ايه حبيتك ((واقعيه))

الشعر, قصيدة , شعراء, القصايد ارسال إلى Twitter ارسال إلى facebook
  1. مسعود القحطاني
    09-11-2012, 04:45 PM

    ايه حبيتك ((واقعيه))

    ايه حبيتك ((واقعيه))


    ايه حبيتك من ضمن العفيفات يا عفيفه
    حبيتك وحبيت الوضع اللي صعيب اختلافه
    ايه حبيتك من ضمن اللطيفات يا لطيفه
    حبيتك وحبيت قلبك اللي عجبني باللطافة
    عشقت الهوى لجل الثرى وعشقت مواليفه
    مواليف الهوى واجد والهوى له أفه
    عشقت العتب لجل التعب وكسر مجاديفه
    وعشقت الحب لجل القلب واطرافه
    سمعت بحاله الحب وسمعت بتوصيفه
    ثم لقيت اوصاف غيره تفرق عن اوصافه
    اقتنعت ان عذاب القلب هو حب السخيفه
    وان اللي مثلها حرام فيه قوله حسافه
    تدرين وش اسباب ضيقه قلبي وتخويفه
    هو موت الحبيبه اللي حسبت انه سخافه
    سمعت الخبر واحسبه كذبه وانها طريفه
    لقيتها صدق وعذب القلب طول انشغافه
    يا ناس ماتت وانتهى اللي بديت تأليفه
    وانتهى الحلم وابتدا الهم فوق اكتافه
    اذا تضايق قلبي يا ناس خلوه كيفه
    يمكن ضيقه موت الحبيبه ومنه انتكافه
    توي دريت ان ضيقتي ما هي خفيفه
    وان ضيقه قلب غيري اكبر مخافه
    لقيت بالزمن ناس في الشرف شريفه
    وصدق من سماهم للشرف اشرافه
    بديت احس ان الحياه قدامي صارت ضعيفه
    واني قمت اعد كل غلطه بظرافه
    ياليت الاه تشفي حراره القلب الاليفه
    وتخمد النار وتشعلها بقلب اللقافه
    بعد موته وين ما رحت اتخيل طيفه
    احسه بين عيوني وتعذبني كل اطيافه
    بعد موته احس دنياي صرت مثل الحسيفه
    مالها معنى ولا فيها من السعاده اضافه
    بعد موته كن قلبي يتزايد دايم نزيفه
    وكن قلبي عطاه من الحب ضيافه
    يا قلبي ما عليك من الحب كليفه
    خلاص راحت عند ربها من دون كلافه
    جمرات الصدر شبت ولهفت اقوى لهيفه
    والوقت الاول عن صدري نساه وطافه
    قلبي كل ليله يتذكرها يتمنى وقتها توقيفه
    وكل ليله يتذكرها يتمنى فيها اوقافه
    في عز موتها كل الدموع صارت ذريفه
    انا واخوها وامها دموعنا ذرافه
    وابوها واختها وعمها دموعهم صفيفه
    والاحقاد ما بكوا وقالوا شيء تافه
    تدرون ويش الدمع عندنا وويش تعريفه
    هو حزن ينزل من العين من دون اعترافه
    اخر بيت اقوله واسمعيها يا شفيفه
    اسمعيها زين وانتي بالقبر شفافه
    بديت احس ان الحياه قدامي صارت ضعيفه
    واني قمت اعد كل غلطه بظرافه
  2. "فيلسوف زماني"
    09-11-2012, 05:09 PM

    رد: ايه حبيتك ((واقعيه))

    ايه حبيتك ((واقعيه))


    صح لسانك وعلا شانك
    يامسعود القحطاني

    وننتظر جديدك

    وتقييم ماشي 220
    ع القصيده

    اخوك (فهد)
  3. b-33
    09-11-2012, 05:49 PM

    رد: ايه حبيتك ((واقعيه))

    ايه حبيتك ((واقعيه))


    الله يرحمها و يسكنها الفردوس الأعلى
    ويجمعك فيها بالجنان ويصبر قلبك وقلب احبابها
    على فراقها..
    صح لسانك و نزف قلمك الحزين..
    ودي
  4. مسعود القحطاني
    09-11-2012, 05:55 PM

    رد: ايه حبيتك ((واقعيه))

    ايه حبيتك ((واقعيه))


    صح ابدانكم جميع وما قصرتوا فديتكم على هالاطراء اللهم امين
  5. "اقدار"
    09-11-2012, 09:37 PM

    رد: ايه حبيتك ((واقعيه))

    ايه حبيتك ((واقعيه))



    اخر بيت اقوله واسمعيها يا شفيفه
    اسمعيها زين وانتي بالقبر شفافه
    بديت احس ان الحياه قدامي صارت ضعيفه
    واني قمت اعد كل غلطه بظرافه
    قصيده في غاية الجمال
    وراقت لي جميع ابياتها
    دام قلمك ودام نبض قلبك
    تسلم الايادي ويعطيك العافيه

  6. زهور و عطور
    20-11-2012, 02:06 PM

    رد: ايه حبيتك ((واقعيه))

    ايه حبيتك ((واقعيه))


    اه كم هي حزينة قصيدتك يا اخي فهي تدمي القلوب
    تاثرنا لذلك فكيف لا تبكي من الشروق الى الغروب

    وهذا قضاء الله وقدره فليلهمك السلوان والصبر
    ولا احد يخلد في هذه الدنيا كلنا نوارى في القبر

    ورغم الحزن المخيم على الخاطرة الا انها جميلة
    احتوت بين طياتها الحس العميق والاخلاق النبيلة
  7. سوسو الكايده
    24-11-2012, 04:00 AM

    رد: ايه حبيتك ((واقعيه))

    ايه حبيتك ((واقعيه))


    الله يرحمها ويغمدها واسع رحمته
    ويجمعك فيعا في جنة الفردوس الاعلى يارب
    صح اللسانك لتهنت وننتظر جديد ك
    (☆ تقبل مروري ((