عهدي بها قدام تلبس عبايه

الشعر, قصيدة , شعراء, القصايد ارسال إلى Twitter ارسال إلى facebook
  1. eeh.la
    29-09-2012, 05:22 AM

    عهدي بها قدام تلبس عبايه

    عهدي بها قدام تلبس عبايه


    عهدي بها قدام تلبس عبايه
    وانا بعد قبل البس شماغ وعقال

    طفلين نتهجى حروف الكتابه
    الله يامجمل سواليف الاطفال

    كانت لنا في كل شارع حكايه
    وكنا نقول علوم ماهيب تنقال

    وكنت اتقاسم مامعاها معايه
    من ( عسكريم ) التوت ل(العلك) بو ريال

    وكانت بعكسي شاطره بالقرايه
    تقرأ جزء عم وطه والأنفال

    وانا لك الله من مواري غبايه
    مدري ابو نقطه هو الذال او الدال

    وكانت لابويه تشتكي من شقايه
    وتعلمه كيف اربط الباب بحبال

    ياما على ظهري كسر من عصايه
    يقول لي : خلك وانا ابوك رجال

    وامي تقول : ادع لولدك الهدايه
    خوفي يصيبه كثرة الضرب بهبال

    لا شفتها مع اول الدرب جايه
    مدري انا اللي ملت والا الوطا مال

    أحس قلبي يرتجف في حشايه
    ماكنه الا الضيف لا هز فنجال

    ياما عن ( السعلي ) تخبت ورايه
    لا خوفوها فيه ثم شافت ظلال

    تقول خلك يا(.......) معايه
    واستانس العب عندها دور الابطال

    واغار حتى من عيون اصدقايه
    لاطالعوها قلت تكفووووون ياعيال




    من اجمل ما كتب الشاعر الكبير محمد النفيعي
  2. *مزون شمر*
    29-09-2012, 07:06 PM

    رد: عهدي بها قدام تلبس عبايه

    عهدي بها قدام تلبس عبايه


    صح السان الشاعر
    طبتي و طاب منقولك ..