البنات ازهار محتاجه مطر

نسيم الشمال

Well-known member
البنات ازهار محتاجه مطر
أبدي بذكر الولي رب الأنام
الإله الواحد اللي ما ينام
عز شانه لا يضيم ولا يضام
عالم غيب الليالي المقبلات




أسألك يا رب تصلح بالنا
نخلص النية بكل أعمالنا
واتهدي للحق كل عيالنا
نحفظ القران وفروض الصلاة





هات يا هاجوس واكتب يا قلم
قصة تحكي من الواقع ألم
من عواقبها قليل اللي سلم
قصة التحنان ب**** البنات





البنات أزهار محتاجة مطر
لأرتوت بالحب من عذب القطر
فاح من وجدانها أغلى عطر
روضة يزهر بها زين النبات





بس والله مشكلة بعض الأسر
في تعاملها فضاضة مع عسر
يكسرون قليب ها الدرة كسر
كن ما للبنت حق مطالبات





إن بغت حاجة محد لبالها
حتى لو إن الغرض من مالها
مالقت منهو يجيب أشغالها
حتى لو جابوا بعضها ناقصات





يعني لو حبت تروح المكتبة
قالوا إن البنت هذي متعبة
وحلفوا لا لا تعدين اعتبة
مالها داعي تروح المكتبات





وإن بغت ها السوق والله مشكلة
معضلة يا كبرها من معضلة
من يوديها يحل المسألة
الخبير اللي يحل المشكلات





لو تبي تزور [URL="http://www.tabarjalcity.com/vb/showthread.php?t=64532"]البنات [/URL]أصحابها
أو تبي تعزم بنات أقرابها
كان يكثر لومها واعتابها
والحقوق تضيع في ودي وهات





لو تبي تعزم على حفلة عرس
جاوبوا ممنوع باسلوب شرس
توك صغيرة وجاهل يا فرس
عيب ما يصلح تروحي مناسبات





يعني لو كانه تعكر صفوها
مالقت منهو يغير جوها
لا أبوها لا أخوها لا امها
كلهم لاهين عنها في الحياة





مشكلة لا ما لقت صدر حنون
العطوف اللي على قلبه تمون
تشتكي له عن هواجيس وظنون
تقضي الأوقات في هم وشتات





يقعد الشيطان يلعب لعبته
يدري الملعون هذي فرصته
لين يغويها وتسمع كلمته
تتبعه وتصير ضمن الغاويات





والبدايل عندها يا كثرها
ما تميز خيرها من شرها
والرقيبة غافل ما مرها
تارك أبواب الدخول مشرعات





الفضا والنت والهاتف بعد
عندها الشيطان للحلوة قعد
يعطي الكذاب للفرحة وعد
لين تغرقها بحور الأمنيات





بنت محتاجة تبي صدر رحيب
ودها تلقى لها قلب حبيب
يمكن تلاقي لضيقتها طبيب
راحت تدور بكل أربع جهات





جرهالمركب على بحر الهوى
وأبحرت بالحب والقلب انكوى
والحبيب اللي لصيدتهانوى
افترسها فالوعود الكاذبات





لأنها بنية وتملك عاطفة
عاطفتها في المحبة جارفة
تدخل الساحة ولاهي خايفة
ثم تاكلها الذياب الجايعات





كل هذا من سبب تهميشها
والحياة اللي جحود تعيشها
وردة ذبلت سبب تعطيشها
لين هزتها رياح المغريات





بعدهذاسمعواياهل العقول
كلمة مني ولا ابغاها تطول
علها ف****كم تلقى قبول
الله الله يا هلي بالمترفات





احفظوا للبنت كل حقوقها
واحتووها واسمعوا منطوقها
واكسبوا كل الثقة في ذوقها
عاتبوها بالحروف اللينات





والنصيحة يا بيوت المسلمين
اعتنوا بالتربية دنيا ودين
بالبنات اخشوا إله العالمين
كان تبغون [URL="http://www.tabarjalcity.com/vb/showthread.php?t=64532"]البنات [/URL]الصالحات





تمت وصلوا على الهادي البشير
السراج اللي على الأمة ينير
النبي اللي على هديه نسير
عد ايات الكتاب البينات
 
  • Like
التفاعلات: b-33
نعم كلامك صحيح
احنا البنات لازم ندلل ههههههه-مزحة-

على العموم كل الشكر لطرح الجميل
*سلمت يداك
تقبل مروري
 
نعم كلامك صحيح
احنا البنات لازم ندلل ههههههه-مزحة-

على العموم كل الشكر لطرح الجميل
*سلمت يداك
تقبل مروري
انشهد تستاهلن كل خيييييييير
واللشكرك على مرورك ومتابعتك لمواضيعي
تحياتي الخاصه لك
 


صح اللسانك أخوي
كلمات فاقت الابداع
يعجز لساني عن وصف ابداعك
وقلمي يحتار في كلمات لشكرك
اقف اجلا لا واحتراما لك ولابداعك وارفع قبعتي لشكرك
تقبل مروري وتحياتي / خورافيه


** خورافيه مرت من هنا **
 
عودة
أعلى