تويتريات / ليلية

الحالة
مغلق و غير مفتوح للمزيد من الردود.
ماكان عندي شي اغلى من الروح
ولا كنت احب احد كثر روحي
وعرفت ان الروح ترخص لاجل روح
روحن غلاها زاد عن حب روحي.."
 
النوم حلم تطرده لهفة الشوق
والوجد ب عروقي يخاويه دمي
واليوم مثل البارح غروب وشروق
لمي ثمار العمر يا روح لمي
إما زماني ساقني للشقا سوق
أو زادني هم على غير همي
 
مثلك قليل .. و .. نادر.. لا عدمناك
م ع ذوره أنا لو ما اتخير بدالك ..
بك فرق مثل الشمس عن باقي الأفلاك
يا حظ .. منهو .. لاتضايق .. عنا لك !
ما تجتمع ب إنسان واحد ~ مزاياك ~
يا جامع .. كل .. المعالي ل حالك .."
 
اتعب علي الطيب ترى رفقته عز
وإلا ألردي مافاد نفسه يفيدك
الصاحب اللي لا لمح جيتك فز
هذا الذي لازم تعده عضيدك !!
 
انت الغلا وسط الحشا ماتغير
حبك بنى في خافقي له بساتين
ياليت من شافك علينا مسير
ونكون لك مادمت كل العناوين
وياك مهما طال وقتي قصير
وهذي سوات الوقت ويا المحبين
كبير في عيني وكوني صغير
ومكانتك عندي توازي الملايين.."
 
في القلب قصر للغلا وأنت بانيه
حراسه أشواقي و طيبة ظنوني

أظن بك ظن الوفا وأنت راعيه
ياللي طيوفك في الغياب إسكنوني
 
إنتظرتك !!
وانت لاحس وخبر ..
جت ساعه ثم ساعه .. حتى طيفك / ماظهر !

يعني راضي ..؟؟؟

هذا حالي كل ليلة !!

لابغيت أرتاح بعدك .. أحضن جروحي وانام ؟!
 
أبسألك حبيبي كيف أقدر أرتاح وأنام
وبين الشهيق وزفرة الشوق قصه
شفها جروحي لابدى وقت الأحلام
تأخذ لها في مسرح الحلم رقصه .."
 
أغلى القصيد أقدمه لجل عينيك
وأهدي لك من بحور الأشعار دره
وأصوغ عذب أبيات شعري لترضيك
ياللي يمين أيسر كتوفي مقره
من بد كل الناس يا خلي أغليك
ومشاعري على الغلا مستمره
 
يا ساكن هالقلب والروح

أحبك ,, لا تقول شلون

كثر ما تغيرت أحوالي

كثر ما جيت في بالي

خيالك يرسم البسمه على شفاهي

وياخذني إلى اخر مدى في الكون .."
 
ما دمت تضحك والسعادة تباريك
فأنا سعيد ولا يهمك مكاني
وإذا حزنت وضاعوا اللي حواليك
تلقاني بجنبك وكلي تفاني
اشيل عنك هموم وقتك وأواسيك
وإذا فرحت أفرح وقلبي يعاني
هذي صفات اللي يعزك ويغليك
والعمر مهما طال يبقى ثواني.."
 
ك رواية مليئة بالحب و #الإشتياق أقرئك حتى يداهمني النعاس وأضع قلبي فيك ولك ومعك حتى أستيقظ و أكمل حكاية هذياني بك…
 
فاحت ورود الشوق من قلب مغليك
تحضن مشاعر خاطرك في حياتك
ارتاح لك و ارتاح لأسمك و طاريك
و احب همسات الغلا في كلامك
 
اكبر جريمة ..ترتكبها في حق قلبك.,

حين تحلم بشيء .. أنت ادرى الناس بأنه لن يكون لك يوم
وتستمر في طريقك ب إصرار مميت .,
وأنت تعلم يقينا .. بأن هذا الطريق لن يوصلك إلا إلى .. جدار.,
تستند عليه .. وتبكي حلمك عجزا
 
تعال نكسر حاجز الصمت ونبوح
مادام صب الليل كاسه لنا ضيق
ونقول كل اللي تخبى ورى جروح
يمكن بعدها نشرب الصبح ونفيق.."
 
الحالة
مغلق و غير مفتوح للمزيد من الردود.
عودة
أعلى