قصيدة في انتظارك - سعد علوش

ديوان الشاعر سعد علوش الهاجري ارسال إلى Twitter ارسال إلى facebook
  1. *مزون شمر*
    24-07-2012, 01:17 AM

    قصيدة في انتظارك - سعد علوش

    قصيدة في انتظارك - سعد علوش


    كل حاجه يانبيله في انتظارك ..
    الوطن .. والناس .. وانا في انتظارك ..

    والطريق العام .. والباب الرئيسي .. والممر .. وقبضة السلم ودارك

    كل ابونا يانبيله بانتظارك ..

    \

    لو تشوفيني شلون امشي ويديني في جيبي .. انا و أحزاني وطيبي
    كان ماخذتي قرارك ..
    كان مارحتي وقلتي ترى .. مانت بحبيبي

    \

    ياخساره قلبي المظلوم والا يا انتصارك ..
    رحتي واخذتي معاك ابسط تفاصيل الحياة

    يامزعلة البنات .. سحقا لكل البنات ..
    انا ميت فيك .. ايش ميت فيك .. !! انتي فيك حتى الموت مات

    \
    ياجنونك .. يانتشارك ..
    مري بشارعك الاول ي الغلا الاول .. وطوفي بس / شوفي
    من وقف على عيونه في انتظارك

    من بعد ماخنتي وخانوا كثير احباب يوفي
    هم هم رابطه جمهورك المتعصب لطله نهارك

    انا .. وطيور القفص .. والباب واشجارك .. وجارك

    انتي ام الحسن ..وام العاطفه ..وحنا صغارك
    فلا تلومينا اليامنا وقفنا بانتظارك ..

    \

    اطغي .. اطغي .. خلي الغابات تتسلف خضارك ..
    بس تترك اصفرارك ل ابتسامات المجامل ولوقارك
    واتركي لعشاقك الموتى حمارك .. او بالاحرى احمرارك

    \

    لاتلومينا مجانينك .. نحبك

    لا طغيتي .. لازعلتي .. لاحكيتي .. لامشيتي

    انتي مسكينه ومظلومه .. ومعذوره ..لامنك نسيتي
    لانك انتي اللي فقط ماشفتي نفسك لاحكيتي
    لانك انتي اللي فقط ماشفتي نفسك ليا مشيتي

    \

    يادمارك
    ياوقوف العالم الثالث على شرفة زرارك
    مادريتي ؟ !!
    طيب ادري يانبيله كانك اليا الحين فعلا مادريتي

    انتي اكبر مشكله تواجه الشعب الكويتي
    انتي مثل ايران واسرائيل بس انتي لئيمه
    هم طبيعتهم عدائيين بس انتي رحيمه
    مابدر منك جريمة ..
    انتي بالفطرة بدون سلاح ومقاتل جريمة

    وانا بالفطره .. احبك ياعظيمه

    بذبولك .. وانصهارك .. وازدهارك .

    يانبيله ..
    انا حاليا ترى ماني [سعيد] غايب وروحي /جوارك

    ماعرف للعيد يوم ... وماعرف لليوم عيد
    انقذيني .. كل ماوزني نقص حبك يزيد
    انقذيني .. صرت اكلم نفسي ونفسي تعيد

    \

    كنا اول في انتظارك
    انا وطيور القفص والباب واشجارك وجارك
    كلهم راحوا وملوا ..
    كلهم راحووا وخلوني لحالي .. في انتظارك

    انا حاليا وحيد .. انا حاليا معيد .. لامزيد ولاجديد

    الا اني اسولف مع الاخ انتظارك
    عند دارك

    على كرسي انتظارك اجلس انا وانتظارك في انتظارك

    ..
  2. *بسمة أمل*
    30-07-2012, 10:08 AM

    رد: قصيدة في انتظارك - سعد علوش

    قصيدة في انتظارك - سعد علوش


    قصيده في غاية الجمال
    وتسلم يمين الشاعر ودام نبض قلبه
    وجميع ابياتها رائعه وراق لي

    كل حاجه يانبيله في انتظارك ..
    الوطن .. والناس .. وانا في انتظارك ..

    والطريق العام .. والباب الرئيسي .. والممر .. وقبضة السلم ودارك

    كل ابونا يانبيله بانتظارك ..

    مشكوره اخت مزون ما قصرتي
    ودووم مبدعه في طرح كل ما هو جميل
    دووم العافيه يا رب تحيات وتقدير
    اختك عزة نفس
  3. ساهرت اليالي
    30-07-2012, 10:37 AM

    رد: قصيدة في انتظارك - سعد علوش

    قصيدة في انتظارك - سعد علوش


    تسلمي
  4. المريسي
    09-09-2015, 09:58 AM

    رد: قصيدة في انتظارك - سعد علوش

    قصيدة في انتظارك - سعد علوش


    شكرا عالكلمات

    تحياتي