تويت
يسعدلي اوقاتكم وكل أيامكم حبايبي
اليوم سويت كشري وانا قبل فتره سويته وصورته وقلت اسدحه لكم فيذا
لإنو سهل وطعمه خطير
يلا نجي للمقادير والطريقه سوا
أول شي :
نغسل كوب من الأرز وننقعه ف ماء حار ..
و كمان نغسل ربع كوب من عدس ابو جبه ونسلقه ف مويا وملح نص إستواء ونصفيه من المويا
هنا بعد ما سلقته وصفيته من المويا
ف نفس الوقت نحمس اربع لفائف من الشعيريه لحد ما تشقر شوي نفس تسذا
وبعدها نسلق كوب من المكرونه ف مويا وملح وبعد ما تنضج نصفيها ..
ووقت ما المكرونه تستوي نقطع بصلتين صغار ونحمرهم ف سمن او زيت لحد ما يحمر زين نفس تسذا او اغمق من هيك
ونضيف ع البصل كمون وفلفل اسود وملح ولا تكثرون من الملح لإنو العدس والمكرونه فيها ملح
ثم نضيف له مويا تكفي لنضج لأرز ونضيف العدس والشعيريه والارز ونخليهم ع نار متوسطه لحد ما تقل المويا ونقصر النار
عشان يستوي الارز على رواق ..
ووقت ما الارز يطبخ نقطع بصل جوانح ونقليه ف زيت غزير ونسوي الصوص اللي عباره عن :
بصلتين نقطعهم لأرباع نحمرهم ف ملعقتين زيت ونضيف لهم 3 حبات طماطم مقطعه لأرباع وملعقه معجون طماطم وشوي ملح وبهارات
وبياله مويا ونخليهم يتسبكوا على نار هاديه ربع ساعه وبعدها نخليها تبرد ونخلطها ف الخلاط وبس
ألحين نسكب الكشري اول شي الارز ثم المكرونه ثم الصوص ثم البصل المقلي ..
وهذي الصوره للي سويته اليوم
و هالصوره للي سويته قبل
وبس
إحم وشسمه هالمره حطيت إسمي وإسم المنتدى ع الصور لإني قبل كم يوم كنت افرفر ف النت
ولقيت واحد من مواضيعي و أغلب المواضيع اللي ف مطبخ عبير ف منتدى تاني
بدون ما يكتبون إنه منقول وتسذا وحز ف خاطري هالشي يعني انا اتعب واصور ويجي غيري يلطش الموضوع وينزله
بدون ما يبين إن هالموضوع منقول لإنو أقل حقوقي انا كعضوه لما احد ينسخ موضوعي او شي من هالقبيل يكتب
إنو منقول مو بس نسخ ولصق وإنتهينا ف قلت من اليوم ورايح أي شي بنزله بيكون فيه إسمي او إسم عبير حفظا للحقوق ..
يسعدكم ربي حبايب ألبي .."
..
تعليق