12

روايتي الأولى:أيام عشناها زمان

قصة كاملة - رواية كامله جميلة للكاتبه
  • ارسال إلى Twitter
  • ارسال إلى facebook
  • ارسال إلى google plus
    1. دلوعة أخواني
      16-01-2013, 09:55 PM

      روايتي الأولى:أيام عشناها زمان

      روايتي الأولى:أيام عشناها زمان


      FONT=Arial Black]

      السلام عليكم كيفكم يا حلوين إحم إحم أول شي حبيت انزل روايتي هنا لأن عجبني المنتدى
      وبصراحة أحب أشكر أختي الغالية الكاتبة "ساندرا" بصراحة بعد ما قرأت رواياتها حسيت بحماس وتشجيع اني احط روايتي هنا وان شاء الله القا متابعة حلوة
      اتركم مع الرواية






      بسم الله الرحمن الرحيم


      السلام عليكم ورحمة الله وبركاته

      إليكم أحبتي إحدى كتاباتي الروائية

      إليكم نبضة من نبضات خاطري

      إليكم جوهرة من جواهري

      إليكم ما كرثت له وقتي الثمين

      إليكم روايتي وها قد وضعتها لكم وبين أيديكم

      \\\\\\\\\\\\\\\\\\\\\\\\\\\\\\\\\\\\\\\\\\\

      روايتي الأولى } أيام عشناها زمان{

      \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\
      أبطال روايتي

      عائلة المالكي

      (بيت أبو فيصل)

      أبو فيصل: بسام عمره 48 سنة ... إنسان حنون جدا ما يقول لعياله لا ابدا وان قالها فهو لسبب مقنع ناجح بحياته العملية له شركة كبيرة وله كذا فرع بكذا دولة

      أم فيصل: أم بمعنى الكلمة قدرت تفهم عيالها وتكون صديقة لهم ويشاوروها بكل شي ويشكوا لها همومهم

      فيصل: الولد الكبير عمره 25 سنة دارس إدارة أعمال جميل جمال خيالي ملامحه خليجية بحته عيونه عسلية ووساع انفه مسلول يهتم بأخوانه وأخته كتير

      فارس وفراس: توأم عمرهم 23 سنة أخر سنة بالجامعة رابشين أهلهم لأنهم يشبهوا بعض وما يقدروا يفرقوا بينهم بشي مرا حبوبين ودمهم خفيف يحبوا يعملوا مقالب وان اجتمعوا الإثنين مع فهد قولوا على الدنيا السلام حياتهم وناسة وضحك×ضحك ما في شي يكدرهم ابد وفيهم شبه من فيصل

      فتون: بنت الكل يشهد بأدبها وأخلاقها وجمالها تشبه أخوها فيصل بكل شي نحيفة مرا عمرها 21 سنة تدرس طب بكندا وبسبب معرفتها وممعلوماتها الكثيفة بالطب عن طريق الواسطة تقدر تدرس وتشتغل بمجال الطب

      \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\


      بيت أبو أحمد

      أبو أحمد: صالح أخو أبو فيصل ما صارت تجمعهم أي علاقة ببعض بسبب مشكلة رح تعرفوها بالبارتات الجية عمره 45 سنة وطيب مرا يسهل الضحك عليه

      أم أحمد: رح تتعرفوا على شخصيتها بالرواية

      أحمد: الولد الكبير عمره 25 سنة يدرس طب هو كمان وبكندا لاكن ما يرف عن بنت عمه أي شي

      ندى:إنسانة هادية مرا وحلوة فيها شبه من فتون شوية عمرها 21 سنة تدرس ادب انجليزي

      نها: عمرها 19 سنة أول سنة بالجامعة تدرس اقتصاد منزلي

      رامي: 15 سنة بتالت متوسط انسان فلة يحب الضحك وفرفوش والجلسة ما تحلى من دونه ويشبه احمد

      رائد: 13 سنة بأول سنة بالمتوسط طبق الأصل من أخوه رامي

      محمد وحمد: توأم عمرهم 8 سنوات بتالت ابتدائي


      \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\


      بيت ام فايز

      أبو فايز: حامد عمره 40 سنة انسان ما يعرف الجد ابدا حياته كلها مزح × مزح

      أم فايز: أخت أبو فيص وابو احمد عمرها 38 سنة

      فايز: الولد الكبير عمره 21 سنة يدرس طب هو كمان لكن بجدة وصار له نفس فتون بسبب معلوماته وخبرته بأشياءالطب بالواسطة يقدر يدرس ويشتغل بمجاله
      فواز: عمره 18 سنة يدرس ب3 ثانوي علمي ودافور مرا

      فايزة: 15 سنة بتالت متوسط

      فوزية: 13 سنة بأول متوسط

      \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\

      بيت أم فهد

      أبو فهد:عمره 44 سنة انسان هادي وما يطلع له صوت ابد طيب حبوب اتزوج ام فهد وهي صغيرة

      أم فهد: عمرها 35 سنة اتزوجت وعمرها 12 سنة عيالها وعيال اخوانها واختها ابد ما يعتبروها عمتهم او خالتهم يعتبروها وحدة بعمرهم وينادوها بإسمها

      فهد + راما + ميرال:توأم عمرهم 23 سنة
      فهد شخصيته مثل فارس وفراس
      راما وميرال بنات هاديين

      ليلاس: 19 سنة بأول جامعة تدرس علم نفس

      لينا: عمرها 16 سنة بأول ثانوي


      \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\


      البارت الأول


      \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\


      } أيام جات وأيام راحت

      وحقوق الجار ما زالت

      لكن مع مرور الزمن زالت

      وللذكرى هذي الأيام صارت

      لكن مهما كبرنا ومهما أتغيرنا

      هي أيام عشناها زمان {

      \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\

      طلع من الفلة وراح يمشي بحديقة القصر بحسرة والم وندم نزلت دموعه جلسيتذكر كل شي من يوم انولد ألين قبل 5 سنين قبل لا يفترقوا

      حس بأيادي تنحط على أكتافه

      لف عليهم

      فارس وفراس: فيصل هذا صار ماضي المكان صار مهجور له 5 سنين

      فيصل:ياليت أقدر أرجع ورا 5 سنين بس ثواني عشان أتكلم واقول انه الكلام إلي أنقال عن فتون مو صح بسببي أنا القصر دا صار مهجور معد صار فيه روح الفرح والمرح فيه ... كله بسبب غبائي وخوفي منه

      فراس:أخويا حبيبي إنت مالك دخل بالي صار

      فارس:ويلا خلينا نرجع البيت أمي أتصلت تقول أبويا رجع من دوامه

      فيصل صرخ: يا ناس حسوا فيني هنا كل حياتي هنا لمن أول مرة جلست فيها مع احمد وهنا حبيت ندى وهنا لمن محمد وحمد قالوا لي بابا عارف ايش يعني عيال عمك ينادوك بابا؟؟ هنا جلسنا كلنا انا وانت وانت احمد فهد رامي رائد فايز وفواز كلنا كنا نجتمع هنا كنا نضحك مع بعض هنا ونمقلب بعض هنا وهناك لكن الحين ولا شي من دا موجود ابد وكله بسبب اني ما اتكلمت وقلت انه كداب

      صمعوا صوت صفير وتشجيع وسمعوا واحد يتكلم لفوا للصوت ما لقوا احد

      ....: تراك ما جبت شي جديد يا فيصل كلنا نعرف ليش اتفرقت العيلة..

      سمعوا صوت واحد تاني

      ....:وربي يا فيصل انك بريييييييييييء وعلى نياتك انت تحسب ان العايلة اتفرقت عشان انت ما اتكلمت؟؟؟

      وهذا صوت واحد تالت: يا ولد عمي يا تاج فوق راسي ترا الكل كان يعرف ان عمر كداب وما صدقوه لكن العيلة اتفرقت عشان شي تاني...

      والرابع:حاولنا قد ما نقدر نوصل لكم بأي طريقة لكن ما لقينا لكم اي رقم..

      الخامس:فيصل احنا الشباب كل يوم نتجمع هنا ومحنا فاقدين غيركم انتوا الثلاثة

      طلع فهد من ورا الشجرة: إحنا مالنا ذنب بالي صار

      وطلعوا كلهم:ولا انت لك ذنب بالي صار..

      فارس وفراس صرخوا:مززززززززة العيلة هنا؟؟

      فهد:ههههههههههه ايوة انا هنا وراح حضنهم كيفكم اخواني وكيفها امي؟؟

      فارس: والله احنا كلنا تمام وامي والله مو حازنها اكثر منك تقول رضعته وكبرته وفي النهاية يبعد عني

      فهد: يا لبى قلبها والله

      وكلهم يلموا على بعض

      فيصل يطالع فهم واحد واحد: رامي فين أحمد؟؟

      رامي: هه أحمد!!! أحمد يا فيصل صار انسان تاني اتغير مرا...تخيل من الخمس سنين الي راحوا ما شفناه غير اسبوع واحد

      فيصل: ليش إيش إلي تعرفوه وما نعرفه احنا؟؟

      فهد:فيصل تعال انا اقول لك .... أمشوا شباب يلا..

      واخذهم فهد للفلة الي كانت حت ابوه وامه جوا القصر وطلعوا لجناح فهد..

      فيصل: ليش جبتنا هنا؟؟

      رامي: فيصل ترا والله العظيم احنا مو مصدقين دا الشي عمر فبرك الصور

      فهد طلع الظرف الي فيه الصور بتردد:خذ فيصل هذي الصور لكن والله وربي الي خلقني متأكد ان الصور مفبركة

      فايز:فيصل كلنا عارفين مين عمر ومين فتون والله مستحيل نصدق ان فتون تسوي كدا

      فارس راح سحب الظرف من يد فيصل وطلع الصور وشافها هو وفراس:لا كذب مو صحيحة دي الصور

      فراس:أكيد مو صحيحة دي الصور فتون مستحيل تعمل كدا

      فيصل سحب الصور وشافها: حسبي الله ونعم الوكيل

      سكت لأنه سمع صوت جواله يدق

      شاف مين: كأنها حاسة انه فيه شي

      فهد: هذي فتون؟؟

      فيصل أبتسم: إيوة ... ورد عليها: هلا حبيبتي

      فتون:أها طالما اولها هلا حبيبتي انا اسمعك يلا قول ايش فيه؟؟

      فيصل: ومين قال لك انه ف ....

      فتون قاطعته: فيصل الحركات دي خلاص صارت معروفة من زمان حفظتها خلاص يلا قول ايش فيه؟؟

      فايز همس له: قول لها اي شي رقع لها الموضوع

      فيصل: والله يا أختي وضعنا مو عاجبني

      فتون: مع السلامة يا فيصل

      فيصل:فتون دقيقة

      فتون : قلت لك مع السلامة

      فارس سحب منه الجوال: فتون لا تزعلي والله فعلا فيصل متضايق على حالنا

      فتون: أنا اتصلت عشان اقول لكم اني بعد اسبوعين ونص راجعة سلام ... وقفلت بوجهه

      ومسكت كوبها تبع الكابتشينو وجلست تشربه

      مايا:ولك فتون شو بك؟؟

      فتون: ولاشي يا قمر

      جا احمد وصاحبه الوليد:هاي صبايا

      فتون ومايا:أهلين

      الوليد: يلا مايا قومي سريع عشان نلحق نخلص..

      مايا: أوكي يلا لكان انا جاهزة

      الوليد اخذ مايا وراحوا

      واحمد جلس مع فتون

      احمد: حبيبتي في شي؟؟

      فتون من بين اسنانها: أحمد للمرة الأخيرة اقول لك انا مو حبيبتك انا ما حبيت غير ولد عمي <<< ما تدري يا قلبي انه هو ولد عمك

      احمد: اسف بس انتي كمان تذكريني ببنت عمي اسمها اسلوبه كل شي فيكي مثلها فعذريني اذا لساني زل معاكي ... حبيتها من كل قلبي بس بسبب غفلة من الكل ضاعت وضيعت مستقبلها

      فتون:وانت ايش دراك؟؟

      أحمد: مو مهم تعرفي كيف عرفت وقومي يلا ما تبي تشتري هدايا لأهلك؟؟

      فتون: أوكي يلا

      (ببيت أبو فصل)

      أبو فيصل: فين العيال؟؟

      أم فيصل: قالوا لي انهم مع أصحابهم ومو جايين ععلى الغدى

      ابو فيصل: أمممم طيب مو مشكلة ترا فتون راجعة بعد إسبوعين ونص

      أم فيصل: أدري كلمتني


      \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\


      بيت أبو أحمد

      ندى: نهى حبيبتي بسرعة روحي جيبي الشاحن.

      رامي ورائد دخلوا: سيبيكي من الشاحن الحين تعالي نباكي بسرعة وسحبوها غمضوا لها عيونها وطلعوها للحوش وبعدها تركوها ودخلوا البيت بسرعة

      ندى فتحت عيونها وانصدمت

      فيصل: ما اشتقتي لي؟؟

      ندى: فيصل؟؟

      فيصل:يا عيون فيصل

      \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\


      في بيت أبو فايز

      على الغدى

      فواز:إيوة كمان شفنا أصحاب لنا من زمان ما شفناهم تقريبا من كم سنة وسبححان الله قابلناهم بنفس المكان الي كنا نجلس فيه دايم ويا انهم احلوا مرررا صايرين بجد أية بالجمال..

      أبو فايز:فايز أخوك ايش شارب؟؟ههههههههههههه

      فايز:أعذره يا أبويا والله من الوناسة الي فينا مو عارفين ايش نقول هههههههههههههههه

      أم فواز: الله يهنيكم يا رب

      فايزة رفست فايز من تحت الطاولة واشرت له بعيونا بمعنا ايش الموضوع

      وفايز أشر لها بعيونه بعدين اقول لك

      \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\

      بيت ابو فهد

      فهد دخل البيت: أمي ... سوسو يا سحورتي فينك؟؟

      أم فهد: أنا هنا يا فهد بالمطبخ..تعال..

      دخل فهد المطبخ
      وامه حست بأحط يحاوط خصرها:إزيك يا مزة؟؟

      أم فهد طاحت الملعقة من يدها:بسم الله الرحمن الرحيم

      ولفت عليهم لقت اتنين واقفين جنب بعض ومافي اي فرق بينهم: فهد مين هذول؟؟

      فارس: أوووووووووووووه لالالالالالا كدا احنا نزعل صح يا ماي توينز؟؟

      فراس:صح يا حلو

      فارس: تفتكري إلي كانوا يقولوا لك " يا مزتي ليش ولدك طالع مزة زيك؟؟" هههههههههههههههههههه

      أم فهد فرحت: فاري فراس ... وحضنتهم: كيفكم عساكم بخير؟؟

      فارس وفراس: الحمد لله بخير من بعد شوفتك يا مزة

      أم فهد ضربتهم بكتفهم: أعقلوا خلاص انا صرت كبيرة ما يصير تتكلموا معايا كدا

      فارس بإستهبال: قولي والله

      فراس: على أساس ان عمرك 40 سنة؟؟ ترا كلها 34 او 35 سنة يا حلوة

      كلهم:هههههههههههههههههه

      أم فهد: أاه ياليت أيامنا ترجع تاني

      فارس وفراس: بترجع نوعدك انه قبل ما يخلص الشهر نرجع ببيت واحد وقلب واحد بس شهر واحد وكل شي يتصلح...


      \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\



      توقعاتكم

      • إيش رح يصير إذا الأبوان دريوا ان عيالهم يشوفوا بعض؟؟
      • فتون وأحمد إيش بيصير معاهم؟؟ هل بيعرفوا بعض ولالا؟؟
      • فارس وفراس هل بينفذوا كلامهم إليقالوه لأم فهد؟؟
      • وأخر شي عمر مين هو وهل له دور بروايتي ولالا


      أنتظر أرأكم بالبارت وعليها بكمل روايتي يا حلوين
      [/FONT]
      250*300 Second
    2. الكاتبة ساندرا
      17-01-2013, 01:08 AM

      رد: روايتي الأولى:أيام عشناها زمان

      روايتي الأولى:أيام عشناها زمان




      الله يسعدك يارب , بعون الله أكون من مشجعينك ومعك بارت بارت ,

      بس رجائي ملاكي أنو تكملين الرواية لنهاية يالمزيونة .. لأن الاغلبية ينزلون ولا نسمع عنهن ولا عن روايتهن أي خبر ,,

      وبنسبة لعائلة المالكي هادي عائلة ماشاء الله , أسمع أنهم هوامير الله يبارك بيهم يارب ,,

      وبداية موفقة يابنتي , وبإذن الله تطلعي على القضايا لتسهل أو تساعدك بطرحك لروايتك ياقلبي ,,


      https://v.3bir.net/312063/

      الله يسعدك ويرضى عليك يارب ,,

      وأنتظر البارت الجاي =)) ,,



    3. دلوعة أخواني
      17-01-2013, 01:42 AM

      رد: روايتي الأولى:أيام عشناها زمان

      روايتي الأولى:أيام عشناها زمان


      المشاركة الأصلية كتبت بواسطة الكاتبة ساندرا


      الله يسعدك يارب , بعون الله أكون من مشجعينك ومعك بارت بارت ,

      بس رجائي ملاكي أنو تكملين الرواية لنهاية يالمزيونة .. لأن الاغلبية ينزلون ولا نسمع عنهن ولا عن روايتهن أي خبر ,,

      وبنسبة لعائلة المالكي هادي عائلة ماشاء الله , أسمع أنهم هوامير الله يبارك بيهم يارب ,,

      وبداية موفقة يابنتي , وبإذن الله تطلعي على القضايا لتسهل أو تساعدك بطرحك لروايتك ياقلبي ,,


      https://v.3bir.net/312063/

      الله يسعدك ويرضى عليك يارب ,,

      وأنتظر البارت الجاي =)) ,,





      يا هلا والله وغلا بسنودة
      ربي يسعدك ويحفظك يا رب
      أبشري ما طلبتي شي يالغالية بكملها وانزلها بنتظام رح احدد يومين بالأسبوع انزل فيه البارت الجديد
      ربي يسعدك يالغالية انا احترت ايش احط لقب العيلة ولمن شاورت اخواني قالوا لي حطي لقبنا والمالكي هي عيلتي وعيلة ابوا فيصل هذا ابويا واخواني وعيلة عمي صالح حقيقية بس شخصية امهم انا غيرتها بالرواية

      وبالنسبة لمن قلتي بخصوص اطلع من القضايا ما رح اتكلم عنها شوفيها بالبارتات الجاية
      وكمان الرابط الي اعطيتيني هو استفدت منه كثير تسلمي يالغالية

      وان شاء الله وانا اسرد روايتي بحط عند كل موقف حقيقي كتبته بكتب عنده ان هذا الموقف صار حقيقة

      ربي يسلمك غاليتي على ردك الي شجعني واسفة على الإطالة
    4. الكاتبة ساندرا
      17-01-2013, 01:56 AM

      رد: روايتي الأولى:أيام عشناها زمان

      روايتي الأولى:أيام عشناها زمان


      المشاركة الأصلية كتبت بواسطة دلوعة أخواني

      يا هلا والله وغلا بسنودة
      ربي يسعدك ويحفظك يا رب
      أبشري ما طلبتي شي يالغالية بكملها وانزلها بنتظام رح احدد يومين بالأسبوع انزل فيه البارت الجديد
      ربي يسعدك يالغالية انا احترت ايش احط لقب العيلة ولمن شاورت اخواني قالوا لي حطي لقبنا والمالكي هي عيلتي وعيلة ابوا فيصل هذا ابويا واخواني وعيلة عمي صالح حقيقية بس شخصية امهم انا غيرتها بالرواية

      وبالنسبة لمن قلتي بخصوص اطلع من القضايا ما رح اتكلم عنها شوفيها بالبارتات الجاية
      وكمان الرابط الي اعطيتيني هو استفدت منه كثير تسلمي يالغالية

      وان شاء الله وانا اسرد روايتي بحط عند كل موقف حقيقي كتبته بكتب عنده ان هذا الموقف صار حقيقة

      ربي يسلمك غاليتي على ردك الي شجعني واسفة على الإطالة

      ماشاء الله حلو فديت رووحك ياعسسل ,,
      وطالمة أنو بتكون روايتك بها هدف , بعون الله بكون معك أول با أول يالغلا كله ,,
      وحبيت أنو أسماء الابطال موو صعبة أو جديدة زي الروايات ذي ,,

      فديتك بسس ,,
      ^.^
    5. مزمز
      17-01-2013, 01:52 PM

      رد: روايتي الأولى:أيام عشناها زمان

      روايتي الأولى:أيام عشناها زمان


      بداية رووؤوعه
      وموفقة بإذن الله
      يعطيك العافيه وربي يسعدك..


      • إيش رح يصير إذا الأبوان دريوا ان عيالهم يشوفوا بعض؟؟
      رح يعصبون عليهم
      • فتون وأحمد إيش بيصير معاهم؟؟ هل بيعرفوا بعض ولالا؟؟
      مادري
      • فارس وفراس هل بينفذوا كلامهم إليقالوه لأم فهد؟؟
      ايه
      • وأخر شي عمر مين هو وهل له دور بروايتي ولالا
      ايه له دور برويه


    6. دلوعة أخواني
      18-01-2013, 09:47 PM

      رد: روايتي الأولى:أيام عشناها زمان

      روايتي الأولى:أيام عشناها زمان


      المشاركة الأصلية كتبت بواسطة مزمز
      بداية رووؤوعه
      وموفقة بإذن الله
      يعطيك العافيه وربي يسعدك..


      • إيش رح يصير إذا الأبوان دريوا ان عيالهم يشوفوا بعض؟؟
      رح يعصبون عليهم
      • فتون وأحمد إيش بيصير معاهم؟؟ هل بيعرفوا بعض ولالا؟؟
      مادري
      • فارس وفراس هل بينفذوا كلامهم إليقالوه لأم فهد؟؟
      ايه
      • وأخر شي عمر مين هو وهل له دور بروايتي ولالا
      ايه له دور برويه


      يعطيكي العافية يالغالية وتسلمي على الرد الجميل
    7. دلوعة أخواني
      18-01-2013, 09:54 PM

      رد: روايتي الأولى:أيام عشناها زمان

      روايتي الأولى:أيام عشناها زمان


      Part 2
      بكندا
      فتون: أحمد ممكن أتلقف شوية بأمور تخصك؟؟
      أحمد أبتسم لها: أتفضلي أسألي عن كل شي تبي تعرفيه..
      فتون:أمممممم كيف عرفت ان الي ملكت عليها تخونك؟؟
      أحمد:سمعت عنها كلام وجاتني صور لها مع رجال غيري معليش معليش فتون أسألي عن أي شي غير البنت هذي..
      فتون:أممممم طيب انا ما عرفتك غير من شهرين ونص أممممم كم أخ وأخت عندك؟؟؟
      أحمد:إحم بقول لك ترتيبنا... أول واحد أنا وبعدي فيه بنت قدك وبعدها فيه بنت أصغر منها وبعدهم فيه ولدين وبعدهم ولدين تانيين توأم..
      فتون وقفت تفكر(معقولة نفس ترتيب عيال عمي صالح): أحمد إيش إسم أبوك وعيلتك؟؟
      أحمد بإستغراب:إسمي أحمد صالح..
      فتون:ولقبك المالكي صح؟؟
      أحمد لف عليها بسرعة:كيف عرفتي؟؟
      فتون:هه كيف ما أعرف وأنا إلي ضعت بتفكيرك الحقير دا؟؟ عشان شوية كلام وصور تركتني؟؟ للأسف أنا حبيتك وكنت غلطانة..
      أحمد بصدمة:فتوووون؟!!!!!!!!!!!
      فتون:للأسف إيوة أنا فتون بنت عمك ... ولفت عنه مشيت تاركته بحيرته..
      أحمد راح جري ومسكها ولفها له:فتون أستني أبا أفهمك...
      فتون دفته عنها:وخر عني يا ولد عمي يالي كنت حاطتك فوق راسي يالي أوهمت نفسي بإن أهلك هم إلي جبروك إنك تتركني خلاص... خلاص أنتهى كل شي هنا بدا المكان... مشيت وتركته .
      وأحمد واقف مصدوم مو قادر يركز تفكيره على شي..
      بجدة تحديدا بهيفا مول
      فهد: أوووووه ليش أتأخروا؟؟؟
      رامي:أقول فهيدوووه أصبر ترا ملنا غير خمس دقايق جالسين...
      رائد:ونت الصادق يا رامي فهيد ترا إلي يسمعك يقول انه لنا ساعة منتظرينهم..
      فهد شاف رائد أقرب واحد له راح ضربه على راسه:أقول أسكت انت وهو لا ألفعكم دحين وأنكد عليكم يومكم..والله مو مصدف اننا لمينا شملنا خلاص ومو باقي غير أحمد وفتون..
      رامي:فهد ليش ما قلت مليون ريال أهو أحمد يتصل..
      فهد:هههههههههه رد رد ونت ساكت..
      رامي رد على أحمد:ألو هلا أخويا...
      أحمد:رامي تذكر فتون بنت عمي؟؟
      رامي:أكيد أذكرها ترا هذي فتون مو أي أحد بس ليش؟؟؟
      أحمد:طيب تقدر تعرف لي هيا فين؟؟؟
      رامي:إيوة أقدر بس ليش؟؟
      أحمد:إنت أول أعرف لي هيا فين وبعدين أقول لك..
      رامي:أوكي أعطيني 10 دقايق أو ربع ساعة بالكتير وأتصل بك تاني..
      أحمد:أوكي ... وقفل السماعةبوجه رامي..
      فهد:إيش فيه؟؟
      رامي:حن للحبيبة بعد خمس سنين غياب..
      فهد ببرود:ما حن لها..
      ...:السلام عليكم..
      فهد ورامي ورائد:هلا وعليكم السلام..
      رائد:أخيرا جيتوا تفكونا من دا الي كل شويا يصفقنا..
      فيصل:ههههههههه عاش من صفقكم..
      رامي:لا يا شيخ..
      رائد:قول والله..
      فارس:هههههههه لالالا يمزح معاكم ما عاش من لفعكم...
      جو فايز وفواز:السلام عليكم..
      سلموا عليهم وجلسوا
      رامي:ا فيصل فين فتون؟؟؟
      فيصل:فتون مو هنا سافرت للمزايين..
      رائد:يعني إحنا مو عاجبينك؟؟
      فارس:إلا عاجبينه بس هم مزايين وانتوا مزز..
      فراس ضرب كفه بكف فارس:هههههههه صح عليك جبتها..
      رائد:فيصل من جد أتكلم فينها؟؟
      فيصل أبتسم:تذكروا حلمها؟؟ ايش وفين؟؟راحت تحققه..
      فهد مفجوع:تدرس طب؟؟
      رامي:بكندا؟؟
      رائد بهمس محد سمعه:عند أحمد؟؟
      فيصل:إيوة تدرس طب وبكندا
      رامي ورائد طالعوا ببعض وسكتوا..
      بعد ربع ساعة
      رامي:شباب شوية وراجع..
      فيصل:رامي كيف الجو تبعك؟؟
      رامي:ههههههههههههههه دقايق وراجع لك..
      فارس:ههههههههههه رايح يكلمها مو قادر يصبر عنها..
      رامي:لا يا حلو مو رايح أكلمها رايح أكلم واحد يبا مني شغلة وبروح أقول له إيش صار..
      رائد وفهد:خذني معاك..
      رامي أتورط ما يبا أحد يعرف ان فهد سأل عن فتون وبسبب رائد وفهد الكل بيسأل إيش فيه..
      رامي:اأاإإ إنتوا ليش دخلكم؟؟ بروح أكلم الرجال وراجع ماني مطول خليكم خلاص ما يحتاج تجوا..
      فهد:أبا أحرك رجولي شوية خدني معاك..
      رامي:طيب يلا..
      ((في بيت أبو فيصل))
      أبو فيصل نزل للصالة:فين العيال؟؟
      أم فيصل:ما رجعوا لسا..
      أبو فيصل:غريبة مو بالعادة..
      أم فيصل:قالوا لي انهم مع أصحابهم من زمان ما شافوهم..
      أبو فيصل:أمممم طيب الله يرضى عليكي جهزي القهوة والشاهي والحلى بكلمهم يجوا عندنا..
      أم فيصل:طيب من عيوني..
      ((في بيت أبو أحمد))
      ندى:نهى فين محمد وحمد؟؟
      نهى:نايمين حرارتهم مرتفعة مرا حطيت لهم كمادات..
      ندى:الله يستر من يوم ما رجعوا من المستشفى وهم تعبانين..
      نهى:الله يعين..
      ((بيت أبو فايز))
      أبو فايز:فين فايز وفواز؟؟
      أم فايز:خرجوا تاني قبل المغرب..
      أبو فايز:أنا متأكد إن ورا خرجتهم هذي في شي لأن مو عادتهم يخرجوا ويطولوا برا..
      أم فايز:قالوا لي انهم خارجين مع أصحابهم من زمان ما شافوهم..
      أبو فايز:خير إن شاء الله رح اشوف ايش وراهم..
      (( بهيفا مول))
      رامي:فهد إيش أقول لأحمد؟؟
      فهد:هات الجوال..
      رامي:ليش؟؟
      فهد سحب منه الجوال:هات وبس.. كتب رسالة لأحمد أحمد فتون عندك بكندا راحت تدرس طب راحت تحقق حلمها مثلك لكن هي أختلفت عنك هي كاتن ومازالت تستغل كل إجازة برجوعها لبيتها وأهلها أما إنت سافرت 5 سنين ما شفناك خلالها غير اسبوع واحد شفت الفرق الي بينك وبينها؟؟ هي قالت إن أبوياوأمي هم إلي أجبروك انك تتركها ما صدقت انك انت الي تاركها لكن انت من شوية صور مفبركة وكم سؤال تركتها وراك ... أبعد عنها يا أحمد أحسن لك..]
      وأرسلها وبعد ما أترسلت أعطى الجوال لرامي:خذ..
      رامي:إيش سويت؟؟
      فهد:أفتح الرسايل وشوف..
      رامي فتح أخر رسالة أترسلت وأنفجع:الله يخرب بيت إبليسك إيش دا الكلام؟؟؟؟؟؟
      فهد ببرود:هذا الي لازم يصير من زمان..
      رامي:طيب أنا إيش دخلني تورطني أنا؟؟دحين إيش أقول له؟؟
      فهد:أقول أمشي ترا الي ربي كاتبه رح يصير سامع؟؟يلا خلينا نرجع لهم..
      رامي:الله يستر.. يلا...
      ((بكندا عند أحمد))
      أحمد جالس بكوفي شوب مع صاحبه الوليد وسرحان بجواله ينتظر مكالمة رامي..
      قطع عليه سرحانه الوليد:أحمد أنا صاحبك وأخوك وكل شي بالنسبة لك ما تبغا تقول ايش فيك؟؟دوبني العصر سايبك مافي زيك مبسوط ومتهني... دحين تقول قاتل لك واحد أتكلم الله يرحم أهلك..
      أحمد:وليد أنا أتدمرت خلاص... مستحيل تسامحني...
      الوليد:أول شي لا تناديني وليد اسمي الوليد تانيا لا تتكلم ليبالألغاز مين هي الي ما بتسامحك؟؟
      أحمد سمع صوت رسالة توصله على جواله فتحها وقرأها وأنصدم صدمتين... صدمة ان فتون معاه من شهرين وهو ما يعرفها والصدمة التانية من أخوه إلي يقول له ابعد عن فتون:فتون هنا ومعايا طوال الشهرين الي راحوا؟؟
      الوليد:أحمد بسم الله عليك إيش فيك؟؟
      أحمد كل ما أتذكر كلام أخوه نزلت دموعه من غير لا يحس والوليد جالس يحاول فيه انه يتكلم عشان يعرف منه ايش فيه..


      انتهى البارت التاني


      توقعاتكم

      احمد ايش رح يعمل؟؟ رح يترك فتون بحال سبيلها ولا بيحاول يرجعها له؟!!
      الشباب هل حبهم لبعض وترابطهم القوي ببعض رح يتغير ولا رح يقوى اكثر وأكثر؟!!!
      أبو فيصل واخوه وأزواج أخواته هل رح يعرفوا عن عيالهم؟ كيف؟ وايش رح يصير لمن يعرفوا؟

      أنتظروني يوم الإثنين بالبارت الثالث يالغاليين
    8. مزمز
      21-01-2013, 02:12 PM

      رد: روايتي الأولى:أيام عشناها زمان

      روايتي الأولى:أيام عشناها زمان


      رووووعه
      كملي
      يعطيك العافيه يالغلا


      احمد ايش رح يعمل؟؟ رح يترك فتون بحال سبيلها ولا بيحاول يرجعها له؟!!
      رح يحول يرجع له
      الشباب هل حبهم لبعض وترابطهم القوي ببعض رح يتغير ولا رح يقوى اكثر وأكثر؟!!!
      رح يقوى اكثر وأكثر
      أبو فيصل واخوه وأزواج أخواته هل رح يعرفوا عن عيالهم؟ كيف؟ وايش رح يصير لمن يعرفوا؟
      مادري
    9. *مزون شمر*
      21-01-2013, 04:01 PM

      رد: روايتي الأولى:أيام عشناها زمان

      روايتي الأولى:أيام عشناها زمان


      بدايه موفقه
      الله يعطيك العافيه
      استمري متابعين لك ..
    10. دلوعة أخواني
      22-01-2013, 07:00 PM

      رد: روايتي الأولى:أيام عشناها زمان

      روايتي الأولى:أيام عشناها زمان


      أعذروني يالغالين ما قدرت انزل لكم البارت التالت أمس لأنه صارت لي ظروف صحية أعطوني ثلث ساعة اكتب البارت وانزله لكم
    12