يحاسبون انفسهم اول ثم يجون يحاسبوني

اه ياكبر الفضا صار ضيق في عيوني
والطعون اللي من ايدين البشر مايرحموني
ياربوعي لو تعرفون الظروف اللي امرها
كان ماجيتوا وشفتوني اضيق وتسألوني
في بشر قدام عيني تضحك وليه تبسم
اثرهم لتبديت اغيب راحوا ينهشوني
سامح الله كل من الف سواليف وحكاوي
وبالاخص اللي من العيله وناسن يقربوني
لاخطيت وصرت ابعثر ماضي الاخطا بيديني
كلهم قاموا على شان الخطايا عايروني
لو بهم خيرن ترا والله ماعابوا لي زله
يحاسبون انفسهم اول ثم يجون يحاسبوني
الثقه في وسط قلبي والقناعه راس مالي
سامحوني؟؟ ماهمني..جعلهم مايسامحوني
ماحكيت الا وانا حكيي منمق بالصراحه
وماشع ت الا وانا في شعري الصادق جنوني
شاعرة وافخر وانا ماهمني بعض السفاهه
الكلام اللي يقولونه فراغ بوسع كوني
لابارك الله في قرايب تحسب الزله عليه
مايملي فم ابن ادم الا التراب وصدقوني
ولو بهم خيرن ترى والله ماعابوا لي زله
يحاسبون انفسهم اول ثم يجون يحاسبوني

ق/الشاعره تووتا
 
  • Like
التفاعلات: b-33
ياربوعي لو تعرفون الظروف اللي امرها
كان ماجيتوا وشفتوني اضيق وتسألوني
في بشر قدام عيني تضحك وليه تبسم
اثرهم لتبديت اغيب راحوا ينهشوني
سامح الله كل من الف سواليف وحكاوي
وبالاخص اللي من العيله وناسن يقربوني//




صح لسانك شاعرتنا المميزة

انا أشهد كل ما قلتي صحيح
الله يهدي الجميع


شكرا لك
وكل عام وأنتي بخير
 
عودة
أعلى