الحب خلاك بعيوني نظرها










الحب خلاك بعيوني نظرها


الحب خلاك بعيوني نظرها
***** وإلا انت مثلك مثل غيرك ولا زود

كل البشر .. متشابهه في صورها
***** والفرق بين اخلاقها البيض والسود

يا ما صور غطى حلاها قمرها
***** تغري بمظهرها والاحساس مفقود

والعين مثل الطير حايم بصرها
***** لو ما يغض .. في كل ماشاف مشدود

كم عين .. من سبة نظرها سهرها
***** يغدر بها سهمن من الغير مردود

مثل النفوس اللي يعود سحرها
***** في نحرها ويقولوا الناس محسود

ويا ما صور بالشوف ماتعتبرها
***** لما تعاشرها تغطيك بالجود

مثل البحور اللي نوادر دررها
***** نصيب من يبذل لها كل مجهود

وانظر الى الورده .. وزاكي عطرها
***** هل طيبها في مستوى المسك والعود ؟!

والناس بالأخلاق يعلى ذكرها
***** وإلا الردي ما تنفعه شهرة جدود

إلا كما غيمه بعيدن مطرها
***** يا كود حظه منها برق ورعود

ويا غايتي نفسي .. فداك بعمرها
***** ما كان عشقي لك لجل لمعة خدود

عشقت فيك أوصاف غالي مهرها
***** والقلب يعشق كل غالي ومفنود

لكن اذا نفسي تصغر قدرها
***** كرامتي فدوى لها عيونك السود

شعر : عبدالله صالح العمري
 
التعديل الأخير بواسطة المشرف:

وانظر الى الورده .. وزاكي عطرها
***** هل طيبها في مستوى المسك والعود ؟!

والناس بالأخلاق يعلى ذكرها
***** وإلا الردي ما تنفعه شهرة جدود

قصيده رائعه وابيات جميله
ودووم مبدع ما شاء الله عليك
وتسلم يمينك شاعرنا ويسلم منطوقك
ودام قلمك ودام نبض قلبك
وربي يعطيك ألف عافيه


 
ماشاءالله نص رائع
يستاهل الختم و التثبيت
صح السانك و يدوم مدادك
تقديري لك و لقلمك ...
 
ويا ما صور بالشوف ماتعتبرها
***** لما تعاشرها تغطيك بالجود

مثل البحور اللي نوادر دررها
***** نصيب من يبذل لها كل مجهود

أجدت التعبير و خالقي ..
أبيات من ذهب و معانيها الرنين و البريق ..

تستحق الختم بجدارة يا شاعرنا | "ورده سي:
 
لكل من مر من هنا أو سوف يمر بيض الله وجوهكم

مروركم الكريم شرف وتواصلكم تكريم وتعليقكم شهادة ووسام على صدري

صحت ابدانكم ولا عليكم زود

لكم التحية والتقدير ولا خلا ولا عدم

واسف لعدم تمكني من الردود كلا على حده والسموحة على تقصيري
 
كل البشر .. متشابهه في صورها
***** والفرق بين اخلاقها البيض والسود

يا ما صور غطى حلاها قمرها
***** تغري بمظهرها والاحساس مفقود

نص رائع ومعاني أروع
قصيده مميزه بحق ، بوح جدا مميز
كل شطر أجمل من الاخر
إحساس راقي جدا
صح لسانك وعلا شانك على هالمقطوعه
يعطيك ألف عافيه أخوي
خالص الود
 
لكل من مر من هنا أو سوف يمر
***************************

تفداكم عيوني وتفداكم الروح
***** ياللي على منشوري اتحطوا اعجاب
تعليقكم والراي .. من غير ما بوح
***** يظفي على حرفي من الفخر جلباب
وانا لكم عمرت في قلبي صروح
***** حب وغلا من وسطه الشوق ينساب
ورضا خواطركم .. لي امال وطموح
***** واذا رضيتوا .. للفرح تفتح ابواب

=****** مروركم شرف وتعليقكم اضافة لكم محبتي وتقديري وشهادتكم وسام على صدري
 
عودة
أعلى