هذي هي الدنيا حظوظ وتوافيق - سعود الحافي

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. وزير السلطان
      12-12-2012, 11:32 PM

      هذي هي الدنيا حظوظ وتوافيـق - سعود الحافي

      هذي هي الدنيا حظوظ وتوافيق - سعود الحافي


      هذي هي الدنيا حظوظ وتوافيق
      .اما وطاك الحظ ولا وطيته

      تعيش في غيبوبه الوقت وتفيق
      .شي تذكرته وشي نسيته

      بس الوكاد انه بعد نشفت الريق
      .مالك سوا بنيانك الي بنيته

      والظيق كل انسان به هم به ظيق
      .ولاكل واحد يسألك به طريته

      السد خله دايما فالصناديق
      .منشان ماتصدم بشي هقيته

      والحب لعبه حظ بين العشاشيق
      .اما نحته نحت ولا محيته

      وتبي الصحيح الي عليه المواثيق
      .الحب حلق شاربي لالقيته

      والطيب فعل وله دروب وطواريق
      .وسوه لوجه الله لامن نويته

      وفعلن مهو لك لاتلفقه تلفيق
      .الحق يظهره الزمن لو كميته

      كم واحدن صيته بروس الشواهيق
      .ولاتسرك سمعته لانصيته

      وكم واحدن ماسمعته سمعت طويق
      .لكن يقوم بواجبك لانخيته

      والي يحمل طاقتك فوق ما اتطيق
      .الي يلومك خبل لو ماعطيته

      ياكثر مامروا علي المطافيق
      .وانا الخطا من يمهم مابديته

      لو كنت ادقق في خطا الناس تدقيق
      .ماكان حب الناس فزت وخذيته

      كم مطلبن حاولت اسوقه ولاسيق
      .حاولت به لكن عجزت وجفيته

      واضك همي ضك يين المعاليق
      .خله مدام ان المعاليق بيته

      الرزق عند الله رب المخاليق
      .ماهو مخيب رجوتك لارجيته


      الشاعر/سعود الحافي
      250*300 Second
    2. قرين الليل
      13-12-2012, 05:34 PM

      رد: هذي هي الدنيا حظوظ وتوافيـق - سعود الحافي

      هذي هي الدنيا حظوظ وتوافيق - سعود الحافي


      صح لسان الشاعر

      و يسلم ذوقك و المشاعر

      قصيدة جزلة فيها من العبر المفيدة

      لا هنت أخوي بدر

      شكرا لك و بكل الود
      تحياتي
    3. "اقدار"
      14-12-2012, 06:24 AM

      رد: هذي هي الدنيا حظوظ وتوافيـق - سعود الحافي

      هذي هي الدنيا حظوظ وتوافيق - سعود الحافي




      والطيب فعل وله دروب وطواريق
      وسوه لوجه الله لامن نويته
      وفعلن مهو لك لاتلفقه تلفيق
      الحق يظهره الزمن لو كميته
      كم واحدن صيته بروس الشواهيق
      .ولاتسرك سمعته لانصيته
      وكم واحدن ماسمعته سمعت طويق
      .لكن يقوم بواجبك لانخيته

      قصيده في غاية الجمال
      وتسلم يمين شاعرها ولا هان ناقلها
      وراقت لي جميع ابياتها
      ومشكور على ذووقك في الانتقاء
      وتسلم الايادي ويعطيك العافيه