زهر السنين


( زهر السنين )

حبيبي جفت عيوني .. سهر .. والليل ما هو ليل
***** حذفته .. من حسابات العمر ما عاد يعنيني

وش احسب فيه .. ولقانا .. حلم ما بان له تاويل
***** يا غير الموعد اللي به .. تموتني .. وتحييني
[نبت في عارضي زهر السنين وشكل الاكليل
***** وفي وجهي نقوشات الدهر تسرق تلاويني

ولا عاد الضيا ذاك الضيا واشراقة القنديل
***** بدا يجف السقا وسط العروق وتحرق سنيني

وانا رغم العطش كلي على شانك (فرات) (ونيل )
***** عطا ما ينضب إلا يوم .. كف الموت يطويني

ولكن .. كل ما مر الخيال وفاض بيا الكيل
***** تثور العاطفه واتخيلك جنبي تواسيني

على كتفي يربت كف عذرك والدموع تسيل
***** يصب من الغلا فنجان شوق وذاب ثلثيني

واسولف لك واغني لك واشم من الكلام الهيل
***** يفوح من الشعور اللي سكبته في شرايني

واحس اني انا وانته على صهوة سبوق الخيل
***** هربنا من زنازين العنا وايديك بيديني

عرجنا فوق هامات السحايب و(الجدي) (وسهيل )
***** بعالم سرمدي ياليت منه ما تصحيني

عبدالله صالح العمر ي]
 

ولكن .. كل ما مر الخيال وفاض بيا الكيل
***** تثور العاطفه واتخيلك جنبي تواسيني
على كتفي يربت كف عذرك والدموع تسيل
***** يصب من الغلا فنجان شوق وذاب ثلثيني
قصيده في غاية الجمال وأبيات رائعه
تسلم يمينك وراقت لي جميع ابياتها
ودام قلمك ودام نبض قلبك
ويعطيك ألف عافيه أخوي


 
أحتار في انتقاء العبارات التي تليق بأبياتك
أأثني شعرا أم نثرا ولكنك ألجمت حرفي
وأوقفت سيلا من كلماتي على ضفاف نهر يجري
من شلالات أحرفك العذبه
متميز ماجاد به بوحك
كل الشكر والتقدير لتواجدك هنا
فأحرفك فعلا تستحق الثناء
خالص الود
 
عودة
أعلى