اكفان الاوراق

اكفان الاوراق تفتح لا ضوى ليلي
واصير اشرق بها مره واغربها

اقف من الشوق للابيات من حيلي
اصايل القاف م المنسب معربها

صعيبها عند مثلي لك مذاليلي
وكل الحلا يارفيقي في مزاهبها

تلقى بها صافن الامهار من خيلي
ما يلحق الشك باللي لي مجربها

واليوم ياحلو واسمع من مواويلي
غرايب القاف تحلى لي غرايبها

اليا رفعت القوافي عقبها شيلي
كله لخل(ن) دموع العين شاربها

املي لي الكاس من عينن بها سيلي
دموعن على الخد تبني لك مضاربها

بالخير ياللي جدايلها مثاليلي
من شافها ما حمد م الشوف عاقبها

تعيش ياشاربن لاغلى فناجيلي
يا ناتق الروح من واهي مقضابها

ضيعت ف الدرب من عينك دواليلي
وتشقا عيونن لذيذ النوم حاربها

يا كم اغنيك وتشهد لي معاميلي
في ليلة(ن) والقمر بالكبد صايبها

عليك ادلل بيوت القاف تدليلي
ارفع بها الصوت يمك ثم الاعبها

شبيه طفلن سواليفه تعاليلي
يضحك وكفه مع امه حيل قاضبها



منقوله القصيده
 
التعديل الأخير بواسطة المشرف:
عودة
أعلى