12

مشاركتي في المسابقه .. الشغاله السفاحه .

اجمل نكت مضحكة - اضحك على سوالف الشباب والبنات
  • ارسال إلى Twitter
  • ارسال إلى facebook
  • ارسال إلى google plus
    1. أروى
      03-01-2013, 01:42 AM

      مشاركتي في المسابقه .. الشغاله السفاحه .

      مشاركتي في المسابقه .. الشغاله السفاحه .


      السلام عليكم ورحمة الله وبركاته .

      اسعد الله أوقاتكم حيث ماكنتم ..

      مشاركتي هي قصه واقعيه وليست من نسج الخيال ..

      في البدايه بذكر اسرتي بشكل عام ..

      جدي وهو والد امي حفظه الله ورعاه اسمه يحيي
      وجدتي والدة امي حفظه الله ورعها اسمها نوره




      المهم جدي وجدتي تزوجو وجابو 4 عيال و5 بنات ..
      زوجو عيالهم كلهم الا الصغيراسمه عبد العزيز ..هو اصغر خوالي ويقارب عمره 28 .. الإ اللان لم يزوج وكلن يحن فوق راسه تزوج بس يقول ماعندي وظيفه ..

      المهم بماذكرة خوالي متزوجين وخلاتي وجابو احفاد الي انا وحده منهم ..


      يوم الخميس لبد من اجتماع العائله في بيت جدي .
      (جدي وجدتي وعيالهم واحفاهم )

      تذكرون على وقت مقتل تاله من الشغاله الأندنوسيه في ينبع طبعا مثل هذا الحدث جلسنا شهر كل خميس نفتح السالفه ونفصفص القضيه فصفصه .
      ونتحسب على الشغالات . الله يقطعهك .


      مره من المرات يوم الخميس كنا فاتحين الموضوع وكان بعد برنامج داود الشريان يوم يستقبل العائله والشغاله .

      وكان المغرب وتعرفون قهوة المغرب وحريم مجتمعات وانواع الحلى وكل وحده تتفنن واضن 5 ترامز قهوه و5 شاهي .
      المهم وحنا جالسين نتقهوى ومشاء الله المجلس كبير ومليان ونتناقش في القضيه .
      الي تقول . انها خلاص بيذبحونها .
      والي تقول لا يقلون بنظر في القضيه .
      والي تقول انها كانت ناويه ترميها في البحر .
      والي تقول جايتها رسالة smsm
      وتعرفون مجالس الحريم كلن يقاطع الثاني وكل وحده كلامها الصح .
      المهم وحنا خلاص متحمسين في السالفه ..


      (جاك الموت يتارك الصلاة )


      مادرينا الا شغالة جدتي داخله ومعها الساطور .. ومتجه لجدتي في وسط المجلس .
      طبعا هينا حنا انهرنا وصراخ والكل وقف وجدتي يابعدي خمت نفسها ومسكته ارضها .
      صرنا نوطي الفانجل ووالحلى والزمزميه الشاهي والقهوه كلهن منكبات
      طبعا حنا واقفين ولا واقفين .. صكتنا أم الركبه .
      مسكنا الشغاله على طول واخذنا الساطور من ايدها وحده بغت تتهور وتذبحها بس الحمد الله على طول اخذنها من يدها ..

      حنا على طول راح تفكرنا انها تبي تذبح جدتي أو أي احد ولا وشوله جايبه الساطور معها .
      السطور مايطلع الا في عيد الأضحى لتقطيع اللحلم .


      في وسط الزحمه سمعنا ضحكه من جايه من اخر المجلس ضحكت خالي عبد العزيز .
      حنا وقفنا وصنمنا ليش يضحك هذا مجنون الشغاله تبي تذبح امه وهذا يضحك من الضحك موقادر يوقف على حيله .. ( على مايقلون ميت من الضحك )



      وهو يضحك ويضحك ويضحك . يقول مقلب مقلب

      طبعا حنا هينا ماندري وش نسوي نمسك الساطور ونذبحه ولا وش نسوي فيه .
      هذا صاحي يسوي المقلب وكيف سواه .. اليوم مقلب وبكرى تمسك في راس الشغاله وتسويها صدق .
      عاد يوم هدينا وجلسنا .

      يقول خالي عبد العزيز :

      كل خميس ادخل عليكم وماعندكم الا السالفه هذي مليت من سواليفكم , يوم شفتكم المره هذي متحمسين اكثر من الخميس الي فات جات في بالي الفكره هذي رحت للمطبخ على أني اشرب ماء يوم شفت الشغاله عطتها الساطور قلتلها روحي لماما نوره وعطيها السطور الحين بسرعه ماما تبيه بسرعه روحي , وانا جالس اراقبكم من بعيد .

      عاد بعد هذا المقلب جلسنا شهر محد يكلمه زعلانين .. وجدتي سفرة الشغاله قالت الحين تركب في راسها وتسويها وخاصه الضحى مافي البيت الا انا وياه والله تذبحن وتهج .


      الفائده : المزح شي حلو ويضحك ويغير جو لكن لبد الحذر من أنواع المزح الثقيل الي قد يسبب جريمه يعني من فضل ربي علينا قدرنا نسيطر على والوضع وقدرنا ناخذ من الساطور من ايد المتهوره ولا كان (داود الشريان قابلنا ليش ذبحتو الشغاله )..

      اتمنى اني قدرت اعيشكم في جو القصه مو مهم افوز في القصه لكن المهم ابعدو عن المزح الثقيل منه الحين جدتي جالسه بدون شغاله .


      وختما : اسأل الله التوفقيق لكم في الدنياء والاخيرة .. والله الله جت الأختبارات شدو حلكم
      في الأختبارات يكرم المرء أو يهان .







      250*300 Second
    2. ضحكة مزيفة
      03-01-2013, 01:53 AM

      رد: مشاركتي في المسابقه .. الشغاله السفاحه .

      مشاركتي في المسابقه .. الشغاله السفاحه .


      طرح رائع يالله ان شاء الله تفوزي
      اممم ايوا الله غير ممكن جريمه وممكن له اثر في قلب الواحد
      تسلمي ياقلبي
      تحياتي
    3. روح مشرقة
      03-01-2013, 02:26 AM

      رد: مشاركتي في المسابقه .. الشغاله السفاحه .

      مشاركتي في المسابقه .. الشغاله السفاحه .


      وعليكم السسلام ورحمةة اللهه وبرككاتةة
      الله يسسعدك عالقصه الحلوة
      :)
      وسردك ولاروع
      مششكورة وفالك التوفيق دوم يارب
    4. صادقة الود
      03-01-2013, 02:33 AM

      رد: مشاركتي في المسابقه .. الشغاله السفاحه .

      مشاركتي في المسابقه .. الشغاله السفاحه .


      ههههههه
      القصه روعه وخالك يبيبله تديريب ع مزح

      موقف لاتحسدون عليه
      الله يعطيك العافيه ع الطرح
      امين وويوفقك يارب
      ودي
    5. حكايه أمل
      03-01-2013, 02:37 AM

      رد: مشاركتي في المسابقه .. الشغاله السفاحه .

      مشاركتي في المسابقه .. الشغاله السفاحه .


      قصتك روعه والله
      والله يخليكم ويخلي خالك اللي روحه حلوة كتير
      ربنا يسعدك ويهنيك
    6. وزير السلطان
      03-01-2013, 06:11 AM

      رد: مشاركتي في المسابقه .. الشغاله السفاحه .

      مشاركتي في المسابقه .. الشغاله السفاحه .


      عليكم السلام ورحمة الله وبركاته:
      قصه ذكرتني بنفس الموقف اللي صار مع أحد الزملاء..بالضبط
      تلاقوني كتبتها هنا
      #394

      مشكوره ولاهنتي ع السرد...يسعدك ربي
    7. " EEZ AL7RBI "
      03-01-2013, 06:37 AM

      رد: مشاركتي في المسابقه .. الشغاله السفاحه .

      مشاركتي في المسابقه .. الشغاله السفاحه .


      قصه قميله موفقه #_#
    8. بلاك شدو
      03-01-2013, 08:18 AM

      رد: مشاركتي في المسابقه .. الشغاله السفاحه .

      مشاركتي في المسابقه .. الشغاله السفاحه .


      ههههههههههههههههههههههههههههه
      نفسس هذي القصصةة جايبينها ببرؤدكاسست
      يعطيكك العافيةة موفقةة
    9. ليـــــــــــــــن
      03-01-2013, 09:05 AM

      رد: مشاركتي في المسابقه .. الشغاله السفاحه .

      مشاركتي في المسابقه .. الشغاله السفاحه .


      حلوة كتير قصتك
      المزح مش دايما منيح
      الحمدلله انكم سيطرتوا ع الوضع كان قتلتوها ورحتو فيها
      يسلموووووو يا حلوة
    10. قناديل الأمل
      03-01-2013, 12:29 PM

      رد: مشاركتي في المسابقه .. الشغاله السفاحه .

      مشاركتي في المسابقه .. الشغاله السفاحه .


      هههههههههههههههههه
      عاد زوجوا خالج الظاهر انو بعد يومين هو اللي يشيل الساطور مو الخدأمه
      الحمدد لله احنا مفتكين من الخدامات
      نتعب ارواحنا ولا نموتها
      ربي يسعدج خيتي
      قصه قميله
    12