الفرق بين البنت والولد في كل شي 2

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. جوجو العسولة
    24-08-2012, 04:40 AM

    الفرق بين البنت والولد في كل شي 2

    الفرق بين البنت والولد في كل شي 2


    *********************************************** ***
    الفرق بين البنات والولاد وهما بيغشوا فى الامتحان:
    1: بسسسس بسسسس

    2: منفضة o_o

    1: ردي يا حيوانة

    2: يادكتور لو سمحت البنت دي عمالة تندهلي ومش عارفة أركز..

    ..
    .

    ..
    .

    لكن الولاد:

    1: هات 2x3 يابرنس (يعني الجزء رقم 2 في السؤال التالت)

    2: خد في البرشامة دي؛ وهات 1x4 بقي

    1: لأ دا كبير يامعلم هات ورقتك أكتبهولك ^_^

    ************************************************** **

    ************************************************** ****


    اولا :- عايز تركب


    طبعا وانتا بتوقف الميكروباص وياسلام لو مافيش مكان

    لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

    انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك



    ثانيا :- بعد ما طلعت

    طبعا وانتا طالع كتير مننا ممكن يخبط راسه في الباب

    طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
    تلاقي اللي ممكن يقوم يضرب السواق

    انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا .... تستاهل شوف كنت بتبص فين والكلام دا طبعا



    ثالثا :- بتقفل الباب

    وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو


    طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

    وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل



    .... ولو قفلت الباب بالجامد بقا

    لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

    انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب




    رابعا :- التليفون

    طبعا ممكن يجيلك تليفون وانتا قاعد في الميكروباص

    لو انتي بنت وانتي بتقولي الو ياسلام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل معفن ياسلام ع التواضع

    انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه


    لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل


    طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

    انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه




    خامسا :- عايز ينزل

    طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره

    طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات


    انما بقا البنت يادوب كل اللي هاتعمله انها توشوش نفسها على جنب وكأنها بتكلم نفسها
    هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش ؟؟؟

    ************************************************** **********************
    عربيه البنت
    b m w

    1: تفتح باب العربيه تلاقى ريحه برفان مش عارفين طالعه منين

    2: تلاقى العربيه مليانه دباديب متعرفش تتحرك من كترها

    3: وتلاقى على شنطه العربيه مكتوب miss you او i love you

    4: تدور العربيه تلاقى صوت جميييييييييييييل

    5: تبدا السواقه وتمشى بحذر على سرعه 60 كيلو

    6: تشغل الكاست شريك akonالجديد

    7: لو العربيه جرالها حاجه تقف على طول وجرى على التوكيل علشان تصلحها

    8: تروح فى اخر النهار تركن العربيه وتغطيها


    عربيه الولد
    128

    1: تفتح باب العربيه ده لو لقيته اصلا ولو يعنى لقيته هيتخلع اول مايتفتح واول ماتدخل
    تلاقى ريحه تمام وسرسوب هوا مش عارف جاى منين اتارى السقف اصلا مش موجود

    2: تلاقى العربيه مليانه زباله عصير سجاير او اتزنق مره قال يفك كده يعنى

    3: تلاقى بقا على شنطه العربيه مكتوب عليها حموكشه البرنس او الضفدع المجنون او ب 3 جنيه وممنوع الفصال حاجات كده غريبه

    4: تدور العربيه بتلميس السلكين وهتلاقى صوت قنبله زريه يخوف اللى ف الشارع

    5: وتبدا السواقه اخيرا ويمشى على سرعه 180 كيلو وماشى يخبط فى مخاليق ربنا

    6: يشغل الكاست شريط بعرور او عبد الباسط حموده

    7: لو الكاوتش فرقع ف الطريق يفضل ماشى عادى بقا ..... ياعم الكوتش فرقع .....لا برضه اهو عند وخلاص

    8: وبعد ما يقتنع ان الكوتش فرقع يروح يصلحه عند الواد بليه .... حسونه الجن وممكن يحط اى كوتش عادى برضه

    9: يروح اخيرا ويسيب العربيه فى نص الشارع ويغطيها بكيس بلاستيك
    او مش مهم تتغطى

    *********************************************
    ***** *****

    يتبع

    https://v.3bir.net/306399/
  2. مزيونه وكيوت
    24-08-2012, 04:47 AM

    رد: الفرق بين البنت والولد في كلشي 2

    الفرق بين البنت والولد في كل شي 2


    ههههههههههههههههههههه
    يسلمووووو على الموضوع القشطه الي مثلج
  3. جوجو العسولة
    24-08-2012, 04:50 AM

    رد: الفرق بين البنت والولد في كلشي 2

    الفرق بين البنت والولد في كل شي 2


    دووووووم الضحكة يارب


    الله يسلمك ياقلبي

    وشكرا على المرور العطر