أبشرك!!..

الشعر, قصيدة , شعراء, القصايد ارسال إلى Twitter ارسال إلى facebook
  1. عاتبوني بغلاهم
    17-08-2012, 12:05 AM

    أبشــــــــركــ!!..

    أبشرك!!..


    جريت طاروقك وحبيت اجاريك
    وجاريتني وغيرت طرقا لقصيده

    وابشرك من يوم خليت مغليك
    بدعت لعيونك قصيده جديده

    موضوعها ؟… ماني بذاكر خوافيك
    يوم اوضحتلي فالظروف الشديده

    وتعبيرها ؟ …. لا تطرد اللي مجافيك
    وعاند .. ليا شفت الاوادم عنيده

    يعني قبل لا اجيك ((بالخير امسيك))
    اشعل غرورك وافعل اللي تريده

    ولاتحسبني يوم تقفي ابدعيك
    لا والله ان هقوتك مني بعيده


    تدري وش اللي ردني ما اناديك
    نفس" تقول (الذل نار" وقيده)

    ابدفن المعنى وابغبن معاديك
    ولا تلتفت يمناك …. والدرب سيده

    واحذر .. تحدد وين وجهة مساريك
    دامك وحيد" ما عرف من عضيده

    هاك الكلام الصدق والله يعافيك
    كلام" اصدق من كلام الجريده

    ومن شان .. تصرفلي .. ليا احتجتلك ..شيك
    ((بنك الوفا )) لازم تزود رصيده

    الا على طاري الوفا لازم اوفيك
    يوم الوفا ذا الوقت خصله فريده

    صح ما نسيتك .. غير ماني بناصيك
    هذي الصراحه والعلوم الوكيده

    تبغى السبب؟ لا قلت ماني بناسيك !
    لانك مدرسني دروس" مفيده

    ودرس الغدر .. خلاني .. اقفي ولا اجيك
    واقوللك مشكور ((فرصه سعيده ))

    راقت لي..
  2. مجنونة فيلسوف
    17-08-2012, 12:12 AM

    رد: أبشــــــــركــ!!..

    أبشرك!!..


    يسلموووووووو
    صح لسانك
    كلمات مره رائعه
    عوافي حبيبتي
  3. السحاااااااااااب
    17-08-2012, 12:24 AM

    رد: أبشــــــــركــ!!..

    أبشرك!!..


    طرح رائع يعطيك العافيه تقبلي ودي
  4. غرور شمس
    17-08-2012, 12:36 AM

    رد: أبشــــــــركــ!!..

    أبشرك!!..


    وراق لي كثيرا
    سلمت يمناك على الانتقاء رائع
    تحياتي
  5. حلم االسنين
    17-08-2012, 12:41 AM

    رد: أبشــــــــركــ!!..

    أبشرك!!..


    هاك الكلام الصدق والله يعافيك
    كلام" اصدق من كلام الجريده

    ومن شان .. تصرفلي .. ليا احتجتلك ..شيك
    ((بنك الوفا )) لازم تزود رصيده


    صح احساسك الرايع ف زمن كثر فيه الخداع والزيف
  6. قرين الليل
    17-08-2012, 06:48 PM

    رد: أبشــــــــركــ!!..

    أبشرك!!..


    وابشرك من يوم خليت مغليك
    بدعت لعيونك قصيده جديده

    موضوعها ؟… ماني بذاكر خوافيك
    يوم اوضحتلي فالظروف الشديده

    وتعبيرها ؟ …. لا تطرد اللي مجافيك
    وعاند .. ليا شفت الاوادم عنيده//



    عاتبوني بغلاهم

    راقت لي كما راقت لك

    شكرا على ذوقك الراقي

    تحياتي لك