحاچيه ( 2 )
    وافرض هويته اشصار والناس ليش إتغار ( 2 )
    والعشك مو عجبه ( 2 )
    * * * * *
    سبحان ربي الصوره جل جلاله
    بين البشر حبي اشتهر حسنه او جماله ( 2 )
    اوحسيت روحي إتمنته او رادت وصاله( 2 )
    وافرض هويته اشصار والناس ليش إتغار ( 2 )
    والعشك مو عجبه ( 2 )
    * * * **
    شنهه الحچايه المغرضه من كال أحبه
    صدفه تلاكينه سوه كلمن ابدربه ( 2 )
    وافرض هويته اشصار والناس ليش إتغار ( 2 )
    والعشك مو عجبه ( 2 )
    * * * * *

    ( 17 )

    يا نايم صح النوم

    غناء : حضيري أبو عزيز
    ( دور )
    يا نايم صح النوم او لاح الفجر يله كوم
    يا نايم صح النوم او هذا الصبح يله كوم
    إسمع ينادينه الطير صبحكم الله بالخير ( 2 )
    إسمع ينادينه الطير صبحكم الله بالخير ( 2 )
    يا نايم صح النوم او طر الفجر يله كوم
    يا نايم صح النوم او هذا الصبح يله كوم
    * * * * *
    يل چنت ليلك سهران إصحه او سبح للرحمان
    عاين او شوف الخلان عاين اشحلوه الخلان
    بالهنه تصبح كل يوم يا نايم صح النوم
    او هذا الصبح يله كوم يا نايم صح النوم
    إسمع ينادينه الطير صبحكم الله بالخير ( 2 )
    يا نايم صح النوم او هذا الصبح يله كوم
    يا نايم صح النوم او طر الفجر يله كوم
    يا نايم صح النوم او هذا الصبح يله كوم
    يا نايم صح النوم او طر الفجر يله كوم
    * * * * *

    ( 18 )

    الدهر والدلال

    ألحان و غناء : حضيري أبو عزيز
    كلمات : رضا جدوع الكرخي

    دهري او هلي وهواي صاروا علي صفه
    حاير ددلوني
    * * * * *
    علتي كبرت ودواي ما واحد ايوصفه
    حاير ددلوني
    صرت أحمل الياهم والكل صفت ضدي
    خمر الصبر والسم أجرع واغص وحدي
    بلچي الشمل يلتم وايهل نجم سعدي
    واحظي بوصل ولفاي و تحقق ظنوني
    حاير ددلوني
    هيهات ألف هيهات ذاك المضى ما يعود
    حلم ابمنام او فات ليام بي متجود
    ظل عاد بالحسرات يا كلبي ظل ممرود
    هذي قسمتي هاي بسكم تلوموني
    حاير ددلوني


    ( 19 )

    ألم السهاد

    غناء : حضيري أبو عزيز
    كلمات : رضا جدوع الكرخي

    يالتنامون الليالي ابرغد علموني المنام
    نست طعم النوم عيني من عرفت معنى الغرام
    * * * * *
    لو ظلام الليل خيم عالكلب حسباته تلتم
    جي ينام اللي تألم او لغير حيله الهجر هدم
    لو ان أدري اليحب يندم ما هويت و عكلي هام
    * * * * *
    اشلون عيني بعد تغفه وانوه عالهجران ولفي
    محسبت يازين تجفي والسهر لعيوني يلفي
    هاي تالي العشره تصفي كره واتخشن الكلام
    * * * * *

    ( 20 )

    يا اشقر

    غناء : حضيري أبو عزيز
    ( دور )
    ياشكر تلوج الروح والكلب ظل مجروح ( 2 )
    إنت طبيبي امروتك ( 2 ) بالوصل داويني
    عيني عيني بالوصل داويني
    * * * * *
    ياشكر يابو طول الحلو منك
    صحت اه اه منك صحت اه
    ياسمر يابو طول الحلو منك
    صحت اه اه منك صحت اه
    أو سهمك مضه بلب الكلب وتصوبت
    اه اه وتصوبت اه وتذوبت اه
    بس من يود مو عادتك
    عيني عيني بالوصل داويني
    ياشكر تلوج الروح والكلب ظل مجروح ( 2 )
    إنت طبيبي امروتك ( 2 ) بالوصل داويني
    عيني عيني بالوصل داويني
    * * * * *
    ما شفت واحد والف أو عاف محبوبه مو إنصاف ( 2 )
    چبدي زرفته امن الجفه او هيهات ينراف
    او هيهات ينراف
    خليني أشوفن طلعتك عيني عيني بالوصل داويني
    ياشكر تلوج الروح والكلب ظل مجروح ( 2 )
    إنت طبيبي امروتك ( 2 ) بالوصل داويني
    عيني عيني بالوصل داويني
    * * * * *
    عشرتك يومين أو تمل ليش
    تطلبني شو بيش ( 2 )
    او تدريني دون امواصلك ما أفرح بعيش ما ألتذ بعيش
    فدوه أروح الكذلتك عيني عيني بالوصل داويني
    ياشكر تلوج الروح والكلب ظل مجروح ( 2 )
    إنت طبيبي امروتك ( 2 ) بالوصل داويني
    عيني عيني بالوصل داويني
    * * * * *
    ما عودتني اعلى الجفه زين يا أشهل العين ( 2 )
    ويايه شنهو اللي بده ليش ولغشك إمنين
    ويايه شنهو البدلك ليش ليش ولغشك إمنين
    إرجع يغاتي ( يا أغاتي) العادتك
    عيني عيني بالوصل داويني
    ياشكر تلوج الروح والكلب ظل مجروح ( 2 )
    إنت طبيبي امروتك ( 2 ) بالوصل داويني
    عيني عيني بالوصل داويني

    * * * * *

    لابد لي أن أشير إلى أني نقلت وكتبت نصوص الأغاني أعلاه عن إستماعي للكاسيتات القديمة التي جابهتني صعوبات جمة لعدم وضوحها


    كما حملت صور المرحوم حضيري أبو عزيز من صفحة جوجل :

    تحت البحث عن :


    صور حضيري أبو عزيز




    فضلوا بقبول مني فائق ودي واحترامي


    د .عدنان


    ألمانيا في 18 يناير 2013